Səfərbərlik və Hərbi Xidmətə Çağırış üzrə Dövlət Xidmətinin təşkilatçılığı ilə Bərdədə tədbir keçirilib.
Dövlət Xidmətindən APA-ya bildirilib ki, Bərdə Rayon İcra Hakimiyyətinin dəstəyi ilə Vətənpərvər Azərbaycan gəncliyi Sağlam gənclik, sağlam gələcək mövzusunda təşkil edilən görüşdə açılış nitqi ilə çıxış edən Bərdə Rayon İcra Hakimiyyəti başçısı Vidadi İsayev belə tədbirlərin gənclərdə vətənpərvərlik hissinin sənətinə müsbət təsir göstərdiyini bildirib.
Tədbirdə çıxış edən Xidmətin Çağırışaqədərki hazırlıq idarəsinin rəisi polkovnik-leytenant Füzuli İsmayılov, İctimaiyyətlə iş və beynəlxalq əlaqələr şöbəsinin rəisi Pərviz Sədrəddinov və Bərdə rayon şöbəsinin rəisi polkovnik Nağı Cəfərov gənclərə vətənpərvərlik üstünlükləri, sağlam həyat, təhsil möhləti, qanunvericilik və digər mühüm məsələlər haqqında ətraflı məlumat veriblər. Eyni zamanda, tədbir çərçivəsində zərərli vardişlere qarşı mübarizəyə toxunularaq, gənclərin iştirakı ilə Narkotiklərə yox deyək! mövzuda maarifləndirici çıxışlar edilib.
Tədbirdə iştirak edən Vətən Müharibəsi iştirakçıları və digər qonaqlar çıxış edərək öz təəssüratlarını bölüşüblər. Qeyd edək ki, ölkələrin bir sıra rayonlarında analoji tədbirlər təşkil ediləcək və növbəti ay ərzində davam etdirilməsi nəzərdə tutulur.
Xülasə — davamını mənbədə oxuyun.
