Nağd pul və valyuta sahəsində aparıcı nəşr olan “Currency News”un iyul sayında Azərbaycanın təkmilləşdirilmiş 100 manatlıq əskinasla bağlı məqalə dərc olunub. “Azərbaycanın Təkmilləşdirilmiş 100 Manatı: İqtisadiyyatın və İnkişafın Milli İfadəsi” sərlövhəli məqalədə yeni əskinasın dizaynı, konsepsiyası və müasir mühafizə xüsusiyyətləri haqqında ətraflı məlumat verilir. Nəşr “Müstəqil Azərbaycan” konsepsiyası çərçivəsində hazırlanmış 100 manatlıq əskinasın əsas mövzusunun “İqtisadiyyat və inkişaf” olduğunu diqqətə çatdırıb. Əskinasın bədii tərtibatı Azərbaycanın iqtisadi inkişafını, texnoloji tərəqqisini, qlobal iqtisadiyyata inteqrasiyasını əks etdirir.
Məqalədə yenilənmiş 100 manatlıq əskinasda qabaqcıl mühafizə texnologiyalarının tətbiqinə də xüsusi diqqət yetirilib. Bildirilir ki, yeni dizaynda saxtakarlığa qarşı müdafiəni gücləndirmək üçün müasir təhlükəsizlik elementlərindən istifadə edilib. Azərbaycan Mərkəzi Bankının (AMB) baş direktoru Rəşad Məmmədov “Currency News”a açıqlamasında milli valyutanın məzənnəsinin davamlı olaraq yaxşılaşdırılmasına xüsusi önəm verildiyini bildirib.
"Təkmilləşdirilmiş 100 manatlıq milli əskinas qabaqcıl mühafizə texnologiyaları və müasir dizayn həllərinin tətbiqi ilə yenilənmiş 100 manatlıq milli əskinasın müasir vizual identikliyini gücləndirmək öhdəliyimizi əks etdirir", - Məmmədov bildirib. Beynəlxalq təcrübədə yeni dizayna və ən son mühafizə elementlərinə malik olan 100 manatlıq kağız əskinasın təkmilləşdirilmiş variantı 2026-cı il iyulun 15-dən dövriyyədədir. Təkmilləşdirilmiş 100 manatlıq əskinasın üzərində AMB sədri Taleh Kazımovun imzası öz əksini tapıb.
Mənbə: https://www.trend.az/business/4215969.html © 2026 Trend İnformasiya Agentliyi.
Xülasə — davamını mənbədə oxuyun.
