avtobus mədəniyyəti



əjdaha lazımdı   izlə   lələ   mən   googllalink

    1. Uzun zaman (karantin və karantindən əvvəl tam tamına 3 ay) sonra avtobusa minmə lənətinə düşdüm. Heç vaxt özümü bu qədər pis hiss eləməmişdim və bu qədər əsəbiləşməmişdim.
    3 aydır vampir kimi qaranlıq otaqda oturub insan görməyən gözlərim üçün bu günəş həddindən artıq artıq idi. Hər kəsi izləyirdim, kim nə edir, hara gedir, necə geyinib. Sanki insanlıqdan uzaq qalmışdım, yeni tanış olurdum hər şeylə. Amma kaş çıxmayaydım çölə..

    Avtobusa mindim. Tək olan yerdə oturdum, tərslikdən həm günəş düşən tərəfdə oturmuşdum,həm də qulaqcıqlarımı evdə unutmuşdum, yol qısa idi deyə götürməkçün geri də dönmədim.
    Yolda gedirik ki, birdən arxadan hansısa kişi türk aktyorun səsini eşitdim, çevrildim, qadın bir tərəfdən qucağında uşağı ilə əlləşərək bir yandan da serial açıb izləyir, qulaqcıq da istifadə etmir və səsi 100ə qaldırmışdı bəlkə də. Sonra bir kişi səsi yenə eşitdim, başımın üstündə. Baxıram ki, kişi vpda göndərilən səsi açıb hamı eşidə-eşidə qulaq asır, ən pisi də, səs göndərən kişi səsdə ağzına gələni danışır. Bir tərəfdən də yanındakı dostu ilə gülüb əylənərək söhbət edir. Sonra kiməsə dayanmadan vpdan mesaj gəlir, amma dayanmadan. Telefonu da səssizə almır, yox e nə danışırsan bu sosial insan olduğunu hər kəsə göstərməlidi. Uşaq ürəkdən ağlıyır, sanki kimsə tutub qıraqdan çimdikləyir. 2 qeybətcil nənə "booy azz" deyə-deyə kiminsə evini yıxırdılar, arada da melodiya kimi gülüşlərini eşidirəm. Ortayaşlı bir uşaq sürücünün arxasında oturub ən yüksək səslə pubg oynayır həm də, səs açıb danışır ki, "ala gicsən sən, vur də bu zibili". Bu da yetmir, qabağımda duran oğlan "davay avtobus baxışmasına başlayaq" baxışları atır. Səs-küydən nəsə eşidilsə idi, "qaqa valla boş yerə baxma indi düşürəm, özünə uzunmüddətli münasibət tap" deyərdim. Gözü ilə etmədiyi ifadə qalmadı yazığın.. ahahah hələ düşəndə də etdiyi "nə tez" ifadəsini demirəm..
    Heç vaxt "avtobus mədəniyyəti" ilə bu qədər yaxından tanış olmamışdım. Kaş ki, elə olmayaydım da.


sən də yaz!