"Analar günü". Bu gün Elə də ciddi hansısa xatirə oyandırmır. 3 ilə yaxındır anamla mübahisə etmədən keçirdiyimiz tək-tük günlər istisna heç bir günü xatırlamıram. Bir çoxunuzun yetkinlik dövründə başına gəlir, yəqin - saysız, hesabsız və səbəbsiz mübahisələr. Bizdə isə mübahisələrin həmişə bir səbəbi olub. Hər zaman bir səbəb üstündə evdəki sükutumuzu pozmuşuq. Əslində mənim üçün elə də mübahisəli səbəb deyil, lakin anam üçün bunun ağırlığını anlaya bilirəm. 11-12 yaşlarında balaca bir bədən oturub kompyuterin qarşısında, yenicə qulaqdan dolma söhbətlərlə "duduş", "amcıq" sözlərini eşidib... maraqlıdırsa biraz sizə ilk dəfə sekslə tanışlığımdan danışım;
Həyətimizdə oğlan (?) uşaqları ilə oturub söhbət edirdik, hardasa 9-10-11 yaşımız olardı. Məhlənin böyük idarəçi erkəkləri bizə yaxınlaşdı və bizi insanlardan kənar yerə toplayaraq ilk dəfə seksuallığımızla tanış olmamız üçün qeyri-peşəkar bir addım atdılar. "Siz bilirsiz sekis nədi?" deyərək başlayan o cümlənin davamını "sikinizi soxursuz qızın götünə" deyərək davam etdirdilər. Ətrafı gülüş sədaları bürümüşdü, heç nəyə güldüyümüzü də bilmirdik, sadəcə ilk dəfə açıq şəkildə "sik-göt" sözləri eşitmişdik deyə hamımızı gülmək tutmuşdu. Klassik olaraq bu sözləri ailələrimiz bizə "dal, qabaq" olaraq senzuralayıb verirdi. Onlar isə bizi sakitləşdirərək "əə, biraz yavaş, eşidəcəklər" deyərək allaq-bullaq fikirlərini yeritdikləri bəs deyilmiş kimi bir də bizə bunun necə "əhəmiyyətli sirr" olduğunu göstərdilər. Onların reaksiyası elə idi ki, elə bil qeyri-qanuni iş görmüşük, amma bu işin elə də kiməsə ziyanı yoxdur. Lakin kimsə eşitsə bizi poxa sala bilər. Davamında bir homosapiens olaraq araşdırma marağım oyandı və əlimə indi ekranı yanmış olan kompyuterimizi alaraq "duduş", "amcıq" yazaraq axtarış etdim. Belə-belə artıq məşhur porno saytları və pornoqrafiya ilə tanış oldum. Beləcə videoları izlədikdə əllər yavaşca ben10 loqolu şortikdən içəri daxil olur, daha sonra narin əllər başlayır bədənini kəşf etməyə - hər nöqtəsinə qədər incələyirsən. Bəzən günlərlə, bəzən də illərlə vaxtın gedir. Evdəki insanların ardından qapını kilidləməyi gözləyirsən. Elə ki, qapı kilidlənir, içindəki kəpənəklər uçuşaraq səni kompyuterə tərəf sürükləyir - hansımız yaşamamışıq ki? Daha sonra masturbasiyaların əslində nəyi istədiyini ortaya çıxarır. Məndə də belə idi. Bir müddət sonra əslində elə də "qafqazlı kişi" olmadığını öyrənirsən. Seksuallığının "ənənəvi" olmadığını öyrənirsən. Nəyi yaxud kimi istədiyini bilirsən. Bunu bilmək sənə xoş təsir edir, amma sirrin sadəcə sənə və sənin kimi petuxlara məlum olduqda. Kiməsə "petux" demirəm və başa düşürəm ki, insanların bu sözlə çox ciddi travmatik xatirələri var, lakin bu məni incitmir. Vaxtı ikən çox təsir etmiş ola bilər, amma indi etməsinə mən icazə vermirəm (və ya verə bilmərəm). Hər gün məktəbin 3-cü mərtəsinə doğru addımladığım pilləkənlərdə