amanov

6 əjdaha! 19.06.2021 15:18, amanov

"Həqiqət sonrası", "Həqiqətin ötəsində", "Həqiqətin bulanıqlaşması" və s. mənasına gələn, siyasət fəlsəfəsi terminidir. 2016-cı ildə Oxford Dictionary tərəfindən ilin sözü seçilib. Həqiqət sonrası - ümumi obyektiv sübutlar əvəzinə hisslər və inanclar üzərindən həqiqətin təyin olunmasını təsvir edən fəlsəfi və ya siyasi bir anlayışdır. Yalın Alpayın bu barədə yazdığı kitab var: Yalanın Siyaseti. Həqiqət sonrası erada kütləvi informasiya vasitələrinin, propaqandaların xüsusi yeri var.

#330192 şikayət

anna freud

6 əjdaha! 19.06.2021 13:12, amanov

Məşhur Avstriyalı psixoloq, filozof Sigmund Freudun qızı. Lakin həyatdakı ən böyük uğuru bu deyil. Atasının yolundan davam edib, o da psixoloq olmuşdu. Psixoanaliz üzərində işləyir və atasının gətirdiyi qavramlar olan eqo, supereqo, id barədə nəzəriyyələri inkişaf etdirirdi. Ən çox bilinən işlərindən biri - Ego defense mechanisms - yəni "Eqo müdafiə mexanizmaları" barədə olub. Bunlar şüuraltı resurslardı, hansı ki, eqo tərəfindən id və süpereqo arasında olan konflikti (münaqişəni) azaltmağa yönəlib. Məsələn, inkar, proyeksiya, repressiya (basdırma) və s. Maşallahı var Anna Freudun 87 il yaşayıb, atası 83 il yaşamışdı.

Yəhudi olan Ailəsi ilə birlikdə Vyanadan Londona köçmüşdü (qaçmışdı) 1938-39 ərəfəsində, atası da, özü də Londonda öldü, ev muzeyləri var orda. Anna Freud əslində 1938-ci ildə GESTAPO tərəfindən həbs edilmiş, sorğulanmış, lakin Nazilərdən qaçmağı bacarmış və Londona ailəsinin yanına getmişdi.

#330174 şikayət

işdən istefa vermək

5 əjdaha! 08.04.2024 17:28, amanov

Sabah işdən istefa verməyi düşünürəm. Uzun müddətdir ki, məcburi hərbi xidmət həyatımı planlamağa mane olur. Hal-hazırda Macarıstanda yaşayıram, toplam 5-6 il olar, və son 2 ildir eyni yerdə işləyirəm, amma hər bir qərar alanda (iş dəyişmək, ölkə dəyişmək, şəxsi həyatımda biri ilə yaxınlaşmaq) hərbi xidmətin necə olacağını düşünürəm. Ağlımın arxa planında həmişə bu olur, əlavə stress yaradır, və arxa planda işlədiyi üçün bataryamı da zəiflədir. Normalda 1 iyul 2024-ə qədər möhlətim var idi, bu o mənaya gəlir ki, Oktyabr çağrılışına düşürəm. Amma artıq könüllü olaraq iyulda gedib, bir an öncə olsun-bitsin istəyirəm. Sabah supervizorum ilə danışacam ki, şərtlər belə gətirdiyi üçün işdən çıxmalıyam. inanmıram ki, mənə burda 1 illik pauza versinlər işimə, qayıdanda davam edim falan. Çox az ehtimal olsa da, bəlkə belə bir şeyə haqqım varsa da soruşmaq istəmirəm heç. işdən ayrılma qərarını vermək, 1 ay yarım hələ də burda eyni ofisdə olmaq, öz işimi başqasına öyrətmək, işdən ayrılmaq ilə burdakı həyatımın sonuna gəldiyimi qəbul etmək bir az gözlədiyimdən daha çətin gəldi. 2-3 aydır bu qərarı vermişəm ağlımda, amma vaxt gəlib çatanda, bir az gözlədiyimdən daha ağır qərara dönüşdü. Gerçəklik ilə tam üzləşmiş olursan. Tam olaraq işdən necə çıxırlar heç onu da bilmirəm, çünki bu mənim ilk işimdi. Gedim bir az google-da yazım baxım necə olur, nə deməliyəm. Nəsə update olanda aşağıda entry yazaram. Mən satın alıram bu entrynin haqqlarını.

