kişilər üçün saç baxımı



əjdaha lazımdı   izlə   lələ   mən   googllalink

    1. Qadınlar üçün bu haqda tonlarca üsul, yol, məlumat olsa da kişilər üçün saç baxımı azərbaycanda 72 sabunundan o tərəfə keçmir təəssüf ki. Halbuki xarici görünüş və saçın sağlamlığı üçün saç baxımı kişilər üçün də çox önəmlidir.
    Saçınız uzandıqca burulursa, ya da qındırğa kimi olursa ən yaxşı vasitə argan yağıdır. Duşdan sonra nəm saça 1 damcı argan yağını əlinizdə sürtərək isitdikdən sonra saç dibi istisna, saçınızın hər yerinə sürtüb ovalaya bilərsiz. Sürtdükdən sonra saçı yusaz da olar, yumasaz da. Hazırda təbii argan yağı çox baha olduğundan, marketlərdən keratin tərkibli argan yağı ala bilərsiz. Sprey şəkilli argan yağı alacaqsızsa təmiz saça 10-15 sm məsafədən sıxıb əlinizlə saçınızda yayın və saçınızı yumayın.
    Saçınızın qıvrılmasını istəyirsizsə gecə yatmamışdan əvvəl saçınıza mus vurun, əlinizlə saçınızda yayıb sonra yatın, sabaha fellaini olacaqsız.
    Jele kimi kimyəvi və ucuz vasitələrdən uzaq durun.
    Yumşaq saçlar üçün keratin tərkibli şanpunlardan istifadə edin, saçınızı ilıq suyla yaxşıca yuyun və vəhşi kimi qurulamayın. 30 saniyə yumşaq dəsmalla hamar-hamar qurulayın.
    2. 1. Saçlarızı dəsmalla yox, köhnə fudbolkanızla qurulayın- zədələnməsin, tökülməsin.
    2. Saç tipinizə uyğun şampun istifadə edin.
    3. Saçlarınıza nəm vaxtı daraqla fenləyərək forma verin. Daraqla ehtiyatlı olun, necə darasanız elə də qalacaq.
    4. Kəpək probleminiz varsa saçlarınız üçün düzgün şampunu seçməmisiniz. Yaxşı marka seçin və daimi istifadə edin. Şampun dəyişimi kəpəklənməyə səbəb ola bilir.
    5. Saçlarınızı yuyarkən saç diblərini qaşımayın, barmaq uclarınızla masaj edin. Saç diblərinizi qaşımaq islanmış saç dərisini zədələyir, ölü dərini qaldırır və kəpəkli saçlarla qarşılaşdırır.
    5. Tökülən saçlar üçün giciktənli, sarımsaqlı şampun işlədin həqiqətən faydasını görəcəksiniz. Ancaq çox ucuz marka seçməyin. Daimi eyni şampunu işlədin.
    6. Saçınızın tökülməməsi üçün gənəgərçək yağı badam yağı arqan yağı kimi vasitələrlə maskalar edin. Netdə n qədər maska tapa bilərsiniz.
    Və unutmayın, saçınız yaraşıqlı görünmənizdə böyük rol oynayır. Saçınıza baxın, baxdırın.