arxamca çığırılan o sözdən bəlkə mən də iyrənməliyəm, hər çiynimə vurulan zərbədə, üstümə olunan hücumlarda, hər tinə çağırılanda ya da bıçaq çəkiləndə səsləndirilən həmin ifadələrdən nifrət etməliyəm. Təsəvvür et, 13-14 yaşlı uşağın üstünə bıçaq çəkilməsi nədir? Düşün, qapalı sosial mediya hesablarından şəkillərinin yayılıb üstünə oxuduğu məktəbin, qaldığı yerin yazılaraq paylaşılması nədir? Və sən bunu gizlətməyə çalışırsan. Onların üstümə getmək yerinə tək qalmağa çalışırsan. Çünki ailən bilsə artıq onların da gözündə patentləşdirilmiş "qoluboy" olacaqsan. Kimə şikayət edəcəksən ki? Polisin səni qoruyacaq? Ya ailən çıxıb "uşağım zor edib" deyəcək? Əlbəttə heç biri. Sadəcə ailən onların qarşısına keçib öz metodları ilə səni qoruyacaq - səni gizlədəcək, onların gözündə əsil pəhləvan kimi göstərməyə çalışacaq, bəlkə də həmin o "sirri" təkrarlasalar onları fərqli üsullarla təhdid edəcək. Sən isə artıq həm ailənin, həm də qaqaşların gözündə petux olaraq qalacaqsan. Belə ki, mən bu sözə nifrət etmirəm. Guya etsəm nəyi dəyişdirə biləcəm? Ancaq özümü daha çox incidəcəm, ən salamatı sözün iqtidarını öldürmək, onları silahsız qoymaqdır, əziz və əhəmiyyətli "petux" olaraq damğalanan şəxslər. Mən də sadəcə bunu edirəm. Anam isə hər zaman bununla üzləşir - oğlunun hər gün bu ifadələrə məruz qaldığını bəlkə də bilir, amma nə etsin? Qohumlar hər gün qaxınc olaraq istifadə edir, bəlkə də iş yoldaşları ona övladı haqda hansısa səfsəfələri sayıqlayır. O isə məğrurcasına "Yox! Mənim mənim oğlum əsl kişidir!" deməyə davam edir. Mən valideynimlə çox dirəşməyin tərəfdarı deyiləm, onun təbiəti tamam başqadır. Anam hər şeyi idarə etməyə çalışan, ömür boyu işləmiş, həyatının tək məqsədini ailəsinə baxmağa fokuslamış və həyat oldaşının söz-söhbətləri bəs deyilmiş kimi bir də xəstəliyindən sonra bu yükü iki qat artmış olan biridir. Ona gender-mender, nə bilim, hansısa petuxun keçib qabağına oturub terminlər toplusu ilə danışması maraqlı deyil. Heç buna vaxtı da yoxdur, çünki oturub Əlinin "səfsəfəsini" dinləsə işə getməyə nə vaxtı qalacaq, nə də psixologiyası imkan verəcək. Psixiatra gedirdim, bilirsiniz nə oldu? Gedib həkimdən soruşur ki, "içəridə nə danışdınız?" Həkim isə söhbəti deməyin etik çərçivəyə uyğun olmadığını dedikdə mənə deyir, "pulu mən vermişəm, niyə mənə demirsiniz?" Ahahaha. Hələ ailə terapiyasına-zada gedirik guya. Əşşi terapiya hərləyəndi? Yaşlı-başlı qadındır, imkan ver nə istəyir desin də. Söysün, qışqırsın - istədiyi kimi. Onsuz bu yaşdan sonra nə isə dəyişəsi deyil. Mən isə yaşamağa davam etməliyəm. Necə ki, bəzən dostlarım, sinif yoldaşlarım, ya da sevdiyim insanlar məndən uzaqlaşdı, həmin pilləyə çatdıqda zaman ailə məsələlərinə də təsir edəcək. Bəlkə də hər şey xəyal etmədiyim kimi gözəl olacaq? Demirəm, anam çıxıb əlində LGBTiQA bayrağı ilə düşük, sjw övladını müdafiə etsin, bu leveli hədəfləmək maraq dairəmdə də