antonov an-2



facebook twitter əjdaha lazımdı   izləmə   lələ   mən   googllalink

    1. Məşhur "Kukuruznik" ləqəbi ilə tanınan iki cüt qanadlı (bax: Biplan) təyyarə.

    1947-ci ildən bəri istehsal olunması ilə ən uzunmüddətli (70 ilə yaxın) istehsal olunan təyyarələrdən biridir. Bu 70 ilə yaxın müddət ərzində SSRI (Ukrayna SSR, Rusiya SSR), Polşa, Çin kimi müxtəlif ölkələrin zavodlarında 18 mindən çox müxtəlif variantları istehsal olunub. Indi, ancaq Shijiazhuang Y-5 adı altında Çində istehsal olunur və Rusiya yeni modifikasiya olunmuş An-2-100-ü istehsal edəcəyini açıqlamışdı (yoxsa, artıq istehsal olunur, dəqiq bilmirəm).

    An-2-lərin "Kukuruznik" ləqəbi ilə tanınmasının səbəbi onun kənd təsərrüfatı, kimyəvi dərmanlama işlərinin aparılması üçün istehsal olunan variantlarının daha geniş yayılması ilə bağlıdır. (bax: qarğıdalı sahələri)

    "Kukuruznik"lər təkcə kənd təsərrüfatı işləri üçün də istifadə olunmur(du), sərnişindaşıma (12 yerlik), paraşütlə tullanma (bax: Desantni), yükdaşıma, tibbidaşıma (? - biraz qəribə ifadə oldu, siz nəyi nəzərdə tutduğumu bilirsiniz), hərbi və digər məqsədlər üçün də istifadə olunur. Hətta VIP-i belə yaradılıb.

    Azərbaycanda Sovet dövründə "Kukuruznik"lər dərmanlama işlərinin aparılması ilə yadda qalsa da ölkədaxili uçuşların yerinə yetirilməsində də istifadə olunub.


    Azərbaycanda indiyənə kimi An-2-lə bağlı 2 ölüm-itim hadisəsi olub. Bunlardan biri 1974-cü ildə Qaxda olub. Hadisə içkili pilotun səhvi nəticəsində baş verib və 8 nəfər dünyasını dəyişib. Digər hadisə isə Qarabağ müharibəsi vaxtı Xocalı hava limanından Yevlax aerodromuna uçan An-2-nin Xocalının Xanabad kəndi yaxınlığında ermənilər tərəfindən vurulması ilə baş verib. Nəticədə 7 nəfər həlak olub.

    Hal-hazırda Azərbaycada Balakən Aviasiya Mərkəzində 2 ədəd, Dövlət Sərhəd Xidmətinin aviasiya dəstəsində isə N sayda An-2-lər var. Qeyd edim ki, Balakəndəki An-2-lərdən paraşütlə tullanmaq üçün istifadə olunur və təlim keçdikdən sonra siz də paraşütlə An-2-dən tullana bilərsiniz.

    P.S Sovet Azərbaycanı kinolarında An-2 olan səhnələr az deyil.

    P.S.S Nə vaxtsa An-2-nin kokpitində pır-pırının səsindən qulağım bata-bata "yeetim, zoor" hayqırmaq diləyilə. Gələn görüşlərədək, telefonla az vaxt sərf eləmədim bunu yazmağa, day yekunlaşdıraq.
    2. Yol əhvalatı filmində göstərilən təyyarənin modeli. Qoyunları bu təyyarəylə gətirirlər.
    3. Dünən ilk dəfə Ağstafa səmasında canlı müşahidə etdiyim təyyarə. Deyilənə görə türkiyəli iş adamları əkin sahələrinin dərmanlaması üçün istifadə edirlər. Səsi vertolyot səsinə oxşayır, baxanda görürsən ki, təyyarədir. Adətən 200 metrədək ən aşağı hündürlükdə 150-170 km/saat az sürətlə uçuş yerinə yetirirlər.


sən də yaz!