papirus

82 0 0 0

4. nəsil yazar

Entry: 82

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yaran lətifələr

+41 əjdaha

oğul bir axşam gəlib atasından soruşur :" ata ,teoriya ilə praktika arasındakı fərq nədir?" ata arvadını cağırıb soruşur:" bir milyon qarşılığında qonşu ilə yatardın?"
qadın düşünüb deyir:" bir milyon yaxşı puldur, bir dəfəlik edərdim"
sonra kişi qızını çağırıb soruşur :" bir milyon qarşılığında qonşunun oğlu ilə yatardın?
qızı da anası kimi cavab verir. ata üzünü oğluna çevirib deyir :" bax oğul, teorik olarak iki milyon pulumuz var, amma praktikada evimizdə iki qəhbə var"

36 əjdaha! 15.04.2015 01:16, papirus

#158087 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

borderline personality disorder

+17 əjdaha

tərcümədə təxminən sərhəddə şəxsiyyət pozulması mənasına gəlir. psixoloji problemdir. insanlarla münasibətlərində qeyri sabitlik, özlərinə qarşı dəyərsizlik hissi, tez-tez dəyişən əhval-ruhiyyə, hər şeyə tez reaksiya vermə borderline pozulmasından əziyyət çəkən insanların ən əsas xususiyyətlərindənir.

diaqnoz aşağıdakı xüsusiyyətlərin ən azı beşi olduqda verilir:
1. daim tərk edilmək qorxusu və tərk edilmənin qarşısını almaq üçün ağıla batmıyacaq hərəkətlər etmək
2. insanlararsı münasibətdə qeyri sabitlik və daim bir insanı ya idellaşdırmaq ya da tam dəyərsizləşdirmək xüxusiyyəti (iki gün əvvəl ideal saydıqı insan indi gözündə tam dəyərsizdir)
3. özünə qarşı hisslərində qeyri sabitlik (indi özünü sevən insan bir saat sonra özünəqəsd səviyyədə nifrət edə bilər)
4. ən azı iki sahədə düşünmədən hərəkət etmək : israfçılıq, cinsi davranış, maddə asılılığı, təhlükəli sürücülük, konturolsuz çox yemək
5. intihar və ya özünə zərər verəni etmək
6. mənəvi qeyri-sabitlik və əhvalın ekstremal dəyişməsi
7.xronik olaraq boşluq hiss etmək
8.güçlü qəzəb hissləri və kontrola ala bilməmək
9.paranoid düşüncə və ya ağır dissosiyativ simptomlar

əslində bu xüsusiyyətlər çox insanlarda ola bilər , xüsusi ilə ərgənlərdə. pozuntu sayılması üçün uzun vaxt , həmişə və çox güclü səviyyədə olmalıdır.

borderline pozulması nisbətən geniş yayılıb, əhalinin 1%-4% -də görülən problemdir. qadınlarda kişilərdən daha çox rast gəlinir, amma elmi bir izahı hələ də tapılmayıb.

borderline pozulması doğuşdan deyil, sonradan yaranan problemdir. əsasında nə qədər bioloji nə qədər ətraf mühitin məhsuludur hələ bilinmir, amma ətraf mühitin daxildə yatan potensialı oyandırdığına inanılır.

pozulmadan əziyyət çəkən insanın şəxsiyyət inkişafında intellektual deyil emosional problemləri olur.
belə ki bu insanlar öz vəziyyətlərini çox aydın şəkildə anlayırlar və beyinləri hər şəyi orta səviyyəli insan beynindən daha çox təhlil edir, amma emosional olaraq özlərini kontrol edə bilmirlər və bu da çarəsizlik , mənasızlıq və boşluq hisslərini artırır. elə bu səbəbdən də insanlarla günlük, adi hər münasibət bu insanlar üçün güclü stres, əsəb pozulmasına səbəb ola bilər. sağlam adamın gülüb keçəcəyi hər hansısa bir söz bu insanlarda "dünyanın sonu" kimi bir reaksiya yaradır. deyilən söz beyinlərində fırlandıqca içlərində özləri ilə bir müharibə başlayır, hər kəsin onlara qarşı olduqlarını düşünürlər və bu hissləri kontrola ala bilmirlər, nəticədə agresiv, ətraf üçün izahı olmayan reaksiyalar verirler.

