arrowhead

57 0 0 0

11. nəsil yazar

Entry: 57

blok başlıqlarını gizlət

evdən çıxmağa az qalmış

knowledge argument

moon dog

google photos

james clerk maxwell

əfsanəvi albom qapaqları

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı music

+26 əjdaha

bu aralar qulaq asmaqdan doymadığım vaporwave janrını bir də özüm yoxlamağa çalışdım. üstündə hələ çox işi olan bu kasıbyana təşəbbüsümü sözlüyə sunuram -*.

the purpose of pain is to get our attention
that something is wrong
protect us from further damage and to request care
it's in this sense that a little bit of pain is a good thing

introdakı vocal: backxwash - purpose of pain

22 əjdaha! 10.04.2023 23:54, arrowhead

#370240 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yazarların 17 yaşlarındakı hallarına deyəcəkləri

+26 əjdaha

rage against the machine kimi adam idin, 6 il içində səni necə duster elədim, heç özüm də bilmirəm.

alınmadı ay arro, boş yerə o şəxsi inkişaf kitablarını da oxuyub beynini katlet eləmə. həm də ki, o boyda xəyal qurarlar ala, xiyarsane özüm ölüm* sənöl .

22 əjdaha! 02.03.2023 03:25, arrowhead

#368156 şikayət

google photos

+21 əjdaha

"bu günü xatırlayırsan?" deyib bu tip şəkillər göstərən program:

18 əjdaha! 05.12.2022 22:34, arrowhead

#363717 şikayət

knowledge argument

+17 əjdaha

mary, nevrologiya üzrə ixtisaslaşmış, yüksək iq sahibi bir alimdir, lakin digər kollegalarından önəmli bir fərqi var; həyatı boyunca heç vaxt heç bir rəngi görüb, təcrübə edə bilməyib. bütün ömrünü ağ-qara otaq, avadanlıqlar və monitorlarda rəngləri və beyni araşdırmaqla keçirib. öz dörd divarından kənarda qırmızı, sarı, bənövşəyi və s. kimi rənglərin mövcud olduğunu, onların dalğa uzunluğunu, gözün retinasına təmas edərək beyində hansı bölgələri aktivləşdirdiyini və s. məlumatlarını tam əminliklə bilir, amma öz gözləri ilə o rəngləri heç vaxt görə bilməyib. günlərin birgünü həbs olunduğu bu ağ-qara otağın qapısı birdən açılır və mary həyatında ilk dəfə çöldəki mavi səmanı, qırmızı qızılgülləri və öz əllərinin gerçək rəngini görür. bu halda mary otağında rənglər haqqında öyrənmiş olduğu bütün o məlumatlardan kənar yeni bir bilgi əldə edirmi, yoxsa bunun necə bir şey olduğunu mary onsuz da bilirdimi?

bu düşüncə təcrübəsi frank jackson tərəfindən 1982-ci ildə, kainatda mövcud olan hər şeyin -bilginin- fiziki və maddi olduğunu müdafiə edən fizikalizmə əks arqument olaraq irəli sürülmüşdür. jakson qeyd edir ki, rənglər haqqında bütün fiziki məlumatları aldığı halda, otaqdan çıxdıqdan sonra mary-nin onlar haqda yeni bir bilgi əldə etməsi fizikalizmin yanlış olduğu qənaətinə gətirir. təcrübənin əsas obyekti və ya vurğu etməyə çalışdığı şey odur ki, kainatda maddi olmayan və sadəcə şüurlu sürətdə təcrübə edildiyi halda əldə edilə bilən məlumat formaları vardır. mary-nin otaqdan azad olmamışdan əvvəl rənglər haqqında öyrəndiyi hər şey, "qırmızı rəngi görmək"lə eyni əhəmiyyətli olsa da təmamilə fərqli təcrübədir. "qırmızı rəngi görmək" qualia xarakterli və sadəcə şüurlu sürətdə əldə edilə bilən məlumat formasıdır. bu tip məlumatlara içilən şərabın dadı, yağışdan sonra gələn torpaq qoxusu və s. aid etmək olar.

