Vanuatu Fransası davam etdirdiyi müstəmləkəçi siyasətinə və yurisdiksiyasında olduğu Metyu və Hanter adaları üzərində irəli sürdüyü qanunsuz ərazi iddialarına etiraz olaraq Beynəlxalq Ədalət Məhkəməsinə (BƏM) rəsmi müraciət ünvanlayıb.
Modern.az xəbər verir ki, bu barədə Bakı Təşəbbüs Qrupundan bildirilib.
Qeyd edilib ki, müraciətində Vanuatu ilə Fransanın müstəmləkə əsarətində olan Kanaki (Yeni Kaledoniya) arasında dəniz sərhədlərinin delimitasiyası məsələsinin həll edilməsi tələbi də yer alır.
Bildirilib ki, Vanuatu ilə Fransa arasında adaların statusu və Vanuatu ilə Kanaki dəniz sərhədlərinin məhdudlaşdırılması ilə bağlı üç dəfə danışıqlar keçirilib:
"Buna baxmayaraq, proses Fransanın məsələnin beynəlxalq hüququn əsas prinsiplərinə əsasən ədalətli və hüquqi həllinə konstruktiv yanaşması, Vanuatunun suverenliyini nəzərə almaması və müstəmləkəçilikdən miras qalan ərazi iddialarının davam etdirilməsinə səbəb olan nəticəsiz qalıb".
Qeyd edək ki, Vanuatu Sakit okeanın cənub-qərbində, Melaneziya regionunda yerləşən ada dövlətidir. Ölkə təxminən 83 adadan ibarət olan arxipelaqdır və Avstraliyanın şimal-şərqində, Yeni Kaledoniyanın şərqində yerləşir. Metyu və Hanter adaları isə Sakit okeanın cənub-qərbində, Vanuatunun cənub adaları ilə Fransanın müstəmləkə əsarətində olan Kanaki (Yeni Kaledoniya) arasında yerləşən iki kiçikdir, lakin strategiya əhəmiyyətlidir.
Xülasə — davamını mənbədə oxuyun.
