Qazaxıstan Prezidenti Kasım-Jomart Tokayev ölkənin vitse-prezidenti səlahiyyətlərini müəyyənləşdirən fərman imzalayıb.
Modern.az xəbər verir ki, sənəd dövlət başçısının rəsmi saytında dərc olunub.
Fərmana əsasən, vitse-prezident Erlan Karin ölkənin daxili və xarici siyasəti üzrə strategiya təşəbbüslərinin hazırlanmasında iştirak edəcək. O, prezidentin tapşırığı ilə Qurultay, hökumət, dövlət qurumları, siyasi partiyalar, ictimai birliklər və beynəlxalq təşkilatlarla əlaqələrdə dövlət başçısının təmsil edilməsi mümkün olacaq.
Erlan Karin həmçinin Dünya və Ənənəvi Din Liderlərinin Qurultayının katibliyinə rəhbərlik edəcək və Qazaxıstan Strateji Araşdırmalar İnstitutunun fəaliyyətinə nəzarət edəcək.
Vitse-prezident vətəndaşlıq, dövlət təltifləri, kadr hazırlığı, elm, ədəbiyyat və incəsənət sahəsində dövlət mükafatları, eləcə də gənclər siyasəti üzrə şura daxil olmaqla bir sıra prezident komissiyalarının fəaliyyətini təmin edəcək.
Fərmanla vitse-prezidentə müstəqil inzibati səlahiyyətlər də verilib. Karin öz səlahiyyətləri çərçivəsində sərəncamlar imzalaya, mərkəzi və yerli icra hakimiyyəti orqanlarına tapşırıqlar verə, dövlət qurumlarından zəruri sənədlər və məlumatlar tələb edə, həmçinin idarələrarası işçi qrupları yarada biləcək.
Xülasə — davamını mənbədə oxuyun.
