zaur_azad

2 əjdaha! 26.01.2019 22:21, zaur_azad

Yaxşı bir filmə baxmayalı çox uzun olmasa da hər halda biraz vaxt olmuşdu. Bu günlərdə vaxt edib əla bir filmə baxa bildim. Əvvəldən bunu deyim ki, son zamanlar ümumiyyətlə iran kinolarına maraq salmışdım. Elə həmin marağın məntiqi nəticəsi olaraq da bu filmə baxmaq qərarına gəldim. Filmin adı Marmoulakdır. Farsca bir filmdir və komediya, dram janrında çəkilib. Ssenarisi Peyman Qasım Xani tərəfindən yazılan bu filmin rejissoru Kamal Təbrizidir.(Bu məsələyə indi toxunacam) Və baş rolu Pərvin Parastuyi oynayır. Qeyd edim ki, o da iran azərbaycanlılarındandır. Toxunacağım şey də elə bundan ibarətdir ki, filmdə bir çox anlarda Azərbaycanla bağlı detallara rast gələcəyik. Bu da düşünürəm ki, mədəniyyətlərin bağlılığından irəli gəlir və rejissor bu məsələ üzərində çox incə və mükəmməl şəkildə işləyib. Bütün bunları qoyduq bir kənara indi keçək filmin özünə.
Film bir məhbusun həyatından ibarətdir. Amma bildiyimiz o həbsxana kinoları kimi deyil. Sadəcə olaraq həbsə düşən birinin ordan qaçmağı və daha sonra başına gələnləri nümayiş etdirən bir filmdir.
Məhbusun adı Rızadır. O çox usta bir oğrudur. Divarlara çox ustalıqla dırmanır elə buna görə də ona Marmoulak yəni, Kərtənkələ deyirlər.

Oğurluqlarından birində o tutulur və həbsxanaya atılır. Həm də elə bir həbsxanaya ki, buranın rəisi öz işini çox ustalıqla yerinə yetirir.

Rıza həbsxanaya düşdüyü gündən etibarən həyatı dözülməz vəziyyətdə çətinləşir. Elə ilk günlərdən rəis onu etdiyi hər cuzi şeyə görə hücrəyə saldırır ki, düzəlsin. Onun deyimi ilə desək o “insanları cənnətə yollayır. Zor gücünə olsa da!”. Rıza isə bütün bunlara dözmür. Hətta iş o radəyə gəlib çıxır ki, özünü öldürmək belə istəyir. Həbsxana yoldaşlarından biri ona mane olmağa çalışır. Birdən əlindəki dərman qabı qırılır və onun qolunu kəsir. Onu xəstəxanaya yerləşdirirlər.

Burda o Rıza adında bir axundla tanış olur. Onunla söhbət edir. Ən sonda isə axund Rıza yuyunmağa getdikdə Kərtənkələ onun libasını geyinib aradan çıxır. Könhə bir dostunun yanına gedir. Ölkədən çıxmaq qərarına gəlir. Bunun üçün isə sərhəd bölgədəki bir əraziyə yollanır. Burda onu bir adam gözləməli və ona sənədlərini verməli idi. Həmin yerə getmək üçün o qatara minir və yolda bir çox insanla tanış olur. Onlar gedəcəyi kəndin insanları idi. Yol boyu daim insanlarla əlaqədə olan Rıza bəzi yalanlar demək məcburiyyətində qalır ki, bu yalanlar daha sonra onun həyatının istiqamətini dəyişəcək. O Əl-əmir məscidinə axund olduğunu deyir. Daha sonralar dediyi bu yalan həqiqətə çevrilir. Filmin maraqlı hissələrindən biri də burasıdır ki, namaz qılmağı bilməyən alllahsız Rıza qatar bir stansiyada dayandıqda insanlarla bir yerdə namaz qılmaq məcburiyyətində qalır. Nə edəcəyini bilməyən Rıza dilinin altında sözlər pıçıldayıb sonda “Allahu Əkbər!” deyir. Çox incə məqamlardan biridi. Verilən mesaj məncə aydındır. Qatar yola düşür Rıza kəndə çatır. insanlar onu əhatəyə alırlar və ona böyük hörmət və məhəbbət bəsləyirlər. Burda o axund olaraq işləməyə başlayır ki, qaçmağı üçün şərait yaransın. ilk gündən fəaliyyətə başlayan Rıza həbsxanada tanış olduğu axunddan eşitdiklərini burdakı insanlara deyir. Elə olur ki, insanlar onun moizələrini çox bəyənirlər.

