1. Gündəlik həyatımızda və kimyada mühüm yeri olan birləşmə.
#294666 bu entrydən yola çıxarkən başlığın açılmadığını gördüm. Düşünürəm ki, kimyaçı olaraq mən nəsə paylaşsam yaxşı olar. Deməli belə,
Molekulyar formulu: NaHCO₃
Molyar kütləsi: 84,007 g/mol
ilk dəfə1791-ci ildə fransız kimyaçısı *Nicolas Leblanc* tərəfindən istehsal olunub. Natrium biokarbonat  karbonat turşusunun monosodium duzudur. El arasında soda kimi tanınır. Ağ rəngli,qoxusuz, xəfif turşu dadlı kristalşəkilli maddədir. Otaq temperaturunda adi suda həll olur.
Adətən şirniyyat bişirilən zaman istifadə olunur, səbəb isə maddənin 50°dən qızdırıldıqda parçalanmasıdır. Bu zaman şirniyyatlarınız daha hündür və yumuşaq olacaq (bax: evdar qadınlara məsləhətlər )
NaHCO3 → Na + CO2 + H2O
Maddə həmçinin zəif dezinfeksiyaedici xassəyə malikdir. Buna görə də hovuzlarda suya qatılır, həmçinin diş pastası, dezodorant, təmizləyici maddələr və s. Kimi gündəlik istifadə etdiyimiz şeylərin tərkibində rast gəlmək olur. Həmçinin göbələk əleyhinə təsiri var. Arıqlatdığı deyildiyi üçün hər səhər sodalı su içən tanışım da var o ayrı məsələ. Qısaca desək, tibbdə və sənayedə mühüm əhəmiyyəti olan kimyəvi birləşmədir.