borderline pozulmasından əziyyət çəkən insanların çoxu depressiyaya girilər, eyni zamanda yarısından çoxu hər hansısa aludədən əziyyət çəkirlər. lazimi müalicə və sağlam mühit yaratmayandan bu insanlar dözə bilməyib intihar edirlər.

14 əjdaha! 06.05.2015 21:37, papirus

#161618 şikayət

güldürən hadisələr

+16 əjdaha

avtobusda gedirəm, o qədər də adam yox idi, çoxu məktəb şagirdləri idik. bir rus qadın yerli dili yaxşı bilmir. stop düyməsinə də basmayıb. dayanacağa çatanda sürücü saxlamadı. bu da əl qol hərəkətləri ilə güzgüdən sürücüyə düşmək istədiyini başa salmaq istəyir. sürücü də fikir vermir. qadın da görəndə ki, avtobus dayanacaqa yaxınlaşır sürət azalmır panikaya düşdü. əsəbi-əsəbi yerli dildə, sürücü, iki saatdı mən sənə əlnən edirəm, sən məni niyə arxadan açmırsan? dəyə qışqırdı. dil bilməmək də belə zibildi, yazıq qadın başa düşmürdü niyə hamı özündən gedib.

15 əjdaha! 22.05.2015 00:50, papirus

#165322 şikayət

cırıq ayaqqabı və ya paltar geyinmək

+15 əjdaha

camaatın uşağı birləşməsini eşitməyimə tək səbəb.
millətə dərs, qiymət, bacarıq üçün yad edilən camaat uşaqı məndə cırıq jeans ya rəngi getmiş köynək səbəbiylə "camaatın uşağına baxıram ürəyim açılır, bir də sənə baxıram ...." versiyasında səslənir.
15 yaşımda israilə köçmə ilə ailəmə qarşı baykot kimi başlayıb sonradan geyim tərzim olub. qışda səhər gecə yatdığım paltarın üstündən palto geyinib dərsə gedirdim. ərgən ağlımla bu ölkəyə nifrətimi belə göstərirdim. guya kiminsə vecinə idi, onsuzda görünməz idim. 10 saat məktəbdə olurdum, özümü nəfəs alan bir insan hiss etdirəcək bir əlamət olmazdı. nəysə, bu başqa mövzudur. amma, yadıma gəlir bir dəfə məktəb psixoloqu yanına çağırıb ürək ağradan səs ilə köçmən ailə olaraq maddi çətinliyimiz varsa, məktəb məni geyim ilə təmin edə biləcəyini demişdi -*.
papam ayda ildə bir dəfə mənimlə harasa getsə, və mən adi "vətəndaş" geyimimdəyəmsə, məndən iki metrə aralı dayanar,belə geyimdə kimsəyə məni təqdim etdiyini isə xatırlamıram. əslində çox ürəkbulandıran vəziyyətdir, insanın geyimi niyə bu qədər ətrafa təsir etməlidir? ləkəli, çirkli köynəyi anlaya bilərəm, amma rəngi getmiş ya çırığı olan bir paltar niyə insanları utandırır? yəqin hər insanda kasıbçılıqdan qaçmaq, kasıbçılıqdan diksinmək, kasıbçılıqdan qorxmaq yatır. elə bil yoluxan xəstəlikdir, yaxın dursalar, bunlara da keçər.
daha iyrənc səhnə idman zallarında olur, adidas, nike paltardəyişmə kabinlərinə oxşayır. deyirsən məşq edirəm, nə fərqi var əynimdəki nədir, di gəl ki səni adam yerinə qoymuyacaqlar. hələ dostların? "bir gün bizi də sənə görə zala buraxmıyacaqlar" "sənallah bu cırıq əskilərdə özünə baxma güzgüdə" deyib hırıldıyırlar* çox gülməlidir . gülməli olan adıdas-ın bir deşikli əskisinə 100 dollardan çox pul verməkdir. dilənçi zad görəndə deyirlər, imkan verin papirus danışsın, dilənçini o yaxşı anlayar. vecimə deyil, təsiri yoxdur, aldığım hər paltara bağlanıram asanlıqla heç nə ata bilmirəm. mənə sadəcə maraqlı gələn odur ki, millət mənim yerimə niyə utanır?
normal olaraq iş paltarları ayrıdır.

