36 yazar 34 başlıq və 86 entry
yenilə | gündəm

12

Qarabağ / yeniliklər + 1 sözaltı günlük 5 sözlük yazarlarının favorit serial obrazları 9 ingiliscə deyimlər 4 öyrənildiyində təəccübləndirən məlumatlar 3 içki içərkən dinlənəcək mahnılar 2 adaxlı 2 #sözaltı art 11 pifaqor heç nə düzəlməyəcək amma hər şey yaxşı olacaq 2 insanın böyüdüyünü anladığı anlar 3 badyan pərviz məhəmmədov 4 boris brejcha sözaltı sözlük 2 söz6 discord serveri 2 gəl sənə təsəlli verim darıxma düzəlməyəcək qadağan olunması istənilən şeylər 6 twitter 2 joe biden azərbaycanın bir cümləlik xülasəsi 5 skolyoseksuallıq 2 ölmədən əvvəl oxunmalı kitablar bilmədiyi mövzu haqqında danışan insan 2 qibtə edilən sənətlər 2 mark eliyahu inkarçılıq pegging kaliforniya 2 teymur nadir siz hələ məni lüt görməmisiz yazarların prezident olacağı təqdirdə edəcəyi islahatlar 3 cəsur yeni dünya brave new world əbülfəz elçibəy 2 unudulmaz film replikaları depressiyaya salan musiqilər 2 spartacus: blood and sand 26 noyabr 2020 bdu-dan tələbə qovulması 7 baba paradoksu təkcə mənmi edirəm deyə düşünülən şeylər 2 la double vi̇e de véroni̇que xoşbəxtlik 4 zamanla geridə qaldığı üçün darıxılan şeylər 7 v for vendetta azərbaycanlı olsaydı ola biləcəklər 2 yoxsul insanlar depressiyada dinlənəcək musiqilər 5 ağcaqanad 3 flight of the eisenstein 10 noyabr 2020 azərbaycanın ıı qarabağ savaşında qalib gəlməsi ours samplus







maskulin qadınlar



əjdaha lazımdı   izlə   lələ   mən   googllalink

    1. bunu qeyd edərək başlayım, hər kəsin özünü hiss etdiyi kimi davranmasından yanayam. ailəmiz, yaşadığımız ölkə kimi, doğularkən cinsimizi də biz seçmirik və bəzən inkişaf etdikcə özümüz haqda kəşf etdiyimiz faktlardan biri faktiki cinsimizlə rahat hiss etmədiyimizdir. hisslərimizin ardınca getmək də alqışlanası hərəkətdir.
    bu başlıqda toxunmaq istədiyim mövzu isə sosial ətraf, ailə, cəmiyyət təzyiqi ilə "maskulinləşən" qadınlardır. formatın bəlasını verməyək deyə bir dənə tərif keçək: seçdiyi geyimlərindən davranışlarına, düşüncələrinə qədər kişilərə bənzəyən, el arasında bəzən "kişi qırığı", "kişi qeyrətli qadın" adlandırılan qadınlardır. kişinin qeyrəti ilə qadın qeyrəti arasındakı fərqi mən başa düşməmişəm hələ, amma danışacağım mövzu bu deyil.

    müşahidə etdiyim üzrə, maskulin davranmağa özünü məcbur edən, yaxud yeniyetməlik çağlarında yaşıdları qızlardan fərqlənərək oğlanlara bənzəməyə çalışan qadınların çox fərqli tipləri var. bəziləri, həqiqətən, qadın bədənində olmaqdan razı deyilsə, bəziləri sadəcə sosial təsirlərlə maskulin davranmağa başlayıb.

    bu müşahidələrimdən ən çox rastlaşdığım tiplərdə ilk pilləyə atası tərəfindən sevilmək üçün uşaqlıqdan özünü belə yetişdirən qadınlar keçir. xüsusən ailədə özündən kiçik qardaş varsa (misalçün yaşı 3-7 aralığında), və atanın fikri daim "evin potensial kişisi" olan oğlundadırsa, qızlar (qardaşı ilə arasındakı yaş çox deyilsə) dərhal diqqət çəkmək üçün qardaşlarının roluna bürünməyə başlayırlar. bazarlıqdan qayıdandan sonra atasının oğluna verdiyi torbaları çəkib almaq, oğlu ilə qol güləşdirən atasını qısqanıb qardaşını itələyərək özünü oyunun tərkibinə daxil etmək, atası hər dəfə oğlunun kompüterdə oyun oynamasından fəxr edərək danışdıqca qızın gələn səfər kompüter qarşısına oturanda maşın oyunları oynamaq istəməsi və sairə. bu nümunələrlə görürük ki, atasının qiymətləndirməsi vecinə olmayan (çünki yaşı o yaş deyil) bir oğlan uşağı bacısının onun yerində olmaqçün nələri qurban verdiyini görmür. ailəsi tərəfindən "böyüdükcə qızlaşar" deyilən qız isə gözlənilən kimi böyüdükcə feminenləşmir, feminenləşirsə belə, bu 30 faiz hallarda baş verir.

