20 yazar 41 başlıq və 49 entry
yenilə | gündəm | top

1 2
krisnayayoxarcunayahe 3 dekabr 2016 barcelona real madrid oyunu nhajiyev 4 godspeed you black emperor god on trial 2 yazarların başına gələn maraqlı hadisələr 3 the imitation game 2 barış qrupu füzuli kantatası 2 reconstruction englar alheimsins the breakfast club letters to father jacob james boy yazgı bang bang you're dead lilya 4-ever dogma 95 rosso come il cielo ekskursante 2:37 the broken circle breakdown einar wegener buda as sharm foru rikht la finestra di fronte mount and blade: with fire and sword ruhi əzablar alfred schnittke fanny edelman aurore hallelujah sözaltı sözlük ilham əliyev 3 qaza və elektrik enerjisinə limit əli novruzov schooldays mizantrop rapunzel sindromu böyümək qaynaqçı timidus yazarların penis boyları kargüzar mannequin challenge 4 kədər bioqaz 2 notepub.com azərbaycanlıların tələffüz səhvləri 4 köhnə sevgilinin unudulmayan sözləri 3 sözlükçülərin ən sevdiyi cizgi film personajları 3 əfsanəvi başlıqlar 2 sözlük yazarlarının dinləməkdən bezmədiyi mahnılar 3 akkord eşidilməkdən bezilən şeylər 7 şəhər əfsanələri yağışlıq üçüncü mömin vaçaqan veksel rrrrrrr!!! 2 albert einstein yenilə yeniyetməyə ən çox yaraşan maşın 3 italyan zövq verən kiçik çılğınlıqlar səyyar 2 nissan qadına ən çox yaraşan maşın 6 qaqana ən çox yaraşan maşın 2 eddie redmayne suicide squad 2 türk serialları 3 şəb-i hicran lovğa amı götü dağıtdım geldim azərbaycan dilinə tərcümə olunmuş kitablar 2 marixuana 2 qonaq gələn ailədəki uşaq 4 nizami süleymanov ən bəyənilən ekşi sözlük entryləri türkləri sevmə səbəbləri qız tutmaq minasazlıq şabalıd vikings sinəsi tüklü şair xəzərin sahilində

məmməd araz


facebook twitter əjdaha lazımdı   googllalink

    1. XX əsrin ən yaxşı şairlərindən. şeirlərinə çox məşhur mahnılar bəstələnib.
    2. "müharibə olmasa" şeri məktəbdə öyrədilmiş və hələ də yadda saxlanılan 4-5 şerdən biridir.

    MÜHARiBƏ OLMASA

    Əridib silahları
    Biz marten sobasında,
    Körpü yarada billik
    Yerlə Mars arasında, --
    Müharibə olmasa!

    Yer min illik barını
    Bircə gündə yetirər,
    Alim ayı, ulduzu
    Dartıb yerə gətirər, --
    Müharibə olmasa!

    General gözündə də
    Bu hissi duyur adam:
    “Tullayıb çinlərimi
    Bir kənddə sədr olaram, --
    Müharibə olmasa!”

    Bəşərin qapısından
    Vaxtsız ölüm gen düşər,
    insanın saçlarına
    Yüz yaşında dən düşər, --
    Müharibə olmasa!

    Sevənlər aləmində
    Nə qəm, nə həsrət olar,
    Bəşərin gülləsi -- söz,
    Sözü -- məhəbbət olar --
    Müharibə olmasa!


    çox qəribədir ki, özgecan aslan başlığına nəzər yetirərkən beynimdə cızma-qara edə-edə gedib bu şerə çıxdım, dərhal netdə axtarıb oxudum.
    3. son günlərdə tez-tez Məmməd Arazın bu şeirini xatırlayıram: Bacım Gülsümə məktub

    Necə yad görürəm doğma yerləri
    ilk dəfə qarşıma çıxmadı anam
    ilk dəfə anamsız açdım səhəri
    ilk dəfə anamsız düşəcək axşam

    Demə ki, ay bacım, - anam əvəzi,
    Qardaş etibarın bəs hara getdi.
    Bir də bu yerlərə dönmək həvəsim
    Anamla birlikdə məzara getdi...

    Hörməti ayrıdır qardaş,bacının
    Fəqət ana nəfəsi üzümə dəymir
    Hanı o qocaman qoz ağacının
    Altındakı cəhrə gözümə dəymir
    Uşaqlar çıxarıb tağalağını
    iyindən bir mismar düzəldib hələ
    Küncdə toz basmış yun darağını
    Yəqin,satıbsınız siz hörümçəklərə

    Əyib atamı da ömrün gərdişi
    Dünyanın qəribə işləri varmış
    Ömür yoldaşını itirən kişi
    Uşaqdan da betər yetim olarmış

    Çətindir, ay bacı, bunları görmək
    Gözlər bir baxışda oda düşərmiş
    Uşaqlıq itirmək, gənclik itirmək
    Ana itiriləndə yada düşərmiş

    Örüşdən qayıdıb quzular mələşir
    Ağ inək də axtarır səsini onun
    Yadıma bir sözün,bir misran düşür
    Çırağı ana imiş ata yurdunun
    Çırağı ana imiş ata yurdunun
    4. "Əlvida dağlar" adlı çox möhtəşəm bir şeirin müəllifi. Həyatın faniliyini, bu faniliyin şüurunda olan fərdin onu əhatə edən təbiətlə mükaliməsini/ dialoqunu əks etdirən sənət nümunəsi. Dialoqdaki vidalaşma insanı dərin kədərə boğur. Ancaq bu şeirə bəstələnən mahnını heç bəyənmirəm. Bizim manıslar, xüsusən aşıqlar şitin çıxardıblar sanki bu şeirin. Şeirdəki qəmi qətiyyən əks etdirmir məncə.

