lənətə gəlmiş zənci


213   0   0   0
lənətə gəlmiş zənci
9.nəsil yazar
reytinq xalı: 906
karma xalı:823
entry sayı:213
izləyənlər:8
sifariş sayı:4



Səni bu hüsnü-camal ilə, kamal ilə görüb, qorxdular haqq deməyə, döndülər zənci dedilər





son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

ataya demək istədiklərimiz necə başlayım, nə yazım bilmirəm, tıxanmışam sanki. ənənəvi olaraq, söhbətin məğzini izah etməkdənsə, sözü fırlada-fırlada nəticəsiz bir cəhd daha edəcəm. amma məcburam, neyniyim, qulaq asmayacaqsan mənə, assan da yenə özünü haqlı çıxartmağa çalışacaqsan. sözsüz ki, hər ailədə problemlər olur, həyat diş fırçası reklamlarındakı kimi deyil, amma çox istəyərdim ki, günahkar axtarmaq yerinə, problemimizi həll etməyə çalışaq. lakin gecdir artıq, bu yaşdan sonra nə sən öz xasiyyətini dəyişəcəksən, nə də mən geri addım atacam. həyatım boyu məni dəstəkləmisən, buna görə sağ ol, amma dəstəyin sadəcə maddiyyatdan ibarət olmadığını anlaya bilərdin kaş. hər zaman istəyərdim ki, sırf mama " get danış gör, kefi yoxdu deyəsən, nəsə dərdi var" dediyi üçün yox, özün içindən gəldiyi üçün gəlib mənimlə danışardın, kaş başqalarının sözü qarşısında mənim sözümü daha üstün tutardın. səni də qınamıram əslində, həmişə zəif biri olduğumu düşünmüsən, heç bir zaman istədiyin kimi biri ola bilməmişəm, amma bunun üçün çabalamadım da deyə bilməzsən. sən görməsən və ya görmək istəməsən belə mənim də güclü yönlərim var. başqalarının mənə inandığı qədər sən də mənə inana bilsəydin.
kaş mənlə sidik yarışdırmasaydın. sənin düşmənin ya da rəqibin deyiləm, belə hiss etdirdiyim üçün üzr istəyirəm. mənə qalib gəlməyinə ehtiyac yoxdur, onsuzda gözümdə hökmən qalibsən, kaş elə sənin qədər güclü ola bilsəydim. fədakarlıqlarını görürəm, özünə deyə bilməsəm belə, bunun üçün minnətdaram, amma bunu üzümə vurmaq üçün fürsət axtarmağa çalışma, ümid eliyirəm ki, nə vaxtsa gözlədiyin qarşılığı ödəyə biləcəm. və kaş hər zaman mənə qardaşımı misal çəkməsəydin, ayrı-ayrı insanlar olduğumuzu, həyat yollarımızın fərqli olacağını anlaya bilsəydin.

Bundan sonra, bəlkə də, uzun müddət bir-birimizi görə bilməyəcəyik, nə yalan deyim, sevinmirəm də deyil. çünki birinin həyatında artıq olduğunu hiss etmək qədər insana qoyan heçnə yoxdur. son olaraq kaş ki, mənim yerimə hər zaman arzuladığın, sənə layiq olduğunu düşündüyün bir oğlun olardı, bunun üçün də bağışla məni.
nikol paşinyan Paşinyan dığası rəisimizin "dəmir yumruğu"nu bir dəfə yedi, hələ də özünə gələ bilmir. Eşq olsun azərbaycan xalqına ! Biz o yumruğu illərdir yeyirik, hələ də dağ kimi ayaqdayıq.
rusiya sülhməramlı qüvvələri indi millət başlıyıb ki, biz rusları istəmirik, bu nəticə ilə razı deyilik filan. putindən xəbərsiz qafqazda quş da qanad çala bilmir. Onsuz da sonda buna bənzər bir nəticə gözlənilirdi, indi soruşmaq istəyirəm " siz nə olmasını gözləyirdiniz ki?"
Axırımız xeyir olsun, nə deyim.
hər səhəri ölü erməni videosuyla açmağın verdiyi rahatlıq Bəs bu cür videoların arxasına "ay uçan quşlar" filan tərzi musiqi qoşulması necə?
Özümüz qəbul etməsək belə, əslində uşaq vaxtlarından bizə nifrətlə təbliğ edilən o "erməni"lərə bənzəməyə başlayırıq (ya da həmişə belə idik, bilmirəm) . Bəs axı bizim apardığımız mübarizə haqq mübarizəsi idi? Diridən qisasımızı aldıq da, bəs ölüdən nə istəyirik?
Həmişə olduğu kimi yenə deyirəm, çox istəyərdim ki, ən azından müharibə edən tərəflər bir-birinə hörmət etsinlər. Hər iki tərəf də öldürdüyü əsgərlərin videolarını çəkib paylaşır, qarşı tərəfi cırnadır. Müharibə edirik, ya sidik yarışdırırıq? "Mən bu qədər öldürdüm", qarşı tərəf çıxır "gələ mən də bu qədər öldürdüm". anadoluda "törə cinayəti" adı altında bir-birini öldürənlərə gülürük, ancaq bu çoxmu fərqlidi?
sözaltı sözlük Sözlüyün gələcəyi ilə bağlı belə bir distopiya xəyal edirəm :

