Qırğızıstan daxili yanacaq tədarükünü təmin etmək üçün tədbirləri gücləndirir. Bu barədə Qırğızıstan Nazirlər Kabinetinin mətbuat xidməti sədr Adılbek Kasıməliyevin daxili bazara neft məhsullarının fasiləsiz tədarükünü təmin etmək üçün aidiyyəti orqanlara verdiyi göstərişə istinadən məlumat yayıb. Nazirlər Kabinetinin sədri Adılbek Kasıməliyev ölkənin neft məhsulları ilə fasiləsiz təchizatının təmin edilməsi, vəziyyətə nəzarətin gücləndirilməsi, neft məhsulları bazarında fəaliyyət göstərən hər bir şirkətlə əməkdaşlığın intensivləşdirilməsi, yeni idxal müqavilələrinin bağlanması, dövlət sərhədində logistika məsələlərinin həlli və operativ şəkildə zəruri tədbirlərin görülməsi barədə tapşırıqlar verib.
Nazirlər Kabinetinin mətbuat xidmətindən verilən məlumata görə, bu barədə ölkənin daxili bazarının yanacaq-sürtkü materialları ilə təminatının təmin edilməsinə dair tədbirlərə həsr olunan növbəti müşavirədə verilib. Görüş zamanı rəsmilər Mərkəzi Asiya ölkələri üzrə neft bazarında mövcud vəziyyətə dair ümumi məlumat verib və neft məhsullarının daxili təchizatının təmin edilməsi üzrə tədbirləri müzakirə ediblər. İclasda yanacağın idxalı, zəruri ehtiyatların formalaşdırılması, neft məhsullarının satışı ilə məşğul olan şirkətlərə dövlət subsidiyalarının verilməsi ilə bağlı məsələlər müzakirə olunub.
Kasıməliyev bazar monitorinqinin gücləndirilməsi, neft məhsulları sektorunda fəaliyyət göstərən şirkətlərlə əməkdaşlığın intensivləşdirilməsi, yeni idxal müqavilələrinin bağlanması, dövlət sərhədində logistika məsələlərinin həlli ilə bağlı müvafiq tapşırıqlar verib. O, həmçinin neft məhsullarının daxili bazara çatdırılmasında fasilələrin qarşısının alınması üçün vaxtında tədbirlərin görülməsinə çağırıb. Qırğızıstan yanacaq-sürtkü materiallarına daxili tələbatı ödəmək üçün Rusiya, Belarus, Çin və Özbəkistanla əməkdaşlıq edir.
Ölkənin neft məhsullarına orta illik tələbatı 1,5 milyon tondan artıqdır. Mənbə: https://www.trend.az/casia/kyrgyzstan/4217121.html © 2026 Trend İnformasiya Agentliyi.
Xülasə — davamını mənbədə oxuyun.