deyil. Amma bir gün anlamasına, içindəki hegemon hissləri qoyub danışmağa çalışmasına içimdə zərrə də olsa ümid var. Hər nə qədər dünən getdiyimiz qonaqlıqda hamının içində "Oğlumun Bayram Nurlu kimi olmasını istəmirəm" deyib ortaya qavno salsa da onu çox istəyirəm ahahah. Bu gün özü ilə danışmırıq, yəqin, axşam işdən gələndə də üstümə qışqırıb yeməyə çağıracaq. Sonra da dərmanlarımı içməmişəm deyə əsəbləşəcək, mən həftələrdir bizdə olan qonaqlara verdiyim otağıma set tutmur deyə çıxmaq yerinə, yan otağa -internetin tutduğu yerə keçib, əlimdə telefon, twitterdə yenə pox çuxurunda nələr baş verdiyinə baxacam, bəlkə də realda tanımasam da sevdiyim insanların iqtidar tərəfindən sıxışdırıldığını görüb bədənim titrəyəcək, Bayram Məmmədovun ölümünə baxıb təəssüflənəcəm, içim parçalanacaq. Anam da votsapdan bacıma səs ataraq ağlayacaq. "Artıq evdən gedəcəm", "o məni utandırır", "mənim oğlum yoxdur" deyərək ağlayacaq. Söhbəti nə qədər fırlatmağa çalışsan da hər şeyin mənim orientasiyamla bağlı olduğunu bilirəm. Bunu görməyəcək qədər gic deyiləm. Səni sevirəm, mənə olan basğını da sevirəm. Hər getdiyim yeri, dostlarımı birdən mənə nəsə olar deyə sorğu-sual etməyini də sevirəm. Söyməyini də sevirəm deyərdim, amma bu qədər osduraqçılıq etməyəcəm. Nə yaxşı ki, mənim anamsan. Biraz yola gəlimli olsan lap yaxşı olardı, amma eybi yox da, sənin şablon bəhanəndən istifadə edəcəm: mən səni doğmamışam ki, sən məni doğmusan! Buna görə də sakit otursam yaxşısıdır. Səni hər nə olursa sevdiyimi bilməni elə istəyərdim ki. "Ailə" anlayışım ənənəvi deyil, amma mənim anlayışım da sən də varsan. Özümdən asılı deyil də, çox istəyirəm axı səni. Nəysə, ala, düşüm aşağı yemək yeyim, yoxsa ölkədəki gey-paradı görmədən öləcəm. Analar günün mübarək, ana! Bəlkə də cis-heteropatriarxal iqtidar, monoseksist, fobik kütlə səni... ee bu paylaşımda terminlər olmayacaqdı. Yaxşı, ixtisar edirəm: Bu petux səni həmişə sevir!
Məişət zorakılığına məruz qalan şəxs aşağıdakı hüquqi müdafiə vasitələrinə baş vurmaqla özlərini müdafiə edə bilərlər:
- 102-yə zəng edib hadisə barəsində şikayət vermək
- Xəsarət varsa, yaxud halı pisləşibsə həkim müayinəsindən keçmək və yaxud təcili tibbi yardım (103) çağırmaq. Bütün müayinə sənədləri və reseptləri sübut kimi saxlamaq
- Xəsarətlərin izləri varsa, şəklini və ya videosunu çəkmək
- Verbal hədə-qorxuya (o cümlədən telefon vasitəsilə) məruz qaldıqda səs yazısını yazmaq, vatsap yazışmaları silməmək və sübut kimi saxlamaq
Mənə göndərildiyində şifrəmi itirsəm də təkrar sözlüyə bir-təhər giriş etməyimə vəsilə olan başlıq.
ictimailəşməsi üçün dəstək olan hər kəsə təşəkkür edirəm, millət. Təəssüf ki, himayəsində olduğum hüquqi şəxslər də homofob olduğundan rəsmi proses yavaş getdi. Lakin hazırda valideynlərlə razılaşmışam. Hər şey uğurlu irəliləsə şikayət prosesi tamamlandıqdan sonra media qurumlarına baş verənlər haqda danışacağam.