#383795 şikayət

lichess.org

4 əjdaha! 27.05.2021 13:19, amanov

internet üzərində olan ən möhtəşəm şahmat saytıdır. Açıq və net. Serverləri daha sürətlidir (sürətli şahmatda daha çox fərq edir bu), saytın interface (arayüzü) olduqca bəsit və istifadəçi dostudur. Sayta girəndə görürsən ki, adamlar xırda detalına qədər hər şeyi düşünüb. Sayt pulsuzdur, heç bir reklam yoxdur, istifadəçilərdən gələn yardımlarla mövcudluğunu davam etdirir. Və bu hər zaman belə qalacaqdır - deyə söz veriblər.

#328448 şikayət

valideynlik lisenziyası

4 əjdaha! 15.06.2021 15:04, amanov

Valideynlik Lisenziyası nədir?

Valideyn olmaq üçün yetərli kriteriyaları ödəyən insanlara verilən lisenziya. Burada kriteriyaların nə olacağı haqqında müxtəlif debatlar aparmaq və fikri inkişaf etdirmək olar. Və ya lisenziyanın kim tərəfindən (dövlət mi, özəl müstəqil bir quruluş mu) veriləcəyi də üzərində müzakirələr aparılması gərəkən nöqtədir. Psixolojik saxlamlıq testindən keçmək hər halda hər kəsin razılaşacağı kriteriya ola bilər. Zehin sağlamlığı yerində olmayan insan, uşaq böyüdə bilməz. Bəzi insanlar şiddətə meyillidir. Bəziləri alkoqoldur. Bəziləri öz uşaqlıq tramvalarından qurtula bilməyib, öz qaranlıq keçmişini uşağına yaşadır. Dünyaya uşaq gətirməyin bir məsuliyyəti var (hal-hazırda yoxdu, amma olmalıdı.) Doğmaqdan başqa işi gücü olmayan insanlar Hindistan, Çin beləliklə bir az yavaşlaya bilər. "Faşist bir ideadır" deyə bilərsiniz. Olsun.

intellekt mövzusu daha həssasdı. Bəzi insanlar cahildir, bu heç. Bunun müzakirəyə açıq tərəfi yoxdur. Müzakirə olunası tərəfi neçə faiz hissəsidi. Məncə 90%, siz deyin 50%. Bəs bu cahil insanlar uşaq sahibi olmalıdır mı? Şəxsi fikrim: uşaq psixologiyası, uşaq anatomiyası haqqında qısa hazırlıqlardan və imtahanlardan sonra (sürücü vəsiqəsi necə alınırsa), bu təhsil səviyyəsi aşağı olan dostlarımız da uşaq sahibi ola bilərlər. Bunun üçün ortaya bir əmək qoymaq lazımdır.

Dünyada 8 milyard insan var. Sadəcə, sadəcə, sadəcə 100 il əvvəl, bu rəqəm 2 milyard idi. Artımı görürüsünüz. Bunun sonu nədir? Dünyada bu qədər insanı daşıyacaq qədər resurs var mı? Daha çox insan, daha çox karbon ayaqizi, daha çox təbiətə ziyan.

Yaxşı, bəs heç kimdən soruşmadan uşaq doğurdular. Nə edək? Nə bilim. Normal qanunu pozana nə edirlər, ondan. Arqüment ola bilər ki, dövlətin gücü, otoritesi artacaq, insan azadlığı isə azalacaq. Üzr istəyirəm ifadəmə görə amma tüpürüm belə azadlığa. O uşaqa baxa biləcəksənsə doğ.

#329861 şikayət

20 iyun 2021 ermənistan parlament seçkiləri

4 əjdaha! 20.06.2021 18:34, amanov

Bu gün yerli vaxt ilə saat səhər 8-də başlayıb axşam 8-də sonlanacaq olan parlament seçkiləri. Əsas rəqiblər Nikol Paşinyan və Robert Koçaryandır. Paşinyan hakimiyyətə gələndə Koçaryanı həbsə atdırmışdı. Koçaryan isə Putin ilə yaxınlığı ilə məşhurdu. Üçüncü yerdə Serj Sarkisyan amma onun seçilmə ehtimalı çox zəifdir. Seçkilər onsuz da nəticələnə bilməyəcək çünki heç bir tərəf yetəri qədər səs toplayıb, limiti keçə bilməyəcək. Seçimə qatılan 25 partiya var, Ermənistan Respublikasının tarixindəki bütün prezidentlər seçkilərə namizəddir. Qatılan çox olduğu üçün, səslən çox bölünür. Nəticə çıxmayacağı üçün 1 həftə sonra ikinci tura gedəcəklər, onda məcbur partiyalar koalisiya qurmalı olacaqlar və bu koalisiya vasitəsilə hökümət olacaqlar. Paşinyan ilə kim koalisiya qurmağa hazır olub özünü riskə atar, orası da ayrı mövzu. Görək də. Bircə Koçaryan gəlməsin, sir-sifətindən şərəfsizlik yağır.

