Qırğızıstan Prezidenti Sadır Japarov və BMT-nin baş katibi Antonio Quterreş ikitərəfli əməkdaşlıq, beynəlxalq məsələlər və Qırğızıstanın BMT Təhlükəsizlik Şurasına gələcək üzvlüyünü müzakirə ediblər. Görüş avqustun 31-də Bişkekdə Antonio Quterreşin ŞƏT Plus iclasında və VI Dünya Köçəri Oyunlarının açılış mərasimində iştirak etmək üçün Qırğızıstana səfəri zamanı baş tutub. “Tərəflər BMT ilə əməkdaşlığın perspektivlərini, beynəlxalq gündəlikdəki aktual məsələləri, eləcə də qlobal səviyyədə dağ və iqlim təşəbbüslərinin təşviqini müzakirə ediblər”, - məlumatda deyilir.
Sadır Japarov Qırğızıstana səfər dəvətini qəbul etdiyinə görə Antonio Quterreşə təşəkkürünü bildirib və ölkənin Şanxay Əməkdaşlıq Təşkilatına sədrliyinin təşkilatın 25-ci və Qırğızıstanın müstəqilliyinin 35-ci ildönümünə təsadüf etdiyini vurğulayıb. Qırğızıstanın 2027-2028-ci illər üçün BMT Təhlükəsizlik Şurasına qeyri-daimi üzv kimi qəbul edilməsinə xüsusi diqqət yetirilib. Qırğızıstan prezidentinin sözlərinə görə, ölkənin Təhlükəsizlik Şurasında prioritetləri arasında beynəlxalq sülh və təhlükəsizliyin möhkəmləndirilməsi, kiçik və inkişaf etməkdə olan dövlətlərin beynəlxalq proseslərdə rolunun artırılması, iqlim problemlərinin və dağlıq bölgələrə təsir edən problemlərin həlli üçün beynəlxalq səylərin əlaqələndirilməsi daxildir.
Tərəflər həmçinin 21-23 oktyabr 2027-ci il tarixlərində Bişkekdə keçirilməsi planlaşdırılan “Bişkek+25” İkinci Qlobal Dağ Sammitinə hazırlıq məsələlərini müzakirə ediblər. Sammit 2023-2027-ci illər üçün Dayanıqlı Dağların İnkişafı üzrə Beynəlxalq Fəaliyyət Planının yekun tədbiri olacaq. Sadır Cəfərov BMT-nin sammitin həmtəşkilatçısı olmasını təklif edib.
Qırğızıstan tərəfi qeyd edib ki, BMT-nin iştirakı tədbirin beynəlxalq əhatəsini artıra və dağlıq regionlarda davamlı inkişaf üzrə müzakirələrə daha geniş spektrli ölkələri və beynəlxalq tərəfdaşları cəlb etməyə kömək edə bilər. Tərəflər Qırğızıstan ilə Birləşmiş Millətlər Təşkilatı arasında əməkdaşlığın və praktiki qarşılıqlı fəaliyyətin daha da gücləndirilməsində maraqlı olduqlarını bildiriblər. Mənbə: https://www.trend.az/casia/kyrgyzstan/4219110.html © 2026 Trend İnformasiya Agentliyi.
Xülasə — davamını mənbədə oxuyun.
