albatros və qağayı

7 əjdaha! 06.09.2020 23:11, albatros və qağayı

Uşaq olanda Bonaqua sularının üstündə olan kişini Allah bilirdim... O vaxtdan etibarən istəmsizcə Allah sözünü eşidəndə xəyalımda kişi təsviri yaranır.

#304045 şikayət

11 avqust bandotdel işgəncə fotoları

9 əjdaha! 12.08.2020 01:21, albatros və qağayı

Sosial şəbəkələrdə Bandotdeldə çəkildiyi iddia edilən fotolar yayılıb. Fotolarda saxlanılan şəxslərin alçaldıcı formada görüntüləri yer alır. Arxa fonda Azərbaycan bayrağı həmçinin DiN 'in simvolu görünür. DiN fotolar barədə açıqlama verib ki, hadisə Azərbaycanda baş verməyib, bu, ölkəyə qarşı təxribat xarakteri daşıyır.
Bu açıqlamadan sonra, Xalq inanıb. Çünki, Azərbaycanda insan hüquqları heç bir halda pozulmur. Polislərimiz də qanadsız mələklərimizdir. (bax: azərbaycan polisi)

#302652 şikayət

30 sentyabr 2020 bmt tş fövqəladə iclası

6 əjdaha! 30.09.2020 03:25, albatros və qağayı

BMT Təhlükəsizlik Şurasının Dağlıq Qarabağdakı vəziyyətlə bağlı fövqəladə iclası keçirilib.

BMT Təhlükəsizlik Şurası üzvləri toplantı
sonrasında tərəfləri dərhal müharibəni dayandırmağa çağırıb.

Bu həmin BMT-dir ki, 28 ildir öz qəbul etdiyi qətnaməni işğalçı ölkəyə tətbiq edə bilmir.

#305300 şikayət

ilham əliyev

7 əjdaha! 04.10.2020 20:47, albatros və qağayı

Bu günki çıxışında o qədər sevinmişdi ki, çox güman ki, içib gəlmişdi, qıpqırmızı idi, amma bomba danışdı, haqqını yemeyelim.

#305611 şikayət

michael haneke

5 əjdaha! 31.10.2020 04:28, albatros və qağayı

mənim üçün ənlərin siyahısına daxil olmağı bacaran rejissordur. kino tarixində steriotipləri ustalıqla yıxmağı bacarmışdı. hər adamın işi deyil onun çəkdiyi filmləri izləsin, səbir, diqqət, sağlam psixologiya tələb edir. filmlərini izlədikcə içinizdə bədbin ruh hakim olacaq, həyəcandan birtəhər olacaqsız, sanki haneke bütün hisslərinizi alıb öz əlində saxlayır, istədiyi saniyə onlara təsir göstərir. şiddəti göstərmədən onu tamaşaçılarının iliyinə qədər yaşadır. özünün dediyi kimi, elə filmlər ərsəyə gətirir ki, asan və içiniz rahat şəkildə belə izləyə bilməzsiniz. mənim ən bəyəndiyim filmləri= 1997-ci ildə çəkilmiş variantı funny games , benny's video və la pianiste

#308663 şikayət

Müharibə dəhşətləri

6 əjdaha! 01.10.2020 14:38, albatros və qağayı

Bu nə başlıqdı? Kimə görə və nəyə görə heyfslənirsiniz? ilk öncə o əsgərin başındakı papaqda kamera var idi. Öz-özlüyünüzdə sorğulamısınız o kamera niyə ordadı? Mən deyim sizə. Bizim əsgərlərin necə öldürülməsini lentə almaq üçün, tutsalar necə işgəncə verəcəklərini çəkmək üçün... Biz ona görə bu gündəyik də, özümüzə yox, başqalarına canımız yanır. Oturub burda başlıqlar açmaqla deyil, soruş gör o əsgərin özgə torpaqda nə işi var ki bir də ölsün?

#305396 şikayət

aygun_news

6 əjdaha! 14.08.2020 19:35, albatros və qağayı

Yazdığı entrylərdən sözlüyə girə bilməz halına gəldim. Formatını təcili şəkildə dəyişsə, yaxşıdır.

