rüstəm behrudi



facebook twitter əjdaha lazımdı   izləmə   lələ   mən   googllalink

    1. Dar ağacına salam deyən şair, iblisi mələkdən gözəl bilən filosof.

    Rüstəm Behrudi "Salam, dar ağacı"
    Yolumu gözlədin hər səhər-axşam,

    Salam, Dar ağacı!

    Əleyküm-salam.

    Əcəllə ölməyə doğulmamışam,

    Salam, Dar ağacı!

    Əleyküm-salam.

    O hansı millətdir, taleyi sirdir?

    Yüz adla bölündü, yenə də birdir!

    Məni hüzuruna bu dərd gətirdi,

    Salam, Dar ağacı!

    Əleyküm-salam.

    Xəzəri, Baykalı, Aralı gördüm,

    Gördüm can üstədir, yaralı gördüm.

    Tanrını bəndədən aralı gördüm,

    Salam, Dar ağacı!

    Əleyküm salam.

    Çarxı tərs fırlanır fələk qarının,

    Turan kölgəsində budaqlarının.

    Rəngi bayrağımda yarpaqlarının,

    Salam, Dar ağacı!

    Əleyküm salam.

    Əvvəlin axırı, sonun əvvəli

    Buymuş, bilməmişəm bunu mən dəli.

    Qorxum yox! Nə olsun boyun göy dəlir?!

    Salam, Dar ağacı!

    Əleyküm-salam.

    Danış, Əmir Teymur, bu son nəydi bə?

    Boynumda ağ kəfən, dilimdə tövbə...

    Dərsini tərs bilən, mənimdi tövbə!

    Salam, Dar ağacı!

    Əleyküm-salam!

    Səni mən əkmişəm...Mənə sən qənim,

    Səni suvarmağa halaldı qanım;

    Yarpağın rəng alsın qanımdan mənim,

    Salam, Dar ağacı!

    Əleyküm-salam!

    Ey darın ağacı! Kimdən kəməm, kəm?!

    Ya səni yendirrəm, ya sənə yennəm.

    Ya da budağında yarpağa dönnəm,

    Salam, Dar ağacı!

    Əleyküm-salam.

    Qırğızam, özbəyəm, qazax, türkmənəm,

    Başqırdam, kərkürəm, elə görk mənəm.

    Sənin gözlədiyin qərib türk mənəm!

    Salam, Dar ağacı!

    Əleyküm-salam.

    Qəbul et, növbəti qurbanın mənəm,

    Mənim canım səndə, bil, canın mənəm.

    Elə qürrələnmə, hər yanın mənəm,

    Salam, Dar ağacı!

    Əleyküm-salam.
    2. --spoiler--

    – Rüstəm bəy, beynəlxalq qurumlar da, hüquq müdafiəçiləri də Azərbaycanda fikir, ifadə azadlığına görə onlarla adamın həbs edildiyini bildirirlər. Məsələn, heykəl məhbusu kimi tanınan gənclər...

    – Xəbərim var onlardan. O adamlar o heykəli yazıblarsa belə... Mərhum prezident Heydər Əliyev böyük adamdırsa, bu sözlər ona neyləyər, hə? Böyükdürsə, bu söz ona neyləyər? Onun üstündə bir adama 10 il iş vermək olar? Bir sözə görə, hə? Böyüklük o olardı ki, onu bağışlayasan! Vurub adam öldürüb ki, o qədər iş verirsən? Uşaqdı, etiraz edib. Onun da ağlı o cür kəsir. Etiraz edib ki, mən bu gül bayramını istəmirəm, buna xərclənən pulları istəyirəm bizə xərcləyəsiniz. Səhv deməyib ki? Bu da onun istəyidir də. Yəni o cümləni Heydər Əliyevin heykəlinin altına yazmaqla o böyüklükdən düşdü? Yox.

    --spoiler--
    link link


sən də yaz!