başqa necə olmalıdır ki? sözlük hər düşüncədən insanları barındıran platformadır, yazdığı yazı sözlüyün yazı qaydalarını pozmadığı halda yazarın iq səviyyəsini, yumor anlayışını, siyasi tərəfadaşlığını, cinsi orientasiyasını sorğulamaq üçün uyğun yer deyildir. sözlük təkcə bütün günü hardcore linux, anatomiya, kvant fizikası, art film analizi oxuyacağınız yer deyil, kefiniz olmadıqda oxuyub gülə biləcəyiniz, yalnız hiss edəndə hiss etdiklərinizi yazıb rahatlaya biləcəyiniz tipdən bir yerdir eyni zamanda. əgər başda saydığım xüsusiyyətləri özündə birləşdirən platforma arayışındasınızsa özünüzə blog açırsınız, altında da mail abunə bölməsi yerləşdirirsiniz. yerləşdirdiyiniz hər postda arzuladığınız parametrlərdə istifadəçilərə mail gedir və everyone is happy. məsləhətxana isə keşlə bazarından çox fərqlidir. adından göründüyü kimi məsləhətxanadır, yəni məsləhət + xana. biraz da açsaq, məsləhətə ehtiyac duyan hər kəsin problemini dilə gətirə biləcəyi ünvandır. burada periodu gecikənin də, yaxşı ginekoloq axtaranın da, qəbul imtahanında stresə girən birinin də yazısına rast gəlmək təbii haldır. adamın məsləhətə ehtiyacı var, soruşur. əgər kömək etmək istəmirsinizsə oradakı boşluğu doldurub göndərə basmağa heç kim sizi məcbur etmir, üstəlik bu səbəbdən ana səhifədə sağ frameə məsləhətxanadan yazılar bölməsi yerləşdirilməyib. ayrıca da məsləhətxanada yazarlara ikiqat anonimlikdən istifadə etmək hüququ verilir, buna kiminsə qarışması artıq həyasızlıqdır. digər trolluq edənlərin başlıqlarını, cavablarını zatən əlimizdən gəldiyincə gizlətməyə çalışırıq.
kimin üçünsə yazmayın, özünüz üçün yazın, kimsə yazdığınızı oxuyacaqdır.