Belarus Respublikasının Prezidenti Aleksandr Lukaşenko Azərbaycan Respublikasının Birinci vitse-prezidenti Mehriban Əliyevaya ad günü münasibətilə təbrik məktubu ünvanlayıb. Doğum gününüz münasibətilə səmimi təbriklərimi qəbul edin. Sizin Azərbaycana vətənpərvərliyiniz və fədakar xidmətiniz, ölkənin inkişafının əsas sahələrinə diqqət və töhfəniz dərin hörmət və ehtiram hissi doğurur.
Belarusda biz sizin Minsk və Bakı arasında strateji tərəfdaşlığın möhkəmlənməsinə, o cümlədən etimad və qarşılıqlı anlaşma mühitinin möhkəmləndirilməsinə verdiyiniz töhfəni yüksək qiymətləndiririk. Bizim münasibətlərimiz haqlı olaraq əsl dostluq nümunəsinə çevrilmişdir. Əminəm ki, səmərəli fəaliyyətiniz bundan sonra da açıq və konstruktiv dialoq şəraitində birgə layihələrin həyata keçirilməsinə, Belarus və Azərbaycan arasında əməkdaşlığın daha da genişlənməsinə kömək edəcəkdir.
Hörmətli Mehriban Arifovna, Sizə səmimi qəlbdən möhkəm cansağlığı, firavanlıq və yeni nailiyyətlər qazanmağınızda uğurlar arzulayıram", - məktubda deyilir. Mənbə: https://www.trend.az/azerbaijan/politics/4217958.html © 2026 Trend News Agency.
Xülasə — davamını mənbədə oxuyun.
