Trend-in xüsusi müxbiri xəbər verir ki, Rusiya prezidenti Vladimir Putin BMT-nin fəaliyyətinin səmərəliliyini artırmaq üçün səy göstərmək lazımdır. Bunu prezident Putin Bişkekdə “ŞƏT Plus” toplantısında çıxışı zamanı deyib. Onun sözlərinə görə, BMT-nin potensialı tam reallaşmamış kimi görünür və onun fəaliyyətinin effektivliyini artırmaq, Qlobal Cənub və Şərq ölkələrini də daxil etməklə onun orqanlarının, o cümlədən Təhlükəsizlik Şurasında təmsilçiliyini genişləndirmək, ümumilikdə dəyişən reallıqlara və qlobal siyasətdə və iqtisadiyyatda formalaşan fundamental dəyişikliklərə uyğunlaşmaq üçün səy göstərmək vacibdir.
Bu proses obyektivdir və düzünü desək, hamının artıq başa düşdüyü kimi, dönməzdir. Bir çox dövlətlər öz müqəddəratlarını təyin etməyə, qanuni maraqlarını ən qətiyyətlə müdafiə etməyə, beynəlxalq məsələlərdə fəal iştirak etməyə çalışırlar. Bunu nəzərə alaraq, BMT-nin birləşdirici və konstruktiv səylərinə böyük tələbat var”, - deyə Putin əlavə edib.
Rusiya Federasiyasının Prezidenti vurğuladı ki, Birləşmiş Millətlər Təşkilatı, şübhəsiz ki, maraqların uzlaşdırılmasının əsas mexanizmi kimi öz rolunu saxlamalıdır. Və təbii ki, hər hansı bir ölkənin və ya bir qrup dövlətin maraqlarını müdafiə edən təşkilat ola bilməz. Yenə deyirəm: BMT, şübhəsiz ki, maraqların uzlaşdırılmasının əsas mexanizmi olaraq qalmalıdır, yalnız ona görə ki, dünyada başqa belə mexanizm yoxdur.
BMT Nizamnaməsi beynəlxalq hüququn əsas mənbəyi olmağa davam etməlidir. Aydındır ki, Birləşmiş Millətlər Təşkilatı ilə yanaşı, Asiya, Afrika və Latın Amerikasında yaranan və güclənən yeni çoxtərəfli regional strukturlar da çoxqütblü dünyanın arxitekturasına üzvi şəkildə inteqrasiya olunub. Belə strukturlardan biri də məhz bizim Şanxay Əməkdaşlıq Təşkilatıdır”.
Mənbə: https://www.trend.az/world/russia/4219542.html © 2026 Trend İnformasiya Agentliyi.
Xülasə — davamını mənbədə oxuyun.