(baxma: mary's room)
(baxma: bilgi arqumenti)

13 əjdaha! 01.04.2023 01:08, arrowhead

#369648 şikayət

arqument

+14 əjdaha

hər hansısa iddianın doğru olduğunu göstərmək üçün önə sürülən fikir və ya fikirlər toplusudur. arqumentlər insana bir şeyə inanmaq, bir şeyi etmək və ya o şeyi dəstəkləmək üçün səbəblər verir. bir şeyə inanmağınız və ya dəstəkləməyiniz üçün irəli sürülən hər bir iddianı, hardan və ya kimdən əldə etdiyinizdən asılı olmayaraq, həmin iddianın doğruluğunu sübut etmək üçün önə sürülən arqumentləri dəyərləndirərək həqiqiliyini təyin edə bilərsiniz. Əsas məqsədi sizi inandırmağa çalışmaq olan bu iddialar yaxşı əsaslandırılmış arqumentlərə, zəif-əsassız arqumentlərə və ya heç bir arqumentə sahib olmaya bilər. Bunu nəzərə alaraq, iddialar dəyərləndirilərkən bu 3 mərhələdən keçirilməlidir:

1.Arqumenti tapmaq: Dəyərləndirmənin ən önəmli məqamlarından biridir. Müzakirə edilən iddianın qorxu, əsəb, sevinc və s. kimi saf insani duyğularanıza yönəlmiş ritorik konnotasiyalardanmı yoxsa obyektiv fikirlərdən, başqa sözlə dəyərləndiriləbilən arqumentələrdən* yaxşı və ya pis olmasından asılı olmayaraq ibarət olduğunu müəyyən etməkdir. Məsələn, vəzifəyə namizədliyini irəli sürmüş partiya üzvünün öz çıxışında "xalqın rifahının təmin edilməsinə yönəlmiş variantlar ilk prioritetimizdir" deməsi ilə "hakimiyyətdə olacağım təqdirdə sosial müavinətlər 2 dəfə artırılacaq" deməsi arasında böyük fərq var. ilk iddia boş ümidlənmə duyğusu yaratdığı halda, ikinci iddia inanıb-inanmamağınızdan asılı olmayaraq, ümidinizə sorğulanabilən konkret səbəb verir.

2.Arqumenti ifadə etmək: Arqumenti tapdıqdan sonra, onu daha dəqiq və artıqlıq yaradan ifadələrdən azad etməklə mühakiməyə daha əlverişli hala gətirməkdir. Bunun üçün standart forma metodundan istifadə olunur. arqumentlərin 2 əsas parçası var; conclusion-nəticə - qəbul etdirilməyə çalışılan iddia, c hərfi ilə işarələnir və premise-ilkin şərt - bu iddianı qəbul etməyimiz üçün verilən dəstəkləyici sübut və iddialar, p hərfi ilə işarələnir. Bu halda yuxarıdakı iddianın standart forması belə olacaq:

p1) pensiyam qalxsa, nəvələrimlə daha keyfiyyətli vaxt keçirə biləcəm.
p2) partiyanın x üzvü hakimiyyətə gələrsə pensiyam qalxacaq
----------------------------------------------------------------------------------
c) səsimi x üzvünə verməliyəm

Burada etdiyimiz şey arqumentləri daha çılpaq şəkildə göstərək mühakiməsini asanlaşdırmaq və arqumentləri daha səlis dəyərləndirə bilməkdir. Bu, yenidən formalaşdırılmış arqumentdir.
Bir arqumentin conclusion-nəticəsini, başqa sözlə arqumentin hansı iddianı inandırmağa çalışdığını təyin etmək üçün iddianın ana fikrini anlamağa çalışmaq lazımdır, bundan başqa cümlə içərisində istifadə olunan bəzi sözlər birbaşa nəticəyə vurğu edir, məsələn, "deməli...", "yəni...", "ona görə də..." və s. Bu tip sözlərdən sonra gələn ifadələr əksər hallarda arqumentin nəticəsinin nə olduğunu göstərir.
Bir arqumentin premise-şərtlərini, başqa sözlə iddianın doğruluğunu göstərmək üçün deyilən digər köməkçi iddiaları təyin etmək üçün isə iddiada göstərilən "sübut" ifadələrini tapmaq lazımdır. Özünə "iddiaçı nəticənin doğru olduğunu göstərmək üçün hansı sübutları irəli sürür?" kimi suallar verilməlidir. Nəticələrdə olduğu kimi şərtlərdə də onlara vurğu edən bəzi söz və söz birləşmələri vardır. Məsələn, "ona görə ki...", "səbəbi..." və s. arqumentin şərtlərini təyin edərkən onu ritorik sözlərdən, dramatik bənzətmələrdən və s. bu kimi artıq ifadələrdən azad etmək, arqumenti daha səlis görməyə yardımçı olur. "iqlim dəyişikliyi, bu pul və gücdən gözü dönmüş ölkə başçılarının öz mənafelərini müdafiə etmək üçün ortaya atdıqları bir başqa səfehlikdir." iddiasında "pul və gücdən gözü dönmüş", "səfehlikdir" kimi ifadələr buna misaldır və arqument standart formaya salınarkən çıxarılmalıdır.