    Qeyd: yaraşırsa 3 nömrəylə gəzin həmişə.
    3. bir az araşdırdım, gördüm demək olar hamısı öz məhsullarını reklam etmək üçün yazıları(reklamları) "erkek doğal saç bakımı" adı altında paylaşıblar. mənim fikrimcə isə bu barədə xeyli məlumat olmalıdı, çünki kişilərin tək kosmetikaları saçlarıdı. bu reklamlardan əlavə, həm də gördüm ki, kişilər üçün saça qulluq qadınlarınkından heç də fərqlənmir. ona görə kişilər üçün uyğun gördüklərimi yazıram.
    başlayıram şampundan. şampun alanda tərkibinə və saçınızın materialına uyğun olmasına xüsusi fikir vermək lazımdı. tərkibində məni ən narahat edən sulfatdı. nədir bu sulfat? aldığınız şampunun tərkibinə baxsaz, SLS, SLES, ALS, ALES abriviaturalarını yaxud ən təhlükəli variant - laureth sulfate natrium yazılarını görə bilərsiz. sulfatlı şampunlar saçları çoox yaxşı təmizləyir və köpüklənir, düzdü, amma saçımıza zərər vurmadan da keçmir. saçımızı qurudur, codlaşdırır, tökür, baş dərisini iltihablaşdırır, saçları nazikləşdirir, saçqıran yaradır və s. və i.a. bu dəqiqə vitrində bəlkə də 10 şampundan 9-u sulfatlı şampundu, hətta uşaq şampunlarında belə. amma siz çalışın yenə də o 1-indən yapışın əgər saçınıza o qədər dəyər verirsinizsə. ömrümdə 2-3 dəfə cəhd etmişəm sulfatsız, təbii tərkibli şampuna keçməyə, hamısında da atmışam. niyə? çünki sulfatsız şampuna keçəndə ilk başlar saçlar yuyulanda pis köpüklənir, daramaq bildiyin əziyyətli olur, saçlar həcmsizləşir, tutqunlaşır və s. və mənim səbrim çatmır 4-5 yumanı gözləməyə. siz mənim kimi olmuyun. saç şampuna öyrəşəndən sonrahamısı düzəlir. düzəlməsə də şampundan əl çəkməyin. balzam və kondisioner alıb istifadə edin saçlarınız olacaq yup-yumuşaq. əgər siz də sulfatsız şampuna keçə bilməyəcəksizsə, onda bu 1-2 şeyə diqqətlə yanaşın: şampunu başınızda maximum 5 dəqiqə saxlayın, norması 3-4 dəqiqədir. çox yaxşı yaxalayın saçları, şampundan max dərəcədə təmizlənsin. bir də yenə balzam və kondisionerlərdən istifadə edin. satıcıdan filan şey üçün balzam və kondisioner istəyəndə gedir yapışır ən bahalı, sırf sulfatı neytrallaşdıran məhsullardan, aldanmayın. hər iksin sınamışam, ciddi fərq olmur aralarında. orta qiymətli məhsullar kifayət qədər bizə lazım olan işi yaxşı görür.
    sonraa, bunu əsasən uzun saçlı oğlanlara özəl yazıram. saçınız yağlıdısa və çiməndən sonra bükürsünüzsə qəti şəkildə bükməyin. o dəsmal saçlara sauna effekti verir, isti buxarı daha da saçımızın diblərinə tıxır və yağ vəzilərindən, yəni hər saç kökündən sebium (yağ) ifraz olunmağa başlayır ki, bu da daha da yağlandırır saçı. heç saçlarınızı dəsmalla qurulamayın da. bu da zədələyir, həm də saçlar dibindən sıxılır deyə tökülməyə meyillənir və tökülür. əvəzinə dəsmalla tampon hərəkətlərlə, dəsmalı əlimizdə saçla bir yerdə qabağa-arxaya hərəkət etdirməyərək yüngülvari qurulayın. istəsəz sonra başınıza mayka, t-shirt kimi yüngül və nazik nələrisə keçirə bilərsiz, saçları sıxmamaq şərti ilə.
    saçlarınızın sağlam, möhkəm, parlaq olması üçün evdə istifadə etdiyimiz zeytun yağını qızdırıb saçlarınıza çəkin, 1 saat qalsın sonra yuyun. saçlarınız codlaşmış, rəngsizləşmişdisə, badam yağını əlinizə sürtüb sonra nəm saçlarınıza vurun. 10 dəqiqə qalandan sonra yaxalayın. istəyə görə badam yağını əzilmiş bananla da qarışdırıb elə istifadə edə bilərsiz. başqa deyəcəklərim yoxdu. #301256 da da xeyirli məsləhətlər yazılıb, amma mən yerinizdə olsam süni saç qıvrılmasından uzaq qaçardım. özəlliklə də saçımı təbii yollarla sağlam hala gətirmək istəyirəmsə. mus, lak, jele-mele hamısı saçlara xeyli ziyan vuracaq şeylərdi. yox, 1 günlük filan deyirsinizsə o ayrı, öz işiniz. amma belə hər gün istifadədən sonra saçların nə qədər heyif olduğunu hiss edəcəksiz. bir də atam gözümüaçandan saçına yumurta qoydurur. çalınmış yumurtanı fırçayla çəkir başına. 52 yaşı var, saçlarında 1 qram tökülmə yoxdu və çox gur, parlaq saçları var. mən sarını ayırmağınızı tövsiyyə edərdim, həm daha az oxşuyur seliyə, rahat yuyulur, həm də yumurtanın ağı maska kimi daha faydalıdı.
    dipnot: kişilər üçün saç baxımı mövzusu haqqında məlumat azlığımızın səbəbini tələb və təminatda görürəm. məncə elə azərbaycanda saçlarına qulluq edən siravi kişi vətəndaş çoox azdı.
    (bax: arvad zadam saçıma şey-şüy sürtüm)
    not: #301263-də də bəzi şeylər məndəkiylə üst-üstə düşür. entryni 1 saatdan çoxdu yazıram deyə görməmişəm, day silmirəm, qalsın
    4. Feysbukda yaradılmış "uzun saçlı kişilər klubu" qrupuna daxil olub faydalana bilərsiniz məsləhətlərdən
    5. Özümdən misal göstərsəm qətiyyən fen, jele, lak kimi vasitələrdən istifadə etməyin. Bütün saç karyeranıza və bərbərinizin çörəyinə bais olur. Şampun alarkən az tanınmış markalara üstünlük verin (day gedib nərdivan altı poxları başınıza vurub keçəl qalmayın). Bunu üçün də bir xeyli araşdırma aparın. Araşdırmada forumlardan istifadə edə bilərsiniz. Onda da bir marka haqqında ən azı iki nəfər məsləhət görmürsə, tezliklə oranı tərk edin. Onlayn bazara düşmüsünüz deməli.

    Edit: özüm hər ay bir şampundan istifadə edirəm, hələ ki istədiyim nəticəni və gözlədiyim məsləhəti tapa bilməmişəm. Saçlar yenı yağlı, diblər yenə ölü kəpək, simam yenə üzgün. Olmaz axı belə...
    6. Karantində 3ə vurdum sevdim zordu belə
    Baxım eleməyə axot yoxdu


sən də yaz!