iki şagird isə xüsusi olaraq onun pərəstişkarlarıdırlar. Daim ona suallar ünvarnlayır, onunla ünsiyyətdə olmaq istəyirlər. Bir gün Rıza saxta passportunu götürmək üçün ona deyilən adresə getmək qərarına gəlir və axşam gizlincə şəhərə yollanır. Burda evlərin ünvanları qarışıq olduğu üçün o bir neçə evi gəzmək məcburiyyətində qalır. Sonda isə ona deyilən ünvana çatır. Onun axtardığı adamın həbs olunduğunu eşidir. Həbs olunun həmin insanın anası ona qapıdan çıxarkən çoxlu dualar edir. Rıza da bikef halda evinə qayıdır.

Bir şeyi qeyd etmək yadımdan çıxıb. Rızanın qatarda gördüyü bir qız var ki, ondan xoşu gəlir və həmin qız da bu kənddə yaşayır.

Bayaq dediyim iki tələbə sən demə maşında gizlənibmişlər və bütün olanları görüblər. Elə zənn ediblər ki, Rıza kasıblara baş çəkir onlara əl tutur. Onun bu addımı bütün kənddə bilinir və insanlar bir daha onun fəzilətinə aşiq olurlar. Həmin günün sabahı insanlar belə qərara gəlirlər ki, Rızaya kömək etsinlər və bunun üçün də ianə yığırlar. Gecə vaxtı Rızanın qapısını döyüb onunla birlikdə kömək etmək istədiklərini deyirlər. Rıza birtəhər razı olur və onlar bir-bir ev gəzirlər. Beləcə Rızanın adı-sanı getdikcə daha da artır. Seçkilərə hazırlaşan bir nəfər də onu “Populyar fiqur” olaraq evinə dəvət edir və seçki üçün onunla bir neçə şəkil çəkdirir. Bu an həbsxananın müdiri Kərtənkələni axtarmaq üçün Rızanın olduğu kəndə gəlir. Bu qalsın bir qırağa. Rıza təbii ki, yerində dayanmır və çıxış yolu axtarır. Ona passport verəcək adamın arvadı ilə görüşür. O da eyni işlə məşğul olur. Rızadan külli miqdarda pul tələb edir. Rıza ona ianədən yığılan puldan 50 min verir. Qadın işini görməyə başlayır. Sona çatdıqda isə evinə gələn halvaya görə bütün bu işlərə tövbə edir(Halvanı da Rızanın axund olduğu məscid insanlara paylayırdı). Qadın ona göndərilən halvadan belə nəticəyə gəlir ki, o allahın yadından çıxmayıb. Rıza yenə çətinə düşür və nə edəcəyini bilmir. Bir yandan da seçkiyə hazırlaşan həmin şəxs onun zəhləsini tökür. Onlar birlikdə həbsxanaya gedirlər. Axund burda moizə oxumalı idi. Təsəvvür edin burda o kimlə qarşılaşır. Həbsxana rəisi ilə. Özünü gizləməyə çalışan Rıza bunu elə də yaxşı bacarmır. Moizələrinin birində isə rəisə tanış olan sözlərdən birini işlədib onun fikirlərinə əks çıxır: “insanları zorla cənnətə yollaya bilməzsiniz”. Məncə filmin ən dərin hissəsi elə həmin moizənin deyildiyi hissədir. Daha sonra o həbsxanada ona passport düzəltməli olan adamla görüşür. Həmin adam Rızaya anasının yanına gedib adını deməyi tapşırır. Rıza bunu edir və passportunu alır. Sərhədə yaxınlaşır(burda Araz çayını da görürük) və ölkədən çıxmaq istəyir amma bu baş tutmur. Ona bir neçə saat sonra gəlmək tapşırılır. O məscidə qayıdır. insanlar isə bayrama hazırlaşırlar. Axund Rızanı burda rəis tutur və film beləcə sona çatır. Rıza öz libasını filmin əvvəllərindən gördüyümüz uşağa verib təslim olur. Sonda isə filmin ortalarında da eşitdiyimiz Küçələrə su səpmişəm mahnısı səslənir ki, istəyirəm bu yazını da elə həmin mahnıyla sonlandırım. Hər birinizə bu filmi izləməyi tövsiyyə edirəm. Xoş izləmələr.