3.Arqumenti dəyərləndirmək: Son mərhələ arqumentlərin yaxşı və pis tərəflərinin sorğulanması, sübut və faktların müəyyən edilib, iddianın ümumi olaraq test edilməsidir. Bu mərhələdə verilən conclusion və premise-ların doğruluğu, məntiqi keçərliliyi, deduktiv və induktiv dəyərləndirilməsi həyata keçirilir.

günümüz dünyasında, hər dəqiqə, insanları birşeylərə inandırmağa çalışırlar. reklamlar, siyasət, şirkətlər, media, sosial şəbəkələr durmadan nəyin düz nəyin səhv olduğunu deyən insanlarla doludur. bu səbəbdən, beyinlərimizin kirlənməməsi üçün, tənqidi düşüncəni inkişaf etdirib, arqument və iddiaların təbiətini anlamaq çox faydalıdır.

mənbə:
1. link link

2. tracy bowell - critical thinking: a concise guide * entrynin əksər hissəsi bu kitabdan götürülüb, bir neçə paragrafın yığcamlaşdırıb önəmli olduğunu düşündüyüm hissələri entry olaraq yazdım. kitab şiddətlə önərilir.

12 əjdaha! 06.01.2023 16:45, arrowhead

#365299 şikayət

özünəməxsus saytlar

+16 əjdaha

https://everynoise.com

bütün musiqi janrlarını* 5987 ədəd varmış , o cümlədən uyğun janrda ən spesifik mahnını göstərən sayt. axtarış yerində istədiyiniz musiqiçinin adını yazıb hansı janrda musiqi bəstələdiklərini öyrənə və eyni janrda ifa edən digər sənətçilərə də göz gəzdirə bilərsiniz, hətta sənətçinin üzərinə klikləyib mahnılarından birini qısa şəkildə dinləmək də olur. ən gözəli isə bütün janrlar üzrə spotifyda playlistlərinin olmasıdır.

zamanında bu sayt, yeni mahnı kəşf etməkçün müraciət etdiyim tək yer idi. xüsusən qulağını yeni bir şeylərlə tanış etmək istəyənlər üçün idealdır. saytda uzun müddət vaxt keçirtdikdən sonra gündəlik dinlədiyiniz hər tərzi və onun alt-növlərini yavaşdan ayırd etməyə başlayırsınız.

qeyd: sayt musiqiçiləri xəritə formasında göstərir, sənətçi nə qədər xəritənin orta hissəsində durursa, həmin janra o qədər uyğundur mənasına gəlir.

10 əjdaha! 09.12.2022 19:14, arrowhead

#363867 şikayət

sözaltı fotoqrafiya

+12 əjdaha

We used to sleep on the roof, sleep overnight, they don't do that anymore, things changed. You see...

9 əjdaha! 14.11.2022 22:07, arrowhead

#362522 şikayət

youtube

+11 əjdaha

Önərdiyi musiqilərin spotifydan qat-qat yaxşı olduğu platforma. Ana səhifədə durduq yerə 10 il əvvəl paylaşılmış vaporwave mahnılar, 70-80lərdən adı-sanı bilinməyən prog-rock qrupların albomları spotify-ın discover weekly-nə min basar, bəyənməmək ehtimalım da demək olar yoxdu önərdiklərini. Kaş youtube music odlar yurduna təşrif buyursa da qulağımız biraz şənlənsə.

10 əjdaha! 19.05.2023 22:20, arrowhead

#372708 şikayət

nils frahm

+11 əjdaha

Harmonium in the Well kimi bir şahəsərin müəllifidir bu adam. Çox düşünürəm bu musiqi haqqında - qulaq asmasam belə. Boş skamyadan nebuchadnezzar, sadə park mənzərəsindən andromeda, orta-statistik insandan filosof düzəldəcək musiqidir kendileri. 20 playlistdən hansına atım deyə hər dəfə qərarsız buraxan, konkret bir hissə ehtiva etməyən, sərhədsiz və bir o qədər də sadə melodiya əsintisi, hansı ki, bəlkə sadəcə amigdala və frontal lob qədər yerdə əsir, amma sən elə bilirsən bütün görünən kainatı gəzib gəlmisən; həm də düz 11 dəqiqə yarımın içində.
link link