Son 2 gündə elə də yaxşı hiss etdiyimi deyə bilmərəm. Xüsusən də sinif yoldaşlarımın belə mənim əksimə iddialar danışması üçün doldurulması həqiqətən pis təsir etdi. Prosesin də himayəçilər tərəfindən də yavaşladılması narahatlıqlarımı artdırdı. indi isə qaydasındadır.
Təşəkkür edirəm - Qozuna alan, almayan şəxslərin hər birinə. -*
Dəhşətli reaksiyalar var burada. Əslində daha kiçik bir kütləyə xitab edir deyə nisbətən sakit olacağını düşünürdüm sözlüyün. Həmçinin əsas məqsədim də sjwlıq idi - başlıqlar aç, məlumatı paylaş, entrydə şüvənliyini et, vsyo. Biri söyür, biri "hədsiz şişirdən" adlandırır - bunlar dəhşətdir, gənclər. Sizin üçün seks, seksuallıq (və ya qeyri), gender-mender, per-petuxluq lazımsız söhbətlər ola bilər, amma görün artıq nə gözəl orada "blok" düyməsi var. Və ya təbiət ana (təbiətin genderini təyin edirəm, həmçinin ona ana rolunu da yükləyirəm. Hə, bu entrydə məhz edirəm) bizə nə gözəl baxmamaq şansı verib. Nə edək indi? Mən özümü biləndən elə tək etmək istədiyim/etdiyim bu olub. Ay dost, özümü sizin söyüş olaraq istifadə etdiyiniz hansısa ifadələrlə təyin edirəmsə bundan kimə nə? Səbəblərini də bir neçə dəfə yazmışam onsuz. Hansı sözün içində seksizm, fobiya, mizoginiya, növçülük kimi murdarlıqlar varsa mənim üçün təhqir deyil. istəyir peysər olum, petux, ya kişi qəhbəsi. Bunun problemi nədir başa düşmürəm. Hansısa zarafatları - zad ciddiyə almıram, lakin "postlar" bölməsində hədsiz şit zarafatlar və ya ifadələr arada sıxır. Belə baxanda düzdür. Mən axı gicdırnağam ki, azərbaycan dilli əntiqə bir platforma tapdığım üçün sevincəyə düşüb 2-3 öz maraq dairəmə uyğun başlıq doldururam.
Bəzən başlıqlara girdikdə o qədər dəxlisiz entrylər görünür ki. Hətta mənim ədəbiyyatla bağlı açdığım başlıqda "şükür lgbt deyil" tərzi yazılan entry başlıqla heç bir əlaqəsi olmamasına rəğmən gülərək qarşılanırdı, lakin mən kimsə tərəfindən yaradılan "ənənəyə" sadiq qalmayanda oluram "format sikən".