12 əjdaha! 16.07.2015 16:30, papirus

#175107 şikayət

universitet müəllimi olmaq

+16 əjdaha

tələbələrlə yaş fərqi az olanda bütün əsəblərini məhv edən iş.tanındıqca vaxt ilə keçsə də, ilk aylarda yeni girdiyin hər qrupda şübhə ilə qarşılanırsan, hər qrupda sənin biliyini hər saniyə gic-gic suallarla yoxlayan bir-ikisi tapılır. hələ qadınsansa, özünü playboy sananlar da var.

15 əjdaha! 28.04.2015 14:27, papirus

#160092 şikayət

az bilinən azərbaycan sözləri

+74 əjdaha

riyaziyyat müəlliməm var idi, bizə hər dəfə hirslənəndə müstər qalasınız deyirdi. mənasını heç kim bilmirdi. mən heç indi də bilmirəm.

72 əjdaha! 25.06.2015 22:15, papirus

#172941 şikayət

ən nifrət edilən insan tipi

+12 əjdaha

ömürləri boyu "ağlayan" insanlar. hal-əhval soruşursan, bir ağlaşma qururlar, elə bil kimsə bunlardan pul istədi. sonra da eşidirsən ki, tətilə gedib. gələndə soruşursan: "tətil necə kecdi?" "pulunu ata-anam verdi * soruşan oldu? ", ardına da, "o tetilden heç olmasın, qayıdacağım günü gözlədim" deyə yeni ağlaşma başlayır.

12 əjdaha! 13.08.2015 15:28, papirus

#177966 şikayət

məktəb illəri

+7 əjdaha

bu qədər il oxumuşam, amma, məktəb illəri yaddaşımda bircə hadisə ilə qalıb. o vaxtı fizikaya maraqlı idim, əməlli gələcəkdə nə olacağıma qərar vermişdim. bütün günü kitabxanalardan fizika ilə bağlı kitabları axtarıb oxuyurdum. o vaxtı fizikadan olimpiadaya göndərdilər, məktəb və şəhər birincisi olandan sonra ölkə üzrə göndərəcəkdilər. tez məni evə göndərdilər ki, iki pasport şəkili lazımdır. mən də bütün yolu qaçıb evə gəlmişəm, mama dedi şəkil yoxdur, get papanın iş yerinə aparıb iki dəqiqəyə çəkdirsin. yenə qan tər içində çatım, papam apardı şəkil çəkildi və gətirdim katibəyə. indi də həvəsnən gün sayıram nə vaxt göndərəcəklər. üstündən iki həftəyə yaxın vaxt keçmişdi. çağırdılar məni katibənin yanına, müəllimə də orda idi. katibə üstündə şəklim olan çırılmış bir vərəqi verdi əlimə, olimpiadaya getmirsən dedi. mən də qoyun kimi baxıram, isti basıb məni, yaşlar yığılıb qalıb gözümdə. gücnən çıxan əsən səsimlə niyəsini soruşdum. müəllimə də yadından çıxartma ki, sən azərbaycanda yaşayırsan dedi. mənasını bu günə kimi anlamadım. səhər açılan kimi evdə olan bütün kitablar qayıtdılar kitabxanaya, o gündən fizikadan bütün yoxlamalarım 3 idi. qəsdən eləmirdim, həqiqətən gül kimi dərsə nifrət yaratdılar. azərbaycandan da köçdüm, başqa məktəbdə də oxudum, amma nə o cümlənin mənasını anladım, nə də fizikaya maraqım döndü.

