əli isa cabbarov



facebook twitter əjdaha lazımdı   izlə   lələ   mən   googllalink

    1. 40 yaşlı azərbaycanlı rejissor, ssenarist və prodüser. "Düyün" ilk qısametrajlı filmidir. Bu günlərdə təqdim etdiyi ən yaxşı film onluğunda sovet kinosunun ağırlığı hiss olunur.
    əli isa cabbarovun ən yaxşı filmlər siyahısı belədir:

    1. "güzgü", Andrey Tarkovski, 1974-cü il - “Müsəlman üçün “Qurani-Kərim” nədirsə, kinematoqrafiya üçün də bu film bax, o statusdadır. Kinonun sənət olaraq xeyli sirləri o filmdə var. Əsl poeziyadır. Haqq öz əksini tapmış “Güzgü”dür”

    2. “Nostalgiya”, Andrey Tarkovski, 1983-cü il, Kann kinofestivalında “ən yaxşı rejissor” mükafatı - “Məhəmməd Füzulini axtarsanız, bu filmdə tapa bilərsiniz. Maddiyatda olanın ruh aləmi üçün həsrəti var bu filmdə. Maddiyat ilə mənəviyyatın sərhədində olanlar bu filmi duya bilər. Sufi filmdir. Filmdə həqq ilə münasibətdə müxtəlif ovqatlı aşiqlərin hekayəti var”.

    3. “Oxuyan qaratoyuq vardı”, Otar ioseliani, 1970-ci il - “ioseliani Vaqif Səmədoğlu ilə yaxın dost olub. Yaradıcılıqlarında da yaxınlıq var. ikisi də kefli filosoflardır. Dünyanın gülməli faniliyini ioseliani qədər dəqiq verən tapmazsınız”.

    4. “Doqvil”, Lars Fon Trier, 2003-cü il - “Cəllad kimi həqiqəti söylədiyinə görə bu filmi sevirəm. Film kinoestetika cəhətdən zəmanəsini qabaqlayıb. Həm də “Həpimiz Doqvilliyik!”

    5. “Burjuaziyanın təvazökar cazibəsi”, Luis Bunyuel, 1972-ci il, “Oskar” mükafatçısı - “Bakının bahalı qlamur restoranlarında olmamısınızsa, oranın sakinləri ilə tanış deyilsinizsə, iri biznes sahibləri ilə tanışlığınız yoxdursa, tələsməyin və bu filmə baxın. Hamısı orda var”.

    6. “Yeddi samuray”, Akiro Kurasava, 1954-cü il - “AZTV və bütün milli kanallar şəhadət mövzusunda 70000 veriliş verib, amma heç kim şəhidliyi bu filmdəki kimi dəqiq təsvir edə bilməyib. Bu filmdə şəhidliyi qazanc yeri olan samuraylar və şəhidliyi cihad olan kəndlilər var. Filmdəki döyüş səhnələrinə baxanda qəhər məni boğur”.

    7. “12 qəzəbli kişi” , Sidney Lumyet, 1957-ci il, “Oskar” mükafatçısı - “Filmin əvvəlində 11 nəfər deyir “günahkardır”, 1 nəfər deyir “günahsızdır. Filmin sonunda isə 12 nəfərin hamısı deyir “günahsızdır”. Artıq şərhə ehtiyac varmı?”

    8. “Mexaniki pianino üçün tamamlanmamış pyes”, Nikita Mixalkov, 1977-ci il - "Çexovun ən dəqiq kino həllərindən biridir. Bəlkə də, ən çox baxdığım filmlərdəndir. Film deyil, şərabdır. Bu filmə baxanda nakam sevginin acısını, nostalgiyasını, həm də bu haqda xatirələrin şirinliyini dadırsan”.

    9. “Maqnoliya”, Pol Tomas Andersen, 1999-cu il, Berlin kinofestivalının “Qızıl ayı” mükafatı - “Filmdə bir neçə paralel hekayə var. Həyat da belədir – paralel 9 milyard onlayn hekayə. Bir də filmdə Filip Seymur Xofman və Culian Mur var. Bu filmi sevməyəsən nə edəsən?”

    10. “Sevən amma ərə gedə bilməyən Asya Klyaçinanın hekayəsi”, Andrey Konçalovskiy, 1967-ci il - “Bədii film olsa da, sənədli film üslubunda çəkilib. Filmdə ucqar sovet kolxozunun sakinləri oynayır. Ocaqov “Tütək səsi”ndə bəzi səhnələrdə bu filmdən ilhamlanıb. Bu filmə sevgi haqda ensiklopediya da demək olar”.

    dostlar, filmlərin adları azərbaycanca olduğundan tapmaqda çətinliklər olur. ona görə filmlərin imdb siyahılarını yazıram ki, filmləri rahat tapıb izləyə biləsiz.

    1. http://www.imdb.com/title/tt0072443/?ref_=nm_flmg_wr_6
    2. http://www.imdb.com/title/tt0086022/?ref_=nm_flmg_wr_3
    3. http://www.imdb.com/title/tt0151035/?ref_=nm_flmg_dr_14
    4. http://www.imdb.com/title/tt0276919/?ref_=nv_sr_1
    5. http://www.imdb.com/title/tt0068361/?ref_=nm_flmg_wr_8
    6. http://www.imdb.com/title/tt0047478/?ref_=nm_knf_t2
    7. http://www.imdb.com/title/tt0050083/?ref_=nv_sr_2
    8. http://www.imdb.com/title/tt0076446/?ref_=nm_flmg_act_30
    9. http://www.imdb.com/title/tt0175880/?ref_=nv_sr_3
    10.http://www.imdb.com/title/tt0060549/

    ps. Şahin xəlilin analoji siyahısı üçün #125415


sən də yaz!