Qırğızıstan Prezidenti Sadır Japarov yaranmaqda olan çoxqütblü dünya düzənində Birləşmiş Millətlər Təşkilatının mərkəzi rolunun gücləndirilməsinə çağırıb, Trend-in xüsusi müxbiri xəbər verir. Prezident bunu Bişkekdə keçirilən ŞƏT-in Plyus toplantısında çıxışı zamanı deyib. Sadır Japarovun sözlərinə görə, Qırğızıstan çoxqütblülüyünü müxtəlif inkişaf yollarına, mədəniyyətlərə və ənənələrə hörmət etməklə qlobal problemlərin həllində iştirak edən dövlətlərin dairəsinin genişləndirilməsi kimi qiymətləndirir.
"Bizim üçün ədalətin əsas meyarı hər bir dövlətin səsini nəzərə almaq və beynəlxalq normaların hamıya bərabər və ciddi şəkildə tətbiq olunmasını təmin etməkdir. Məhz buna görə də Qırğız Respublikası qəti şəkildə əmindir ki, Birləşmiş Millətlər Təşkilatı formalaşmaqda olan çoxqütblü dünyanın nüvəsində qalmalıdır", - prezident vurğulayıb. O qeyd edib ki, BMT-nin işində mövcud çatışmazlıqlar onun rolunu zəiflətməyə və ya təşkilatdan yan keçməyə səbəb olmamalıdır.
Əksinə, o bildirib ki, onlar BMT-nin birgə gücləndirilməsinin, onun effektivliyinin artırılmasının və mexanizmlərinin müasir reallıqlara uyğunlaşdırılmasının zəruriliyini nümayiş etdirirlər. "Qırğızıstan Birləşmiş Millətlər Təşkilatında, o cümlədən onun Təhlükəsizlik Şurasında islahatların aparılmasını dəstəkləyir. Bu cür islahatlar geniş konsensus yolu ilə həyata keçirilməlidir", - Sadır Japarov bildirib.
Mənbə: https://www.trend.az/casia/kyrgyzstan/4219613.html © 2026 Trend İnformasiya Agentliyi.
Xülasə — davamını mənbədə oxuyun.
