Sentyabrın 3-də Azərbaycan Respublikasının Prezidenti İlham Əliyev ATƏT Parlament Assambleyasının Prezidenti Pere Joan Pons Sampietro-yu qəbul edib.
ATƏT-in sahəsində mövcud münaqişələrdən birinin həll edildiyini və regionda davamlı sülhün təmin edildiyini qeyd edən Joan Pons Sampietro bu baxımdan Prezident İlham Əliyevi Azərbaycan və Ermənistan arasında sülh gündəliyində əldə olunan nailiyyətlər üçün təbrik edib.
Azərbaycan Prezidenti təbriklərə görə minnətdarlığını bildirərək təəssüflə vurğulayıb ki, 30 ilə yaxın münaqişənin həlli üçün məsuliyyət daşıyan ATƏT-in Minsk qrupu danışıqlar prosesində heç bir nəticə əldə edə bilməyib və Ermənistan qüvvələrinin Azərbaycan ərazilərindən dərhal və şərtsiz çıxarılmasını tələb edən BMT Təhlükəsizlik Şurasının qətnamələrinin icra olunmadığını vurğulayıb.
Prezident İlham Əliyev bildirib ki, Azərbaycanın özü münaqişəyə hərbi və siyasi vasitələrlə son qoyub, öz ərazi bütövlüyünü və suverenliyini bərpa edib.
Görüş zamanı tərəflər Azərbaycanın ATƏT Parlament Assambleyası ilə əlaqələrindən və siyasi dialoqdan məmnun olduqlarını, digər Avropa parlament qurumlarından fərqli olaraq, bəyan ediblər.
Görüşdə ATƏT Parlament Assambleyasının gündəliyində ATƏT-in bütün sahəsinə qarşı balanslı yanaşma nümayiş etdirilməsinin vacibliyi vurğulanıb.
Xülasə — davamını mənbədə oxuyun.