ilk başlarda hər şey normal davam edirdi, sözlüyə umbaylar gəlirdi, özlərini sübut edib yazar statusu alırdılar, gözəl, oxunaqlı, yıxıcı olmayan yalnız qurucu yazılar yazılır, oxunub bəyənilirdi. Və zaman keçdikcə hər şey dəyişməyə başlayır, yazarlar getdikcə aqressivləşir, bir-birini tənqid etməyə başlayır, entrylər tarixdə görülməyən bir şəkildə umbaylanmağa başlanır. Şiddətin səviyyəsi sözlüyün qaldıra bilməyəcəyi bir nöqtəyə gəlib çatır. Moderlər çarəsizdir. Və sonun başlanğıcı : sözlüyün sistemi çökür. Boşda qalan yazarlar yeni yerlər axtarışına girirlər. Timidus onlar üçün dostunun işlətdiyi bir pub'ın podvalında yer tutur. Artıq yazarlar burada toplaşmağa başlayırlar, ancaq bir fərqlə : artıq yazmaq yoxdur, onun yerinə yazarlar bir-biri ilə döyüşdürülür. "Yeni sözlüy"ə qatılmaq istəyən umbaylar, ilk gecələrində mütləq döyüşüb özlərini sübut etməlidirlər. Sözlüyün bütün qaydaları bir qayda ilə əvəz olunur : sözlükdən heç kimə bəhs edə bilməzsiniz, hətta ailənizə belə.
Bütün bunlar olarkən, timidus da boş durmur, ilk vaxtlar sözlüyün çökməsi ilə depressiyaya girir, siqaret istehsal etməyə başlayır. Çəkilmiş siqaretlərin kötüklərini toplayaraq onları yenidən emal edib böyük şirkətlərə satır, qazandığı pulla böyük bir ev kirayəyə götürür. Sözlük yazarlarını bir-bir bu evə çağırır, qollarına dekartın məşhur "düşünürəmsə voram" ifadəsini döymə edir. Artıq bütün dünyadakı yeni yazarlar bir birlərini bu döymə ilə tanımağa başlayırlar. Timidus evinə dəvət etdiyi yazarları sınağa çəkir, onları günlərlə qapıda saxlayır, sözlüyə sonuna qədər sadiq olub olmadıqlarını yoxlayır. Yazarlar yeni evlərində birgə yaşamağa başlaylrlar, timidus isə yazarlara kağızlarla yeni missiyalar verməyə başlayır:
Yolda gördüyün ilk adama söz at, dava başlat, aranı cır ; marketdən saqqız oğurla ; avtobusdan düşəndə pulunu vermə və s. Kiçik xuliqanlıqlar. Zaman keçdikcə sözlük yazarları şiddətin dozasını artırır. Hakimiyyətdə söz sahibi olan, rütbəli insanları qaçırdır və ya müxtəlif vasitələrlə onlara şantaj edir. Dünyanın müxtəlif şəhərlərində yaşayan yazarlar iğtişaşlar törətməyə başlayırlar. iğtişaşlar o qədər böyüyür ki, Timidus interpolun qırmızı büllüteni ilə axtarışa verilir, görüldüyü yerdə infaz edilməsi istənilir, başına mükafat qoyulur. Amma sən demə interpolun və yerli polis təşkilatlarının rəhbər heyətinin içərisində olanlar və burjuaziyanın böyük bir qismi də elə yenicə qeydiyyatdan keçmiş 10-cu nəsil yazarlar imiş. Onların sayəsində timidus dövlətin bütün qanunverici və icra orqanlarının kontrolunu öz əlinə keçirə bilir. Bütün dünyada anarxiya hökm sürməyə başlayır.
Timidusun planlarını poza biləcək yeganə insan isə xancan kərimov adlı musiqi produseri və yazar kimi tanınan dəliqanlıdır. Bu məqsədlə timidusu tapmaq və onu öldürə bilmək üçün yola düşür. Çıxdığı bu çətin yolda onu gözləyən isə acı həqiqətin özüdür. Sən demə əslində timidus xancanın zehnində yaratdığı bir obrazdan ibarətmiş və bunların hamısını elə özü edibmiş. Qarşısında iki seçim var : ya timidusu öldürüb dünyanı xilas edəcək, ya da bildiyimiz hər şeyin yox olmasının yeganə səbəbkarı olacaq.