Və ya şablon söhbəti nikaltılara, "6 sözdən ibarət hekayə" tipli başlıqlara sikdim-soxdum yazmaqdan ibarət olan kimsə gəlib söhbətlərimə göt-göt deyir, istehza(?) ilə sual-nidalar düzür, başqa entrylərdə insanları təhqir edir. Budursa zor söhbət, qoy elə ən göt mənimki olsun. Götdür də, olmasaydı necə sıçacaqdıq? Hələ oturmağı demirəm və ya verməyi. Hələ "sikimi kəsdirəcəm dincəl" ifadələri də var. Kəsdir də, mənə nə? Zarafat kxx
Yaxud kiminsə "sözlüyün səviyyəsini düşürür" deməsi dəhşətdir. Mən yazıq 2 başlıq açdım deyə əmin olun, heç birinizin iqtidarına zərrə zərər gəlməyəcək. Gör heç kiminsə yazmaq istədiyi kontentə nəsə deyirəm mən? Niyə də deməliyəm axı? Kontenti pozmursa zor edir, yazsın. Bu qaqaşlar (məhz qaqaşlar) heç vaxt vulva, penis, seks, gey, petux nə bilim hər cür qəhbəliyi açıq şəkildə görməyiblər. Görmək də istəmirlər. irticanın nə götünədir? Bu daha da onun iqtidarını sorğulayar. Başqa qıcıqlanmağınıza səbəb yoxdur e. Dönün bir baxın. Nəyə əsəbləşirsiniz ki? Lol. Yəqin düşünürdünüz ki, ikili sisteminizin kök salmağa çalışdığı hansısa platformada sjwlıq olmayacaq, ay dosilər? Nəm vallax.
Nəysə əşşi. Hələ bundan əvvəl nikaltıdaki entrylər də dəhşət nifrət dolu gəlirlər mənə, bəlkə də səhv anlayıram. Daha əvvəl təhqirlər də var idi deyə xatırlayıram başlıqda. Söhbəti dramaya bağlamıram, lakin bəzən doğurdan "fso day, dirəşmək lazım deyil" deyirəm. Özüm haqda danışmaqda çətinlik çəkirəm. Termin izahı qədər asan iş deyil.
Məsələn bu gün də biri uzun müddətdir deaktiv etdiyi profili mənə məsləhət vermək üçün aktivləşdirib. Hətta nikaltıya entry yazacaqmış, ilk mənə göndərməyi təklif etdi ki, öz başıma "dərs çıxarım". Ağıllansam (?) Paylaşmayacaq.
Nəysə a dostlar, bir müddət girməsəm/yazmasam yaxşıdır. Təbliğatımı digər platformalardan davam etdirəcəm. Zarafatlar xətrimə dəymir, lakin birbaşa olaraq "zarafatlar toplusu"ilə yüklənmə yaşamaq mənasız gəlir. Həqiqətən bəzən kimlərisə incitdiyimi düşünürəm. Başını buraxın. Elə də Həvəslənməyin, bir də gördünüz ki, təzədən paz oldum sözlüyə kxx.
28 iyun 1969-cu ildə "Stonewall Inn" adlı gey bara basğın edən polisin başında əlindəki pivə şüşəsini sındıran Silviyanın qəzəbi ilə böyüyən üsyanın ayı - iyun ayı. (bax: stonvol üsyanı)
Azərbaycanda həm dövlət, həm də cəmiyyət homoseksual partnyorluqlara müsbət yanaşmır. Bunu statistika da sübut edir: ölkə bütün dünya üzrə LGBTiQA+ icmasına tolerantlığına görə ən sonuncu pillələrdən birini tutur. Lakin bu Bakıda LGBTiQA+ cütlüklərə birlikdə yaşamağa mane olmur. Bu videoda Bakıda yaşayan gey cütlüyün həyatı ilə tanış ola bilərsiniz.
(Qeyd: Əslində daha çox dickshaming olaraq bilinir, lakin ifadəni milliləşdirmək istədim. )
Penisin ölçüsünə və formasına görə mühakimə etmək, body-shamingin bir növüdür. Bu shaming növü əsasən cəmiyyətin ayaqlarının arasındaki orqana görə “kişi” olaraq dəyərləndirdiyi şəxslərə, penis ölçüsü zarafatları ilə olunur və əsas funksiyası, həmin şəxsin daha az “kişi” olduğuna dair istinadlarla hücum etməkdir. insanlara görə penis ölçüsü müəyyən bir standarta cavab vermirsə, cəmiyyət üçün “təbii olaraq” utanc verici və gülünc bir şey olur. Çünki penis nə qədər böyükdürsə, o insan seksdə və həyatda qədər uğurlu və güclü olacaq inancı beynimizə yeridilib.
