selçuk bayraktar



əjdaha lazımdı   izlə   lələ   mən   googllalink

    2. Ərdoğanın kürəkəni və ikinci Qarabağ müharibəsi çərçivəsində babat reklamı getmiş mühəndis. Cənab bayraktar Türkiyənin öndə gedən təhsil müəssisələrindən olan robert kollecini bitirib istanbul texniki universitetinin elektronika və kommunikasiya mühəndisliyi ixtisasına qəbul olub. Oradan upenn-ə staj təklifi dalınca gedib master oxuduqdan sonra mit-də aerokosmika mühəndisliyini də ikinci master kimi bitirib. Qısaca, adam kəllədir.
    Təhsilini davam etdirdiyi müddətdə pilotsuz uçan aparatların iş prinsipləri ilə maraqlanıb və Türkiyənin hərbi sənayesi üçün çalışmağa başlayıb. Bunun üçün georgia tech-də olan doktorantura təhsilini yarımçıq qoyub. Türkiyəyə qayıtdıqdan sonra atasının qurduğu baykar savunma kompaniyasında iki qardaşı ilə birgə müdafiə sənayesi məhsullarının hazırlanması ilə, xüsusən də yerli pilotsuz uçuş aparatının hazırlanması ilə məşğul olmuşdur. Bu gün Türkiyənin müdafiə sənayesinin inkişafında əvəzsiz rolu olan baykar bayraktar tb2 yeni nəsil puaları Azərbaycan, Ukrayna, Liviya və Qətər tərəfindən alınır və istifadə edilir.

    Adam bununla kifayətlənməyib Türkiye teknoloji takımı vəqfi yaradıb hər yaşdan olan bacarıqlı gənc və yetişkinləri texnologiya sahəsində irəliləyişlərin əldə edilməsi üçün yetişdirir.

    Mənə görə, akp-nin Ərdoğandan sonrakı üzü kimi qorunur, indidən siyasətə salıb üzünü köhnəltmir. Şübhəsizdir ki, imamoğlu ilə ancaq xalq tərəfindən sevilən və bacarıqlı biri rəqabət apara bilər, ona görə də Səlcuq bəyin adını hələ çox eşidəcəyik. Yenə də, atdığı addımlar həm bizim, həm də Türkiyə üçün təqdirəlayiq hesab olunmalıdır.
    3. Ərdoğanın kürəkəni olduğu üçün uğurlu olduğunu düşünürdüm. Uğurlu olduğu üçün Ərdoğanın kürəkəni imiş.
    4. Qarabağdaki hər uğurda payı olan şəxs.
    5. Deməli bizim millətdə belə bir xasiyyət var bir insanı birdən birə tərifləməyə putlaşdırmağa başlayırlar. Hərdən də birini qaralayıb pox kimi yerə çırpırlar. Kütləvi şəkildə. Yəqin ki bu da xalqın çox emosional olması ilə bağlıdı biraz. indi uje hiss eləyirəm yeni dalğa- s. bayraktar fetişi gəlir. Selçuk Bayraktar savadlı, çalışqan innovativ biridir. Buna söz yox. Nüfuzlu universitetlərdə yaxşı təhsil alıb. Amma bunlar kifayət deyil. Türkiyədə onlarla belə adam var. Bəs Bayraktar niyə fərqləndi?
    1. Mühəndis ailəsində doğulub yəni qardaşı və atası da bu sahədədir. Buna görə onlar birlikdə hərəkət edirlər. Bu da Selçuka avantaj verir.
    2. Selçuk Türkiyəyə qayıdır. Və ailəsi ilə birlikdə burda drone istehsal edən şirkət açır.ilk başlarda dövlət belə şirkətlərə kiçik yardımlar edir. Şirkətin inkişafını görəndə isə ona daha da sahibləməyə başlayır. Yəni bayraktar şirkəti tam dövlət dəstəyi almaq istəyirsə öz rəqiblərinin hamısını üstələməlidir. Ancaq bu belə olmur.Test uçuşları zamanı Vestelin şirkətinin pua-sı daha uğurlu olur. Amma dövlət bayraktarla əməkdaşlıq edir. Səbəb? Çünki selçuk artıq kürəkən idi.
    Yəni demək istəyirəm ki, həm selçukun da uğuru var, həm də kürəkən olmağının da. Bunlardan biri olmasa idi, indi bayraktarın adını belə bilməyəkdiniz. Necə ki, onlarla belə mühəndis adını bilmirsiz.


sən də yaz!