#330311 şikayət

ən görkəmli 100 psixoloq

3 əjdaha! 19.06.2021 13:40, amanov

2002-ci ildə Steven J. Haggbloom başda olmaqla çox sayda tədqiqatçının iştirak etdiyi məqalədə tarixin ən görkəmli (eminent) 100 psixoloqu listi verilib. Məqalədə istifadə olunan metodlar çoxdur, jurnallarda, kitablarda adı ən çox keçən, aparılan sorğularda adı ən çox deyilən və s. Siyahı isə belədi (ilk 10luq verim).

1. (bax: B. F. Skinner)
2. (bax: Jean Piaget)
3. (bax: Sigmund Freud)
4. (bax: Albert Bandura)
5. (baxma: Leon Festinger)
6. (bax: Carl Rogers)
7. (baxma: Stanley Schachter)
8. (baxma: Neal Miller)
9. (baxma: Edward Thorndike)
10. (bax: Abraham Maslow)

#330176 şikayət

badam

4 əjdaha! 06.07.2021 17:15, amanov

Badam ürəkdir. Ən sevdiyim çərəzdir. Fındıq, kişmiş zad yalandır. Bu vaxta kimi badam üçün niyə entry açılmayıb bilmirəm, çox məyusam. Badam dadlıdı, bundan əlavə sizə omeqa 3 verir. Beyni gücləndirir. aparılan tədqiqatlara görə, gündə 100 qram badam yemək lazımdı.

#331499 şikayət

21-ci əsrdə hələ də dövlətlərin var olması

3 əjdaha! 04.01.2022 21:21, amanov

"21-ci əsrdə hələ də" ifadəsi mənə düzün desəm bir az gülünc görünür. 21-ci əsr heç nədir. Doğulduğumuz, yaşadığımız əsri bir az üstün, tamamlanmış, "artıq olduq!" deyə görmək başa düşüləndir, lakin gələcəkdə yaşanacaq yüz minlərlə illəri nəzərə alanda, biz hələ hekayənin çox başındayıq. Gələcəkdəki insanların azıx adamlarıyıq. Yazılanlara qatılıram, dövlət varsa, deməli "21-ci əsrdə hələ də" demək lazım deyil, "hələ də" sözünü haqq edəcək qədər inkişaf etməmişik. Ona görə dövlətin olması da normaldır.

#342808 şikayət

14 may 2023 türkiyə seçkiləri

5 əjdaha! 14.06.2021 20:47, amanov

2 il sonra "türkiye genel seçimleri" olacaq. 2023 türkiyə cumhuriyyətinin quruluşunun 100-ci ili olacaq. türkiyə siyasətinin qütblərə bölünməsi, iqtisadiyyatın çökməsi, 1 dolların 9 tl olması, siyasi islamçılığın açıq-aşkar yeridilməsi, söz/ifadə/toplanma azadlığının kobudca pozulması səbəbi ilə Recep Tayyip Erdoğan liderliyində AKP və digər koalisiya üzvlərinin toplamda 50%-i keçə biləcəyinə inanmıram. Türkiyə gənc nüfuzlu bir ölkədir, səs vermə yaşı 18-dir. 18 yaş isə 2023-cü ildən baxdığımızda 2005-ci il edir. 1995-dən sonra doğulan Z kuşağı səslərin böyük hissəsində söz sahibi olacaq. və artıq beziblər.

#329787 şikayət

corvinus university of budapest

5 əjdaha! 02.05.2022 22:32, amanov

iqtisadiyyat, Biznes, Menecment və s. təhsili üçün Macarıstanın ən reytingli üniversiteti. 1920-ci ildə əsası qoyulub, hal-hazırda 10 minə yaxın tələbə təhsil alır. Məzunlarından çoxu Macarıstanda yüksək vəzifələrdə yer alıb və hal-hazırda Macarıstan Prezidenti və Macarıstan Xarici işlər Naziri Corvinus məzunudur. Budapeştin ən mənzərəli üniversiteti sayıla bilər, üniversitetin qarşısında gözəl arxitektura ilə yaşıl rəngli Liberty Bridge diqqət çəkir. Azərbaycanlı tələbələrin ən sıx seçdiyi üniversitetlərdən biridir. Stipendium Hungaricum təqaüdü çərçivəsində mən də Master of Science in Marketing ixtisası üzrə qəbul aldım bu gün.