Bunun tək səbəbkarı cəmiyyət də deyil, həmçinin porno sektorudur. Biz porno videolarına baxdığımız zaman “kaçok”, enli kürəkli, bədənini gördükdə “tutub məni divara çırpsın” demək istədiyimiz insanların qırxılmış, yuxarıda verdiyim bütün variantlara uyğun gələn penisə sahib bir aktyorun partnyoru ilə məharətlə sikişdiyini görürük. Onlar elə təssəvvür yaradırlar ki, bu kateqoriyalara uyğun gəlməyən şəxs dönüb özünə “yəqin, mənim penisim sadəcə işəmək üçündür” deyir. Axı bizə həyatımızın hər nöqtəsində o alğı və damğalar verilib. insanları bu şəkildə təsnif etdiyimiz zaman, təcavüzü daha yüksək səviyyədə tuturuq və kişiliyi fiziki güclə əlaqələndiririk. Sonra bu zəhərli kişilik standartına cavab verməyənləri ələ salırıq. Bu, penisli insanları yalan danışmağa və daha da alçaldılmamaq üçün “mən daha yaxşıyam” düşüncəsinə təşviq edir.
Bəzən sizin penisinizin ölçüsünə bir xəritə də tətbiq edərək tabulara soxurlar. Hazırda xəritəni tapa bilmədim, lakin yaşadığın əraziyə görə kişilərin (məhz kişilərin) ortalama penis uzunluqları yazılıbmış. Axı bu lazımsız xəritə niyə var? "Standart"a "cavab verməyən" penisli şəxslərin nə hisslər keçirdiyini təsəvvür etmək istəmirəm daha. Hələ penisləri standartdan kiçikdirsə...
Bu haqda blogda daha uzun variantda yazmışdım; link
pivə içmək, film izləmək. Başqa xüsusi nəsə müşahidə etməmişəm. Bunlar isə məhz azərbaycanlılara aid deyil. Ümumiyyətlə "boş vaxtlarında edilənlər" artıq sinfi sualdır. Məncə, bu sualı verənlər yoqa - zad edir, maraq üçün heykəltaraşlığa gedir. Nə etmək olur məhz azərbaycanlı olaraq boş vaxtımızda? Uzağı kofe içəcəyik və bunun Azərbaycanlı kimliyimizlə əlaqəsiz olmur.
Ümumən bu "boş vaxtlarda edilənlər" sualına da həmişə cavab "hiking sevirəm" - filan olur, yəqin. Özü də toplu şəkildə bir çox maraqlı fəaliyyətlər listi tələb olunur lol. Orta üst sinif olmayanlar və avropada qohumu yaşamayanlar bu sualı verəndə pis oluram. Bu sual "cancel" olunsun.
Bu gün aktiv sözaltı yazarlarının təkrar necə bir hiss olduğunu bəlkə də gördüyü mövzudur.
Qeydiyyatdan keçdiyimdən bəri lgbtiqa kontentinə üstünlük verərək başlıqlar doldurmağa çalışmışam və gələn reaksiya göz önündədir; "qiçs mağarası". Halbuki bunu deyən şəxs o qədər nəsibini almayıb ki, hələ də 80-90-lardaki "hiv/qiçs gey xəstəliyidir" söhbətlərində qalıb lol. istəyir bu geylər arasında telepatiya yolu ilə keçən mutantlaşdırıcı bir virus belə olsa, sənə təsiri olmadığı müddətcə nəyin şüvənliyidir?
