azad qadın


facebook twitter əjdaha lazımdı   googllalink

    1. nizami metrostansiyasının yaxınlığında yerləşən heykəl. azərbaycan qadının çadranı atmasını və daha azad və müasir olmasını təcəssüm etdirdiyi üçün çox dəyərli əsərdir.
    2. mənasız heykəl. qadın çadranı atır və azad olur. kaş bu qədər asan olsaydı. inqilab günündən bir gün əvvəl novruzəli kimi yatıb səhər nyuton kimi dururuq. qadının azadlığı çadra ilə bağlı olsaydı mən paxıllıq edərdim qadınlara onlar birdənə başlarını açıb azad olurlar bəs mən nə edəcəm azad olmaq üçün. düzü vaxtında kişilərində papağını çıxardıb saqqalını qırxdılarki bəlkə onlarda bu yolla azad olsunlar. və bu azad qadınlarla azad kişilər illərdi biri-birində azad rejimlərdə öz azad həyatlarına davam edirlər. təhsilin inkişafı üçün əlifba dəyişənlərdən bundan artığını gözləmək olmazdı. cəfər cabbarlı yazdı millətdə gəldi baxdı cuşa gəldi. əslində isə ortada həyati əhəmiyyətli bir şey yox idi. bəlkədə müsəlmanlar tərəfindən çadranın əhəmiyyətini o qədər böyüdülmüşdü ki bunlarda özlərinin bir şey elədiklərini zənn elədilər. məsələn bir insan olur adi üfləsən yıxılacaq bir insan amma özünü firon elan edir. bu insan özünü o qədər böyüdürki xalqın qarşısında onu öldürən adamda sadəcə bir insan öldürdüyünü anlamır elə bilir nəsə qeyri təbii bir qüvvəyə qalib gəlib. qadınların başının üstündəkinin dəyişməsindənsə başının içindəkinin dəyişməsinə fikir vermək lazım idi. başörtüsünün azadlıqla əlaqəsinin olduğunu düşünən adamın azadlıq haqqında təsəvvürü yoxdu mənim fikrimcə. amma başörtüsünün azadlıqla əlaqəsinin olmadığına tam əminəm. bunu göstərmək üçündə çox sevdiyiniz, qadınların başlarını açması üçün böyük mübarizə aparan birinə istinad edəcəm. bu mirzə cəlildir və sonda ifadə edir bunun necə boş bir şey olduğunu.yox sizə facebook-da paylaşılan o sözləri demək fikrim yoxdu. cəlil məmmədquluzadənin son zamanlarında yazdığı ər pyesində. bu pyesə bir neçə yerdə fərqli və dərin mənalar verilir. mənimsə bu pyesdə gördüyüm budur:
    deməli anasıda qızıda sizin o müasir azad qadınlarınızdandır. özüdə boşda oturmurlar bilməm nə təşkilatında və klubunda fəal iştirak edirlər. amma bir balaca dərdləri var ər. qızın anası hönkür-hönkür ağlayıb elə hey qızım evdə qalıb deyib dad edir. yəni baş açılıb amma dəyişməyib.
    təbiiki burdan cümuhuriyyətlə bağlı dərin mənalar çıxardanlarda var. lakin mənim anladığım odur ki həmin o heykəldən gedib soruşsanki a xanım dərdiniz nədir. dil açıb deyəcək: neçə ildi burda durmuşam nə baxanım var nə alanım məni ərə verin. azadlığı baş açmağa bağlamaq o axmaq dediklərinizin etdiklərini təkrarlamaq azadlıq yolunda canından keçənləri heçə saymaqdır.
    hə birdə qadınlara azadlıq verən, sevimli qəhrəmanınız olan bir nəfərdən daha sitat gətirəcəm. deyilənə görə babək deyibki: "azadlıq verilmi, azadlıq alınır." "əgər tarixə (yeni tarix) baxsanız görərsinizki azərbaycandaki qadınlar azadlıq falan almamışlar həmişə azadlıqları onlara kişilər tərəfindən verilmişdir." seçim haqqı kişilər tərəfindən verilib. guya azadlıq olan çadra məsələsi kişilər tərəfindən edilib. və daha nələr-nələr. bunu kişilər ya avropanı yamsılamaq üçün yada doğurdan ürəkdən həyata keçirmişlər. indi bunun pis tərəfi nədir deyə bilərsiniz onsuzda kişilər alıb azadlıqlarını deyə bilərsiniz. baxın əgər bir ölkə işğal altındadırsa və işğalçı heç bir müqavimət görmədən işğaldan özü vaz keçirsə deməli işğal olunmuş ölkə daim işğal edəndən asılı qalacaqdır bu bir ikincidə özü qazanılmayan şeyin qədri bilinməz. mənə inanmırsınız heç olmasa babəkə inanın.
    qadın azadlığı. nə qadın görürəm nə azadlıq.
    əvvəla qadın bayaqda dediyimki kimi qadınların başını ərəblərə baxıb kişilər bağlatdırmışdılar sonrada avropalara baxıb kişilər açdırdılar. yəni qadından hər iki halda elədə soruşan olmayıb "başını bağlamaq istəyirsən yoxsa açmaq". ikincisi cəfər cabbarlı kişidir.(heç dəxli var?) və son olmasada bu yazıdaki sonuncu məqam bu heykəli yəni azad qadın heykəlini ərsəyə gətirən belə kişidir.ortada qadın görmürəm siz görürsünüzsə deyin janna darkdan falan.
    indi gələk azadlıq məsləsinə bu ölkədə insana azadlıq yoxdu hansı qadın azadlığından danışırsız. şükürlər olsunki zülmkarlarımız zülm zamanı heç bir cinsi,irqi,dini,milli ayrıseçkiliyə yol vermilər. bu ölkədə azad qadın heykəli var amma azad qadın ümumiyyətlə azad insan yoxdu.
    qeyd: deməli bu entry əvvəllər yazıb sonra pozduğum entrylərdəndir. Lakin pozsamda favoriləndiyinə görə favorilənənlərdə qalıb. uzun sözün qısası məndə bu entryni diriltmək qərarına gəldim yenidən düzəldib təsdiqə göndərmədimki məlum moderlərin işi çoxdur ona görədə üzünü bura köçürdüm bir balacada redaktə etdim. əgər bu məsələyə marağınız varsa oxuyub-oxuyub bitirə bilməyəcəyiniz bu hekayəmidə istəsəniz oxuya bilərsiniz: #223129


sən də yaz!