bəstəkar, pianist, konsertmeyster, Şəfiqə Axundovanın oğlu. bəstəkarlıq təhsili alsa da, əsasən pianist kimi məşhurlaşıb, "belə qəmli dayanma", "həyat, sən nə şirinsən", "darıxma" kimi bir neçə məşhur mahnısı var. əsasən pianist və konsertmeyster kimi məşhurlaşıb. anasının yazdığı ilk operanın da konsertmeysteri o olmuşdur.
bu ölkənin bədbəxt etdiyi, burda məhv olan insanlardan biri də taleh hacıyevdir. homoseksual idi, amma eyibdir, bəstəkar oğlu filan temalarla çox erkən yaşda basıb evləndiriblər onu. filologiya elmlər doktoru, professor minəxanım təkləli azərbaycan xalq və bəstəkar mahnılarının tarixçəsindən danışanda deyir ki, "belə qəmli dayanma" mahnısını bir neçə ay birlikdə yaşadığı, amma onu xoşbəxt edə bilmədiyi həyat yoldaşına yazıb.
elə gənc yaşlarından da ruhi xəstəliyə tutulub. 10 ildən çox Maştağadakı ruhi dispanserdə yatırdı. yanına gedib gələn də yox idi. şəfiqə axundova qocalıb əldən düşənə qədər özü gedib gəlirdi. ayaqları tutmayandan sonra ondan bundan xahiş edirdi, çoxu da onu aldadırdı ki, getdim dəydim, yaxşıdı taleh.
2008-ci il iyul ayında taleh elə maştağadakı dispanserdə də vəfat etdi. baxımsızlıqdan, həkimlərin, nəzarətçilərin məsuliyyətsizliyindən hansı gün öldüyü dəqiq bilinmir. qırxına qədər ölümünü anasından gizlətdilər. oğlundan 5 il sonra şəfiqə axundova vəfat etdi. yeri gəlmişkən, şəfiqə axundovanın cənazəsini mahnı teatrından elə oğlunun bəstələdiyi "həyat sən şirinsən" mahnısı ilə çıxardılar.
ummaq feili. çox gözəl sözdür. başqa dillərdə rast gəlməmişəm. Bir şeyi könlündən keçirmək, ürəyində tutmaq, olmasını istəmək, amma arzu etmək kimi istəmək yox. elə bil bir şeyin olmasını istəyirsən, amma bu istəyi məhz kimdənsə gözləyirsən. elə bil bu istəyim həyata keçsə, nə yaxşı, keçməsə canın sağ olsun.
universitetin axırıncı ili idi, may-iyun idi deyəsən, hava da çox xoş idi. mən araşdırma işiç üçün şəhərdə sorğu eləməli idim, sevgilim də bacısını mənimlə tanış edəcəkdi həmin gün. qərara gəldik ki, elə üçlükdə çıxaq şəhərə, həm maraqlı, əyləncəli olar, həm də onsuz da uzağı 1 saatlıq işdir. bulvarda əhalidən sorğu ala-ala gedirdik, deyib gülürdük, dondurma yeyirdik. bulvarın azneft tərəfinə çatanda gördüm skameykada bir 40-45 yaşlı qadın, yanında da 10-12 yaşlarında bir qız oturub. yanlarında böyük bir boğça və "bazar sumkası" var. şəhər adamı olmadıqları uzaqdan bilinir. gülə-gülə onlara yaxınlaşanda qadın elə bildi ki, tv-dən, hansısa verilişdən zaddanıq. biz də yandırmadıq, mən sualı dəyişib nəysə dəxlisiz bir sual verdim. xala ürəklənib dərdini şirin şəki ləhcəsi ilə danışmağa başladı: "ərim içib məni də, qızımı da zülm edirdi, döyürdü. kənddəkilər də, qardaşlarım da hamısı deyir ki, döz, kişi döyər də, söyər də. daha dözə bilməyib uşağımı da götürüb qaçdım. heç nəyimiz, heç kimimiz, heç bir yerimiz yoxdu, bir saatdan sonra başımıza nə gələcəyini bilmirəm". səslərini diktofona yazıb, sizin probleminizi işıqlandıracağıq, axşam bizi izləyərsiz zad deyib hırıldaya-hırıldaya ayrıldıq.