Başlıqda yazılan bir digər entryə görə hansısa trans qadına "qaqaş" deyərək xitab etmək normaldır, videosunu gizlincə çəkmək normaldır, amma həmin şəxsə "gijdıllağ" demək isə yox. Adam gijdıllaqdır da, aydındır ki, transın o reaksiyanı verəcəyini bilmədən əvvəl videonu qeyd etməyə başlayıb. Və transa ilk "qaqa" dedikdə satıcıya etiraz edir, lakin satıcı isə məzələnmək üçün bunu təkrarlayır. Əziz sisgender heteroseksuallığın iqtidarı ilə bakının odlu küçələrində qıy vuran testestereon torbası homofoblar, sizə gəlib ard-arda "petux" desələr götünüzü cırarsınız. Və mən də reaksiya vermənin çox təbii olduğunu yazdım, davamında isə söhbət moderləri işə qatıb təhqir etməyə qədər böyüdü.
Bu sözlükdəki klassik bir hadisə olaraq yaddaşlarımızda qalsın, sizə danışım səhərdən. Səhər əl-ələ tutub bir insanla gəzdiyim üçün yolun kənarında maşın saxladı və ərinməyib pəncərədən təhqir etdi. Bir insan necə səviyyəsiz və bekar olar axı bunu etsin?
Biraz sonra isə dostumun ardından "bu petuxun sırğalarından tutub nə çaldıraram off" səslərini eşitdik. Sırğa taxmasına görə təhqir fobiyadır? Yox. Bəs petux olaraq təyin edib təhqir etməsi? Hə. Düşünürsünüz bu sözə öyrəşib deyə dostumu incitmədi? Ya o o qədər hissizləşib ki, evdə ağlamır? Özünə zərər verməyi heç düşünməyib? O artıq öz ölkəsini atıb qaçmaq istəyir. Səbəb isə sizsiniz, əziz fobiklər.
Sonra getdik kafedə oturmağa və sizə bir fakt qeyd edim: oturduğumuz kafe əvvəllər azad lgbtnin ofisi olub -bunu yeni öyrənmişəm və yan otaqda isa şahmarlı özünü asaraq öldürüb. Bu sizin üçün nəyisə ifadə etmir, bilirəm, lakin addımladığımız hər yerin iyrəncliklərlə dolması məni parçalayır.
Artıq feysbuk qruplarımızda yardımlar axtarmaqdan, zorakılığa etiraz etməkdən bezmişik. Açıb googleda axtarışa "azerbaijan lgbt" yazın, ancaq ölüm, polis zorakılığı, dövlət basğısı. Və bu siyahının hər gün uzanması məni narahat edir. Bunun səbəbkarı sizsiniz. Elə hamınız. Buna görə biz "fobikləri brokoli ilə əvəzləməliyik" deyəndə əsəbləşməyin qətiyyən.
Başlığa yazılan entrylərin birində "hamı ayrı-seçkiliyə məruz qalır da" yazılıb. Siz ətağa nə ayrı-seçkiliyə məruz qalırsınız? Daay evdən qovulma, öldürülmə, iş verilməməni deməyəcəm - bunlar məlumdur. Sadəcə 2 gün əvvəl oturduğum biri haqda danışmaq istəyirəm;
Bir trans dostum var, iş tapmaq üçün sənəddə cinsini və ad/soyadını dəyişdirməlidir, bunun üçün isə adaptasiya əməliyyatlarına getməlidir. Sadəcə 1 əməliyyat isə ölkədə ortalama 15 min manatdır. Bu əməliyyata keçmədən əvvəl uzun bir rüşvət dolu həkim prosesinə girməlidir, əməliyyatdan əvvəl isə ən azından bir neçə ay hormon qəbul etməlidir. Həmin hormon isə ölkədə yoxdur və qadağandır. indi bu insan məcburdur ki, ona verilən tək şansdan istifadə etsin - seks işçiliyi. Seks işçiliyi bir işdir, məcburi olduqda isə istismardır, hər iş kimi. Seks işçiliyi etdiyi zaman isə hər an bıçaqlanmaq, öldürülmək