7 əjdaha! 11.05.2015 16:05, papirus

#162822 şikayət

toyuq döşü

+6 əjdaha

toyuğun diqər hissələrinə nisbətən baha olur. dadsız duzsuz ətdir. amma, yağı az, zülalı yüksək olduğundan yaxşı məşqdən sonra məcburidir.

6 əjdaha! 12.11.2015 18:33, papirus

#186908 şikayət

ataya demək istənilənlər

+7 əjdaha

yaxşı insan olsan da yaxşı ata ola bilməmisən. sənə görə uşağın yatmağa yeri , yeməyə yeməyi, geyməyə iki paltarı varsa tamamdır. daha mənim nə ehtiyacım ola bilərki?! düz deyirsən! oxuduğum universitetin hec adını da bilmə, oxuduğum zibilin adını bilmə! mən təhsilimi davam edim, sən isə ,altı ildi oxuyub qurtara bilmədin? soruş! mən isə artıq hec o universitetdə deyiləm, xəbərin var? deqiqədə "pul lazımdır?" da soruşma! bilirəm sənə görə yaxşı ata olmağın daha bir vacib bəndidir pul vermək , amma, 8 ildir öz pulumu özüm qazanıram. mənə pul lazım deyil, diplom alanda bütün ailələr gələndə siz mənə lazım idiniz.. və bilirəm yol uzaq idi, amma bu hec cür səbəb deyil. yataqxanada aylarla tək qalanda lazım idiniz. ad günümdə bir dəqiqə telefonu mamadan alıb özün təbrik edə bilərdin, "sənin adından təbrik" qohumlara yaxşı ola bilər, mənə deyil. nəysə... mən kimi nə deyirəm?! həmişə hazır cavabın var. " sizi döymüşəm? söymüşəm? ya ac qalmısız? bütün ömrümü sizin ücün işləyirəm." olsun, elə sən deyəndir.

7 əjdaha! 27.04.2015 14:44, papirus

#159908 şikayət

dövlət yol polisi

+5 əjdaha

işdə boş oturmuşam, yadıma düşdü yazım.
bir dəfə azərbaycana gəlmişəm. bakıda gəzirəm, yaxşı pul aparmışdım özümlə dedim bəlkə gedim iki günlük bir maşın götürüm, rahat gəzim. gəldim girdim içəri maşın seçdim, kağızlar doldurdum, prava istədilər. indi mən də sumkada eşələnirəm, tapa bilmirəm. oğlan dedi, lazım deyil, pravasız olmazsan ki. gülümsədik bir yerdə, maşınla çıxdım.
ağlımda saxladım ki, hotelə gələndə mütləq tapım birdən polis saxlayar. elə 20 dəqiqə keşməmişdi çox hörmətli iki zad səbəbsiz saxladılar, salam verdilər, sənədlər istədilər. mən də özümü dili bilmirəm kimi göstərirəm. polislərdən biri dokument, dokument qışqırır. mənim də üstümdə tək sənəd xarıcı pasport, və sumkanın bir küncündə tələbə kartım. düşündüm, onsuz da bəlaya batmışam, daha nə itirəcəm deyib tələbə kartını bunlara uzatdım. kartın üstündə şəklim və ingilis dilində tək kəlmə israel var, qalan hamısı ivrit dilində. o üz bu üz baxdılar. aralarındakı söhbət:
- ə israildəndir bu?
- hə elə yazılıb.
-burax, burax getsin. bu cuvuda oxşamır, allah bilir nə iti azıb burda.
- (güldü). üst başına bax bunun, sürdüyü maşına bax.
-ver pravasını getsin, buna nə deyəcəksən, sənə qayda qanun öyrədəcək yolun ortasında.
mən də guya heç zad anlamıram. verdilər "paravamı", qaçdım ordan.