9 əjdaha! 18.09.2023 00:11, arrowhead

#378655 şikayət

shoegaze

+10 əjdaha

istifadə olunan gitar tonlarının "warm" hiss etdirdiyi janr, qışda evə gəlib peçin dibində oturmaq kimi. Qarışıq tonda olduğu üçün əksərən gürültü kimi gəlir, amma melodiyanı hiss etməyi bacardıqda inanılmaz bir tətmin hissi verir, melodiyanı tuta bilsən riff'in səninlə sanki danışdığını hiss edə bilirsən. Sözlərini də çox vaxt başa düşmək olmur; bu janrın yazılmamış qanunu kimi şeydir bu - sözlərini anlamamalısan, bass və gitara qarışıb qulağına xoş gəlsə yetər. Mənə həmişə təzə aşiqlər vibe'ı verir bu janr, hər şeyin əla getdiyi, bir qarış havada gəzdiyin anlar olur ha, o. Hətta bəzən elə nümunələri ilə qarşılaşarsan ki, dinlədikcə sevişmək istəyi gəlir. məsələn, deftones çox gözəl bir numunədir buna. Janra aid ən sevdiyim albom və parçalar:

albomlar:
1. lsd and the search for god - eyni adlı albom
2. Cocteau twins - heaven and las vegas
3. Oblov - am
4. alison's halo - eyedazzler

parçalar:
1. deftones - pink maggit
2. horse jumper of love - orange peeler
3. my bloody valentine - soon
4. the kvb - dayzed
5. boris - farewell

şəxsi fərqinə varma editi: bu tərzi bir də avtobus, metro kimi uğultulu yerlərdə qulaqlıqla dinləyin, çünki onsuzda gürültülü olan mahnıya çöl gürültüsü də qarışır, random melodiyanı çöldən də random bir melodiya müşaiyət edirmiş kimi. belə olduqda daha çox ləzzət verir.

8 əjdaha! 11.06.2023 01:53, arrowhead

#373651 şikayət

tanrının durmadan insan yaratması

+10 əjdaha

manual etdikdə 3 dəqiqə çəkən işin üzərində 13 saat işləyib avtomatikləşdirməyə çalışan programçılar kimi, kainatı durmadan böyüdüb içinə maraqlı şeylər qoymağın daha əyləncəli və cəzbedici olduğunun fərqinə varandan sonra cürbəcür çoxalma sistemlərini yaradıb, camaatı özbaşına buraxmasına səbəb olmuş proses. bir müddət sonra vəziyyətin heç ürəkaçan olmadığını görüb, peyğəmbər göndərməyə başlayır və olaylar gelişir. sifarişi verən: Derek

8 əjdaha! 19.12.2022 10:12, arrowhead

#364280 şikayət

yaşlanmağın hiss edildiyi anlar

+9 əjdaha

- sigaret çəkdikdən sonra saqqız alma ehtiyacı duymamaq və qutunu gizlətmək üçün evdə bir yer axtarmamaq.

- evə gec saatlarda gəldikdə, "indi yaxşısından bir azar yeyəcəm" düşüncəsilə qapını açdıqdan sonra hamının sadəcə salamına qarşılıq verib heçnə deməməsi ya da yuxulu gözlərlə "gəlmisən?" demələri.

- şəxsən sənə gələn dəvətnaməni görmək və həmin toya pul atan adam olmaq.

- uşaqlarla danışdıqda, ağzından çıxan hər söz və etdiyin hər şirin zarafatın 40-nı adlamış dayı ab-havası verməsini iliyinə kimi hiss etmək və xırda üzüntüdən sonra davam etmək.

7 əjdaha! 24.12.2022 13:47, arrowhead

#364522 şikayət

moon dog

+10 əjdaha

əsasən qış aylarında ay işığının* əslində dolayı olaraq günəş işığı havadakı buz kristalları ilə təması nəticəsində ortaya çıxan optik fenomendir. Göy üzündə sirrius tipli buludlar varsa ortaya çıxması daha mümkün ehtimaldır.

