antonio gramsci



facebook twitter əjdaha lazımdı   googllalink

    1. 1891-1937 illər arasında yaşamış italyan marksist nəzəriyyəçi. italyan kommunist partiyasının təsisçisi və sədri olmuş gramsci * neomarksizmin də qurucularından hesab olnur. əsərləri arasında ən məşhuru həbsxana dəftərləridir.



    --sitat--

    Laqeydlərə nifrət edirəm: Fridrix Gebbel kimi, hesab edirəm ki, “yaşamaq – müəyyən mövqeni tutmaq deməkdir”. Cəmiyyətdən kənarda dayanan insanların mövcudluğu sadəcə olaraq mümkün deyil. Həqiqətən yaşayan, lakin vətəndaş olmadan mövcud ola bilməyən şəxs müəyyən mövqeni tutmaya bilməz. Laqeydlik – həyat deyil, iradəsizlik, parazitlik, qorxaqlıqdır. Buna görə də mən laqeydlərə nifrət edirəm.
    Laqeydlik – tarixin artıq yüküdür. Bu, yenilikçinin qurğuşun kimi ağır yükü, ətalətli və yapışqan, həmişə ən alovlu təşəbbüsü belə söndürən amildir; bu, köhnə cəmiyyətin qalasını əhatə etmiş və onu ən yaxşı qoruyucu divarlardan, döyüşçünün sinəsindən daha yaxşı qoruyan bataqlıqdır, çünki o, hücumçuları öz lilli bataq yerinə çəkir, onları gücdən salır və qorxudaraq, qəhrəmancasına təşəbbüslərdən imtina etməyə vadar edir.
    Laqeydlik – tarixdə hərəkətdə olan qüdrətli qüvvədir. O, passiv də olsa fəaliyyət göstərir. Bu – taleyə baş əyməkdir, etibar etməməli olduğun, proqram və ən yaxşı planları dağıdan amildir; bu, şüura qarşı ayağa qalxan və onu məhv edən kobud materiyadır. Baş verənlər, insanların düçar olduğu bütün zülm, qəhrəmancasına şücaətlərlə meydana gələ biləcək (bəşəriyyə əhəmiyyətə malik) xeyir – fəaliyyətdə olan azlığın təşəbbüsü yox, daha çox çoxluğun laqeydliyi, iştiraksızlığının nəticəsidir. Baş verənlər azlıq istədiyinə görə deyil, ona görə gerçəkləşir ki, daha böyük insan kütlələri öz iradəsini göstərmək istəmir, fəaliyyət azadlığını başqalarının öhdəsinə verir, sonralar yalnız qılıncın məhv edə biləcəyi düyünlərin bağlanmasına icazə verir, nəticədə üsyanı boğmağa məcbur edə biləcək qanunların qəbul edilməsinə, sonralar yalnız qiyam yolu ilə hakimiyyətdən salına biləcək insanların hakimiyyəti ələ keçirməsinə yol verir. Tarixə hakim olan labüdlük bu laqeydliyin, özünü uzaqlaşdırmanın aldadıcı təzahüründən başqa bir şey deyil.

    --sitat--



    ardı burada- http://solfront.org/archives/5404


sən də yaz!