qeyd: halaldır azərbaycanda maşın sürənlərə, yolun qıranğındakı işarələr gözəllik üçündür, tıxacda gözləmək istəməyənlər əks istiqamətdə sürürlər, piyadalara həyat gözəldir, istədikləri yer keçiddir.

5 əjdaha! 23.06.2015 16:37, papirus

#172620 şikayət

20-li yaşlarda uşaq sahibi olmaq

+5 əjdaha

şərq mədəniyyəti, şərq tərbiyəsidir. 20 yaşına çatan kimi "nə vaxt evlənəcəksən?" sualı evlənən kimi "bir şey mi şey var?" sualı ilə əvəz olunur. hər iki tərəfdən bütün nəsil əllərində timer qadının qarnına baxırlar. sanki evlənən iki insan, iki mədəni insan 4-5 il uşaqsız yaşamağı seçə bilməzlər. insanların psixologiyası budur. kimsə evlənmək istəyəndə " əəə qardaş, vaxtı çatıb, ev uşaq sahibi olmaq lazımdır" deyir. daha demir "qızı sevirəm, evlənmək istəyirəm".

sual olunsaa 20li yaşlarda uşaq sahibi olmaq pisdirmi ya səhvdirmi? əlbəttə ki, baxır adamına. ağıl yaşı deyilən nəsə var. insan var 25 yaşında məsuliyyət nədirsə də bilir, ailə də saxlayır, bir ata kimi bir uşaqa maddi və mənəvi hər şey verə biləcək səviyyədədir.

32 yaşında bir baltaya sap olmayan biri var. yay üçün tətil planları edirlər uşaqlar, bu da əvvəldən dedi gəlirəm, keçən dəfə də gəlib atasını söyüb batırır, bəs atası buna pul verməyib tətil üçün. kül bunun başına, bundan nə ata olacaq ya da bundan olacaq uşaq nə olacaq?

yəni dediyim odur ki, ata olmaq yaş işi deyil, baş işi, xasiyyət, şəxsiyyət kimi formalaşmaq işidir.

5 əjdaha! 20.05.2015 12:57, papirus

#164900 şikayət

sosial şəbəkələrdə xoşbəxt fotolar paylaşmaq

+5 əjdaha

həyatlarının qara zolağında olan dostlarını tam depressiyaya salmaqdır. ətrafa çox zərər verir. sevgililər baxıb əlaqəmiz bu qədər ideal deyil deyib ayrılırlar, evli cütlər bizim yaşadığımız həyat deyil deyib depressiyaya girirlər * ya da bir-birinə "girirlər" . bütün günü kim hara getdi, harda nə yedi, əri nə aldı, nə bişirdi şəkillər həmin dəqiqə yayılır, hələ gündə uşağının 100 şəklini paylayanları demirəm * görməmişin bir oğlu oldu vurdu şeyini qırdı . qıraqdan baxan da bir özünə baxır, bazar günü oturub tum yeyərək tv-də qabağına çıxan seriala baxır, bir də sosial şəbəkədə dostunun dənizdə əlində pivə günəşləndiyini görür və dönüb bir də özünə baxır. hamı xoşbəxtdir şəkillərdə.
bu işin əmması var. o şəkillər sahibinin əslində nə qədər depressiyada olduğunu özünü nə qədər bədbəxt hiss etdiyini göstərir. söhbət hər dəqiqə hər etdiyinin şəklini paylaşanlardan gedir. özləri özlərini inandırmağa çalışırlar. insan tanıyıram məhz şəkil çəkdirmək üçün getməyə yer axtarır. bir yerdə oturursan, bu bədbəxt yarım saat gözəl şəkil çəkməyə çalışır, sonra da telefon əlində kimdən like kimdən comment gələcəyini gözləyir.

