Jalapeno

72 0 0 0

8. nəsil yazar

Entry: 72

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yuxu

+6 əjdaha

Bəzi şeyləri bizə aid olduğu üçün, bizə bizi anlatdığı üçün, ortaq bir keçmişimiz, tariximiz olduğu üçün sevirik. Mən "Yuxu"nu gec tanımışam. O zamanadək dərin rok heyranı olan dayımın sayəsində Queen, Led Zeppelin, Deep Purple başda olmaqla, bütün önəmli rok qrupları dinləmişdim. Yəqin ki, söhbətin hara getdiyini anladınız. "Yuxu"nu ümumi olaraq skill üzrə deyək, bu qruplarla bir yerə qoya bilməyəcəyimizi düşünürəm. Amma, amma hər şey texnikadan, gitar sololarından, rifflərdən və ya solistin ifasından asılı deyil ki. Elə olsaydı, hər şeyi keyfiyyət müəyyənləşdirsəydi, həyat çox darıxdırıcı olardı, buna əminəm. "Yuxu" həyatımızı gözəl edən dəyərlərdən biridir. Nə vaxşı ki, həyatlarımızdan gəlib keçiblər, bizə pablarda, yaxud da evimizdə oturub içərkən, musiqi dinlərkən qəfil qarşımıza çıxmaqları ilə sonsuz sevinclər bəxş ediblər. Hələ bir epizod xatırlamıram ki, dostlarımla, sevgililərimlə, fərqi yoxdur, bir yerdə içərkən "Yuxu" səsləndiyində hamılıqla sevinməyək, coşmayaq.
PS. ibrahim Emin'in vəfatıyla dolayı bütün sevənlərinə başımız sağ olsun, deyirəm.

4 əjdaha! 07.08.2019 16:27, Jalapeno

#289214 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

oxxxymiron

+5 əjdaha

Replə heç aram olmasa da, Bi-2 ilə birlikdə ağ mühacirlər haqda oxuduğu "Пора возвращаться домой" ("Evə qayıtmaq vaxtıdır") mahnısına heyranam. Orxan Zeynallının 40-cı Paralel treki bu mahnıdan çox güclü təsirlənib.

3 əjdaha! 08.08.2019 03:50, Jalapeno

#289240 şikayət

aydın əfəndi

+4 əjdaha

Aydın Əfəndi (1959-1997). Şair. Rusdilli Azərbaycan ədəbiyyatının ən böyük şairi olduğunu düşünürəm. Yaradıcılığında thomas eliot'un və bununla nə qədər səsləşməsə də köhnə yapon poeziyasının təsirləri hiss olunur. Ölümündən sonra şeirlərinin toplandığı "Сотвори себе остров" ("Öz adanı yarat") kitabı çıxıb. "Шансы" ("Şanslar") poeması ən sevdiyim əsərləridir.