#302833 şikayət

xaricdə yaşayan azərbaycanlıların erməniləri döyməsi

6 əjdaha! 24.07.2020 03:04, albatros və qağayı

Mənə bir şey çatmır. Döyməklə əlinizə nə keçəcək axı? Qisas alacaqsınız,ya torpaqları işğaldan azad edəcəksiniz?
Mənim qədər ermənilərə nifrət edən 2-ci şəxs,bəlkə də tapılmaz. Ancaq,gəlin məntiqlə düşünək. Bu söhbətlərin sonu hara gedir? Kamil Zeynallı oturub burda,xaricdə məskunlaşan həmvətənlərimizi "qızışdırır". Amma özü burda camaatı basır döyür.
Təkcə Kamil deyil,digər məşhurlar da bunları dəstəkləyir. Orda camaatın uşağına nəsə olsa cavabdeh olacaqsınız? Ya dövlət onların arxasında duracaq? Onlar vurdu,mən vurdum. Sabah onlar bıçaqlayır,sonra mən bıçaqlayım. Bəs sonraaa?
Əgər,torpaq almaq istəyiriksə,buna ilk başda mane olan içimizdəki düşməni yox etməliyik. ikinci məsələ,ermənilər ilə müharibə....

#301066 şikayət

rus bölməsi

6 əjdaha! 12.09.2020 01:45, albatros və qağayı

Yazacaqlarım tam subyektiv əhəmiyyət daşıyacaq və kimin xoşu gəlməsə umbaylaya bilər amma ən yaxşısı oxumayın.
Nəzərə alsaq ki, Azərbaycan müxtəlif millətlərə ev sahibliyi edir. Ölkədə talış da var, rus da var, tatar da və s. Bu qalsın yadda. indi əsas mövzuya keçid edək. Bir xalqın formalaşması üçün vahid dil mütləqdir. Təsəvvürünüzə gətirin hər hansı bir ölkədə vahid dil yoxdur onda nə baş verər? Kaos. Azərbaycan cəmi cümlətani 10 milyonluq nüfuza sahibdir. Daha az sayda olan insanı bölməyin nə mənası var axı? Ay kişinin oğlu, ölkədə vahid dil Türk dili deyil? Bəs niyə bölgü aparırsan axı? Mən qəti qarşı deyiləm yeni dillər öyrənməyə, sadəcə küçəyə addım atırsan hər yumurtadan çıxmış rusca danışır. Bilmirsən hara düşmüsən. Kim rusca öyrənmək istəyirsə ölkədə yetərincə kurslar var və yaxud da ki, məhdud sayda rus təmayüllü məktəblər açılsın və orada təhsil alsınlar ancaq məktəblərdə bölgü olmasın. Tutalım bu rus bölmələrinin yaradılmasında əsas məsələ kimi rusların ölkədə çox olması götürülüb. Amma biz statistikaya nəzər salsaq ölkədə etnik qruplardan 2 faizini ləzgilərin, 1.3 faizini isə rusların təşkil etdiyini görərik. O zaman ləzgi bölməsi də açılsın da...
Ölkədə vahid dil Türk dili olmalıdır, digər dillər isə YÜKSƏK SƏViYYƏDƏ xarici dil kimi keçirilməlidir. O ki qaldı burada yaşayan rus ailələrinə. Vallah biz onları məcbur edib Azərbaycana gətirməmişik. Xoşları gəlmir, ayrıca rus təhsili verən məktəblərə qoysunlar övladlarını.
Bunu da əlavə edim ki, rus bölməsində oxuyan uşaqların 99 faizi mədəniyyətsiz, savadsız və pozğun olurlar. Oxuyub qurtarandan sonra heç bir xeyirləri belə dəymir.