5 əjdaha! 10.06.2015 12:50, papirus

#170031 şikayət

zövq verən kiçik çılğınlıqlar

+4 əjdaha

çox soyuq gecədə bir ayağı yorğandan çölə çıxarıb, bir az gözləyib, tez yorğanın altına salmaq.

4 əjdaha! 23.05.2015 01:09, papirus

#165540 şikayət

ayrılmaq istəyən sevgilinin qurduğu cümlələr

+4 əjdaha

(baxma: biz başqa dünyaların adamıyıq)
bəs bir ildi kor idin?
biri mənə bir dəfə "səni sevmək üçün daha sən lazım deyilsən" demişdi . (baxma: istedadlar var şərayət yoxdur)

3 əjdaha! 19.04.2015 17:23, papirus

#158726 şikayət

rusdillilərin etdiyi səhvlər

+6 əjdaha

insanı gülünc hala salan səhvlərdir. israilə təzə köçən vaxtlar idi, ivrit dilində h hərfi çox istifadə olunur. x deyirdim. bir dəfə dərsdə, sakitçilikdə "hamora"(müəllimə) demək yerinə "xamora"(eşşək) demişdim. sinifdə yeni şagird idim, bir ay məktəbə getmədim, hamı gülürdü danışığıma.

6 əjdaha! 05.11.2015 04:01, papirus

#185958 şikayət

başqasının yerinə utanmaq

+4 əjdaha

qardaşın yerinə utanmaq var.
bir gün illər sonra babam gəlmişdi bizə, çox dindar insan idi. uşaq olanda mənə bir dua kitabı vermişdi, dedi get kitabı gətir baba ilə bir az dua edək. kişi illər sonra gəlib, körpünün altından nə sualar keçdiyini bilmir. dedim kişini pis etmiyim, kitab qardaşımın kravatının altında idi. getdim gətirməyə, babam də gəldi arxamca otağa. kravatı qaldıran kimi gözlərimə qaranlıq gəldi. kravatın altı porno video kasetlər, lüt qızlı jurnallarla dolu, dua kitabı da tam ortada durur. qardaşımın yaşı az idi onda, dedim kişi 100% mənim olduğunu düşünür. isti tər basmışdı məni, kişi də baxmağa yer axtarırdı. mən də bilmədim neyniyim, dedim ha budur kitab, görürsən tanrın yaxşı ətrafdadır, darıxmır. səhərisi babam getdi.

4 əjdaha! 11.06.2015 20:15, papirus

#170329 şikayət

inanclı insanların üstünlükləri

+2 əjdaha

onlara həyat daha asandı. həmişə kömək gözlədikləri, arxayın olduqları kimsə var. ən əsası isə bütün həyatının məhsuliyyətini kimsəyə yükləyirsən. ağlın olmayıb səhv seçim etmisən? qismetdir o. fərasətin çatmayıb əlindəkini alıblar? yəqin onun məsləhəti bu imiş. əmin olub olmadan ağzına gələni deyirsən? qorxma, de allah daha doğrusunu bilir, sənə kim nə sübut edəcək?! oturub adam kimi oxumaq yerinə min oyundan çıxmısan? ürəyini niyə sıxırsan? qonşu sapa üfürəcək allah müəllimin ağzını dilini bağlıyacaq.
siyahını istənilən qədər uzatmaq olar.
ən əsası heyatın mənası nədir deyə bir sual onları depressiyaya salmır.