(baxma: ay haləsi)
Bir də bunun günəşlə olan versiyası var.
(bax: sun dog)

9 əjdaha! 09.03.2023 00:00, arrowhead

#368435 şikayət

əfsanəvi albom qapaqları

+9 əjdaha

çərçivəyə sal, evin divarından as dediklərim:

joy division - unknown pleasures

tool - lateralus

godspeed you black emperor - f# a# infinity

electric Wizard - dopethrone

mf doom - madvillain

frank ocean - blonde

9 əjdaha! 20.11.2022 01:41, arrowhead

#362788 şikayət

james clerk maxwell

+6 əjdaha

13 iyun 1831-ci ildə edinburghda anadan olmuş şotland fiziki və riyaziyyatçısıdır.

Deyilənə görə maxwell hələ iki yaşındaykən əlində tənəkə boşqabla günəş şüalarını mebellərin üstünə əks etdirə bildiyini görüb "günəşi tutdum! boşqabla tutdum!" deyərək valideynlərinin yanına həyəcanla qaçırmış. Alimin xalası ceyn-in sonralar "bir uşağın soruşduğu bu qədər suala cavab verə bilməmək çox utancverici idi." deməsi, maxwell-in dünyaya, təbiətə olan marağının hələ çağa vaxtından başladığını göstərir. Məktəb vaxtlarında ingilis "bully"lərinin basqısına məruz qalanlardan biri də o olub, danışığındakı şotland ləhcəsi, fərqli maraq dairəsinin olması, onu öz yaşıdları arasında "dəli" kimi tanınmasına səbəbiyyət verib. Həmin iç qaraldan dövrlərində belə bir emosional şeir də yazıb:

Tələsin, illər,
uşaqları döyməyin cinayət sayılacağı,
gözlənən vaxta doğru.

Yəni anlayacağınız, maxwell, əsl o dövrün nerd-i olub. Adamın "ilk"lərinin sayı-hesabı yoxdu; saturnun halqalarının meteoritlərdən ibarət olduğunu teleskopsuz, sadəcə riyaziyyat etməklə tapmışdır, bugün bilinən adı ilə rgb rəng modelinin təməllərini 1855-ci ildə yazdığı "experiments on colour" adlı elmi işində nəzəri olaraq işləyib hazırlamış, Thomas sutton isə 1861-ci ildə, bu elmi işə əsaslanaraq ilk rəngli fotoşəkli çəkmişdir. maxwell-in elektromaqnetizm və elektromaqnit dalğaları haqqında olan işləri radio, naviqasiya kimi cihazların kəşfinin təməl daşları olub.

Başqa bir çox kəşfin müəllifi olmuş bu "dəli"nin şərəfinə, yerdən göndərilən radio dalğalarının veneradan əks olunan zəif əks-sədalarının analizi nəticəsində kəşf edilən, Veneradakı ən böyük dağ silsiləsinə "maxwell" adı verilmişdir.

həmin ilk rəngli şəkil:

mənbə:
1. link link

2. carl sagan, iblislərlə dolu dünya, səh 439-458. sifarişi verən: fövqəl insan

4 əjdaha! 22.11.2022 00:09, arrowhead

#362871 şikayət

buludlar

+6 əjdaha

ən bacarıqlı abstrakt rəssamlardır.

6 əjdaha! 04.08.2023 17:13, arrowhead

#376920 şikayət

Sözlüyə yenidən gəlinəcəyi təqdirdə alınacaq niklər

+6 əjdaha

(baxma: alzheimer olduğunu unudub sağalan adam)

6 əjdaha! 22.01.2023 19:16, arrowhead

#366252 şikayət

heç vaxt sevgilisi olmamış insan

+7 əjdaha

mənəm bu, bəzən qorxaqlıqdan, bəzən mövcud münasibəti zay edə bilmək riskindən, bəzən sevgililiyin mənasız olduğunu beynimdə qətiləşdirməkdən, bəzən də ətrafımdakıların illərlə çəkmiş, birlikdə görsəniz ağlınıza sadəcə çəhrayı rəngin gələcəyi, dəli-divanə sevgilərinin ən mənasız səbəblərdən, sanki, eros-un əksi bir mələyin "bu sevgidən sərgərdan olanlara bax, bircə nəfəs üfürsəm, bir-birini ən yaxından tanıyan iki yada çevriləcəklər! haha" deyirmişcəsinə bir andaca məhv olmasını görüb, yox qalsın deməkdən. Əks cinslə ən yaxın emosional münasibətə sadəcə dostluqlarla nail olmuşam, o da bioloji strukturumu inkar etmək bahasına. Əks cinslə dost olmaq, kişilərin öz beyninə gəldiyi ən böyük sikişdən başqa bir şey deyildir ya da mənim genlərimin 98.8 yerinə 98.9 faizi şimpanzelərdəki ilə ortaqlıq göstərir, ağlıma bundan başqa əks-arqument gəlmir çünki. Niyə dostluqdan ötəyə daşımadığıma səbəb olaraq yuxarıda sadaladıqlarım bəs edə bilər bəlkə, amma içimdə mövcud olan sevib-sevilmə istəyinə bu səbəblərin heç biri yaxın da dura bilməz. insan mütləqdir ki, sevilmək istər, lakin mən o istəyimi məcburən basdırmaqda anlamadığım dərəcədə israrlıyam.