#304318 şikayət

birinci studiya

8 əjdaha! 05.02.2021 01:34, albatros və qağayı

Hamının məlumatlı olduğu bir məsələ var idi, son zamanlar gündəmi zəbt etmişdi- şəhid məzarlarının uyğunsuz yerdə dəfn olunması və bundan doğan narazılıq. hamımız şahid olmuşduq anaların fəryadına. sağ olsun sosial şəbəkələr bu məsələni gündəmdə saxlayırdı. allahın bir televiziya kanalı gedib onların amalını, hayqırışlarının səbəbini soruşmadı... ta ki, bu mövzuya müxalifət və digər şəxslər reaksiya verənə qədər.
bildiyiniz kimi murad dadaşov ötən il xəzər tv ə rəhbər təyin olundu. devrim dəyişiklik gözləsək də, eyni tas eyni hamam məsələsi.
şəhid ailələrinin etirazını, bax bu murad dadaşovun rəhbərlik etdiyi kanalda bir qrup təxribatçının etdiyi əməl adlandırdılar.
bu gün axşam isə, birinci studiya adlanan verlişdə, muradın insanlar arasında düşmüş nüfuzunu qaldırmaqdan ötrü, hansı ki, bu zamana qədər məsələlərini işıqlandırmadıqları həmən o şəhid valideynlərini verlişə dəvət edib milyonlarla insan önündə bir növ sındırdılar... utanıram və iyrənirəm mənəviyyatsız media, mundar düşüncəli jurnalistilərdən

#319302 şikayət

rəşid behbudov

+7 əjdaha

Görkəmli sənətkarın ölümü də,sənəti kimi çox böyük səs gətirmişdir.Belə ki,1988ci ildə Hindistana səfəri zamanı Ravi adlı bələdçi,bir kəndin yaxınlığından keçərkən dilə gətirir ki,burada siz tərəfdən biri dəfn edilib,adı Stepyan Şaumyandır. 10 il öncə rəhmətə gedib.
Rəşid bəy hər kəs uzaqlaşandan sonra, (Bilal Əliyevdən savayı) bələdçidən cənazə kasetini istəyir. Səfərdən qayıtdıqdan sonra o zaman SSRi nin ilk və son prezidenti olan Mixayıl Qorboçuvun yanına gedərək sübut kimi bu kaseti ona təqdim edir. Əlbəttə,o dönəm Ali Sovetin deputatı olan Rəşid bəy vəzifəsindən kənarlaşdırılır,ölkə daxilində gözdən salma kompaniyaları keçirilir.
1989 cu ildə səhhətində baş verən problemlərə görə xəstəxanaya qaldırılır.Həyat yoldaşə Ceyran xanıma bildirir ki,kasetə görə onu aradan götürəcəklər
Belə də olur.Rəşid Behbudov yatdığı palatada müəmmalı şəkildə vəfat edir...

P.S Bu arada onu bildirmək istəyirəm ki,türklər bizim sənətkarlara özümüzdən də çox dəyər verirlər. Burada bəzi entrylərdə yazılanları görəndə həqiqətən sizlərdən utanıramm.....

5 əjdaha! 27.07.2020 11:22, albatros və qağayı

#301434 şikayət

sumqayıt

8 əjdaha! 26.10.2020 01:24, albatros və qağayı

Sumqayıtın Qubadlı ilə nə əlaqəsi var ki, azad olunması xəbərini eşitdikdən sonra bu qədər coşdular...Elə bir 1 həftə əvvəl Gəncə hadisələri baş verməyib, biraz hörmət bəsləyək.

#307652 şikayət

11 oktyabr 2020 Ermənistanın gəncəni bombalaması

+6 əjdaha

(youtube:

)