Qeyd : plagiatmı? Come on adamım.
Qeyd 2 : istəsəz lap filmini də çəkə bilərik, rejissor özüməm.
ikinci qarabağ müharibəsi Müharibənin tez bir şəkildə qələbə ilə nəticələnməsini, artıq bu mövzunun adının bir daha çəkilməməsini ən çox istəyənlərdən biriyəm. Çünki mənəvi olaraq çox yorulmuşam. Gündə bir şəhid xəbəri, gündə ayrı bir şəhər bombalanır. Belə yaşamaq olar? Hər kəsdə gərəkli-gərəksiz bir aqressivlik var, elə bil şəhərin üzərinə qara buludlar çöküb. Artıq gəzdiyim hər yerdə polis-əsgər görməkdən bezmişəm, şübhə altında yaşamaqdan az qala başıma hava gələcək. Torpaqların işğaldan azad olunması nə qədər seviniləsi olsa da, bu, buruq bir sevinc, yarımçıq bir təbəssüm kimi hiss etdirir. Covid barədə heç danışmıram belə.
Deyirsən, axı xalq olaraq illərdir bu anı gözləyirdik? Bəs noldu indi?

Artıq mənasız hadisələrin gündəm olduğu, 3 qızın lüt şəkildə "bugün yenə yarə namə yazdım" deyə oxuduğu videonun viral olub ortalıqda gəzdiyi, manpası kimi kanalların ətrafda gəzib gic-gic suallar verdiyi, faiq ağayevin bıçaqlandığı xəbərini eşitdiyimiz o gözəl günlərə geri qayıtmaq istəyirəm. Hətta bu şəhərdəyə belə razıyam.

Millətin tək dərdinin "payblə yenə siqaretin qiymətini qaldırıblar" olduğu vaxtların geri qayıtması diləyi ilə.
johnson & johnson-un boykot olunması Ay bala, uşaq şampunu, qulaq çöpü, əl kremi filan istehsal edirsiz, sizin nə işinizə qalıb müharibə? Nə altdanıb düşürsüz?
Siz Oturun gözləri yandırmayan yeni növ şampunların istehsalı ilə bağlı fikirləşin.
tarixin ən böyük umbaylamaları Sovet imperiyasında 1930-cu ildən başlayaraq müharibədə itlərdən ibarət "anti-tank" qüvvələrinə təlim keçməyə başlanılıb, 1935-1939-cu illərdə üzərlərinə tank əleyhinə bomba bağlanmış itlər təlimlərdən uğurla keçdikləri üçün ikinci dünya müharibəsində də sovet ordusu həmin "anti tank" qüvvələrindən istifadə etmək qərarına gəlib. Amma kiçik bir problem var idi. Həmin itlərə dizellə işləyən tanklara qarşı təlim keçilmişdi, alman tankları benzinlə işlədiyinə görə də benzin iyini alan itlərin əksəriyyəti geriyə-sovet tanklarına tərəf qaçmış, bir qismi öz tanklarını partlatmış, bir qismi isə sovet əsgərləri tərəfindən yolda vurularaq öldürülmüşdür.
Bir növ friendly fire açıq qalıb.
artsax Qorxuram ki, gələcəkdə aya filan ekspedissiyalar olsa, ermənilər orda da torpaq iddia etməyə başlayarlar. Keçmişdə Bizim babalarımız burada yaşayıblar, amma hava olmadığı üçün ölüblər, filan.
ikinci qarabağ müharibəsi Dığalar yenə gəncəni vurublar. Gərək nə gündə olasan ki, gücün ancaq sivilə çatsın? Bunlara humanizm zad kar eləmir, başlarını əzib keçmək lazımdı.