    --spoiler--


    Bəlkə bu yerlərə bir də gəlmədim,
    Duman, salamat qal, dağ, salamat qal.
    Dalımca su səpir yoxsa buludlar? --
    Leysan, salamat qal, yağ, salamat qal!

    Qıy vuran qartallar yox oldu çəndə,
    Nərgizlər saraldı şehli çəməndə.
    Ey qaragöz pəri, dalımca sən də
    Boylan, salamat qal, bax, salamat qal!

    Gəldim, qarşıladı güllər-çiçəklər,
    Gedirəm, əl edir boz biçənəklər.
    Nidamı çaylara dedi küləklər:
    Bulan salamat qal, ax -- salamat qal!

    Dağların pələngi, şiri də sənsən,
    Şairi də sənsən, şeri də sənsən.
    Varı, bərəkəti, xeyri də sənsən --
    Çoban, salamat qal, sağ-salamat qal!

    --spoiler--


    Biraz bu dayday nisbətən babat oxuyur.
    (youtube: )
    5. ədəbiyyata marağım olub uşaqlıqdan. 5ci sinifdən kitabxanadan hər həftə bədii ədəbiyyat alıb oxumuşam (ibtidai siniflərə vermirdilər) uşaq vaxtları da atam kitab oxuyardı mənə. açığı nizami gəncəvinin xəmsəsini mən heç oxumamışam, o oxuyub mənə hamısını. nəysə, bir dəfə də məmməd arazın məndən ötdü, qardaşıma dəydi şerini oxudu. çox intonasiya ilə oxuyurdu ya nədisə bu şerə aşiq oldum. daha sonra şairin başqa şer kitablarını alıb (kitabxanadan) oxumağa başladım. uşaq ağlıdı, mən hər dəfə belə yazarları, şairləri və ya incəsənət adamlarını sevəndə ailəmdə kiminsə yerinə qoyurdum. məmməd arazı da əmimin yerinə qoymuşdum. çünki atama oxşadırdım. deyəcəksiniz ki niyə atanın yerinə qoymurdun? deyəcəm ki, o qədər də uzunboylu deyil.
    6. Böyük Mirzə Cəlilə
    Ömür də tükənir, söz də tükənir,
    Başımın altından yastıq da qaçır.
    Əllərdir uçuran, əllər tikəni,
    Çölümdən yaz qaçır, yazlıq da qaçır,
    Dünya düzəlmir ki, düzəlmir, baba!
    Kimdənsə tez durub kimin uşağı
    itinə daş atıb beş yüz il qabaq.
    Kimin dəyirmanı, kimdən aşağı...
    Bunları yerində kim oturdacaq?!
    Dünya düzəlmir ki, düzəlmir, baba!
    Tərəfsiz tərəfdə düz oğlu düzlər!
    Tərəfgir tərəfdə silah, qan-qada!
    Çayını itirən mavi dənizlər
    Çırpınıb, boğulur göz qabağında.
    Dünya düzəlmir ki, düzəlmir, baba!
    Kiminsə dünəni qəbirsiz qalıb,
    Kotançı babası dəmirsiz qalıb,
    Körükçü atası kömürsüz qalıb,
    Xəmrəsi, urvası xəmirsiz qalıb
    Dünya düzəlmir ki, düzəlmir, baba!
    Mən təkdim, cüt oldum: təkləndim yenə,
    Özüm yük çəkənəm,
    Özüm də yükəm!
    Baxsam "döz" deyənə, "döz" deyilənə
    Ağzımdan qapılar öz halal tikəm,
    Dünya düzəlmir ki, düzəlmir, baba!
    Gedir yal davası, sümük davası,
    Gedir vurhavurla çəpik davası,
    Gedir milyonçunun qəpik davası,
    Çürük fikirlərin çürük davası...
    Dünya düzəlmir ki, düzəlmir, baba!
    "Mənəm" deyənlərin məni görünmür,
    Əli tətikdələr, özü hədəfdə,
    Azmış ağılların çəni görünmür,
    itmiş, itirilmiş başlar kələfdə!
    Dünya düzəlmir ki, düzəlmir, baba!
    Hələ bu dünyanın qeylü-qalı çox,
    Bilməm zəhəri çox, yoxsa balı çox.
    Çox verdim özümə bu sualı çox,
    Ərzin nadanından ağsaqqalı çox!
    Bəs niyə bu dünya düzəlmir, baba!
    7. 1933- cü ilin bu günündə doğulan Azərbaycanlı şair, publisist. 1993 cü ildən onun adına "Məmməd Araz"
    mükafatı təsis olunmuşdur.
    8. Bu gün böyük şair və fikir adamı Məmməd Arazın doğum günüdür! Böyük fikir adamları şablon sözlərlə yox, fikirləri ilə yad edilir.
    Kasıbına mərddir dedik, mərd kasıb qız vermədik...
    Duzla yuduq yarasını, xörəyinə duz vermədik...
    Bəli, anaların çoxu min əziyyətlə böyütdüyü qızlarını pullu və ancaq şərəfsiz adamlara ərə vermək istəyirlər ki, xoşbəxt (?) olsunlar...
    Arqumentləri də "daşdan keçəndir": mən çəkənləri qızım çəkməsin! Tərcüməsi: yüzlərlə məzlumun haqqını kəsib balama yedirtsinlər...
    Allah böyük ustad Məmməd Araza rəhmət eləsin! (c) Qadir Ibrahimli


sən də yaz!