    ikinci yerdə özündən böyük qardaş(ları olan qızlarımız var.) böyüdülən ailədə böyük ehtimalla, kişinin daha önəmli rol alması, qadının isə yalnız ev işlərini görən, fikirləri alınmayan, iqtisadi azadlığı olmayan bir obyekt kimi var olması həmin ailənin qız uşağına öz cinsinin aciz, dəyərsiz olmağı ilə bağlı bir sıra fikirlər ötürür. testosteron hormonu çox olan belə evlərdə, təəssüf ki, o qız uşağına feminenliyin necə möhtəşəm bir şey olduğu öyrədilməməklə qalmır, onun təxəyyülündə ən ideal varlıqlar kişilər olur. buna görə qardaşının geyimlərini ələ keçirməyi, onlarla məhlədə oynamaq istəkləri bitmək bilmir. bu qızlar, əsasən, böyüdükcə feminenləşirlər. çünki bu, onlarda keçici həvəs olur və əslində, qardaşları böyüyüb əsgərliyə getdikcə, yaxud evdə daha az göründükcə onlar da nə istədiklərini, özlərini necə rahat hiss etdiklərini anlayırlar.

    üçüncü yerdə uzun illər ata fiquru görmədiyi üçün özünü ailənin qəhrəmanı olmağa həsr etmiş qadınlarımız var. buradakı alt mətnin emosional olduğunun fərqindəyəm, amma bunları ağlamalı olsun deyə yazmıram, açığı. bu qadınlar, əsasən, üzərinə götürdükləri yüklərlə birlikdə ailənin böyüyü kimi davranmaqdan əl çəkmir və illərlə bunu daşıyırlar. ailədə daşıdıqları məsuliyyətlərdən bezsələr də, buna o qədər alışırlar ki, iş yerində, dostluq münasibətlərində, yaxud romantik münasibətlərdə digər tərəfi "daşıyan" bir partner olmaq talelərindən yan keçmir. buna da öyrəşdikcə bu vəzifə onları rahat buraxmır.

    nəhayətində, bu 3 tipdən başqa da maskulin olanda özünü daha rahat hiss edən qadın tiplərində sosial təsirlər, böyüdükləri ailə mühüm rol oynayır. 70 %-nin buna heç fərqində olmadan məcburən adaptasiya olduqlarını demək olar, bəlkə də. həyatlarında müəyyən nöqtədə feminenlikdən utanmamağa və bunu sevdikcə özlərini rahat hiss edəcəklərinə inanclarını artırmağa çalışsalar, hər şey əla olacaq.

    oğlanları aşağılayanda "qız kimi olma!", "qız kimi gəzmə", "qız kimi ağlama" sözləri qadınlara da öz töhfəsini verir, amma və lakin qadın olmaq belə təhqiramiz bir şey deyil və heç vaxt olmayıb.
    bu başlığı dolduran kimi gedib bir dənə də feminen kişilər başlığı açıb bərabərliyi qorumaq istəyərdim, amma o barədə, təəssüf ki, əsaslı və çoxsaylı müşahidələrim yoxdur.
    2. Azərbaycanda ən çox sevilən qadınlardır. Kişilər mamlımatanları görünüşə görə sevirsə, maskulin qadınları alternativ bir bro obrazında gördükləri üçün sevirlər. Hər biri çevrəsində belə insanların olmasını çox istəyər. Haqlı səbəbləri də var əlbəttə, amma bunlardan biri başlığı açan yazarın dediyi kimi qeyrət, namus anlayışı deyil ( və ya olmamalıdır ). Kişi qeyrətli çox banal səslənir, qeyrət yalnız kişidə olmur, onu cinsləşdirib yenə qadınları ikinci cərgəyə atma düşüncəsi meydana çıxır. Amma maskulinliyi qeyrətlə ölçən insanlar elə "kişi qeyrətli" söz birləşməsini dəstəkləyirlər. Bəli, bütün qadınlar kişi qiryətli olmalıdır, kişisi evə gec gəlirsə, basıb onu döyməlidir.

    Mövzudan bağımsız cəmiyyətdə cinsə görə biçilən rolun ən çox kişiləri vurduğunu da bildirməliyəm. Maskulin qadın öndədir, möhtəşəmdir, can bratdır. Amma feminen kişi "kişi qırığı"dır, "üzdəniraq"dır, "qadın dəyirmanına su tökən"dir. Maskulin qadınlar nə qədər sevilirsə, feminen kişilər bir o qədər daşlanır. Tamam abi, hamı kişiləşsin, sonra da qız yoxduyeee aq deyə yanıq kimi ortada gəzək. Bu ölkəni erməni, rus yox, elə ölkədəki qiryət, namus, mentalitet üçbucağı bitirəcək.

    Edit: əlaqəli başlıq üçün
    (bax: lgbt'nin l-sinə hə g-sinə yox deyən insan )


sən də yaz!