#282445 şikayət

kişilərin ağlaması

+4 əjdaha

Həqiqətin ən acı rəsmi. Bir kişinin ağlaması onun çox ciddi problemləri olduğunu göstərir. Məsələ qadın və kişi arasında fərq qoymaqda deyil. Məsələ kişinin bir çox cəmiyyətlərdə fiziki göstəricilərinə görə daha sərt böyüdülməsi və ondan da daha sərt olmağının istənilməsidir. Bu da gətirib nəticədə kişinin ağlamağının çox ciddi bir şey olduğuna çıxarır. Çünki belə cəmiyyətlərdə kişi ağlayırsa gücsüzdür. Təsəvvür edin daim özünü güclü və güc hiss edən qüvvə indi acizdir və ağlayır. Dəhşətli mənzərədir. Bu ağlamaqların səbəbi də çox olur, amma əsasən sevgi olur. Qadınlar məgər sevmir? Sevir, əlbəttə, sevir. Sadəcə olaraq hisslərini kişilər qədər dərin yaşamırlar. Bəlkə də yazarların bir çoxunun kişi olmağı da burdan irəli gəlir. Çünki kişilər bu məsələləri hər yerdə açıb deyə bilmirlər. Çəkinirlər. Çünki onlar ətrafdakıların gözündə həmişə çox güclü qalmalıdırlar. Ona görə sirdaş olaraq dəftər-qələmi seçirlər. Ola bilər. Ola bilər deyirəm, çünki ən azından mən belə edirəm. Çox sıxılanda, ürəyimin səsinə qulaq asıram əlimə qələmimi alıram və yazıram. Yazıram ki, bəlkə dərdim bir qətrə azalar. Amma bu addımım dərdimin azalmağına yox sadəcə olaraq situasiyanı başa düşməyə kömək edir. Hər halda yaxşıdır. Ağlamaq isə bu yazıların vazkeçilməzi olur. Burda ruhsuz yazdığıma baxmayın, əslində elə də pis yazıçı(həm də şair) deyiləm. Mən də hisslərimi çox yüksək dozada yaşamaqdan əziyyət çəkirəm. Bunun nəticəsi isə ağlamaq olur. Emin Sabitoğlu - Aman Ayrılıq arxa fonda asta səslə Emin Sabitoğlunun öz ifasında. Mən masamda əlimdə qələm yanımda dəsmal. Gözlərim nəmlidir və vərəqi bulanıq görürəm. Sonra yazıram, yazıram dayanmadan, odlu-alovlu bir şəkildə yazıram. Axırda nə olur? Gözlərimi silirəm. Demək olar həyatımın hər sahəsində işlətdiyim sehirli sözü işlədib özümə təsəlli verirəm. "Həyatdı da"

3 əjdaha! 09.01.2019 23:30, zaur_azad

#281448 şikayət

rəis

2 əjdaha! 22.10.2020 19:50, zaur_azad

son zamanlar türkiyədən plagiat edilən söz
(bax: recep tayyip erdoğan).
ilham əliyev haqqında da deyilən ifadədir. rəis bölmədə olur əzizlərim, qarışdırmayaq