5 əjdaha! 11.10.2020 05:56, albatros və qağayı

#306071 şikayət

bakı dövlət universiteti

9 əjdaha! 23.03.2021 21:06, albatros və qağayı

Bu yazını gələcəkdə Bakı Dövlət Universitetini seçib orada təhsil almaq istəyən şəxslər üçün yazıram, ümid edirəm bu fikrinizdən az da olsa sizləri çəkindirə bilərəm. Öncəliklə onu bildirim ki, mən 1ci kurs tələbəsiyəm, deməyin ki, bu hələ təzə daxil olub, online şəraitdə tədris keçir, durub məsləhət verir falan filan... 1ci kurs olsam da, yetərincə hər şeyin nə yerdə olduğunu görmək qabiliyyətim var. Mən də bir çox azərbaycanlı gənc kimi Bakı dövlət universitetinə fanatik idim, hətta ixtisas seçimində 15 yerin ilk 12 yerini məhz o universitetdə oxuyum deyə Bduyla doldurmuşdum. Daxil oldum da, həqiqətən peşimançılığın necə bir hiss olduğunun şahidi oldum. Gənclər, öz həyatınızı və gələcəyinizi göz görə-görə məhv etmək istəmirsinizsə, bacardığınız qədər bu “təhsil ocağından” uzaq durun. Fakültəmi anonimlik olsun deyə bildirmirəm, ancaq prestijli fakültələrdən biri olduğunu nəzərinizə çatdırım . Universitetdə naftalin iyi verən, artıq söz kasadlığı yaşayan qoca müəllim kollektivindən əlavə düzgün dərs metoduna sahib olan müəllimlər tapmaq səhrada iynə tapmağa bənzəyir. Ömrünüzün ənn gözəl çağlarını dəxlisiz, sizə baxıın əminliklə deyirəm, həyatınızın heç bir anında lazım olmayacaq toz basmış mühazirələr dinləməklə keçirəcəksiniz. Uzun-uzun mühazirələrdən sonra, seminarlar gələcəkdir. Adamın üzərində Allah var, bəzən elə müəllimlər tapmaq olur ki, dərsi yaxşı öyrənməsəniz belə, sizdən qiymət əsirgəmir, insaflı davranır. Amma elələri də var ki, qiyməti elə bir acgözlüklə özündə saxlayır, bütün mühazirəni əzbər desəniz belə bir mız tapıb qiyməti kəsir. bütün universitetlərdə mövcud olan o məşhur təşkilatlara keçək-Tələbə həmkarlar ittifaqı və digərləri (adı yadımda deyil). Əzizlərim, qəti şəkildə onların şirin dilinə aldanıb vaxt itkisi olan qruplara, xüsusən də THiK-ə qoşulmayın. Ay sizi bura aparacağıq, ay belə imkanlar bla bla bla. Hamısı boş havadır. Thik sədrləri sanki nazir havasına malikdirlər, ən gülüncü də, sədr olan şəxsə onun yaşıdlarının “müəllim” deyə xitab etməsidir. Gör müəllim sözü necə ucuzlaşıbsa... Çox güman ki, bu yazımın davamı gələcəkdir, ancaq BDU haqqında bu görüşlərim dəyişməz olaraq qalacaqdır. Əgər valideynlərinizin imkanı varsa, ADA Universitetini seçin, düşünməyin özəldə oxusam camaat nə deyər, siz öz həyatınızı qurursunuz. Düzdür, bu ölkədə universitetlərə pul tökməyə dəyməz, lakin ADA bu mühakimədən uzaqdır.
(bax: universitetə qəbul olanlara məsləhətlər)

#322758 şikayət

heyzel faciəsi

5 əjdaha! 16.08.2020 00:59, albatros və qağayı

29 may 1985-ci ildə, Liverpool FK və Juventus Fk klublarının Çempion kuboku uğrunda baş verən qarşılaşmada yaşanan, ən böyük stadion faciələrindən biri. Bir grup ingilis azərkeşinin italyan tərəfdarlarının üzərinə hücum çəkməsi ilə başlayan qanlı hadisə nəticəsində 39 kişi həlak olmuş, 600 kişi isə yaralanmışdır.Hadisələrdən sonra, Liverpool FK 6, digər ingilis klublarına isə 5 il UEFA dan uzaqlaşdırılma qərarı alınır. Heyzel stadionu isə, bir daha futbol oyunlarına ev sahibliyi etmir. 1994-cü ildə isə, yeni adı ilə birlikdə yenidən futbol azərkeşlərinə qapılarını açır.

#302907 şikayət

türklərin sevilməyən cəhətləri

8 əjdaha! 16.09.2020 16:09, albatros və qağayı

Özlərini əsl türk hesab edirlər. Guya bunlardan başqa türk dövləti yoxdur. Bizə yuxarıdan aşağı baxır, 'yavru vatan' ifadəsini tez-tez dilə gətirirlər. Bizim bəzi cahillərimiz də elə yapışıblar ki, azəri yox, Azərbaycan türkü... Vallah biz onların heç vecinə də deyilik, çıxarıb dağ başına qoymusunuz.

#304659 şikayət

rövşən cavadov

+6 əjdaha

Xüsusi rəğbət bəslədiyim əfsanəvi OMON komandiri, cəsur döyüşçü. Düşmən gülləsindən deyil də, öz gülləmizdən ölməsi bəlkə də çox şeyi ifadə edir. Haqqında danışılası çox faktlar var, hal-hazırda araşdırmalar apardığım üçün yəqin ki, ad günü ərəfəsində dolğun məlumat yazacağam.

(youtube:

)

5 əjdaha! 12.10.2020 21:29, albatros və qağayı

#306254 şikayət

hər cümləsində rusca kəlmə olan adam

3 əjdaha! 07.09.2020 14:01, albatros və qağayı

Elə insanları başa düşə bilmirəm, zachem də?
idiotylar. govori na svoyem rodnom yazyke. Dəhşət insandılar da.
(bax: sarkazm )

#304073 şikayət

noyabr

5 əjdaha! 01.11.2020 00:06, albatros və qağayı

doğulduğum ay və payızın son ayı.

#308732 şikayət

9 oktyabr 2020 rusiyada baş tutmuş azərbaycan-ermənistan görüşü

4 əjdaha! 10.10.2020 02:09, albatros və qağayı

(baxma: biz gözlədikcə qızışıyoruz)

#305949 şikayət

doqquz naməlum

3 əjdaha! 19.09.2020 17:43, albatros və qağayı

Bu o qədər gizli bir təşkilatdır ki, bəzi tarixçilər belə bir təşkilatın var olduğuna inanmırlar. Deyilənə görə, Hindistanın çarı Aşoka tərəfindən əsası qoyulub. Aşoka bütün Hindistanı birləşdirdiyi dönəmdə tarixin ən qanlı savaşına imza atır. Bu savaşda minlərlə insan həlak olur. Müharibədən sonra vicdanı rahat olmayan çar, belə qərara gəlir ki, ölkəni idarə etmək, torpaqları birləşdirmək üçün qılınc gücü yox, insanların qəlbini fəth etmək lazımdır.Qısa zaman ərzində Buddizmi qəbul edir, ölkə ərazisində məcburi əməyi, qurban kəsməyi, ovçuluğu və s. qadağa etməklə əmin-amanlıq yaratmağa nail olur. Pulsuz mehmanxanalar, universitetlər, su kanalları və s. tikir. Bir sözlə, Aşokanın bütün görüşləri dəyişir. O düşünür ki, nə qədər güclü hökmdar olsa da, kütləyə qadağalarla nəzarət etmək və yönləndirmək olmaz. Bunun üçün elə bir cəmiyyət və yaxud təşkilat qurmalıdır ki, bəşəriyyəti elə insanların özündən qorusun. Beləliklə,sirlər dolu Doqquz Naməlum cəmiyyəti qurulur.

Aşokanın əmri ilə cəmiyyət daxilində bəşəriyyətə ziyan olacaq bütün elmlər saxlanılır. Yarandığı dövrdən insanları pisliklərdən uzaq tutmağı hədəfləsə də, zaman keçdikcə təşkilata daxil olan alimlər kəşf etdikləri nailiyyətləri insanlardan uzaq tutur, səbəb olaraq isə bəşəriyyətin hələ bunlara hazır olmadığını dilə gətirirlər. Bununla da, gizli təşkilat insanları müharibələrdən, təhlükələrdən qoruya bilmir.
(baxma: the nine unknown)

#304834 şikayət

meydan tv