bo burnham



əjdaha lazımdı   izlə   lələ   mən   googllalink

    1. Əsil adı Robert Pickering Burnham olan 29 yaşlı daha çox komediya ilə məşğul olan musiqiçi və rejissor. Stand up"ları bir qədər fərqli olan Bo öz şoularında toxunmaq istədiyi mövzunu musiqi vasitəsilə dinləyiciyə ötürür. Bir növ steve martin, tim minchin'in etdiyi comedy song deyilən şeyi edir. Hələ uşaq olarkən öz balaca otağında digital pianino ilə komedik mahnılar yazmağa başlamış və həmin müddət ərzində "my whole family think i am gay", "my little secret..." adlı öz otağında rekord etdiyi iki mahnını yutuba yükləyir. Videoların yüklənməsi sosial medyanın yavaş-yavaş formalaşdığı dövrə təsadüf etdiyinə görə, yazdığı komedik mahnılar bir çox medya platformalarında viral olur. Yəni şöhrət bo burnham"a çox erkən yaşlarında gəlir. Sonrakı müddətdə isə bo yutuberlik fəaliyyətini davam etdirir və comedy central record"la partnyorluq edərək ilk albomu olan "bo fo sho" adlı albomunu ərsəyə gətirir.

    Şair bundan sonra stand up"la məşğul olur. ilk stand up"ı isə "words, words, words" albomu ilə eyni adı daşıyan stand up olmuşdur. ilk səhnə təcrübəsi olduğu üçün biraz naşılığı olmasına baxmayaraq, çoxları tərəfindən fərqli üslub kimi xarakterizə edilən uğurlu bir səhnə performansı idi. Demək olar, hər stan up şousunda toxunduğu və tənqid elədiyi mövzu daha çox amerikan əyləncə sektoru və onun saxtakarlığı haqqında olur. Sözügedən şoudan sonra artıq öz stilini oturtan bo özünü tamamilə yaradıcılığa verir. Belə ki, günün 8 saatını komedik mahnılar yazmağa sərf edir, gecələr isə film ssenarisi yazmağa başlayır. Beləcə, şeir kitabı olan "Egghead" və ən yaxşı stand up şousu "what" işıq üzü görür. Təkcə stand up"ın açılış hissəsindən bilmək olar ki, şouya nə qədər əmək sərf edilib. Mövzu cəhətdən də geniş sferaya malik olan bo şouda gah "from god's perspective" mahnısı ilə din və tanrı mövzusuna
    (youtube: )
    , gah "repeat stuff" mahnısı ilə amerikan əyləncə sektoruna
    (youtube: )
    , gah da "left brain, right brain" mahnısı ilə içindəki fikir kolliziyasına komedik bir dillə toxunmuşdur
    (youtube: )
    . Şou da olan zarafatların əksəriyyəti insanların sənətkarlara, müğənnilərə olan münasibəti, sevgisi üzərində qurulub. Stand up'dan ən xoşuma gələn sitat isə "you don't love me, you love the idea of me. It’s called a para-social relationship. It’s one sided and ultimately destructive, but please, keep buying all of my shit forever." olmuşdur. Fikrimcə, şounun ən yaxşı mahnısı "repat stuff" mahnısıdır. həmçinin bo bu mahnıya klip çəkərək single şəklində çıxartmışdır
    (youtube: )
    . Mahnı kəskin şəkildə yeniyetmələrin puberti dönəmindən faydalanan amerikan musiqi sektorunu və bu işlə məşğul olan müğənniləri (bax: justin bieber) tənqid atəşinə tutur. Həmçinin sənətin artıq öldüyünü, tanınmışların sənətindən daha çox dəbdəbəli şəxsi həyatları ilə ön planda olduqlarını göstərir. Mahnının ən sevdiyim hissəsi isə bu olmuşdur:

    I'm in magazines full of model teens, so far above you
    So read them and hate yourself, and pay me to tell you I love you
    And the parents will always come along, because their little girl is in love
    And how could love be wrong? How could love be wrong? When you Repeat stuff

    işin gülməli tərəfi odur ki, bo burnham "repeat stuff" mahnısını canlı olaraq ifa etdiyi şouların birində selena gomez və justin bieber təsadüfən izləyicilərin içində olublar. Bunu biləndən sonra "repeat stuff" performansını bir də izləyib 10 qat daha artıq həz almışdım.

    Müəyyən durğunluq dövründən sonra bo "make happy" şousu ilə geri döndü. Əvvəlki stand up'lardan fərqli olaraq sözügedən şou biraz depresif abu-havaya sahib idi. Buna baxmayaraq, yenə də izləyiciləri kifayət qədər güldürməyi bacarmışdı. Bir növ tragedy in comedy dadında stand up olmuşdu. Artıq Bo erkən yaşda gələn şöhrətin yükünə davam gətirmədiyini bildirir. Şounun bağlanış musiqisi olan "can't handle this" mahnısında sayısız metaforlarla həm güldürə-güldürə, həm də düşündürə-düşündürə bu problemlərdən bəhs etmişdir
    (youtube: )
    . Bo bu şousunda da əyləncə sektoruna yenə də toxunmuşdur, lakin biraz fərqli tərzdə. Artıq günahı dinləyicilərdə axtaran bo qətiyyətlə bildirir ki, sənətkarı deyil, sənətin özünü sevin. insanlar sənətkarı sevməyə davam etdikcə, sənət həmişə ikinci planda qalacaq. Sözügedən şouda da izləyicilərdən biri bo'ya səni sevirəm( i love you) deyə qışqırır. bo isə "No, you fucking don't. You do not. Haters gonna hate, lovers gonna love. You need to reject both sides of the spectrum to leave a healthy middle. Now trying to immortalize something I've worked on for a long time. shut up." deyə cavab verir. "make happy"dən sonra bo burnham bir də səhnəyə çıxmayacağını bildirmişdir. lakin son zamanlar sinematoqrafiya ilə məşğul olur. özünün ssenarisini yazdığı və rejissoru olduğu "eight grade" filmi bir çox mükafata layiq görülmüşdür. Həmçinin "zach stone is gonne be famous" adlı bir sezonluq serialı da mövcuddur.

    P.s. bo'un öz sözlərini originallığı pozmamaq üçün ingilis dilində verməyi daha üstün tutdum. Öz dilimizdə sitatlar o qədər də effektli çıxmır.


sən də yaz!