4 əjdaha! 08.08.2019 03:25, Jalapeno

#289236 şikayət

europa universalis iv

+4 əjdaha

Europa Universalis seriyası ilə ilk dəfə 2010. ildə tanış olmuşdum və vurulmuşdum. Avropa tarixi ilə bağlı bilmədiyim bir çox fakt və anlayışla tanış etmişdi məni. Tarixin ruhunu və işləmə mexanizmini anlamaq üçün mükəmməl oyundur. Məncə, bu oyun tarix fakültələrində tələbələrə necəsə tanıdılmalıdır. Oyunu hal-hazırda oynamağı dayandırsam da, yaradıcılarının hər ay paylaşdıqları qeydlərli oxuyuram. Adamların tarixə şəhvəhli bir sevgisi var. Detallar üzərində, oyunu daha da dərinləşdirmək yolunda durmadan çalışırlar. Təbii ki, bunun əlavə gəlir mənbəyi olmağı da ayrı bir motivasiya mənbəyidir onlar üçün.
EU IV çətin oyundur. Düşünmək, vəziyyəti doğru dəyərləndirmək tələb edir. Tələssən, ağzına sıçacaqlar, amma gecikmək də olmaz. Steam endirimləri zamanı cuşa gəlib bütün dlc'lərini aldım, düşünürdüm ki, uzun müddət dalacağım bir oyun olacaq, amma hayaller EU IV, hayatlar taktik-maktik yok bum-bum-bum. Osmanlı imperiyası ilə başladım. Planım o idi ki, bir az əlim öyrəşsin, Azərbaycanda da başlayaram, Səfəvilər dövlətini quraram, amma sən saydığını say. Nə isə, Osmanlı ilə 2-3 dəfə başlayıb oyunun mexanikalarını xatırladıqdan sonra, özümü toplayıb əsas seyvə başladım. 50 illik plan qurmuşdum: Bizansı tutmaq, Anadolunun fəthini başa çatdırmaq, Balkanlarda möhkəmlənmək - Bosniya, Serbiya, Albaniyanı, eləcə də Valaxiyanı tutmaq. Eyni zamanda qərbdə macarların və Litvanın böyüməsinə imkan verməmək, Venesiyanın Aralıq dənizində yayılmasının qarşısını almaq. Bunun üçün də Avropada özümə müttəfiq kimi Fransanı seçmişdim. Şərqdəki müttəfiqim isə Qara qoyunlu dövləti idi. Ərazilərində gözüm yox idi və Qafqazı tutub onlara vermək istəyirdim. Bizansı asanlıqla fəth etdim. Qara qoyunlunun yardımı ilə Anadolunu da yavaş-yavaş tuturdum. Eyni zamanda Balkanlar tərəfdə də işlərim yaxşı gedirdi. 1500. illərin əvvəllərində planımı həyata keçirmişdim. Növbəti 1 əsr üçün planım (1500-1600 illər) yenə oxşar idi. Fəthlər, qonşuluqda güclü dövlətlərin yaranmasına imkan verməmək və Hələb ilə isgəndəriyyəni ələ keçirib ticarətimi gücləndirmək. Bu zaman artıq səhvlərim də başlamışdı. Zəifləri bir-bir udurdum, amma Litva, Macarıstan kimi böyüklərlə üz-üzə gəlməmək üçün onlarla savaşmaqdan çəkinirdim. Üstəlik, Şərqdə də Məmlüklər getdikcə güclənirdi. Nə isə, ərazimin kifayət qədər böyümüşdü, Anadolunu, Balkanları, Valaxiyanı fəth edə bilmiş, hətta Macarıstan və Venesiyadan önəmli torpaqlar da almışdım, amma sərhədlərimdə Avstriya-Macarıstan, Reç Pospolita, Rusiya və Məmlüklər kimi böyük dövlətlər də peyda olmuşdu. Digər yandan isə ingiltərənin gəmiləri sahillərimdə tez-tez görünməyə başlamışdı. Osmanlı ordusu oyunun əvvəllərində nə qədər güclüdürsə, getdikcə böyük ordulardan geri qalmağa başlayır. Buna görə də zaman keçdikcə daha böyük ordu saxlamağa, kəmiyyət hesabına vəziyyəti idarə etməyə çalışırdım. Demək olar bütün pulum orduya gedirdi. Üstəlik, Məmlüklər Hələb və isgəndəriyyədəki, Avstriya, ingiltərə və Venesiya isə Qərbdəki ticarətimə mane olmağa başlamışdılar. işim müttəfiqliklər qurmaq və düşmənlərimlə aramı yaxşılaşdıraraq onların bizə hücum etmək istəklərini azaltmağa çalışmaq, onun-bunun arasını vurmaq, qonşu ölkələrdə separatçılığı dəstəkləmək idi. Büdcəmin qalan hissəsi də bu məsələlərə gedirdi. Bu cür qorxaq siyasət nəticəsində oyunun sonlarına qədər ərazimizi itirmədən, əksinə az da olsa, artıraraq ayaqda qala bildim.

2 əjdaha! 06.08.2019 18:18, Jalapeno

#289179 şikayət

evdən çıxarkən qazı və işığı söndürdüyünə dair yaranan şübhələr

+5 əjdaha

Bu mövzularda sonsuz problemləri olan biri kimi bir neçə məsləhətim olacaq. Bu məsləhətlər evdən çıxdıqdan sonra şübhə içində qalmamaq üçündür. Qaz, işıq söndürmək, qapını örtmək kimi işlərdə səhv buraxmamaq üçün isə çıxış zamanı fikri toplanmış olmaq, telefonla danışmamaq, fikrə dalmamaq lazımdır. Bir sözlə, intizam.
ilk layfhək: Əlinizdə kamera (smartfon) bütün evi dolaşarak videoçəkiliş aparın. Qazın, işıqların, digər elektrik cihazlarının sönülü olduğunu fiksə edin. Həmçinin, pəncərələr, eyvan və soyuducu qapılarının da qapalı olduğuna nəzarət edin. Ən sonda isə evin qapısını bağladığınızın videosunu çəkin. Ev heyvanları və s. varsa, onları da nəzərə almaq lazımdır. Mənim yoxdur deyə, bir şey söyləməkdə çətinlik çəkirəm.
ikinci layfhək: Bu metoddan hərbçilər və cərrahlar istifadə edir. icra etdiyin hərəkətləri uca səslə təkrarla. Məsələn, qonaq otağının işığını söndürdüm. Pəncərələri yoxladım, bağlıdırlar. Mətbəxə keçdim, su kranı bağlıdır, qaz sönüb və s. Əgər video çəkiliş aparmağa tənbəllik edirsinizsə və paranoyanız çox yuxarı səviyyədə inkişaf etməyibsə, bu metod işə yarayacaq.

silinmiş entry.

3 əjdaha! 07.08.2019 01:48, Jalapeno

#289194 şikayət

talış dili

+8 əjdaha

Lazım olmayan dil nədir ala? Dil sizinçün bəzək əşyası və ya əyləncə vasitəsi deyil. Söhbət min illərdir bu torpaqlarda biz türklərlə birlikdə yaşayan, çiyin-çiyinə savaşan bir xalqın dilindən gedir. Talış dili türk dilindən sonra ölkədə ən yayılmış dillərdən biridir. Dövlət olaraq qorumaq borcumuzdur.
PS. “Nənələr”in ifasında bir ayrı gözəldir.

6 əjdaha! 08.08.2019 13:08, Jalapeno

#289250 şikayət

sevilən mahnının ən vurucu cümləsi

+3 əjdaha

Halıma yanan gərək, səsin düşəndə yada,
Ötən günləri qoru, yaxşı bax, vermə bada,
Ayrılıq bir dənizmiş, sən uzaq yaşıl ada.

2 əjdaha! 06.08.2019 14:23, Jalapeno

#289164 şikayət

naim süleymanoğlu

+4 əjdaha

Bolqar türkü əfsanəvi ağır atlet. Bütün zamanların ən yaxşı ağır atleti hesab olunur. 1996. ildə Atlanta olimpiyadasındakı qələbəsinə ailəlikcə necə sevindiyimiz heç yadımdan çıxmır. Eypio haqqında oxuyur ki, "bir derdin varsa söyle Naim gelir kaldırır".

4 əjdaha! 09.08.2019 15:48, Jalapeno

#289308 şikayət

rimworld

+6 əjdaha

Kəşf etdiyimdə "axı mən səni niyə daha əvvəldən tapmamışam?" dediyim PC oyunu. Oyun özünü "heyrətamiz hekayələr generatoru" kimi təqdim edir və zərrə yalan demir. Hər şeydən öncə, "Rimworld" qalib gəlmək, oyunu bağlamaq yox, yaşayacağınız hekayələr və alacağınız təəssüratlar haqdadır.
Deməli, kosmosun dərinliklərində sizin gəminiz qəzaya uğrayır və bir neçə kolonistiniz əndrəbadı bir planetə düşür. Məqsəd isə burda koloniya qurub inkişaf etmək və kosmik gəmi qayırıb buralardan sikdir olub getməkdir. Amma oyuna adam elə dalır, kolonistlərə elə bağlanır ki, heç çıxıb getmək istəmir. Otaqlar tikirsiz, silahlar, xüsusi vasitələr, müdafiə qurğuları hazırlayırsız. Geyim, dərman, yemək hazırlayırsız. Bitki əkirsiz, heyvan yetişdirirsiz. Zədələnmiş və ya itirilmiş bədən orqanlarını yeniləri ilə əvəz edir, insanları kiborqa çevirə bilirsiz. Oyun çox dərin və maraqlıdır. insan münasibətlərinə çox böyük diqqət ayrıldığı üçün isə koloniyadakı varlığınız çox çətinləşir. Abraham Maslow'un o məşhur piramidi burda da bütün varlığı ilə aktualdır və sizi gic edəcək. Modlarla oyun daha da dərinlik qazanır. Bütün bunlar az-çox başqa oyunlarda da var, Rimworld isə hər şeydən öncə hekayələri ilə məşhurdur. Mən də sizə son koloniyam haqda danışacam.
3 kolonistim yeni planetə düşdü. Samantha - aşpaz, fermer; Mogadishu - əsgər və heykəltaraş; Nine - cərrah və elmi araşdırmalar aparacaq mütəxəssis. Yavaş-yavaş inkişaf edirdik, kolonistlərin sayı artırdı, qəsəbəm böyüyürdü. Artıq 12 nəfər olmuşduq, xəbər gəldi ki, bizdən bir az aralıda yaralı biri var, onu xilas etsək, bizim qəsəbəyə qoşulacaq. Bu oyunda insan resursu çox önəmlidir, təbii ki, onları yedirə, geydirə və digər tələbatlarını ödəyə bilirsinizsə. 5 nəfər ən yaxşı döyüşçümü ayırdım, onları göndərdim yaralını xilas etməyə. Heç bir məlumat yox idi ki, o getdiyimiz yerdə bizi hansı bəlalar, təhdidlər gözləyir. Hardasa 2 günə mənimkilər yaralıya çatdı. Bu arada, 2 gün Rimworld'də xeyli uzun zamandır. Bu müddət ərzində asanlıqla koloniyanız meşə yanğınlarında məhv ola və ya hücumlar zamanı yağmalana bilər. Və məlum oldu ki, bu yaralı 92 yaşlı, gözləri yaxşı görməyən, qulaqları eşitməyən və mental problemləri olan qarıdır. Təsəvvür edin, xüsusi təyinatlıları sərhədin o biri tərəfində çox önəmli bir əməliyyata yollamısınız, məsələn, düşmənin önəmli şəxslərini və ya texnikasını, bilgisini ələ keçirmək üçün və onlar geriyə məsələn əllərində 2 toyuq ilə geri dönürlər. Əvvəl düşündüm ki, qadını aparmayım geriyə, qalıb canı çıxsın burda, sonra amma fikrimdən daşındım. Nə yaxşı ki, daşındım da. Adam çox ciddi sənətkar imiş. Geyim və silah hazırlamaq işlərimizə çox töhfələr verdi. Yeganə pis cəhəti isə odur ki, hərdən bizə hücum olunanda güllə səsi eşidən kimi ağlını itirir və hamını poxa salır. Məsələn, bizimkilərə atəş aça, yaxud da müdafiə qurğularımızı dağıtmağa cəhd edə bilər. O qədər dəlisov və qeyri-adekvat tipdir ki, atış qabiliyyəti yaxşı olsa da, əlinə silah vermirəm. Yoxsa növbəti tutması tutduğunda heç şübhəsiz bizimkilərdən birini vurub öldürəcək.
Bir digər hekayəmdə isə tanrı bizi aclıqla sınağa çəkirdi. Adam sayımız hədsiz çox idi, amma yeməyə bir pox qalmamışdı. Əkinlərim isə hələ 3-4 gün sonra məhsul verəcəkdi. Oturub düşünürdüm ki, bəlkə kolonistlərdən ən yararsızlarını kəsim, qalanları heç olmasa, acından ölməsin. Baxmayaraq ki, bu sakinlərimin ruh halını darmadağın edəcəkdi və hər şey qorxunc bir hal ala bilərdi. Çox sevdiyim qəsəbəmlə artıq vidalaşırdım ki, təxminən 15 gərgədan koloniyaya hücum çəkdi. Kor nə istəyər, iki göz. Hamısını ovladıq, xeyli ət və paltar tikmək üçün dəri əldə etdik. Aclıq başlamadan bitdi və əkinlər yetişdi. indi kosmik gəmi hazırlayıb buralardan azad olmaq üçün hər şeyim var, amma qalıram. Niyə, çünki adamlarla qorxulu səslənsə də doğma olmuşam. Həm də, güya gedəcəyimiz yer bundan yaxşı olacaq?

5 əjdaha! 06.08.2019 13:18, Jalapeno

#289157 şikayət

black sabbath

+3 əjdaha

"Paranoid" albomları 2017. ildə əfsanəvi Rolling Stone jurnalı tərəfindən bütün zamanların ən yaxşı metal albomu elan edilib.

3 əjdaha! 08.08.2019 00:52, Jalapeno

#289230 şikayət

eypio

+2 əjdaha

Əfsanəvi ağır atlet Naim Süleymanoğlu'na həsr olunmuş film üçün yazdığı super trek

(youtube:

)

Kliplərində xoşuma gələn bir detal var. Bu əsasən saundtreklərinə aiddir. Film hadisələrinin cərəyan etdiyi yerlərdə səssiz-səmirsiz gəzir, oturur, ətrafa boylanır. Çox ciddi bir "orda olma effekti" yaradır bu hərəkətilə.

silinmiş entry.

2 əjdaha! 09.08.2019 15:50, Jalapeno

#289309 şikayət

21 grams

+2 əjdaha

Hərdən elə olur ki, bütün kartlar üst-üstə gəlir. Belə olanda da şedevrin ortaya çıxması qaçılmaz olur. Alejandro Inarritu rejissor kimi nə əvvəl, nə də sonrasında heç vaxt çıxa bilməyəcəyi bir zirvəyə qalxır. Gustavo Santaolalla bu film üçün özünün ən qaranlıq, ən ümidsiz, ən mükəmməl musiqilərini bəstələyir. Benicio del Toro köhnə asılılıqlarını yeni - bu dəfə dini asılılıqla əvəz etmiş Jack Jordan'ı elə yaradır ki, dünyada sonuncu ümid parçasının da birdəfəlik ərşə çəkildiyini düşünürsən. Bütün bunlara digər ümidsiz adamları - Sean Penn, Naomi Watts və Charlotte Gainsbourg'un xarakterlərini əlavə edəndə ortaya çıxır "21 grams". Əvvəli və sonu olmayan, dünyanın özü qədər köhnə sual: "həyat nədir?"

1 əjdaha! 08.08.2019 03:45, Jalapeno

#289239 şikayət

gustavo santaolalla

+2 əjdaha

Musiqiləri ilə 21 Grams filminin ağır atmosferini daha da çıxılmaz, daha da qaranlıq etmiş bəstəkar. "Do We Lose 21 Grams" kompozisiyasını nə vaxt eşitsəm, çox pis kədərə qapılıram.

2 əjdaha! 08.08.2019 03:32, Jalapeno

#289237 şikayət

məhəmməd əmin rəsulzadə

+2 əjdaha

Bütün qurucu atalar kimi sonsuz ehtiram və sevgi bəslədiyim böyük şəxsiyyət. Bu gün çox şeyi bəyənməyə bilərik, çox şey istədiyimiz kimi getməyə bilər, amma bizə "yoxdan bir bayraq, bir ideal" bəxş edən bu böyük insanların həqiqi dəyərini anlamalıyıq.
1996. il idi, məktəbimizdə tədbir keçirilirdi. Mən də çıxdım, şeir dedim. Xatirə kimi Məhəmməd Əmin Rəsulzadənin publisistik məqalələrinin toplandığı kitab verdilər mənə. Birinci cild idi, sonra nə qədər axtarsam da digər cildlərini tapa bilmədim. Belə bir xoş və əziz xatirə.

2 əjdaha! 05.08.2019 17:40, Jalapeno

#289093 şikayət

enerji içkiləri

+2 əjdaha

Dadı desən, çox sintetikdir, geniş kütlə tərəfindən bəyəniləcək bir şey deyil. Qiyməti desən, Cola daha ucuzdur. Ya adamlar buna inanır və plasebo effekti verib iş görür, ya da həqiqətən enerji verir. Ki, o halda istər-istəməz qorxulu bir sualla üz-üzə qalırıq: 40 kiloluq qızlar xaric, necə bu içkilər insanı coşdura bilər? Mən 500 mq təmiz kofein atıb heç nə hiss etmirəm. Xoşbəxt adamlar var, vallah.
Ps. Bir də ki, bu poxu içirsiz, barı spirtli içkilərlə qarışdırmayın. Özünüzə yazığınız gəlsin.

