telefondan kitab oxumaq



əjdaha lazımdı   izlə   lələ   mən   googllalink

    1. bu sifarişi verən: Qapını döyüb qaçan adam
    Əsl kitab, kitab qoxusunun ləzzət eləməsi falan söhbətləri bir yana məncə telefondan kitab oxumaq ən əla seçimdi. Hər şeydən əvvəl gecə normal kitab oxumaq üçün gərək işıqları yandırasan. Otaqda tək deyilsənsə sıxıtılı vəziyyətdi. Ən rahatı telefona pdf atıb hər boş anında, ya da olduğun yerdə olmaq istəməyəndə başqa aləmə keçmək üçün çıxart telefonu mütaliəni dad!
    2. əslinə qalanda çox əla seçimdi,çox üstünlüyü var.məsələn mən 7-10 günlüyünə səyahətə gedəndə fikirləşirəm görən özümlə neçə kitab götürüm?qalın kitabları ixtisar eləmək istəyir(çox yer tutmaq,ağırlıq eləmək baxımından),bir tərəfdən də yollarda kitabsız qalmaqdan çəkinirəm.pdf formanı yükləyəndə isə heç bir əlavə yüksüz istədiyin qədər oxuya bilərsən.
    di gəl ki gözlərim çox həssas olduğu üçün bu qədər uzun müddət telefona baxa bilmirəm.amma bu cür problemi olmayanlar üçün idealdı.
    3. Kağız israfçılığını əngəlləmək üçün gözəl texnologiyadır amma qısa kitablar üçün bu mümkün ola bilər. 500 səhifəlik kitabı telefondan oxumaq göz sağlığı üçün təhlükə yarada bilər.
    4. pdf oxumaq adamı gözdən əlil edə biləcək ikən ereaderprestigo kimi app-lər ilə EPub formatında oxumağın nisbətən xeyli rahat, əla olduğu aktdır.
    5. Moon Reader Pro ilə kitablar bitirmək mümkündür. gecə modu falan çox kömək eləyir.
    6. Daha cool hərəkət üçün:
    (bax: Storytel)
    7. gözlərimin zəifləməsində çox böyük rolu olmuş hərəkət. evdən harasa gedəndə, metro, avtobus olsun, qulaqlığı taxır, ambient music-lərdən birini açır (yerinə görə skyrim theme, yerinə görə cyberpunk theme və s.), kitabımı oxuyurdum. şəxsən zövq də alırdım. bu yolla lotr, hitchiker's guide to the galaxy kimi kitabları 1-2 həftədə bitimişəm.

    ancaq gəl ki, bu yolun əvvəl də qeyd etdiyim kimi, gözləri yormaq və zəiflətmək kimi bir əks təsiri də var. gözüm çox zəiflədikdən sonra göz əməliyyatı oldum və təxminən yarım ildən çoxdur telefondan kitab oxuya bilmirəm. maddi cəhətdən babat olmadığım və azərbaycandakı kitab qiymətləri də məlum olduğu üçün (sırf oxumaq üçün kitab oxumuram, bir oxuma planım, hədəfim var), uzun müddətdir ki, düz-əməlli kitab oxuya bilmirəm.

    tək çıxış yolu kindle, paperbook kimi e-kitab oxuyucaları görünür.
    8. real olaraq kitabın yerini verməsə də,eyni düşüncəni,bir az əskik həzzi verən,tapa bilmədiyin ya da almaq istəmədiyin kitabları oxumaq üçün əla məşğuliyyətdir mənə görə. Bir də normalda kitabdan daha çox əlin telefona gedir və ordakı kitabı bitirmə tezliyi daha çoxdur,mən pdf versiyada oxuyub bitirmişəm neçəsini,gözümün zəif görməsinə baxmayaraq,mənə ekstra ağrı, yorğunluq hissi vermirdi. Amma Bəlkə də bunun ucbatından lap betər vəziyyətə düşüb görməm,xəbərim yoxdur.
    10. sizlərdən fərqli olaraq mənə ləzzət verməyən fəaliyyətdir. söhbət göz ağrısından da getmir. sadəcə olaraq həmin kitabdan həzz ala bilmirəm. imkanım olduğunda kitabı alıram, əks halda isə kitabxanalara üzv olub müvəqqəti də olsa mütaliəmi davam etdirirəm.


sən də yaz!