Trend-in xüsusi müxbiri xəbər verir ki, Qazaxıstan Prezidenti Kasım-Jomart Tokayev Şanxay Əməkdaşlıq Təşkilatının (ŞƏT) əsas prinsiplərinin BMT Baş Assambleyasının xüsusi qətnaməsində təsbit edilməsini təklif edib. Tokayev bu sözləri Bişkekdə keçirilən ŞƏT-in Plyus sammitində çıxışı zamanı deyib. “Beynəlxalq münasibətlər sistemi köklü transformasiya dövrünə qədəm qoyub və gözlərimiz önündə yeni dünya nizamı formalaşır.
Çoxqütblü dünyanın yaranması geosiyasi gərginliyin artması, inam böhranı və qlobal idarəetmə mexanizmlərinin zəifləməsi ilə müşayiət olunur. Qazaxıstan ardıcıl olaraq dövlətlərin suveren bərabərliyinə və beynəlxalq hüququn aliliyinə əsaslanan beynəlxalq ictimaiyyətin birliyini gücləndirən çoxqütblülüyün tərəfdarıdır. Bizim ümumi strateji məqsədimiz güc və qarşıdurma kultunun yerini qarşılıqlı məsuliyyət, birgə inkişaf və uzunmüddətli əməkdaşlıq məntiqinə verəcəyi dünya nizamı qurmaqdır”, - Tokayev bildirib.
Prezidentin sözlərinə görə, ŞƏT-in çoxillik təcrübəsi inandırıcı şəkildə nümayiş etdirir ki, “Şanxay ruhu” beynəlxalq arenada belə əməkdaşlıq üçün bir modeldir. "Təşkilatımızın fəaliyyətində bərabərlik və konsensus prinsipləri haqlı olaraq çoxtərəfli əməkdaşlığın və əsl çoxtərəfliliyin uğurlu inkişafı üçün bir növ qızıl standarta çevrilib. Ona görə də BMT Baş Assambleyasının Beynəlxalq Sülh Naminə Çoxtərəfli və Diplomatiya Günü ilə bağlı xüsusi qətnaməsində Şanxay Əməkdaşlıq Təşkilatının əsas prinsiplərinin təsbit edilməsini təklif edirəm", - Tokayev bildirib.
Mənbə: https://www.trend.az/casia/kazakhstan/4219565.html © 2026 Trend İnformasiya Agentliyi.
Xülasə — davamını mənbədə oxuyun.
