Azərbaycan Respublikasının Prezidenti İlham Əliyev və Ermənistan Respublikasının Baş naziri Nikol Paşinyan Vaşinqton Sülh Sammitinin mühüm nəticələrindən biri olan Beynəlxalq Sülh və Rifah üçün Tramp Marşrutunun (TRIPP) həyata keçirilməsi ilə bağlı gələcək praktiki addımları müzakirə etdilər və TRIPP boyunca birləşdirici layihələrin əhəmiyyətini vurğuladılar. Bu, Azərbaycan Respublikasının Prezidenti İlham Əliyev və Ermənistan Respublikasının Baş naziri Nikol Paşinyan arasında Bişkekdə keçirilən görüşlə bağlı mətbuata bəyanatında əksini tapıb. “Liderlər parlamentarilərin və vətəndaş cəmiyyəti nümayəndələrinin iştirakı ilə etimadın möhkəmləndirilməsinə xidmət edən təmasları müsbət qiymətləndirib, onların qarşılıqlı etimadın möhkəmləndirilməsinə və daha geniş sülh gündəliyinin dəstəklənməsinə töhfələrini qeyd ediblər”, - bəyanatda deyilir.
Bundan başqa, Prezident İlham Əliyev və Baş nazir Nikol Paşinyan birbaşa ikitərəfli əlaqələr vasitəsilə davamlı sülhün daha da möhkəmləndirilməsi, dövlətlərarası münasibətlərin normallaşmasının inkişafı və əlaqələrin gücləndirilməsi istiqamətində addımları davam etdirmək barədə razılığa gəliblər. Mənbə: https://www.trend.az/azerbaijan/politics/4219198.html © 2026 Trend İnformasiya Agentliyi.
Xülasə — davamını mənbədə oxuyun.