1 əjdaha! 11.05.2015 13:59, papirus

#162783 şikayət

realist ol imkanlı qız istə

+2 əjdaha

kişiliyini də qatla qoy sandığa açarı da at dənizə. hər balaca söhbətdə qızdan: " əyninə şalvar ala bilmirdin, atam səni adam elədi " eşitməyə də öyrəş

2 əjdaha! 18.04.2015 20:21, papirus

#158626 şikayət

tattoo

+2 əjdaha

həmişə iki suala səbəb olan sənət, olmayanın olana verdiyi "ağrıtmır?" sualı və olanın olana verdiyi "kimin yanında etdirmisən?" sualı.

- yəhudilərdə tattoosu olan ölünü basdırmazdan əvvəl ütü ilə tattoo olan dərini yandırırlar.

2 əjdaha! 21.07.2015 14:00, papirus

#175467 şikayət

nice ass

+3 əjdaha

bütün günü 20 kq çəki ilə 4 set squat edən qadının ən çox eşitmək istədiyi komplimentdir.

bir dəfə harasa ucurdum, millət bir sıra formada təyyarəyə minir. bir qız arxasını yellədə- yellədə elə bil podyumda gedir , tısbağa sürəti ilə irəliləyir.
anyway, hamı yerində oturub, amma nəsə hec tərpəniş yoxdur, heç kim də heç nə demir. elə bu vaxt bir qadın və bu qız arasında 4 yaşlı uşaq baxçalarını geridə qoymayacaq bir dialoq yaşandı.
qadın: nə oldu ? oturmaqdan götüm ağrayır, nə vaxt tərpənəcəyik?
bu qız: niyə? çox rahatdır
*** qadına elə bil od vurdular.
qadın: səninkinin üstündə otursaydım mənə də rahat olardı.
bu qız: paxıl, ölərdin mənimki kimi götün olsun
qadın: nə paxıllıq? hamısı əməliyyatlardır!
bu qız: bir il əməliyyatlar da keçsən mənimki kimi götün olmaz

bu söhbət bu formada uzandı. hamı mat-mat bunların mənimki səninki söhbətinə qulaq asırdı.

**söhbət mənim tərəfdən tərcümə olunduqu üçün bu qədər mədəni eşidilir.

3 əjdaha! 07.05.2015 12:21, papirus

#161762 şikayət

əsgərlikdə tualet təmizləmək

+3 əjdaha

yaşadığın evin tualetini temizləyəcək qədər normal haldır. özüm də əsgər olduğum müddətcə təmizləmişəm. mətbəx, tualet növbətçiliyi əsgərliyin bir hissəsidir. gedib başqa hərbi hissə üçün təmizləmirsənki. özün üçün, səninlə xidmət edənlər üçün edirsən. hansıkı yeri gələndə onlar üçün döyüş vaxtı düşünmədən özünü təhlükəyə atacağın adamlardır.

bir şeyi də deyim ki,qanuna görə israil ordusunda qafqazlılar mətbəx və tualet növbətçiliyindən azaddılar, amma heç kim bu haqqını istifadə etmir. hamı növbəsi ilə gedir təmizləyir, tualet də təmizləyir, qazan da yuyur.

3 əjdaha! 08.05.2015 11:57, papirus

#162035 şikayət

verilən pulun haqqını verən məhsul

+1 əjdaha

(baxma: döşək)
(baxma: yastıq)
(bax: yumurta) (təbii multivitamin)
(bax: çörək)

1 əjdaha! 23.04.2015 20:06, papirus

#159340 şikayət

yazarların paylaşmaq istədikləri musiqilər

+2 əjdaha

(youtube:

)

2 əjdaha! 14.05.2015 23:13, papirus

#163684 şikayət

polyuşka polye

+1 əjdaha

(youtube:

)

türk musiqilərinə xüsusi simpatiyam olmasa da, 1-2 il əvvəl eşitmişdim, bu ifa da gözəldi.

1 əjdaha! 01.05.2015 14:36, papirus

#160452 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1337

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1344

papirus

son bəyənilənlər:

oxuyucuların bəyəndikləri: