Qazaxıstanın Mülki Aviasiya Administrasiyası ilə ölkənin Nəqliyyat Qəzaları və İnsidentlərinin Araşdırılması Mərkəzi Anlaşma Memorandumu (Anlaşma Memorandumu) imzalayıb, bu barədə ölkənin Nəqliyyat Nazirliyi məlumat yayıb. Ölkənin Nəqliyyat Nazirliyindən verilən məlumata görə, sənədi Qazaxıstan Mülki Aviasiya Administrasiyasının baş icraçı direktoru Mixael Daniel və Nəqliyyat Qəzaları və İnsidentlərinin Araşdırılması Mərkəzinin İdarə Heyətinin sədri Darxan Katışev imzalayıblar. Memorandum əməkdaşlığın gücləndirilməsi, Qazaxıstan Mülki Aviasiya Administrasiyası ilə Mərkəzin aviasiya qəzaları və insidentlərinin araşdırılmasında rol və məsuliyyətlərinin müəyyənləşdirilməsi, uçuşların təhlükəsizliyinin artırılması və aviasiya qəzaları və insidentlərinin araşdırılması üzrə milli sistemin təkmilləşdirilməsi məqsədi daşıyır.
“Memorandum təşkilatlar arasında uzunmüddətli əməkdaşlığın inkişaf etdirilməsi, müntəzəm məlumat və təcrübə mübadiləsi, eləcə də Tərəflərin hər birinin səlahiyyətlərinə aid olan təşkilati və prosedur məsələlərinin əlaqələndirilməsini nəzərdə tutur”, - nazirlikdən bildirilib. Əməkdaşlığın əsas istiqamətlərindən biri Beynəlxalq Mülki Aviasiya haqqında Konvensiyaya 13 və 19 nömrəli Əlavələrin müddəaları da daxil olmaqla Beynəlxalq Mülki Aviasiya Təşkilatının (ICAO) Standartlarına və Tövsiyə Edilən Təcrübələrinə uyğun olaraq aviasiya qəzaları və insidentlərinin təhqiqatı üzrə milli sistemin təkmilləşdirilməsi olacaq. Anlaşma Memorandumu çərçivəsində tərəflər məlumat və analitik materialların mübadiləsi, qanunvericiliyin və mövcud prosedurların təkmilləşdirilməsi, təşkilatlararası əməkdaşlıq mexanizmlərinin işlənib hazırlanması, habelə aviasiya hadisələrinin araşdırılması və qəzaların qarşısının alınması sahəsində qabaqcıl beynəlxalq təcrübənin tətbiqi üzrə əməkdaşlıq edəcəklər.
Memorandum həmçinin ICAO tədbirlərinə və auditlərinə, o cümlədən ICAO-nun Universal Təhlükəsizliyə Nəzarət Audit Proqramı - Davamlı Monitorinq Yanaşığı (USOAP CMA) üçün birgə hazırlıqları nəzərdə tutur. "Memorandumun mühüm prinsipi Qazaxıstan Mülki Aviasiya Administrasiyası ilə Nəqliyyat Qəzaları və İnsidentlərinin Araşdırılması Mərkəzi arasında aviasiya qəzaları və insidentlərinin araşdırılması zamanı vəzifə və səlahiyyətlərin dəqiq müəyyənləşdirilməsidir", - nazirlik bildirib. Nazirlik əlavə edib ki, əldə olunmuş razılaşmaların həyata keçirilməsi ilə informasiya və peşəkar təcrübə mübadiləsinin gücləndirilməsi, risk faktorlarının müəyyən edilməsi və qarşısının alınmasının effektivliyinin artırılması, uçuş təhlükəsizliyi üzrə beynəlxalq standartların və qabaqcıl təcrübələrin daha da tətbiqi nəzərdə tutulur.
Mənbə: https://www.trend.az/casia/kazakhstan/4219503.html © 2026 Trend İnformasiya Agentliyi.
Xülasə — davamını mənbədə oxuyun.
