universitet müəllimi olmaq



facebook twitter əjdaha lazımdı   izləmə   lələ   mən   googllalink

    1. müəllim və ya müəllimə. fərqi yoxdur. maraqlıdır, həmişə həsrətində qalacam kimi də bir hiss yaranır bəzən. sözlükdə azərbaycanda universitet müəlliməsi olan iki gənc xanım var məsələn. qısqanır adam. xüsusilə də azərbaycan kimi ölkələrdə tələbələrdə dəyişə biləcəyin və öyrədəcəyin çox şey olur.
    2. tələbələrlə yaş fərqi az olanda bütün əsəblərini məhv edən iş.tanındıqca vaxt ilə keçsə də, ilk aylarda yeni girdiyin hər qrupda şübhə ilə qarşılanırsan, hər qrupda sənin biliyini hər saniyə gic-gic suallarla yoxlayan bir-ikisi tapılır. hələ qadınsansa, özünü playboy sananlar da var.
    3. ali təhsil müəssisələrində tədrislə əlaqəli işdə işləmək. subyektiv fikrim maaşı ortadan aşağı olmadığı təqdirdə ən optimal peşə seçimidir. kitab oxumağa görə pul verilən yeganə iş olduğunu deyə bilərik.
    4. bəzən öyrətmək, bəzən pul qazanmaq (illeqal yollardan, başa düşdün sən*) məqsədilə edilən, yorucu iş.

    indi o bəzi müəllimlərə sözüm yoxdur. hansı ki, yalandan dərs keçib, sonra da pulunu istəyənlərdən. hansı ki, maraqla dərsini keçə və qarşısındakı tələbədən maddi mənada heç bir şey gözləməyə.

    ancaq belə bir müəllim kateqoriyası da var ki, hərdən özümü onların yerinə qoyub fikirləşirəm. doğurdan da, mən onların yerində olsam, nağararam? o müəllimləri deyirəm ki, həmin müəllimin dərsindən imtahan olmaya ilin axırında və qarşısındakı tələbədən heç bir şey gözləməyə.

    bizim bir müəllimimiz var. dərsə gəlir, gedir. imtahan yoxdu həmin fənndən. heç kim oxumur dərsini. starustamız güc-bəla ilə (özünün dediyinə görə) yola gətirib, hamıya 3-dən 5-dən yazır. bəs bu müəllimin mühazirələri necə keçir? girmisən otağa. elə bir otağa ki, bilirsən ki, heç kim səni dinləmiyəcək. hamının fikri ayrı yerdə, hamının kafa 1 milyon. girirsən dərsə. vicdanın rahat etmir, bir az da qorxursan, eşidib-görən olar dərs keçmədiyimi, problem yaranar. başlayırsan dərsi danışmağa. proqrama əsasən, mühazirə başlayır. sonra tələbələrə baxırsan. hamının başı partasına düşüb. hamı söhbət etmək cəhdindədir. başqa-başqa bədii əsərlər, dərslər, telefonlarına gələn mesajları oxuyurlar. sən də heç kimin qulaq asmadığını bilə-bilə məcbur dərsini danışırsan, nəfəsini boşa xərcləyirsən. gedirsən.

    bax belə bir tərəfi də var universitet müəllimliyinin. gözlədiyini əldə edə bilməyən, məcburiyyət şəklində işini görən tərəfi.
    5. Mənəvi səviyyəsi olmayanlara yaraşmayan peşədir.tələBə vaxtı elələrinə "alim olmusan amma eşşəksən hələ Də.." Diyemedim ya la...
    6. Mənə görə zövqverici işdir.Rahatlıqla mövzunu müzakirə edə biləcəyin bir kütlə olur qarşında.Müsbət tərəflərdən biri də,tələbələr ilə aranda yaş fərqinin az olmasıdır.səbəbini bilmirəm,nə isə çox pozitiv enerji ötürən işdir.Bircə auditoriyada səni təpədən dırnağa qədər süzən qız tələblər olmasa.adam rəsmən kompleks keçirir.
    7. universitet müəllimiyəm. əslində leksiyalardan, office hours dedikləri şeydən nifrət edirəm. araşdırma aparan bir adam üçün əsl əziyyətə çevrilir. üç-dörd saat boş vaxt qalır ya yox. o vaxtı isə üç-dörd məqalə oxuyursan, biraz qaralama aparırsan və yuxulayırsan. post-doc dedikləri zaman dilimində isə ümumiyyətlə bilmirsən öz araşdırmana çatasan yoxsa tələbələri razı salasan. səhər 7 də və bəzən daha tez universitetə doğru evdən yola çıxıram. maaş maşın almaq üçün kifayət etmir deyə məcbur yarım saat nəqliyyat gözləyirəm. saat 8:15 də orda oluram. sənədlər, fotokopiyalar, dərsə yazılanların kağızları, leksiyada istifadə olunan kitablar filan yığım deyərkən birdə baxırsan saat 9 olub artıq. dərslər arası saat 11 də çay saatı, 12-13:00 arası isə günorta yeməyi fasiləsi olur. birdə advisor olmaq var hələ. daha sonra yazarıq.


sən də yaz!