Qazaxıstan prezidenti Kasım-Jomart Tokayev Aida Balayevanı Təhlükəsizlik Şurasının sədr müavini təyin edib. Bu barədə Qazaxıstan prezidentinin mətbuat xidməti məlumat yayıb. Məlumata görə, prezidentin digər sərəncamı ilə Qızat Nurdauletov Təhlükəsizlik Şurasının katibi vəzifəsindən azad edilib.
Balayeva bir sıra yüksək dövlət vəzifələrində çalışıb. 2010-2014-cü illərdə o, Astana şəhərinin icra başçısının müavini vəzifəsində çalışıb. 2014-2019-cu illərdə Prezident Administrasiyasının Daxili siyasət şöbəsinə rəhbərlik edib.
Balayeva 2019-2020-ci illərdə Prezidentin köməkçisi, Prezident Administrasiyasının Müraciətlərə baxılmasına nəzarət şöbəsinin müdiri vəzifələrində çalışıb. 2020-2022-ci illərdə İnformasiya və İctimai İnkişaf naziri vəzifəsində çalışıb. Bundan başqa, Balayeva 2022-2023-cü illərdə Prezident Administrasiyası rəhbərinin müavini olub.
O, 2023-cü il sentyabrın 2-də prezidentin sərəncamı ilə mədəniyyət və informasiya naziri təyin edilib. 2024-cü il fevralın 6-da Balayeva yenidən mədəniyyət və informasiya naziri təyin edilib. 2025-ci il dekabrın 1-də o, baş nazirin müavini, mədəniyyət və informasiya naziri təyin edilib.
Mənbə: https://www.trend.az/casia/kazakhstan/4219138.html © 2026 Trend İnformasiya Agentliyi.
Xülasə — davamını mənbədə oxuyun.