6 əjdaha! 27.11.2022 00:39, arrowhead

#363167 şikayət

sözaltı music

+5 əjdaha

Gündə bir janra həvəs salıb fl studio-a cumuram. Budəfəki ambient oldu.

ilham mənbəyim Gojiranın, the way of all flesh link

adlı parçasının, 12:30-cu dəqiqəsindən sonra girən hissəsidir.

4 əjdaha! 12.12.2022 16:08, arrowhead

#364000 şikayət

sözaltı günlük

+4 əjdaha

Biraz yorğun kimiyəm, ümumən insan olmanın gətirdiyi məcburiyyət, məşğuliyyət və məziyyətlərin yükünü daşımağın verdiyi yorğunluq. Düşüncələrimi bu aralar bəzən küt baltaya, bəzən saçaqları haçalanmış köhnə kəndirə bəzən də parçası ütülmüş qırış köynəyə oxşadıram. Digər insanlarla olan "münasibətlər səyahəti"nin çox cansıxıcı bir məkanına gəlib çıxmış kimi hiss edirəm və tez-bazar həmin kənd, şəhər, yol dibi və ya nəsə belə bişeydən çıxıb aralaşmaq istəyirəm. Bəzən həmin insanlarla birgə, bəzən də onları elə orda qoyub uzaqlaşmaq istəyirəm, eyni Knulpun öz sadəlövh, pivə xoşlayan dostuna elədiyi kimi. Yəqin yenə 4-5 ildən bir zühur edən "nəsə köklü sürətdə dəyişiklik lazımdı" pərisi gah sağımdakının, gah da solumdakının dibində nəsə mızıldamağındadı. Düzü istəsəm də qulaq asasım yoxdu ona, onsuz son üç ildi "əşşi"lərə sığınıb yaşayıram.

3 əjdaha! 05.11.2022 03:15, arrowhead

#362104 şikayət

bir albomun keyfiyyətli olduğunu anlamağın yolları

+3 əjdaha

interlude (keçid) kimi adlandırılan qısa parçaların olması

3 əjdaha! 01.01.2024 18:33, arrowhead

#381572 şikayət

zamanla geridə qaldığı üçün darıxılan şeylər

+3 əjdaha

Çox az, hətta heç bir media nümunəsinin hislərə olan təsirinin qalmamasıdır. Mahnılar əvvəlki kimi qulağımla kökdə deyil, hər növ kamera rakursu sıxıcıdır, sənət də retinadan keçib dayanır tay. Elə bil puzzle tamamlanıb, daha beyin parça axtarmır, elə bu?

3 əjdaha! 07.04.2024 00:32, arrowhead

#383747 şikayət

yoxlama

+3 əjdaha

ildə ən azı 1 dəfə yadıma düşən, kemik tayfadan hər kəsin uşaq vaxtı yerli telekanallardan baxıb heçnə başa düşmədiyi, baş rollarında əjdər həmidov və yaşar nuri kimi adların olduğu, rejissorunun isə vaqif mustafayev olduğu tele-serialdır. Əla musiqiləri və mövzuya uyğun atmosferi ilə yadımdadı bu serial, xüsusən də atmosferi, qeyri-adi dərəcədə adi, qəribə və ümumi serialın havasına uyğun bir atmosferə sahib idi.

3 əjdaha! 09.07.2023 15:15, arrowhead

#374952 şikayət

the secret life of walter mitty

+4 əjdaha

maladaptive daydreaming muzdaribi insanların çox sevəcəyi bir film

2 əjdaha! 12.11.2022 16:49, arrowhead

#362406 şikayət

norveç deyəndə ağıla gələnlər

+6 əjdaha

(bax: aurora)
(bax: qütb işıqları)

5 əjdaha! 15.11.2022 21:50, arrowhead

#362558 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

arrowhead

son bəyənilənlər:

oxuyucuların bəyəndikləri: