leon

776 0 0 0

4. nəsil yazar

Entry: 776

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı sözlük

+40 əjdaha

ad gününü qeyd edən canım mənim. indi baxıram keçmiş entry'lərimə. sözlüyə üzv olma tarixim, daha dəqiq desəm, kəşf etmə tarixim 20 mart 2015-di. yəni bunnan 9 gün sonra mənim də bu sözlükdə ilk ilim tamam olacaq.

mən o qədər aktiv olmadım sözlükdə bu 1 il ərzində. bu başlıqdaki ilk entry'mə əsasən, yetərincə fayda verə bilmədim. elə timidus və o biri yazar yoldaşlarım kimi bəzəkli sözləri ard-arda düzmək və bu düzüntü* hay amk içərisində mənanı tutdurub bunu qarşındakına çatdırmaq barəsində həddindən artıq pisəm. bəzən sırf elə gözəl entry'lər yaza bilmirəm deyə həvəsdən düşdüm. bəzən hirsləndim sözlüyə, bəzən vapşe rədd olub getmək istədim* söz6-dan rədd olub getmək . bəzən ümumiyyətlə həftələr, aylarla sözlüyə girə bilmədim. həyat, münasibətlər, bəzən burda yazan şəxslərə hirslənməyim və s. lakin nə etdimsə, qopa bilmədim. söz6 sanki mənim gizli bir otağıma çevrildi.

bir çox dostumun bu sözlükdən xəbəri yoxdu. çox çalışdım tanıtmağa. amma yenə də daha əvvəl yazdığım kimi, oxumağa meylli olmayan insanların yazmağa meylləri heç olmaz. oxuyanları da guya "vaxt tapmaz".

mən söz6-nı kəşf etdiyim gündən təxmini 1 il keçir. bu 1 il ərzində zövqlə oxudum sözlüyü. bəlkə yaxşı biri olsam, hətta o bəzəkli yazılardan mən də yaza bilərəm. bilmədiyim şeylər öyrəndim, zəif cəhətlərimi aşkara çıxartdım bəzən. bəzən sırf mırtdaşmaq məqsədiynən girdim.

mən bir şeyi sevdimmi, ona bağlanan bir insanam. özdə elə-belə yox, dəhşətli dərəcədə. buna görə bir qızdan "sikdir" yemişliyim də var. məsələn, qarabağ qaytarılsa, cənubi azərbaycanla, borçalı və ya dərbəndlə birləşsək və ya xaricdə böyük bir uğur əldə etsək* avropa oyunları xaric * eurovision daxil ən çox mən sevinərəm. onur ünlünü çox sevirəm. adamın çəkdiyi hər filmin ən çox baxılan film olmasını istəyərəm məsələn. mən bu sözlüyü də və şəxsən tanımadıöıma baxmayaraq timidusu da çox sevdim. düzdü, bəzi fikirləri ilə razı deyiləm, amma heç olmasa belə bir platformu yaradaraq, hər il domein-ə öz cibindən pul ödəyərək* ən azından mən elə bilirəm çox böyük hörmətimi qazanıb. şəxsən, bu sözlüyün və timidusun ən çox uğur əldə etməsini, ən çox tanınmasını da mən istəyərəm adi yazarlar içərisində.

bu qədər şey yazdım, yenə də gözəl alındıra bilmədim. amma sözlük bir gün alınacaq. o günü birlikdə gözlüyəciyik. sən var ol, mən sənə yazım. neçə belə daha gözəl illərə və daha layiq olduğun yerlərə çıxasan.

sevgilərimlə, adi bir yazar.

35 əjdaha! 11.03.2016 02:09, leon

#203030 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

azərbaycandan rədd olub getmək

+42 əjdaha

bir gün etmək istəyəcəyim və bunun üçün hal-hazırda konkret addımlar atdığım hadisə.

* edit

uşaq vaxtım yadıma gəlir. azad idim, dərdim yoxuydu. ən azından qısa, çox qısa bir müddət. həyatda var olan yeganə dərdim müəllimin verdiyi tapşırıqları yerinə yetirib, aşağı qiymət almamaqdan ibarət idi. o vaxt belə, həyatın nə qədər çətin olduğunu düşünürdüm. hələ bilmirdim nələr yaşanacaq, nələr dəyişəcək həyatımda.

ilk dəfə oxumağı öyrənəndə daha da çox, daha da çox oxumaq istədim. nağıl kitabları aldım, daha doğrusu aldırdım, 2-ci sinifdə oxuyanda kiril əlifbasını öyrəndim, evdə olan kiril əlifbasında olan kitabları (çoxu nağıl kitabı idi) oxumağa başladım. ilk dəfə əlimə ciddi bir əsər keçdiyi anı xatırlayıram. hələ 5-ci sinifdəydim. cəlil məmmədquluzadənin poçt qutusu hekayəsini oxumuşdum. əvvəlcə mənim üçün sadə olan bu hekayə illər sonra tamam başqa bir xatirə ilə qaldı. sonra kitabxanadan "cəlil məmmədquluzadənin hekayələri" (səhv yadımda da qala bilər) adlı kitabını götürdüm. sadə hekayələrdən başladım oxumağa. ilk danabaş kəndinin hekayəsini (məktəbi) oxumuşdum. çünki, yadımdadır, təirfləmişdilər, doğurdan da gözəl bir əsər idi mənim üçün. bu gün də soruşanda ən sevdiyim hekayələrdə ilk yerdə gəlir danabaş kəndinin əhvalatları.

o dövrdə hekayədən həmişəki kimi çox elə bir şey başa düşməmişdim. məsələn, insanlar uşaqlarını niyə məktəbə getməyə qoymurdular? müəllimlə niyə mübarizə içində idi kəndlilər? şəhərdən gələn "ağalardan", "naçalnikdən" niyə qorxurdular? niyə rus dilində danışırdı şəhərdən gələnlər? və s. bu suallarının hamısının cavabını sonrakı illərdə öyrəndim.

azərbaycanın əsarət altında qalmasını, azərbaycanda yetişmiş ziyalı-oxuyan nəsilin əvvəl 1920, daha sonra 1937-ci ildə öldürüldüyünü. "əsl" düşmanları. və belə bir qərara gəldim. əsl düşmən elə özümüz idik. bəli, belə düşünmüşdüm onda. "bəs indi?" deyə soruşsaz, yəqin ki, indi o qədər cəld cavab verəmmərəm.

insan öyrəndikcə bilmədiyi şeylərin artması necə də ironikdir* glş . daha sonra bir şeyin fərqinə vardım və mənim üçün çox şeyin başlanğıcı elə o anda başladı. 9-cu sinifdə, uşaqlığın qaynayan vaxtlarında ciddi bir şəkildə şəhadətnamə imtahanıma hazırlaşanda, ətrafımdakıların bir çoxu, əsasən oğlanlar, "oxumaq" yerinə "oğru aləmi", "söhbətlər"ə, "vorvı zakoniyeyə"(ki, hələ də mənası ilə maraqlanmamışam. mənim üçün olmasa da, olar) maraq göstərməyə başladı. mən adamdan kimyada bir element soruşanda qabağımdakı söhbət vaxdı qarşındakını necə sındırdığını danışırdı. hamı isə maraqla qulaq asırdı. dəhşətə düşmüşdüm. necə yəni? yəni niyə? niyə bu qədər maraq göstərər insan davaya? digər bir tərəfdən həftədə 3-4 dəfə "söhbət eləməyə" gedən oğlanların həyatlarındakı məqsəd nədən ibarətdir?

o anda onlardan daha böyük düşüncələrimin olduğunu fərq elədim. daha fərqli. o dövrdə 3-4 nəfər yaxın dost o vaxt ki uşaq ağlımızla universiteti bitirər-bitirməz sinqapura gedib, orda işləməyə söz vermişdik. o vaxt tez-tez sinqapurdan söhbət gedirdi türkiyə-azərbaycan kanallarında. belə inkişaf eliyir, elə inkişaf eliyir. dərsdə də müəllimə o barədə sual verəndə, bildiyi qədər danışıb, bizdə maraq oyatmışdı. bir yerdə işləyəcəkdik. indi isə həmin dostlarımdan biri türkiyədə oxuyur, biri başqa universitetdə, digəri isə "rusetə" getdi. ildə bir dəfə bir-birimizi görürük ya yox.

mənim daha başqa xəyallarım var idi. xaricdə yaşamaq. gəzmək, əylənmək. lakin həyatın o qədər də asan olmadığını qısa müddətdə öyrəndim. hazırlıqlara gedirdim. mənim üçün, hələlik, ilk dayanacaq bakı idi. bakıda nəfəsimi dərəcək və bir addım daha atacaqdım, sonra bir addım daha, sonra bir addım da. ya zirvəyə çatana, ya da ölümün məni haqlıyacağı yerə qədər. ilk dəfə sevgi duyğusu ilə tanış oldum hazırlaşdığım illərdə. aşiq olmuşdum. hər şey mənim üçün dəyişmişdi. nə əcəbsə, artıq xəyallarımda azərbaycanı svdiyim qızla birlikdə tərk etmək var idi. onunla birlikdə dünyanı gəzmək. qısqanclığı, fədakarlıq etməyi öyrəndim. sevməmək istədim, bacarmadım. demək istədim, deyə bilmədim. içim-içimi yedi. ancaq xəyallarımın qıraq bir nöqtəsində azərbaycanı tərk etmək duyğusu oldu.

bu gün o qızı düşündüm. mənə sevgi hissini öyrədən qızı. görmədim onu. görəmmədim. amma sevdim. əngəl olammadım sevgimə. güc-bəla ilə bakıya daxil oldum. bakı dövlət universitetinə. məktəbdən, "yaxçı oğlan", "tərbiyəli qız" söhbətlərindən bezmişdim. mənim üçün həyatımın dönüm nöqtəsi olacaqdı bu hadisə. lakin heç də gözlədiyim kimi olmadı bu hadisə. necə deyərlər, xəyallarımın suya düşməsini anbaan izlədim həmin vaxt.

(bax: bakı dövlət universiteti) http://soz6.com/sds-entrymin.php?id=154881

facebook-dan ilk dəfə aktiv olaraq istifadə etməyə başladım. facebook profilimi illər əvvəl açmışdım. ancaq, dediyim kimi, o qədər də sevmirdim o texnologiyanı. üz-üzə görüşmək var ikən, niyə facebook-da danışmalıydım axı? nə isə, universitet və yeni əhatə dairəmlə bağlı olan şeyləri orda təqib etməyə başladım. başladığıma da peşman oldum.

(bax: facebook) http://soz6.com/entry/155179

çıxdım küçəyə, gəzdim. hündür binalara baxdım. insanlara baxdım. xammerdə gedən oğlanları gördüm. kor uşağı ilə dilənçilik edən qadını gördüm. sıxıldım. daha çoxunu görmək istəmədim. getmək istədim. ilk dəfə getmək istəyirdim. sıxılırdım bu şəhərdən. bakıdan. mənim üçün bir günlər məqsəd olan bu şəhərdən. bezdim camaat nə deyər? söhbətindən, qızları küçədə yeriyərkən gözləri ilə yeyən "oğlancıqlardan", "bir az yavaş sür" deyəndə söyməyə başlayan avtobus şoferlərindən, azərbaycanın aztv-də göstərdiyi davamlı və sürətli inkişafdan.

azərbaycandan, insanlarından ilk dəfə nifrət etdiyimi hiss elədim. təbii ki, olan nifrətim yuxarıda yazdığım cahil və hər kəsin həyatına qarışmağı özünə borc bilən insanlardan ibarətdir.

(bax: azərbaycandan nifrət etmə səbəbləri) http://soz6.com/sds-entrymin.php?id=154545

həyatımdan razı deyiləm. naşükür olduğumu deyirlər. ancaq mən, ailəm daha yaxşısına layiq olduğunu düşünürəm. amerika birləşmiş ştatlarını istədim. ordakı azadlığı oxudum. türklər sağ olsun. çox məlumatlandırdılar məni. bloglarında orada necə yaşadıqları haqqında xeyli məlumat topladım. ingiltərəni araşdırdım. necə qəbul ola biləcəyimi. yenə də türklər sağ olsun. oxudum onlardan. onlarınki kimi bir dövlət, bir cəmiyyətin olmasını istədim. savadlı, müasir.

hal-hazırda ən böyük məqsədim azərbaycandan rədd olub getməkdir. daha müasir bir cəmiyyətə, daha müasir bir ölkəyə. azad yaşaya biləcəyim. küçədə yeriyərkən azadlığı dibinə qədər hiss edə biləcəyim.

qarşıma bir məqsəd qoydum. "gedəcəm" dedim. və gedəcəyəm. allahın köməkliyi və özümün əziyyəti sayəsində. depressiyaya düşdüm. çünki, yuxarıda yazdıqlarımdan çox uzaqda idim. gerçəkləşdirmək üçün daha çox bir şeyə ehtiyacım var idi. var. araşdırmağa başladım universitetləri. dövlət xətti ilə gedə biləcəyim yerləri. çox, çox çətin idi. primitiv bir hesablama ilə ingilis dilini öyrənmək, ielts testi vermək üçün 2000 manatdan çox pul lazımdır. yəni əgər düzgün bal yığa bilməsəm, 2000 manatdan çox pul yaxşıcana monte olacaq mənə.

ancaq bir gün, inşallah, alınacaq. gedəcəyəm. qarşıma bir məqsəd qoydum. "gedəcəm" dedim. və gedəcəyəm. allahın köməkliyi və özümün əziyyəti sayəsində.

bu arada, yazım bir az qarışıq və əlaqəsiz görünə bilər. gecə vaxtı yuxulu halda yazdığım üçün də ola bilər. nəzərdən keçirdəcəm yenə.

31 əjdaha! 20.03.2015 02:43, leon

#153275 şikayət

uşaqların döyülməklə tərbiyə edilməsi

+31 əjdaha

bu gün face-də fırlanarkən bir səhifədə müəllim tərəfindən döyülmüş bir uşağın şəklini paylaşmışdılar. maraqlı olan o deyil. o həmişə qarşılaşılan mənzərədi. ancaq məni dəhşətə salan o boyda adamların günahkarı uşaq kimi göstərməsidi. uşaqda günah tapmasıdı. uşaqda amk. adı üstündə: uşaqda. biri yazıb ki, bizim uşaqlar vəhşidir. onlar döyülməklə tərbiyə edilməlidirlər. elə bil, bizim uşaqlar zehinsiz, ağılsız doğulurlar və onların başlarına ağılı biz soxuruq. uşaqları vəhşi kimi görmək hansı zehinin işidi amına qoyum?! başa düşürəm, bəzi-bəzi uşaqlar var ki, tənbəl, dəcəl, xəsis və yekəxanadırlar. lakin bu o demək deyil ki, onlar döyülməlidirlər. o tərbiyə sisteminin içini sikim ki, onu döyməklə icra edirlər. normal şəkildə başa salınan uşaq və valideynləri tərəfindən düzgün tərbiyə ilə böyümüş və böyüməkdə olan uşaq niyə tənbəl, dəcəl və s. mənfi xüsusiyyətlərə malik olmalıdır ki və olsa da, bu tərbiyə və başa salma ilə niyə özünü yaxşı xüsusiyyətlərə buraxmasın ki?

biri yazıb ki, bu günkü inkişafıma görə öz müəllimlərimin məni döyməsinə borcluyam. sanki sikdiyimin pəzəvəngi nasada layihə rəhbəridi. lap azərbaycanda özünə görə də vacib bir yer tutsa da, bu onun döyüldüyü üçündüsə, onda mənim bu sistemə başım girsin. empatiya əksikliyinnən əziyyət çəkir millət. o şəkildəki uşağın başına gələnlər öz yaxınlarının başına gəlsə, dünyanı dağıdarlar sikdiyimin pokemonları. onsuzda bizdə sistem belədi. əgər başqasının başına gəlibsə, deməli, layiqdi ki gəlib. yox, həmin şey sənin başına gəlibsə, heç kimin elə bir şey etməyə haqqı yoxdu. hamınızın amına qoyum saxtakar orospu çocukları.

30 əjdaha! 07.06.2016 23:10, leon

#216904 şikayət

vətən xaini

+28 əjdaha

tarixə, hökümətə görə dəyişən zad. ən gözlə görülən misal 37-ci ildəki "xain"lərin bu gün xalqın ən öndəgələn vətənpərvərlərindən sayılmasıdır. buna görə də bəlkə bundan 50 il sonra indiki qəhrəmanlar vətən xaini və vətən xainləri qəhrəman oldu.

26 əjdaha! 18.06.2016 22:00, leon

#218360 şikayət

həyatın nə qədər cındır olduğunun anlaşıldığı anlar

+26 əjdaha

bunu hansı başlıqda yazacağımı bilmədim. ancaq ən uyğununu bura bildim.

bu gün ali məhkəmənin yanında 49 nömrəli avtobusa minib yenə fəlsəfi-fəlsəfi (yəni gij-gij) şeylər fikirləşirdim. hər şey eyni monotonluqda davam edərkən bir anda arxada bir adam saxla mənasında 20 qəpiyi qapıya 4 dəfə taqqıldatdı. dayanacaqdan kənarda, yol ortasında olduğumuza görə sürücü bir az qabağa sürməyə çalışdı. bu an o adam yenə də 20 qəpiyi tıqqıllatdı. bu vaxt sürücü "eşitdik də, eşitdik" dedi. 1 dəqiqə keçmədi ki, saxladı. bura kimi qəribə heç nə yoxdu. qəribəlik bundan sonra başladı.

arxadaki adam sürücüyə yaxınlaşıb şillə vurdu ("sillə" sözünü o qədər də düzgün saymıram). "sən kimə küçük deyirsən? küçük sənsən" deyib hay-həşir saldı. yazıq sürücü nə olduğunu anlamayıb mal-mal adama baxır. adam dözmüyüb birini də vurmaq istəyəndə onun əlini saxladıq. aşağı düşürtdük. söyə-söyə getdi.

nə dediyini anlamamış gəlib başqasını vuran adam kimi 10-larcası içimizdə bizim kimi gəzir, səsvermə hüququna malikdir... və təəssüf ki, bunun kimi gündə 10-larla hadisə baş verir. bax, bu həyatın namusuyla pul qazanan sürücülər üçün nə qədər cındır olduğunun anlaşıldığı andır. unutmadan baxımızı da verək.

(bax: azərbaycandan nifrət etmə səbəbləri)

24 əjdaha! 27.04.2015 23:20, leon

#159977 şikayət

sözaltı yazarı olan dövlət agenti

+30 əjdaha

gündəlik həyatında sözlük şablonlarından istifadə edən dövlət agentidir.

- bir sözlük tapmışam. dövlət əleyhinə danışırlar. (bax: sözaltı sözlük)
- hara baxım?
- hələ bir də "gizli bax: timidus" adlı yazarları var fiyu.
- kimə gizlicə baxım? nolub ala sənə?
- üzr istəyirəm, lap bu şablonlar dilimə işləyib "ulduz: glş".
- nə deyirsən olm?
- (bax: azərbaycandan rədd olub getmək)

23 əjdaha! 04.01.2017 23:47, leon

#241332 şikayət

sonsuzadək oturub sifətinə baxmaq istədiyin qız

+21 əjdaha

ömrümü birlikdə keçirtmək istədiyim qızdır.

dərsdəyik. oturub müəllimin boş-boş çərənləməsinə qulaq asırıq. daha doğrusu, hər kəs qulaq asır. mən elə hey ona baxıram. üzünün təkcə sol tərəfini görürəm. olsun. o sol tərəfə də razıyam mən. təki gözümün qabağından getməsin heç hara.

çox xəyalpərəst insanam mən. oturub ona baxarkən bir tərəfdən də xəyallarını qururam gələcək gözəl günlərin. gerçəkləşmiyəcək olması ehtimalını düşünnmək belə istəmirəm birdən mən ona elə baxarkən üzünü mənə tərəf çevirir. baxdığımı görür. xəfif gülümsəyir mənə. sonra yenidən müəllimə qulaq asmağa davam edir. mən bilmirəm, o baxış dostcasınamıdır, yoxsa başqa bir şeymidir. olsundur, heç olmasa o xəfif gülümsəmə ilə mənə baxmışdır, ona baxdığımı görmüşdür.

çox aşiqəm e, sözlük!

17 əjdaha! 11.03.2016 20:46, leon

#203126 şikayət

rövşən lənkəranski

+22 əjdaha

bir cəmiyyətdə hansısa mafiya başçısının ölümünə kədərlənib, dəfninə axışırlarsa, deməli, həmin cəmiyyət cahildir və ədalət, hüquq anlayışları noxud boyda da inkişaf etməyib.

hə canım, kurtlar vadisi, hə canım, the godfather, hə canım. hə ciyərim.* sən deyəndi

22 əjdaha! 19.08.2016 18:47, leon

#225468 şikayət

leon

+18 əjdaha

24 yaşına girmiş vasat yazar, dəxlisiz insan.

həyatda yolunu tapa bilməmiş, etdikləri edəcəklərinin təminatı olmamış, dünyaya bir xeyri dəyməmişdir.

gerçək eşqi yaşamamışdır, yuxarı vəzifədə yüksək maaşlı biri deyildir.

xəyallarına çatmaq bir yana, bəziləri və bəzi şeylər üçün xəyallarını düşünmədən yandırmış, öz əlləri ilə ümidsizlik dənizinə atmışdır.

cəsarətli olmalı yerlərdə qorxaq olmuş, sakit ola biləcəyi yerlərdə kükrəmiş, "kaş"larla dolu bir insan.

müsbət/mənfi siyahısı tutulacaq olsa, müsbətlər sırasına "mənfi cəhətləri heç kimin vecinə" deyil yazılacaq biri.

23 yaşında etmək istədiklərinin 10-da birini belə edə bilməmiş, günahı yalnız və yalnız özündə görən daim çalışan, çox yorulmuş biri.

ad günün mübarək.

14 əjdaha! 18.08.2020 17:36, leon

#303084 şikayət

sözlük yazarları

+18 əjdaha

4 böyük qrupa ayrılırlar:
1) gülməli olmağa çalışanlar. troll belə demirəm, zira onu belə bacarmırlar.
2) elmi entry girdikdən sonra "siz mənim bildiyimin kökaltında loqarifm 5 əsasdan 459425 qədərini belə bilmirsiniz" deyib təhqir edənlər. elmi, bilgi dolu entry-lərini necə böyük zövqlə oxuyub əjdəhalıyıramsa, bu eqo dolu entry-lərini də böyük zövqlə umbaylıyıram.
3) cool takılanlar. cəmiyyət tərəfindən mənimsənilmiş hər bir fikrə qarşıdır bunlar. dindən tutmuş, toyuq dönərinə qədər. hə qarşı olduqları bəzi məsələlərdə olduqca, dibinə qədər haqlıdırlar, sonsuza qədər dəstəkləyirəm onları. ancaq digər entry-ləri informasiya kirliliyindən başqa bir şey deyil.
4) casual, normal yazarlar. belə arada entry girənlər. bir janr üstündə işləməyib, hər mövzuda yazanlar.

birdə gecənin 4-ündə entry girənlər var mənim kimi. onları da manyak olaraq başqa bir qrupa soxmaq olar. gecənin bir yarısı bu saytda, bu başlıqda o boyda dərdim qala-qala burdakı dərdimi siksinlər deyərək səviyyəli şəkildə bağlanış edirəm. xeyirli ramazanlar.

12 əjdaha! 28.05.2017 03:33, leon

#254227 şikayət

koroğlu

+22 əjdaha

əgər amerika və ya qərbi avropada olsaydı, super qəhrəmanlaşdırılacaq şəxs olardı. adına 3-ləmələr çəkilər, komikslər çıxardı. adamın sahib olduğu (ən azından ifadə edilən) güc klassik bir marvel/dc comics super qəhrəmanı gücünə bərabərdi. meteoritdən düzəldilmiş bir qılınc (baxma: misri qılınc). əfsanəvi gözəllikdə və qabiliyyətdə olan 2 at (baxma: qırat)-(baxma: dürat). koroğlunun dosta güvən, düşmana qorxu salan (baxma: dəli nərəsi). və əlbəttə, insanın çata biləcəyi ən üst səviyyədəki fiziki qüvvət. çox-çox uzun müddət bir dastan qəhrəmanı olaraq qalacaq şəxsiyyətdir.

20 əjdaha! 08.01.2017 22:19, leon

#241759 şikayət

heç vaxt sevgilisi olmamış insan

+18 əjdaha

mən. bu günə qədər 2+1 dəfə (+1 dostlarımın təyziqi ilə) yoxladım. ancaq olmadı. onsuzda özgüvən əksikliyindən əzab çəkirəm, bunlar da üstünə tük diktilər.

(baxma: ne kadınlar sevdim zaten yoktular)
(baxma: sözlük bana karı bul allahsız)* glş

17 əjdaha! 09.06.2016 22:37, leon

#217164 şikayət

sözaltı etiraf

+18 əjdaha

xəyallarımı gerçəkləşdirə bilməyəcəyimdən çox qorxuram. elə-belə qorxu yox, it kimi qorxuram. insanlara baxıram. onlardan biri kimi olacağımdan, bu ölkədəki sistemin bir parçasına çevrilməkdən çox qorxuram. orta statistik azərbaycanlı olub, 30 yaşına çatmamış evlənməkdən, gənc yaşda ata olmaqdan, ailə yükü çəkməkdən çox qorxuram. valideynlərimin xəyallarındakı mən olmaqdan çox qorxuram. və ən pisi də dünyanı görməmiş, müxtəlif zövqləri dadmamış ölməkdən çox qorxuram. valideynlərim kimi valideyn olub,özüm kimi uşaqlar yetişdirməkdən çox qorxuram. bütün həyatımı kredit ödəyib bu poxdan həyata faizdən başqa heç bir qatqı etməməkdən çox qorxuram. bir gün uşaqlarım, həyat yoldaşım, vallideynlərim bir şey istədikdə, "imkan olsun, edərik" deməkdın və hal-əhval soruşulanda "kasıbçılıqdı" deməkdən çox qorxuram. ömrümün böyük hissəsini burda keçirtməkdən çox qorxuram.

16 əjdaha! 16.08.2016 23:47, leon

#225161 şikayət

şəxsi inkişaf kitabları

+16 əjdaha

bir poxa yaramayan, insanları eqoist, xəsis və lovğa edən, özlərindən başqa heç kimə xeyri dəyməyən kitablardır. ana tema, "sən bunu edə bilərsən", "dünyadakı ən vacib insan sənsən", "x addımda varlanmaq/uğur qazanmaq/lider olmaq" temalı kitablardır.

ana fikir də "əgər sən bir şeyi etmək istəyirsənsə et"dir. bok et! əgər uyğun şərait, sənin onu etməyə uyğun maddi imkanın və informasiyan yoxdursa, bok edərsən sən o işi. "x addımda milyoner olmağın yolu" kimi kitablar var. ölkədə 100 nəfər alsa, azı 80-i tam əməl etsə, 80 milyoner çoxdan olmalıydı hal-hazırda. hanı bə onlar yarram?!

bir də bunları oxuyan və oxur olduğunu zənn edən cahillər var. onlar başqa kateqoriyadır.

14 əjdaha! 21.09.2016 09:38, leon

#230846 şikayət

oruc tutmaq

+18 əjdaha

oruc tutmaq iradəni gücləndirir. eyni zamanda iradəsi olmayan, özünə söz keçirdə bilməyən insanlar oruc tuta bilmir. bacarmır. siqaretini çəkməyə məcbur olur. çünki zəifdir. artıq bədəninə söz keçirdə bilmir, suyunu içir, çünki bədəni belə istəyir.

o ki qaldı ac-tox söhbətinə, elə ramazan ayında bir çox müsəlman ölkəsində (misal üçün, elə türkiyə) iftar çadırları qurulur, imkanı olmayan orda iftarını açır. həm də bilən bilir ki, qonşusu ac yatarkən tox olan biri bizdən deyil.

ramazan da gəldi. xeyirli olsun hamımıza inşallah.

14 əjdaha! 18.06.2015 10:18, leon

#171588 şikayət

21. əsrdə universitet oxuyan insan modeli

+22 əjdaha

google-luyaraq diplomlu birinin təhsil səviyyəsinə (həqiqətən oxuyan) çata biləcəyinə inanan insan söyləmi. yazar yoldaşımız kosmos əsri deyib. sanki kosmosa çıxan pəzəvənklər, roketi düzəldənlər amerikanın kəndlərində qoyun otaranlarıydı amk.

21 əjdaha! 02.05.2017 22:33, leon

#252105 şikayət

sözlük yazarlarının görmək istədikləri başlıqlar

+14 əjdaha

mənim üçün yazarların təcrübələrini bölüşdükləri, bizi aydınlatdıqları başlıqlardır. məsələn, indi baxıram sol tərəfə zaman maşınında seks, dvijeniyalı qaqalar və s. və ia. məsələn hər hansı xarici universitet ilə maraqlanıram, deyirəm bir azərbaycanlının gözündən baxmaq üçün axtarım sözaltıda, həmin başlıq yoxdur və ya vikipediya məlumatlarıdır. hər hansı ölkədə-şəhərdə qalmağın çətinlikləri, ora necə gedib, müsbət vs. mənfi tərəfləri. varsa da, həddindən artıq azdır. məni maraqlandıran hamımı azərbaycanda yaşıyır amk? xaricdə yaşayan heç kim yoxdur ki, orda gördüyü çətinliklər, nə bilim həyat şəraitindən yazsın. ya xaricə tətilə filan gedən. istənilən ölkəyə. yox anonimliyi pozulacaq deyə soruşursa, kim neynəsin adını, soyadını? əlbəttə, uzaqbaşı şəxsidən 1-2 mesaj gələr, cavab yazmaq istəsən yazarsan, istəməsən də özün bilərsən. elmi informasiya paylaşılır, fakt paylaşılır, sırf yazar sevilmir deyə mənfilənir. bu nə deməkdi içini skm. yəni sırf yazarı sevmirsən deyə, adam, marks, einstein, nyuton neynəsin? olan qalanı da sözlükdən soyudurlar.

məsləhətxanada hər barədə 10-larla başlıq var, çoxu bir daha-bir daha soruşulub. məsələn cavab verənlər, yararlı cavab verənlər məsləhətdəki mövzuya uyğun başlığa entry kimi məsləhətlərini yazsınlar, gələn dəfə axtarmaq daha asan olsun. nə bilim o qədər şey var ki, əslində demək istədiyim.
sifarişi verən: kh

13 əjdaha! 12.07.2016 23:49, leon

#221220 şikayət

sözaltı etiraf

+17 əjdaha

yenə eyni şeyi elədim. 7 dəqiqə əvvəl, saat 04:01-də yenə eyni şey oldu. bir başqasına görə, bir qıza görə qəlbim qırıldı.

gözümən yaş axır, düzdü. yenə sakit tərəf qarşıdakı oldu, yenə əsəbləşən, ağzına gələni deyən tərəf mən.

qəlbim o qədər ağrıyır ki, tərifi imkansızdı. qızın mənnən xoşi gəldiyini desin, sonra keçmiş sevgilisini unudammadığını öyrənməyim, ailəsinin "fərqli" bir ailə olduğunu öyrənməyim. sonra yenə məndən xoşu gəldiyini, amma alınmıyacağını deməsi. yazma dedikcə, hər dəfə bir bəhanəylə yazması. hər söhbətimizdə "iş yoldaşıyıq" deyə bir dəfə qeyd olunması.

bu gün məndən istifadə etdiyini deməyim. üzr istəməyi, "bəlkə də haqlısan" deyərək bir də yazmıyacağını, hamıya necədisə, mənə də elə olacağını deməsi.

amına qoyum, mən o qızı hər gün işdə görəcəm. qıcıq olduğum o oğlanın zarafatlarına güldüyünü. xoşbəxt olduğunu. içini sikim niyə məni tapır həmişə belə şeylər? saat 4-dü əcdadını sikdiyim, niyə belə əziyyət çəkirəm? niyə belə için-için yanıram? niyə ağlıyıram var yoxunu sikim. niyə?

gecən xeyrə qalsın.
-problemlərində boğul. (mən)
əgər istədiyin budusa, tamam.

hirsliyəm. kədərliyəm. çox pisəm.

14 əjdaha! 10.06.2018 04:18, leon

#273466 şikayət

böyrək daşı

+14 əjdaha

bir gün səhər qarnımda möhkəm bir ağrı ilə oyandım. ilk öncə bunun ümumi bir tualet ağrısı olduğuna qənaət gətirərək ağrı ilə tualetə qaçdım. lakin tualetə gedəmmirdim və eyni zamanda qarnımdakı ağrı da artaraq məni olduğum yerdə qıvranmağa sövq edirdi.

bir neçə dəqiqə sonra artıq bilinməzliyin verdiyi qorxu ilə birlikdə qardaşımı oyatmaq üçün inildəyərək irəliləməyə başladım. qardaşımı oyatdıqdan sonra ağzımdan çıxan tək şey isə "qharrrnımmmmmmm" oldu. daha sonra ağrı ilə yerə yıxıldım. qardaşım böyük ehtimalla ilk öncə zəhərləndiyimi düşündü, daha sonra işin düşündüyündən daha ciddi olduğunu anladı və birlikdə xəstəxananın yolunu tutduq.

həkim ilk başda bunun apendisitdən qaynaqlandığını düşündü, hətta kt-dən cavablar çıxdıqdan sonra birbaşa əməliyyat üçün hazır olmalı olduğumu dedilər. mən isə hələ də ətrafdakı danışıqları suyun altından eşidirmişcəsinə qarnımı tutaraq yataqda qıvranırdım. kt-dən cavablar çıxdıqda isə həkimin üzündə bir rahatlama gördüm.

"daş düşürdürsən."

necə yəni? bu qədər ağrı cəmi cümlətanı 4 mm daşdan ötrü imiş? yəni bədənimin bir tərəflərində xırda bir daş, hətta daşcıq tərpəndi deyə dözülməz bir ağrı yaşamışdım? inana bilmirdim. böyrək daşının bu qədər ağrı verəcəyinə inanmağım gəlmirdi. lakin gerçəklər bu idi. həkim bu daşın əməliyyatla asanlıqla çıxa biləcəyini desə də, qısa bir google araşdırması sonrası əməliyyat fikrindən vaz keçdim. bu daşı düşürtməli idim!

yazılan ürəkbulandırıcı dərmanlar, tabletkalar, sistemlər bir yana, hər kəsin dediyi bir şey var idi.

"daşın düşməyi səndən asılıdır!"

və belə də etdim. hər gün binada 7ci mərtəbəyə qədər pilləkənləri hoppanaraq çıxdım və hoppanaraq düşdüm. dizlərimi əlimə toxunduraraq qaçmağa başladım. ip tullanmağa və tullanarkən konsantrasiyamı saxlamağa çalışdım. gündə litrlərlə su içib, armud, şaftalı, xıyar, qarpız kimi bilimum içinin böyük qisminin maye olduğu meyvələri tükətməyə başladım.

derkən ikinci bir sancı baş verdi. daş yerindən tərpənmişdi. bu dəfə ki sancı keçən dəfəkindən daha az deyildi. bəlkə də daha artıq idi. lakin ağrının nədən baş verdiyini bilmək, bilinməzliyin verdiyi qorxunun itməsi ilə nisbətən dözməyə başlamışdım. daha sonra onsuzda bu ağrıdan 1 dəfə də yaşadım.

və nəhayət daşımın düşdüyünü dedilər. düzdür bədənimdən çıxmağıma şahid olmadım. çıxıbsa belə bunu görməmişdim. lakin sonuncu yoxlanışlarda artıq bədənimdəki 4 mm daşın görünmədiyini dedilər. sevincək olmuşdum. lakin mənim üçün hər şey bitmiş deyildi.

o gündən bəridir duzlu qidalardan maksimum uzaq dururam. bol su içib aktiv şəkildə idman etməyə başlamışam, qazlı içkilərdən, fast-foodlardan uzaqlaşmışam. yəni istəmədən də olsa, başıma gələn şeylər uzun müddətdir davam edən qeyri-sağlam həyat tərzimin dəyişməsinə böyük səbəbi oldu.

və əgər kimsə böyrək daşı ilə bağlı bu başlığı oxusa, sözüm sənədir! qorxma, bol hərəkət et və bol su iç. və bunu daş düşdükdən sonra da davam et.

ps: burda yazdıqlarımın heç biri tibbi məsləhət deyildir və oxuyucuların mənim yazdıqlarımı etdiyi üçün başına gələnlərdən bəndəniz məsuliyyət daşımır.

tanım: özü kiçik, ağrısı böyük şey.

10 əjdaha! 25.07.2020 21:32, leon

#301248 şikayət

kənddə palatka toyuna saçı yığılı halda şortiklə getmək

+18 əjdaha

hansısa varlı, imkanlı şəxsin toyuna smokinglə gedəcəklərin edəcəyi şeydir.

17 əjdaha! 22.08.2017 08:46, leon

#259230 şikayət

12 iyun 2016 orlandoda gay clubda terror

+13 əjdaha

islam fanatiklərindən birinin, yəqin ki "geylər allahın əmrinə qarşı çıxıblar, elə isə ölməlidirlər" deyə düşünən bir xıyarın törətdiyi hadisə. əlbəttə, bu hadisənin baş verməsindən yenə siyasi motivlər üçün istifadə edəcəklər, və əlbəttə, bu hadisəyə görə kədərlənənlər və qınayanlar olacaqdır, və əlbəttə, azərbaycandı əzici çoxluq terroristi haqlı hesab edəcəkdir. burda bir haşiyə çıxmaq istəyirəm.
bir neçə gün əvvəl facebook səhifələrinin birində 2 oğlanın azərbaycan bayrağı tutaraq öpüşdüyü şəkil yayımlanmış, yayımlayan "admin" də bu adamlara o ki var söymüş (azərbaycan bayrağına görə) sonra "onlar nə edir özü bilər, bayrağıma toxunmasınlar" deyə sikimsonik bir səbəbdən özünə haqq qazandırmağa çalışmışdı. təbii ki, şəkilə gələn şərhləri deməsəm də, siz təsəvvür edə bilirsiniz. ana-bacı söyənlər, "onlar xəstədir" deyənlər, azərbaycandakı "petux"lardan dəm vuranlar və s. və ia. yazmaq istəmədim, inanın ki, bir nəticəsinin olmayacağını nick'imin leon olduğuna əmin olduğum kimi əmin idim. lakin daha çox dözə bilmədim və admini homofobik olduğu məqsədiylə günahlandırdım. admin isə cəld yuxarıda söylədiyim səbəbi deyərək, özünə haqq qazandırdı. təbii ki, bunun da homobikliyin ayrı bir cəhəti, milliyyətçiliklə qarışıq bir homofobiya olduğunu dedim. lakin qanmadılar. qandırmadılar. düzdür, söyüş söymədilər. çünki söyüş söymələrinə imkan verməyəcək bir tərzdə yazmışdım şərhlərimi. lakin özünüz yenə də başa düşdüz verilən reaksiyanı. sonda admin başqa bir şərh yazaraq "bu petuxların tərəfini saxlayanları" ban etdiyini, onu bunların fikirlərini maraqlandırmadığı və petuxxana olan başqa bir səhifədə (səhifənin adı var idi) öz fikirlərini yazmasını buyurdu. onun şərhinin altında alqışlar, tufanlar, vopşim türkiyədəki "göt qılları stayla".
indi vəziyyət belə olduqda, həmçinin cəmi bir neçə gün əvvəl belə bir şey baş verdiyini düşünsək, necə də acınacaqlı bir halda olduğumuzu görmək çətin deyil. mədəniyyətsiz, homofobik, səviyyəsiz və savadsız bir cəmiyyətdə yaşayırıq. ətrafımdakı tanıdığım-tanımadığım hər kəsə nifrət edirəm. çünki onların da homofobik olmaqdan başqa bir çarələri olmadığını hiss edirəm. və təəssüf ki, bu sikdiyimin cəmiyyəti ilə hər gün əlaqə qurmaq məcburiyyətindəyəm.
bu terror aktına qayıdası olsaq, bu hadisəni qınayanları, olduqca az da olsalar, görmək çox gözəldir. ən dincisindən tutub, ateistinə kimi, demokratik, homofobik olmayan insanların varlığı məni sevindirir. gəlin qucaqlaşaq amk.

son olaraq, admin, "petux"lar siksin səni!

12 əjdaha! 13.06.2016 13:21, leon

#217633 şikayət

bakı dövlət universiteti

+17 əjdaha

səndən ötrü darıxmayacağam. gəbər orospu çocuğu. ömrümün 4 ili. 4 ildəki sayısız uğursuzluqlar, 3 dəfə qızlardan "yox" almaq, genel-kültürə doymaq, zərrə boyda uğurlar. bitdi amına qoyduğumun elm müəssisəsindəki əziyyətlər. bu gün sevdiyim qızı da son dəfə gördüm. məzun paltarıyla. şəkil də çəkdirdik, gülümsədik. sağollaşdıq. bir daha onu da görməmək ümidiylə.

hamı elə sevinirdi ki bu gün bitirdiyinə. yeni ümidlər, yeni başlanğıclar. çox keçməyəcək 1 il ərzində sinfimizdəki uşaqların yarısı evlənəcək.

"edit: burada bir az evlənmə həvəskarı kimi yazmışam. ancaq dərdim o deyil. üsyanım evlənərək xoşbəxt olanlarladır. evlənməkdən daha böyük xəyallarım var. insanlardan daha böyük. məntiqdən daha güclü. məni xoşbəxt edəcək şeylərin mində birinə digər insanların xoşbəxt olması qəribə gəlir. ya da kimi aldadıram amk, onlar sevdikləri ilə evlənəcək. mən isə sevdiyimi unutmaq üçün boğulacağam boşluğun içərisində."

"xoşbəxt" olacaqlar. mən? bəlkə mən də nə vaxtsa xoşbəxt oldum. nə vaxtsa bir şey düşünmə məcburiyyəti olmadan gülümsədim. xanımlar, cənablar. daha gözəl günlərə içirəm! daha gözəl xatirələrə! çox da uzaq olmayan xoşbəxt günlərə!

15 əjdaha! 01.07.2017 11:58, leon

#256468 şikayət

kənan mm

+11 əjdaha

filminə bir dislike da mənim verdiyim "rejissor". məqsəd diqqət çəkmək olsun, ibnəlik olsun.* glş

11 əjdaha! 02.10.2016 23:16, leon

#232485 şikayət

yine aylardan qasim

+14 əjdaha

(baxma: üşüyoruz qasim reyiz) doğurdan üşüyoruz amk. noyabrda belə soyuq olar.

tanım: qasimsiz keçən ilk qasim ayımız.

555.entry editi: bu entry qasimin timsalında gedib də dönməyənlərə həsr olunur.

14 əjdaha! 01.11.2016 10:59, leon

#235841 şikayət

leon

+13 əjdaha

22 yaşı tamam olmuş yazarımsı, uyduracaq nickname tapa bilmədiyindən uşaqlığında səhv anladığı "şir" zənn etdiyi "leon"u özünə seçmiş insanımtraq.

2017-nin bu günündə yalnız girmişdim. stajor kimi fəaliyyət göstərir, universitet sonrası depressiya yaşayırdım. son 1 ilə nəzər saldıqda, belə da, əvvəli və ortaları yaxşı, sonları tamamilə bərbad bir il keçirtdim.

ilk olaraq yaxşı yerdə işə başladım, maaş əla, magistr yaxşı gedir. daha sonra iş dəyişdim, amma maaş da bir az artdı.

sonra bir qızla tanış oldum. keçmiş sevdiyim qızın ağrısını unutduğum biri oldu. sonra ondan daha çox əziyyət verməyə başladı. bunu demək adətim deyil, amma ruhu fahişə bir qıza aşiq olmaq, onu unutmağa çalışmaq iyrənc bir hissdi. əlavə bir dil öyrənmədim, aylardır hazırlaşdığım f3-dən kəsildim, 3 aydan artıqdır ki xroniki yorğunluq yaşayıram, fight club'dakı narrator kimi, nə yata bilirəm, nə də oyaq qala bilirəm, iştahsızlıq və baş ağrısı təbii yoldaşlarım olub.

ancaq 22 yaşımda bunun davam etməsini istəmirəm. idmana başlamaq, dil kursuna getmək, sertifikatları yan-yana düzmək istəyirəm.

22 yaşın xeyirli olsun, leon. ölməyib sağ qalsan, gələn il bu vaxtı bu başlıq altında çıxardarıq illik hesabatı.

11 əjdaha! 19.08.2018 00:06, leon

#276706 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

leon

son bəyənilənlər:

oxuyucuların bəyəndikləri: