5. iş görüşməsinin uğurlu alınması üçün əvvəlcə özünüzü işəgötürən kimi təsəvvür edin. müəssisənizdə üzü tüklü, əyni-başı kirli, ağzında saqqız, idman üslubunda geyinmiş, nitq mədəniyyətindən uzaq insanın işləməsini istərdinizmi? əlbəttə ki, yox. müraciət etdiyiniz vakansiya üçün işəgötürən də sizdən bunları tələb edir ilk başda. növbəti etap müsahibədir ki, müsahibənin sorğu-sualla keçirilməsinin tərəfdarı deyiləm. müsahibədə daha çox namizədə özünü təqdim etməsi üçün, işlə bağlı fikirlərini, vakansiyaya münasibətini bildirməsi üçün imkan yaradılmalıdır. onsuz da, bütün işəgötürənlər işçini sınaq müddəti ilə işə qəbul edir. 3 ayın sonunda, bəyənməsən, işdən azad edəcəksən. əsas odur ki, namizədin əxlaqi cəhətdən təmiz, dürüst və özünə hörmət edən bir insan olduğundan əmin olasan. bizim işəgötürənlərin əksəriyyəti taxtabaşdır. bu faktı kimsə inkar edə bilməz. qoyun kimi gəlib, qoyun kimi də gedəcəklər. çünki onlar işçi yox, hazır lox axtarırlar. cüzi əmək haqqıya "n" qədər tələb qoyurlar. bir də, "staj" tələbi var bu işəgötürənlərin. elə bil özləri analarının qarnında 1-2 il stajla doğulublar. bəzi sahələr üzrə istisnaları çıxsaq, elə bir tələbi qoymağın özü həmin işəgötürənin nə qədər savadsız adam olduğunu göstərir.