#307008 şikayət

həyatın ən gözəl illərini bərbad keçirmək

1 əjdaha! 25.10.2020 00:39, zaur_azad

(baxma: gəncliyini bada vermək)
neçə vaxtdır bu sual ətrafında düşünüb dayanırdım. axı mənim də ən gözəl illərim bərbad keçib və hələ də keçməkdədir. maddi imkanı zəif olan bir ailədə doğulmuşdum, yaşadığımız yer gecəqondular arasında idi, məhləmizdən isə söz açmaq istəsəm gərək bunu ayrı-ayrı başlıqlar altında yazam; nəşəxorlar, pedofillər və s.
atam da alkoqolik idi. elə bundan qaynaqlanır ki, uşaq vaxtı atamla bağlı yaxşı xatirələrim çox azdır. çünki əksər vaxtlar anamı döyməklə məşğul olurdu mənə ayıracaq pis və ya yaxşı vaxtı qalmırdı.
uşaqlıq illərimi məhz buna görə bərbad keçirdiyimi düşünürəm. təsəvvür edin ki, birinci sinifə gedəcəksiniz və bütün geyimlərinizi qohumlardan-qonşulardan qapı-qapı özünüz yığırsınız. bundan əlavə özünüzə ilk dəftəri də butulka yığıb satmaqla qazandığınız pulla alırsınız. uşaqlıq illəri getdi, gəlin indi yeniyetməlik dövrünə baxaq.
yeniyetmə olduğum müddət bütün pis vərdişlərə artıq yiyələnmişdim deyə pozulmaq ehtimalım yoxdu deyə düşünürdüm amma var imiş. hər cürə cinayət yükü daşıyan işləri yavaş-yavaş özünün elədiyini görəndə insan həyatına nifrət edir və səbəbsiz yerə buna görə kimisə günahlandırırsan. məktəbdən qaçıb parkda nəşənin təsiri altında uzanmağın isə günahı yalnız mənim üzərimdə ola bilərdi. amma onda uşaq idik belə düşünmürdüm. valideynlərim bir çox şeyi bilsə də səslərini çıxarmırdılar. çünki onların heç vecinə də deyildim. onlar ancaq bir birlərini qırmaqla məşğul idilər. evə gələndə əgər azca da olsa enerjiləri qalmışdısa gecə saat 1də mənim zəif şəkildə qapını döyməyimlə açırdılar və sonra təxminən 30 dəqiqə müddətində danlayırdılar. yeniyetməlik də beləcə hədər olmuşdu. qaldı gənclik.
indi atam qəsdən adam öldürməkdən həbsdədi, anama və ailəmin digər fərdlərinə baxmaq məcburiyyətində qalmışam. təbii ki, həyat çox çətindi. bundan əlavə bu həyat bir gəncin yaşamalı olduğu həyat deyil. ən azından maraqlı insanlarla həm söhbət olub həftəsonları gözəl bir book cafe-də əyləşərək mədəni istirahət etmək imkanı olmalıdır bir gəncin. məndə təəssüf ki, sadaladıqlarımın heç biri yoxdu. bax beləcə bir həyatı bərbad keçirmək olar. indi deyə bilərsiniz ki, hələ son deyil. doğrudur, onsuzda keçmişdə ilişib qalan biri olsam indiyə özümü öldürmək kimi bir aktı yerinə yetirmişdim və siz də intihar başlığı altında mənim ölüm xəbərimi yazırdınız. bu olmadısa deməli davam etmək lazımdır. amma yaddan çıxarmaq lazım deyil ki, bu həyat bundan sonra da hər il bərbad keçəcək

#307422 şikayət

yazarların bacarmadığı sadə şeylər

2 əjdaha! 29.01.2019 14:27, zaur_azad

Barmaqları dilinin altına qoyub fit çalmaq. Belə dodaqları büzüb çala bilirəm, hətta mahnıları və s. ifa edə də bilirəm. Di gəl ki, barmaqla bacarmıram -*

#282575 şikayət

javakheti

2 əjdaha! 21.10.2020 16:02, zaur_azad

gürcüstanın cənubunda yerləşən 2,588 kvadrat kilometri əhatə edən region. bu yaxınlarda ermənistan baş naziri nikol paşinyanın rəsmi facebook səhifəsində paylaşdığı şəkillə gündəm olub.
link link

#306872 şikayət

140 vibes

1 əjdaha! 22.10.2020 19:51, zaur_azad

new school olmağına baxmayaraq dəli kimi rap edən uşaqlar. prosta super! link link

#307009 şikayət

ziyalıların siyasətə qarışmama səbəbləri

1 əjdaha! 13.01.2019 09:26, zaur_azad

Əslində bunu bir neçə ölkə üçün şərh etmək olar. Azərbaycanda yaşadığımız və bu kimi halların ölkəmizdə daha çox baş verdiyi üçün elə özümüzdən misal çəkəcəm. Söz azadlığımızın olduğunu heç bir insan tam azad şəkildə deyə bilməz. Əsas səbəb budur. ikinci səbəb isə bizim ölkədə artıq ziyalı yetişmir. Bir iki nəfər qalıb səsini çıxaranlar onlar da sovetdən görüb gəliblər. Amma əminəm ki, bu bizdə nə vaxtsa formalaşacaq. Qayıdaq əsas məsələ siyasətə. Əslində ziyalı siyasətə yox, onun xalqa olan təsirinə qarışa bilər. Xalqı narahat edən hansısa məsələ varsa, onunla bağlı danışa, müzakirə apara bilər.

