"Sabah" bəyanat yayıb: "Baş verən hadisəyə görə UEFA ilə əməkdaşlığa hazırıq" Futbol 12 avqust, 2026 19:55 "Sabah" futbol klubu bəyanat yayıb."Report"un məlumatına görə, bəyanat klubun rəsmi saytında dərc edilib.Ölkə çempionu Danimarka təmsilçisi "Orhus"a qarşı keçirdiyi UEFA Çempionlar Liqasının III təsnifat mərhələsinin cavab matçında yaşananlara aydınlıq gətirib:"Ötən gün klubumuzun tarixində böyük qələbə və Azərbaycan futbolu üçün mühüm hadisə yaşandı. Komandamızın əldə etdiyi nəticə ilə qürur duyur, bu tarixi gündə bizimlə birlikdə olan və komandamızı dəstəkləyən bütün azarkeşlərimizə təşəkkür edirik. Bu böyük futbol bayramının fonunda oyundan öncə azarkeşlərin iştirakı ilə baş vermiş insident barədə yayılan məlumatlar təəssüf hissi doğurur. "Sabah" Futbol Klubu bu məsələ ilə bağlı öz mövqeyini bildirməyi vacib hesab edir"."Sabah" hər zaman "fair play" prinsiplərinə, qarşılıqlı hörmətə və sivil davranış qaydalarına böyük önəm verdiyini vurğulayıb:"Xüsusilə "Sabah"ın oyunlarını izləyən azarkeşlərin əhəmiyyətli hissəsini ailələr və uşaqların təşkil etməsi ilə fəxr edirik. Ev oyunlarımızda formalaşmış ailəvi, təhlükəsiz və mehriban atmosfer klubumuz üçün xüsusi dəyər daşıyır. Eyni zamanda, oyunlarımız zamanı təhlükəsizliyin və ictimai asayişin yüksək səviyyədə təmin edilməsində Azərbaycan Respublikasının hüquq-mühafizə orqanlarının və təhlükəsizlik xidmətlərinin peşəkarlığını yüksək qiymətləndiririk. Beynəlxalq yarışlarda Azərbaycanı təmsil edən klub olaraq ölkəmizin qonaqpərvərlik ənənələrinə xüsusi önəm veririk. Bakıya gələn bütün rəqib komandaların nümayəndələrinə və onların azarkeşlərinə milliyyətindən və hansı klubu təmsil etməsindən asılı olmayaraq hörmətlə yanaşırıq və bundan sonra da yanaşacağıq. Bununla yanaşı, dünən baş vermiş hadisənin tam kontekstinin düzgün təqdim olunmasını vacib hesab edirik".Bildirilib ki, klubun hazırda malik olduğu məlumat və materiallara əsasən, insidentdən əvvəl qonaq azarkeşlər tərəfindən yerli azarkeşlərə qarşı şifahi aqressiya nümayiş etdirilib, o cümlədən Azərbaycan mədəni kontekstində təhqiramiz hesab edilən müəyyən ifadələrdən istifadə olunub:"Bununla belə, klubumuzun mövqeyi birmənalıdır: hadisədən əvvəl hansı şəraitin və ya təxribatın olmasından asılı olmayaraq, biz heç bir halda fiziki aqressiyanı və zorakılığı dəstəkləmir və ona haqq qazandırmırıq. İstənilən mübahisə və anlaşılmazlıq sivil və qanuni yollarla həll edilməlidir və heç bir halda fiziki qarşıdurmaya çevrilməməlidir. Klub baş vermiş hadisə ilə bağlı UEFA və aidiyyəti qurumlarla tam əməkdaşlığa hazırdır. Hadisənin bütün hallarının obyektiv şəkildə araşdırılması üçün klubun sərəncamında olan məlumat və materiallar, o cümlədən müvafiq müşahidə kameralarının görüntüləri aidiyyəti qurumlara təqdim olunur və zərurət yarandığı halda bundan sonra da təqdim ediləcək. Biz hüquq-mühafizə orqanlarının peşəkarlığına tam hörmət və etimadla yanaşır, baş vermiş hadisənin bütün detallarının obyektiv və qanun çərçivəsində araşdırılacağına inanırıq. Eyni zamanda, həm öz azarkeşlərimizi, həm də ölkəmizə gələn xarici azarkeşləri qarşılıqlı hörmətə, futbol mədəniyyətinə riayət etməyə, bir-birinin və səfər etdikləri ölkənin mədəniyyətinə, ənənələrinə və dəyərlərinə hörmətlə yanaşmağa çağırırıq. Futbol insanları milliyyətindən, dilindən və mədəniyyətindən asılı olmayaraq birləşdirən böyük oyundur və ayrı-ayrı insidentlər bu dəyərlərə kölgə salmamalıdır. "Sabah" Futbol Klubu bundan sonra da Azərbaycanı və Azərbaycan futbolunu beynəlxalq arenada layiqincə təmsil etmək üçün əlindən gələni edəcək".Xatırladaq ki, rəqibini dörd cavabsız qolla məğlub edən "Sabah" UEFA Çempionlar Liqasında pley-offa yüksəlib. Sabah FK Orhus FK UEFA Çempionlar Liqası Ən son xəbərləri bizim "Facebook" səhifəmizdə izləyin Müəllif Təbriz Quliyev Sosial şəbəkələrdə paylaşın Скопировано "Сабах" заявил о готовности сотрудничать с УЕФА в связи с инцидентом в матче с "Орхусом" (function () {var rand = Math.floor(Math.random() * 1e9);var adv_1164_iad_div = document.createElement("div");adv_1164_iad_div.setAttribute("id", "adviad-zoneid-1164" +rand);adv_1164_iad_div.style.cssText = "display: flex !important; justify-content: center !important;";document.currentScript.parentElement.appendChild(adv_1164_iad_div);var adv_1164_iad = document.createElement("script");adv_1164_iad.setAttribute("zoneid", 1164);adv_1164_iad.src = "https://newmedia.az/nativebanner/get_ads.js?v=" + new Date().toJSON().slice(0,10).replace(/-/g,'.');adv_1164_iad.async = true;document.currentScript.parentNode.appendChild(adv_1164_iad);})(); USD - 1.700 EUR - 1.961 TRY - 0.036 GEL - 0.649 RUB - 0.021 UAH - 0.038 Bakı 29° C Son xəbərlər 22:52 Macarıstan AES-in işini dəstəkləmək üçün Dunay çayında daş qurğu tikəcək Digər ölkələr 22:34 "Mançester Siti" futbolçusu Kalvin Fillipsi icarəyə verib Futbol 22:33 Türkiyə ilə Liviya arasında hərbi məsləhətləşmələr aparılıb Region 22:14 Əkrəm İmamoğlu CHP-dən istefa verib Region 22:05 Prezidentin səfəri Naxçıvanın ölkə inkişafında mühüm yer tutacağına işarədir - RƏY Daxili siyasət 21:56 Video Bakıda sərnişin avtobusunda yanğın baş verib Hadisə 21:53 "LANDAU Lions" ABŞ-dən olan basketbolçu Kervin Voltonla anlaşıb Komanda 21:41 SEPAH: İranın heç bir raketi olmasa, ABŞ üçün daha təhlükəli olacaq Region 21:35 İngiltərə millisinin futbolçusu Ced Spens "İnter"ə keçir Futbol Bütün Xəbər Lenti
