the platform



əjdaha lazımdı   izlə   lələ   mən   googllalink

    1. Bu yaxınlarda neftlix"də boy göstərən ispan istehsalı film. hamı evdə qaldığına görə də, çox insan tərəfindən izlənildi, bəyənildi və ən çox müzakirə olunan film halına gəldi. Deməli, söhbət nədən gedir: the hole deyilən həbsxana var. Həbsxananın yüzlərlə otağı, hər otaqda da iki məhbus var. Lakin bu həbsxananın digər həbsxanadan fərqləndirən cəhət ondan ibarətdir ki, otaqlar vertikal şəkildə sıralanıb. Hər otağın mərkəzində platformun hərəkəti üçün yarıq/deşik var. Platforma da hər məhbusun sevdiyi yeməklər qoyulur. Daha sonra platform birinci mərtəbədən yavaş-yavaş aşağı mərtəbələrə gəlir. Beləliklə də, yuxarı mərtəbədə olanlar platformdan acgözlülüklə bacara bildikləri qədər yemək yeyirlər, müəyyən otaqlardan sonra isə platformda artıq yemək bitir və aşağı mərtəbədə olanlar aclıqla üz-üzə gəlirlər. Sadə dilsə desək, the hole"a girən hər kəsdən sevdiyi yeməkləri soruşurlar və menyuya daxil edirlər. Yəni hərkəs öz sevdiyi yeməyi yesə, yemək hamıya çatacaq, amma yuxarıdakılar lazımından artıq yediyinə görə, aşağıdakılara yeməyin artıqları, lap aşağıdakıları isə heçnə qalmır. Filmin başlanğıcında da deyildiyi kimi "insanlar 3 qrupa ayrılırlar: yuxarıdakılar, aşağıdakılar və düşənlər". Hər bir aydan bir də məhkumların yeri dəyişir. Yəni bir ay 5-ci mərtəbədə varlıq içində yaşayan, digər ay 130-cu mərtəbədə acından otaq yoldaşını yeyir. Filmin mövzusu da goreng adlı gijdıllağın the hole"a könüllü şəkildə girişindən sonra başına gələn hadisələrdən bəhs edir. Kapitalist sistemi tənqid atəşinə tutan filmin sonu da biraz müəmmalı qalır. Rejissor filmi ucuaçıq bitirir, amma mənə görə, olduqca qane edici bir final idi.

    P.s. bu filmlə motiv cəhətdən oxşar snowpiercer filmi də var. The platform xoşunuza gəlsə, buna da baxmağı məsləhət görürəm.
    2. Netflix-də Türkiyədə ən çox izlənən filmlər arasında olduğu üçün izləməyə qərar verdiyim film. Fərqli filmdi və gözəl məsajlar verir. Hər mərtəbədə yeyənlər var. Aşağı mərtəbədəsənsə ancaq yuxarıdan qalanları yeyirsən. Yuxarıdakılar isə heç vaxt doymurlar ve aşağıdakıları düşünmürlər. Acgözlük insanların qanında var.
    (bax: There are three types of people: Those at the top, those at the bottom, and those who fall.)
    3. axır ki, bu filmə baxma imkanı əldə etdim və baxdım. ispanların yanıq türklər olduğunu düşünürdüm, amma belə bir filmi ərsəyə gətirə biləcəklərini düşünməzdim. filmin mövzusu qarışıq, sonluğu isə müəmmalıdır. adətən sonluğu müəmmalı olan istənilən film və ya serial mənim üçün zibilə bərabərdir, amma bunda o hissi yaşamadım.
    qeyd: bundan sonrakılar spoilerdir!

    --spoiler--

    film nə işlə məşğul olduğunu anlamadığım goreng adlı birinin 48-ci mərtəbədəki təcridxanada gözünü açması ilə başlayır. normal olaraq ilk gəldiyində heç bir şey anlamır və qaydalara uyğun olaraq onunla eyni mərtəbəni bölüşən digər məhkumdan bilmədiklərini soruşur. bu anlarda yuxarıdan gələn platforma və üzərindəki ala-yarımçıq yeməklər bu iki məhkumu gözləyir. goreng ilk vaxtlarda bu qidaları yeməkdən iyrənir, amma qoca məhkumun ona yaxın davranması ilə adi həbs həyatı keçirdiyini sanır. amma işlər 180 dərəcə dəyişir və bir ayın sonunda onlar daha alt mərtəbəyə düşməli olurlar. bu mərtəbəyə qədər isə bütün qidalar yeyildiyindən platforma boş olaraq gəlir və goreng-in görəsi günləri də bundan sonra başlayır.

    bunun ardını olduğu kimi yazmaq istərdim amma ağlımda olan bir neçə sual var. ikinci ramzes adlı itiylə könüllü surətdə gələn qadının məqsədi nə idi? və daha sonra özünü niyə asdı? gorengin yanında olan qocanın bu sistem idarəçiləri ilə birbaşa olaraq əlaqəsi var? tez-tez isa məsihin adı niyə hallandı? balaca qız 333-cü mərtəbəyə necə düşüb və anası onu necə içəri salıb? (qızın 16 yaşın altında olduğunu nəzərə alaraq).

    --spoiler--
    bu və bunlar kimi yüzlərlə sualla bir filmi bitirdim. amma sonluqdakı müəyyənsizlik ağlımdan çıxmır. bunun davam filmi çəkilsə, öz əhəmiyyətini itirəcək. fəqət nəticəsiz heç bir iş olmur, bizə məlum olan hansısa bir sonluq olmalı idi.
    ümumi götürdüyümüzdə isə başdan-ayağa kapitalizm və onun fonunda qurulan insan cəmiyyətini təqdim edir (təbii ki, daha vəhşi formada). iyearxiya kimi qurulan bir quruluş, amma heç kimin 1 ay sonrasını təxmin edə bilmədiyi bilinməzlik. alt mərtəbələrdəki insanların yuxarı mərtəbələrdə yaşayanların ümidinə qaldığı bir anda keçmişdə ac qalan insanların yalnız özü üçün yaşaması və aşağıdakıları fikirləşməməsi. sistemin insanlara seçim haqqı verməsi, amma seçimin sonluğunun sistemin dediyi kimi olması. və insanların az miqdarda yemək yedikləri halda çox asanlıqla sıça bilmələri. bu sıçmaqla alt mərtəbədə olanları tərbiyə etməyin mümkünlüyü verilir. bu da ya döyə-döyə, ya da söyə-söyə yuxarıdakıların doğru saydıqlarını sənə məcbur etdirir. sən isə onlarla bacarmadığın üçün ya tabe olursan, ya da yemə çevrilirsən. goreng-in yuxarıya doğru sıça bilməmək bənzətməsi də bunun isbatıdır.

    bu film daha dərin araşdırılmaya layiqdir, yenə də son dövrlərdə izlədiyim tək-tük film kimi film deyə biləcəyim filmdir. ya da bizim elə deyə bilməyimiz üçün çəkilən filmdir.
    4. Yemekden sadece 2 saatlıq soyudan film. Kaş daha çox soyudaydı. Im tired of being fat, baci, qardaslarim.


sən də yaz!