#281667 şikayət

avtomobil idarə edən hicablı qadın

3 əjdaha! 28.01.2019 20:38, zaur_azad

sözlükdə açılmaması gərəkən başlıq, amma yenə də izah verək. digər qadın sürücülərlə eyni hüquqlara malik olan qadındır.
qeyd:atamın maşınını "başıbağlı" qadın bir dəfə vurduğu üçün belə sürücülərdən heç xoşu gəlmir -*

#282540 şikayət

sarı lalə

1 əjdaha! 13.01.2019 17:13, zaur_azad

Ümidsiz eşqin simvolu. Bir çox mahnılara da mövzu olub (baxma: MFÖ - Sarı Laleler).

#281685 şikayət

sözaltı etiraf

1 əjdaha! 13.01.2019 17:09, zaur_azad

Şəxsi fikrim var imiş kimi davransam da əslində özüm də başqalarının təsiri altına düşürəm. Həmişə insanları öz məqsədlərim üçün manipulyasiya edirəm. Əslində mən də sevməyi bacarıram. insanların yanında olduğumdan fərqli olaraq, tək qalanda çox depressiv oluram. Həmişə özümü xoşbəxt göstərməyə çalışıram. insanlar mənə həmişə dərin biri kimi baxsa da, mən həmişə dayaz biri olmaq istəmişəm. Qızlardan ekə də xoşum gəlmir. Ancaq bir neçəsinə önəm vermişəm ki, onlar da həyatımı sikib çevirib. Əslində etiraf eləməli çox şey var. Sonuncu etirafı da edib bitirim. Bəzən ən yaxın dostlarıma belə yalan danışıram.

#281684 şikayət

kefi pozan xırda şeylər

2 əjdaha! 02.11.2020 21:54, zaur_azad

(baxma: siqareti çəkəndə üfləmək yaddan çıxdığı üçün filtrə tütün düşməyi)
(baxma: corabın islanmağı)

#308993 şikayət

şəlalə çıx palkona

2 əjdaha! 30.01.2019 22:48, zaur_azad

(youtube:

)

#282693 şikayət

sözaltı sözlük üçün tövsiyələr

1 əjdaha! 27.01.2019 11:26, zaur_azad

bildirişlər ayrıca səhifəyə yönləndirilməsə yaxşı olar. (bax: facebook)

#282468 şikayət

yazarların spotify playlistləri

1 əjdaha! 09.01.2019 22:37, zaur_azad

zəhrimara qalmış spotify azərbaycanda da aktiv olsaydı, mənim də indi playlistim olardı. illeqal yollarla uzun olur deyə yükləmirəm. belə qısa yol bilən varsa da yazar

#281435 şikayət

ibrətamiz wifi adları

1 əjdaha! 28.10.2020 02:15, zaur_azad

"bunu qıran ..." səpkisində olan wifi adları. məndə uni boyunca 70 yaşda olan kişi müəllimi ilə yaranan bir məsələyə görə *müəllimin adı*<3 *mənim adım* idi. sonradan dəyişmək qərarı aldım və bir iki, üç dörd, beş altı, yeddi səkkiz qoydum (2444666668888888) -*

#308112 şikayət

hearts of iron 4

1 əjdaha! 26.01.2019 21:51, zaur_azad

demək olar bütün günü oynadığım paradox interactive şirkətinin yaradıcısı olduğu möhtəşəm strategiya oyunlarından biri. oyun əsasən ikinci dünya müharibəsi üzərinə qurulub və ölkə idarəçiliyində də hərbi islahatlarda edə biləcəyiniz seçimlər daha çoxdur. ümumilikdə isə super oyundur. europa universalis 4 dən geri qalır amma bu da maraqlıdır oynamağa dəyər. bu arada oyunda mod vasitəsilə Azərbaycan Demoktarik Respublikasını idarə edə bilərsiniz. ADR Mod link

#282434 şikayət

sözlük yazarlarının blogları