1 əjdaha! 08.08.2019 13:56, Jalapeno

#289258 şikayət

bomba klassik pop musiqiləri

+1 əjdaha

Youssou N'Dour ft. Neneh Cherry - 7 Seconds

1 əjdaha! 08.08.2019 02:58, Jalapeno

#289234 şikayət

avtobusdakı insan modelləri

+1 əjdaha

Avtobusa girirsən, salonun ortasında 5-6 nəfər məktəbli bir-birinə zəncirlənmiş kimi durub söhbət edir və ya oyun oynayırlar, test həll edirlər, pəncərədən boylanırlar, fərq etməz. Özü də lap balacalardan tutmuş buraxılış sinfi şagirdlərinə qədər hamısı belə yol gedir. Üstəlik də kürəklərində çantalar, gəliş-gedişi əməlli-başlı iflic edirlər. Avtomobil olsaydılar, belələrini çoxdan tutub cərimələmişdilər. Mən hələ bu uşaqların bir-biri ilə yüksək səslə bağırışmalarını, bir-birini zarafatla itələmələrini və s. demirəm. Səbəb nədir? Nə ailə, nə məktəb öz işini görmür. Bütöv bir millətin tərbiyəsi başlı-başına buraxılıb. Bu gün bu uşaqları nədəsə qınamaq ən asan şeydir, amma təqsirin onlarda olmadığını anlayıram. Ən qorxulusu isə bu problemlərin zəncirvari təbiətidir. Sabah bu uşaqlar böyüyüb vecsiz vətəndaşa çevrilirlər. Sonra onlar uşaq, iş-güc sahibi olurlar, növbəti vecsiz, avara nəsli formalaşdırmağa başlayırlar. Axırda da, o məşhur anekdotdakı kimi "siz orda nə salat hazırlayırsınız bilmirəm, amma mayonezi mənim üstümə tökülür" məsələsi yaranır, girən normal adamlara girir.

silinmiş entry.

1 əjdaha! 07.08.2019 16:49, Jalapeno

#289217 şikayət

sualtı taarruz komandoları

+1 əjdaha

1974. ildə Kipr sülh hərəkatında adaya ilk SAT komandoları daxil olub. 1995. ildə Yunanıstanla Kardak krizini çox incə yollarla həll etmiş igidlərdirlər.

1 əjdaha! 09.08.2019 01:40, Jalapeno

#289287 şikayət

kino kimi musiqilər

+1 əjdaha

The Last Shadow Puppets - Aviation

1 əjdaha! 09.08.2019 01:32, Jalapeno

#289285 şikayət

football manager 2019

+1 əjdaha

Football Manager seriyasını 2010. ildən oynayıram. 2019 çıxan kimi də aldım. Oyun son versiyalarında xeyli ağırlaşıb. Ağırlaşıb dediyim odur ki, həddindən artıq çox verilənə nəzarət etməlisiniz. Skautlar, həkimlər, analitiklər, elmi işçilər, məşqçilər, klub rəhbərliyi, agentlər, oyunçular - hamı, hamı sizə bilgi ötürür və tərs kimi, bütün bu bilgilər də çox önəmlidir. Bir yerdən sonra sizə elə gəlməyə başlayır ki, əməlli-başlı bir işdə çalışırcasına zəhmət çəkirsiz və yorulursuz. Əvəzində heç nə qazanmamaq bir yana, zamanınız da məhv olur.
Nəhayət ki, Almaniya çempionatı üçün rəsmi lisensiya ala biliblər. Taktika bölməsində də xeyli irəliləyiş var. Artıq beyninizdəki oyun quruluşunu gerçəkləşdirmək imkanınız artıb. Və mənim üçün ən önəmli olan yenilik isə odur ki, komandanız əməlli-başlı pressinq etməyi öyrənib.
Bunlar hamısı gözəl söhbətlərdir, problem, hətta faciə isə ondadır ki, FM seriyası insanın həyatını məhv edir, əmir, puç edir, yoxa çıxarır. Oturursan, bir də 8 saat, 10 saat sonra ayılırsan ki, orda hardasa həyat davam edir, yaşamaq lazımdır. 650 saat oynadıqdan sonra sildim, ciddi-ciddi bütün həyatım sikdir olmuşdu. Bütün seriyalarda belə olur, FM masturbasiya kimi bir şeydir: əvvəl həzz verir, sonra sonsuz peşmanlıq. Bununla belə, məni çox sevdiyim futbolun daxili dünyası, bütün çətinlikləri və iş mexanizmləri ilə tanış edib. Bircə, oyun almaq, rüşvət vermək və s. də olsaydı, lap bomba olardı.

1 əjdaha! 06.08.2019 13:27, Jalapeno

#289158 şikayət

elektron siqaret

+1 əjdaha

"true detective"də Ray Velcoro mövzu ilə bağlı deyir ki, elə bil robotun sikini əmirsən.

1 əjdaha! 09.08.2019 00:57, Jalapeno

#289282 şikayət

miles davis

+1 əjdaha

"Kind of Blue" albomunu çox sevirəm. Yadımdadır, məni sevən bir qız var idi, o vermişdi dinləməyə. Musiqiçi idi, ikimiz də cazı sevirdi, o isə üstəlik məni. sevgisi qarşılıqsız idi, amma mənə elə gəlirdi ki, bu hal ondan çox məni incidirdi. Albomu dinlədiyim gecə ağlımı itirmişdim. O gündən hardasa 15 il keçib. Amma "Blue in Green" kompozisyasını ilk dinlədiyim an içimdən keçənləri hələ də unutmuram və hər dinlədiyimdə məni məndən alır. Necə hesablamaq olar bilmirəm, bəlkə də üst-üstə toplasam, 1000 saat dinləmişliyim var bu musiqini. Çox sakit başlayır, sıradan bir caz kompoziyası kimi. Bir neçə dəqiqə sonra bitəcək və növbəti musiqi başlayacaq. Sonra onu başqası əvəz edəcək və ilaxır. Amma bir neçə saniyə keçir və hər şey darmadağın olur. Həyat onsuz da çətin və ağrılıdır. Daha da ağrılı olur. Qaranlıqlar daha da qaranlıq, ümidsizliklərimiz daha da ümidsiz olur. Amma əl çəkə bilmirsən. Dinlədikcə dinləyirsən.

1 əjdaha! 09.08.2019 00:51, Jalapeno

#289279 şikayət

saybu swag

+2 əjdaha

“Yarı zarafat” adlı əfsanə trekin sahibi repçi. Okaber ilə “ölür yaxşılar” duetindən tanımışdım. Arzu edirəm ki, vəhşi potensialını reallaşdıra biləcək.

2 əjdaha! 08.08.2019 13:48, Jalapeno

#289257 şikayət

xəzər tv xəbər başlıqları

+1 əjdaha

Əksər hallarda valideynlərimdə qonaq olanda dadına baxmaq imkanım olan tütiyədir. Bizim televizoru heç bir televiziya şəbəkəsinə qoşmamışıq deyə, bu cür dadlardan məhrum oluruq açığı.
1. Nə vaxt baxsam, mütləq yollardakı vəziyyətdən, yol işarələrindən, yol hərəkəti qaydalarından danışırlar. Avtomobili olmayan və bu mövzuyla yaxından-uzaqdan heç maraqlanmayan biri kimi dəqiq deyə bilmərəm, nə qədər ciddi mövzulara toxunurlar, amma nəsə mənə elə gəlir ki, adamlar bu söhbətlərə bir az ciddi qulaq assaydılar daha az sarsaq sürücü və daha az sarsaq piyada görərdik.
2. Çoxbaşlı, çoxayaqlı və s. anomaliya ilə doğulmuş heyvanlar göstərirlər. Adam bir anlıq elə düşünür ki, Çernobıl anomaliya zonasında yaşayır.
3. Növbəti sevimli kənd təsərrüfatı mövzuları hansısa ağacı calaq edən, yaxud da çox məhsul alan fermerlərdir. Hərdən müsahiblərini o qədər coşdururlar ki, adamlar başlayırlar absurd vədlər verməyə. Üçrəngli meyvələr yetişdirəcəklər, yaxud da bir bağdan az qala bütün ölkənin məhsullarını alacaqlar kimi.
4. Müxtəlif anomaliyalar. Həmişə də bu mövzular qulaqdan qan axıdan musiqi tərtibatı ilə təqdim olunur. Ruhlar basan rayon evləri, öz-özünə hərəkət edən əşyalar, ağlını itirən heyvanlar, adamları gecələr qorxudan varlıqlar, gülyabanılar və s.
5. Mənasız şeylər qayıran ixtiraçılar. Bunları da 3. bənddəki fermerlər kimi coşdurub ağlasığmaz vədlər verdirirlər. Avtomobil ixtira edən kim, təyyarə qayıran kim, xərçəngin dərmanını tapan kim, hamam vannasında, unitazda sualtı qayıq buraxanlar kim. Bir dəfə də fake bir çanta söhbəti çıxmışdı və yaman məşhurlaşmışdı. O da deyəsən bu kanalda idi. Hə, lap unutmuşdum, bir də cürbəcür gic-gic oyunlar, musiqi alətləri yaradanlar olur. Biri şahmat kimi oyun yaratmışdı və oyunda ancaq ağ fiqurlar qalib gələ bilirdi. Və bu bug deyildi, yaradıcının konsepsiyası idi. Heç nə.

silinmiş entry.

1 əjdaha! 07.08.2019 02:27, Jalapeno

#289196 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1337

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1344

Jalapeno

son bəyənilənlər:

oxuyucuların bəyəndikləri: