Prezident İlham Əliyev Ukrayna Prezidenti Vladimir Zelenskiyə təbrik məktubu ünvanlayıb. Ukraynanın müstəqilliyinin 35-ci ildönümü münasibətilə Sizi və Sizin simanızda dost Ukrayna xalqını öz adımdan və Azərbaycan xalqı adından səmimi qəlbdən təbrik edirəm və ən xoş arzularımı yetirirəm. Zəngin ənənələrə malik Azərbaycan-Ukrayna dostluq münasibətlərinin hazırkı səviyyəsi məmnunluq doğurur.
Siyasi dialoqumuz, yüksək səviyyəli qarşılıqlı səfərlərimiz, iqtisadi və humanitar sahələrdə əməkdaşlıq strateji tərəfdaşlığımızın mühüm aspektləridir. Enerji sahəsində uzun illər davam edən səmərəli əməkdaşlığımızı xüsusilə qeyd etmək istərdim. Bu ilin aprelində Azərbaycana işgüzar səfərinizin nəticələrini və görüşümüzü yüksək qiymətləndirirəm.
Şübhəsiz ki, mütəmadi görüşlərimiz, təmaslarımız, ölkələrimizin ərazi bütövlüyü və suverenliyi ilə bağlı məsələlərdə qarşılıqlı dəstəyimiz dövlətlərarası münasibətlərin möhkəmlənməsinə töhfə verən əsas amillərdəndir. Yüksək səviyyədə fəal dialoqun mövcudluğu müxtəlif sahələrdə, xüsusilə ticarət və iqtisadiyyat, humanitar sahələr, kənd təsərrüfatı, investisiyalar və digər sahələrdə əməkdaşlığımızın dərinləşməsi üçün əlverişli zəmin yaradır. Biz dost Ukrayna xalqına gələcəkdə də humanitar yardım göstərməyə davam edəcəyik.
Əminəm ki, biz Azərbaycan-Ukrayna dostluq münasibətlərinin xalqlarımızın rifahı naminə möhkəmləndirilməsi üçün bundan sonra da birgə səylər göstərəcəyik. Bu bayram günündə Sizə möhkəm cansağlığı və xoşbəxtlik, dost Ukrayna xalqına sülh, əmin-amanlıq və firavanlıq arzulayıram”, - məktubda deyilir.
Çox xərc çəkmir, amma diqqətinizə dəyər. Açıq, müstəqil, keyfiyyətli jurnalistikanı dəstəkləməyi seçin və aylıq abunə olun. Onlayn qəzetimizə abunə olmaqla siz bütün xəbərlərə, təhlillərə və daha çox şeylərə tam rəqəmsal giriş əldə edə bilərsiniz.
AzerNEWS-i Twitter @AzerNewsAz və ya Facebook @AzerNewsNewspaper sosial şəbəkələrində də izləyə bilərsiniz
Xülasə — davamını mənbədə oxuyun.
