Rusiyanın Ermənistana göndərdiyi taxıl partiyasından başqa bir hissə də Azərbaycanın nəqliyyat vasitəsi ilə keçib

Trend xəbər verir ki, Rusiyadan Ermənistana daha bir yük Azərbaycan ərazisindən tranzitlə həyata keçirilib. Bu gün Biləcəri stansiyasından Böyük Kəsik istiqamətində 8 vaqonda ümumilikdə 560 ton buğda yola salınıb. Bu günə kimi Rusiyadan Azərbaycan üzərindən Ermənistana 42 min tondan çox taxıl, 9 min tona yaxın gübrə, 1136 ton propan, 133 ton alüminium, 1114 ton kömür və 67 min ton taxta daşınıb.

Eyni zamanda, Azərbaycan indiyədək Ermənistana 15 min tona yaxın dizel yanacağı və 5 min tona yaxın Aİ-92 və Aİ-95 markalı benzin ixrac edib. Mənbə: https://www.trend.az/azerbaijan/politics/4215271.html © 2026 Trend İnformasiya Agentliyi.