Ps : bir anlıq əsəblə belə bir entry yazdım, amma bunu mütləq qeyd etməliyəm. Bir çoxları kimi vətənpervert deyiləm, milliyyətçilikdən də zəhləm gedir. Mənə görə sahib olduğun milliyyətlə öyünmək də, onu alçaltmaq da sadəcə axmaqlıqdı. Amma insan kimi yaşaya bilməyimiz üçün sahib olduğumuz müəyyən davranış normları və kodeksləri var. Bu da milli yox, universaldı. Yəni bu toplum normları olmadan cəngəllik qaydaları əsasında güclünün zəifi əzdiyi bir anarxiyada yaşayardıq. Bu qaydaları pozan "insan" və ya "insanlar" mənim gözümdə daşıdığı adlara layiq deyillər. irqindən, milliyyətindən, dinindən asılı olmayaraq bu normları pozan hər hansı bir şəxs və ya bütövlükdə bir toplum belə olsa mənim ən böyük düşmənimdi.

Tanım : Əgər insan kimi davranmaq istəmirlərsə, insan kimi yaşamaq istəmirlərsə, heç yaşamasınlar daha yaxşıdı.
nəsiminin dindar olması Nəsimi əlbəttə dindar idi, amma müsəlman deyildi. Nəsimi və onun tərəfdarları panteist düşüncəyə sahib idilər. panteizmə görə tanrı əslində dünyanın özüdü, yəni biz özümüz də və ətrafımızda gördüyümüz hər şey də tanrının bir parçasıdı. Biz tanrıdan yaranmışıq, doyalı yolla biz özümüz də bir növ tanrıyıq. Sufilik, hürufilik bunlar panteist düşüncənin məhsulu olan fəlsəfi cərəyanlardı. Nəsimi "mən mülki cahan" qəzəlində də "ənəlhəq" fikrini, yəni "tanrı da mənəm, haqq da mənəm" fikrini aydın şəkildə ifadə edib.
müharibədən çıxarılacaq dərslər Əgər nə vaxtsa diktator olmağa qərar versəniz, bunu yadınızdan çıxarmayın:
əhalinin qanını içib, canını da alsanız tək bir hərəkətiniz və yə qərarınızla 1 gün içində xalq qəhrəmanına çevrilə bilərsiniz. Əvvəlcədən etmiş olduğunuz bütün mənfiləri bir müsbətlə (o da nə qədər müsbətdirsə) örtə bilərsiniz. Unudulub gedər.

Ən azından mənim bu müharibədən anladığım budur.
the devil all the time Netflix filmi olduğunu bildiyim üçün o qədər də həvəslə yanaşmamışdım, amma filmdə rol alan aktyorlara baxanda bir şans vermək qərarına gəldim. Axır ki, netflix götlü-başlı bir film ortaya çıxarda bilib. Film tarantinodan bildiyimiz bir neçə ayrı hekayəni sonda birləşdirmək kimi bir yol izləyib. Hekayələrin bəziləri bir-biri ilə əlaqəli, bir qismi isə tamamilə əlaqəsizdir. Amma film sonda zorlama da olsa bir əlaqə qura bilir. (Spoilersiz danışmaq çox çətindi lol).
Elə ilk səhnələrdən brutal bir film izləyəcəyimizi öyrənmiş oluruq. Filmin sevmədiyim tərəfi bir neçə mövzunu eyni anda işləməyə çalışmalarıdır. irqçilik, dinin insan üstündəki təsiri, rüşvətxorluq, vəzifə hirsi, intiqam falan filan. Hər hekayənin özündə bir mövzusu və süjet xətti var, amma ortaq bir mövzudan danışmaq çətin gəlir. Mənə görə film, bu nöqtədə biraz havada qalırmış kimi hiss etdirir. Hə bir də, bir cənub aksenti var ki, müəyyən zaman sonra artıq sıxıcı olmağa başlıyır. Sözdə cənub aksentidi amma hərə bir cür danışır.
bill skardsgardrobert pattison mənə görə filmdə rolunu ən gözəl oynayan aktyorlardır. Əsas da robert pattison şərəfsiz roluna çox gözəl oturub. Adamın tipi insana güvən vermir.
(bax: delllluuusionsss)
1 2 3 4 5 6 7 8 9 10 11 12 13 14 15 16 17 18 19 20