ömrümdə elədiyim ən vicdansız, cındır hərəkətdi. üstündən 10 ildən çox keçib, hələ də əzabını çəkirəm. nə ağılla, niyə, nə üçün elə eləmişəm, bilmirəm. ümid edirəm, o xala ilə hər şey yaxşı olub.
sinfimizdə bir qız vardı, atası şəhid olmuşdu, hətta anası buna hamilə olub o şəhid olanda, heç atasını görməmişdi də. yəni çox ağır bir həyat hekayəsi idi hər halda uşaq üçün. uşaq kimi qalmışdı, "r" hərfini də deyə bilmirdi. hər matəmdə şəhid, ata, ölüm, vətən zad belə gic gic şeylər öyrədib ona, ağlaya ağlaya dedirdilər yazıq qıza. o vaxtdan şeiriyyatdan da, məktəb tədbirlərindən də, matəm günlərindən də zəhləm gedir.
yarandığı gündən sədri, 2007-ci ildən isə direktoru olan ornitoloq alim, biologiya üzrə fəlsəfə doktoru, dosent elçin sultanov sayəsində bu təşkilat bu günə qədər qalıb. Qafqazda oturaq meşə quşlarının coğrafi populyasiyalarının nəğmə quruluşu təsnifatı, Hacıqabul gölündə ekoloji katastrofanın tədqiqatı və bunun nəticəsi əsasında kitab nəşr edilməsi, ilk dəfə azərbaycanın bütün ornitoloji ərazılərini əhatə edən kitabın hazırlanması və nəşri, azərbaycanda su-bataqlıq quşlarının yay və qış ornitokomplekslərinin öyrənilməsi Elçin müəllimin adı ilə bağlıdır. təmənnasız şəkildə, donor təşkilatlar hesabına tələbələrin, gənclərin ornitologiyaya marağının artırılması məqsədilə quş sayğıları, düşərgələr, seminarlar keçirir. Bakı Dövlər universiteti və bakı mühəndislik universitetində üç dildə mühazirələr oxuyur. həyatını ornitologiyaya həsr etmiş gözəl insan, mehriban müəllim, əsl alim.
məktəbdə oxuyanda fransız dilinə gedirdim, listening-də müəllim mahnı, qısametrajlı filmlər verirdi bizə, qulaq asıb tərcümə edirdik. bu mahnını birinci dəfə onda eşitmişdim, indiyə gədər də bunun gədər gözəl fransız mahnısı eşitməmişəm.
sayəsində millətimizin necə şüursuz varlıq, özünü söydürən, mədəniyyətsiz olduğuna hər gün gündə iki dəfə əmin olduğum market. market yoldan kənarda tikilib, arxasında da geniş pulsuz (!) dayanacaq var, amma bizim mədəniyyətdən kənar sivilizasiya sakinləri yenə də düz yolun üstündə maşını saxlayıb gedir özünə zəhirmar almağa.
buna texno klublarda oynanıldığını da görmüşəm, amma bu mahnı mənim üçün yorulana qədər əylənib, nəyi var kef edəndən sonra səhərə yaxın evə gəlib yerinə girib yatmamışdan qabaq səhərin açılmasına baxa-baxa pəncərənin qabağında dayanıb siqaret çəkərkən bir mahnı qoşub bütün əyləncəni burnundan gətirmək musiqisidi. çox yorğun musiqidi, elə bil candərdi yazıb bunu DJ.
kstati Martin Roth adlı dj yazıb bunu, başqa işlərinə də qulaq asmışam, elə bir fərli işi budur.
Yura bu mahnını ölmüş arvadina yazib. 24 yaşında xərçəngdən ölüb xəstəxanada, Yura gedib çata bilmeyib, ona görə mahnının adı "еду к тебе". onun yanına gedəndə yolda düşündüklərini yazıb. mənə görə ən təsirli sətri "мама, разбуди меня, чтоб я ночю не проспал".. onun haqqında ölüm sözünü işlədə bilməyib, ona görə "свобода" yazıb.
)