#349336 şikayət

fide

4 əjdaha! 25.07.2021 21:08, amanov

FIDE ( fransızca: Fédération Internationale des Échecs, FIDE) — beynəlxalq şahmat federasiyasıdır.

Dünya Şahmat Çempionatı və s. kimi bütün əsas turnirləri təşkil edən qurumdur.

#332883 şikayət

apple macbook air m2

5 əjdaha! 04.07.2022 21:05, amanov

Apple şirkətinin iyun-iyul aylarından satışa çıxardığı yeni noutbuklar. Macbook Air-in amerikadakı qiyməti 1200 dollar, macbook pro-nun isə 1300 dollardır. Azərbaycanda yəqin ki absurd qiymət 3000 manat falan olar, tam bilmirəm. M1 chipi ilə Apple məhsulları 2020-ci ildə bazara çıxmışdı. Demək olar ki, gamechanger, yəni oyunu dəyişdirən bir chip oldu. Çox güclüdür. M2 isə məni qane etmədi. CPU performansı olaraq M1-dən 18% faiz üstündür, GPU performansı olaraq isə 35%. Məncə M1 macbook-u olanların yeni macbook almağına heç bir səbəb yoxdur. M1 macbooklar onsuz da ehtiyac olanı artıqlamasıyla ödəyir.

#353358 şikayət

şəhriyar məmmədyarov

3 əjdaha! 14.06.2021 16:49, amanov

Bu gün "2021 Superbet Chess Classic"-də qalib oldu. Grand Chess Tour daxilində klassik şahmat turniri idi. Dünyanın ən güclü şahmatçıları qatıldığı üçün super turnir olaraq qəbul edilir, bu qələbə ilə 90 min dollar qazandı. Uğur olsun Shak.

#329754 şikayət

london system

4 əjdaha! 17.06.2023 14:20, amanov

Şahmatda ağ fiqurlar ilə açılış sistemi.
Keçən həftə həyatımda ilk dəfə rəsmi olaraq şahmat turniri oynadım. 5 rounddan ibarət turnir idi, yəni 5 oyun. Bəxtim zəif gətirdi, 3 qaralar və 2 ağlar başladım. (3 ağ, 2 qara da olmaq olardı). Ağlar ilə oynadığım 2 oyunda da qalib gəldim. Hər iki oyunda da London System oynadım. Çox bəsit, çox rahat, çox effektli açılışdı. e5 xanasına nəzarət önəmlidi ağlar üçün, qaraların ora fiqur gəlməsinin qarşısını almaq lazımdı, ya da gecikdirmək. Ora adətən atınızı qoya bilərsiz. Fili də olar. Ağlar şah cinahından hücum edir adətən, qaralar da vəzir cinahından. Çox sıxıcı oyunlar da çıxa bilər, çox manyak hücumlar da.

Ağların gedişləri adətən əzbərdi, bu gedişləri oynayırsız çox vaxt rəqibin nə oynadığının fərqi olmadan - d4, Fil f4, e3, At f3, c3, At b-dəki d2, Fil d3, Qala Qurma.

#373943 şikayət

anish giri

4 əjdaha! 14.06.2021 17:12, amanov

Rusiya doğumlu, əslən Nepallı, Niderland millisində çıxış edən şahmat oyunçusu. TOP level şahmatçıdı, ən yüksək reytingdi 2800 elo olub. 26 yaşı olmasına baxmayaraq, təqribən 10 ildir dünyanın ən güclü şahmatçıları siyahısında yer alır.Mənim şəxsən ən sevdiyim şahmatçılardan biridir (şahmat gücü + xarakterinə görə). Youtube kanalı ilə bir az daha məşhurlaşdı, 150 min abunəsi var. Həyat yoldaşı Gürcüstanlı IM Sopiko Guramishvili-dir. 1 oğlu var. Anish Giriyə qarşı bullying də edilir sıxlıqla. "Drawish Giri" kimi ləqəblər taxaraq onu sadəcə bərabərə etmək məqsədi ilə oynayan şahmatçı kimi damlağama çalışdılar. Halbuki, şahmatın gəldiyi son nöqtə, hər hansısa üst səviyyə bir oyunun 60% bərabərə nəticələnəciyi yönündədi.

#329758 şikayət

burrito