təhlükəsi ilə üz-üzədir. O gün internetdə biri müsahibə verir ki, "cəmiyyətimizi təmizləmək üçün 2 seks işçisini öldürmüşəm, biri transdır":. Və hər kəs buna alqış tutur - polis də, inanın mənə, içəridə də bomba həyat çəkəcək. Seks işçiliyi etdiyi zaman polis gəlib yığıb aparacaq, rüşvət almadan buraxmayacaq, verə bilməsə də 2017-ci ildə etdiyi kimi təcavüz, zorakılıq etmə şansı var. Həmçinin bu insanın işi də rəsmi deyil, qorunması üçün də dövlət nəsə etmir və yuxarıda çəkilən (baxma: qiçs mağarası) səhnəsi də belə yaranır. Təkcə translarda və ya seks işçilərində? Əlbəttə yox. Amma qorunmasız sekslə məşğul olan hər kəs əsas daşıyıcılardandır (hətta qorunanlar da). Tək bir sual; bu insan nə etməlidir? Heç nə. Bir çox axmaq elə bilir ki, bütün seks işçiləri (xüsusən translar. Çünki mövzumuz budur) hamısı dubayda qıy vurur. Yox əşşi. Sən ağıllısan mən gicdırnağam da xaricdə kefimi çəkmək yerinə burada sənin kimi tupoya görə götümü cırım. Ya da hansısa trans kefindən dilinin altında lezva gəzdirir. Bəli, transların bir çoxu vəhşi hərəkətlər edir, insanlara nifrət edir, hətta bəlkə də bizi tutsa öldürəcək. Çünki onları cəmiyyətdən uzaqlaşdıran da bizik. Xor görən, tərk edən də bizik. Sovetlərin osduraqçılığında boğulan da.
insanların hansısa transın başına işəmə xəbərinə, cəlilabadda geyin özünü asma xəbərinə, lezbiyanın başının kəsilməsinı sevinməsi məni parçalayır. Bunları özümdən demirəm ha, olan şeylərdir. Mənim içim parçalanır çünki bir sinifdə oxuduğum şəxs səhər məni şəhərdə göstərib dostlarına "o peysərə ba, onunla birgə oxumuşam" deyib priçoskasını dala atdı. Əlbəttə şəxs olaraq götümə deyil, amma individual yanaşmasaq götümədir. Çünki mənim ətrafımda böyüdüyüm insanlardırlar hamısı. Bir neçə il sonra mən ailəmi atacam, bu faktdır. Çünki anam evə kişi gətirməyimi qəbul etməyəcək. Anama osduraqçı terminlərim də maraqlı deyil, maddi problemləri var, qab-qacağını satıb evinə çörək gətirən adamdır.
Qayıdıram əvvələ - hansı biriniz bu problemlərlə üzləşirsiniz? Bir dəfəsində "küçədə hücuma məruz qalırıq" dedikdə yazarlardan bir neçəsi "biz də qalırıq" dedi. Əmin olun ki, müqayisə etmək istəmirəm, edirəmsə bağışlayın, amma mənə məlum olmayan odur ki, cis-hetlərin istənilən şəkildə məruz qalıb da bizim icma olaraq təcrid olunduğumuz ayrı-seçkilik hansıdır? Sanki qruplaşmalarıq və hamımız ayrı ütopiyalarda yaşayırıq. Yox, əzizim. Mən də eyni bataqlıqdayam, mən də diktator rejimində işsiz, pulsuz, evsiz şəkildə, namus-qeyrət keşikçilərinin söhbətləri ilə çürüyürəm. Yəni sizin gördüyünüz ayrı-seçkilik sizin kimliyinizlə əlaqəli deyil, xalq olaraq içimizə soxmağımızla əlaqəlidir. Bəlkə də içimizə də yox, bir-birimizə soxmağımızla. Nifrətimizi özümüzdən çıxırıq və əsas hədəfimizi unuduruq. O qədər manipulyasiya oluruq ki, bəzən əsas düşmən bizi dolayır elə istədiyi yerinə. Lazım olanda öz tərəfində "dəmir yumruq" kimi birləşdirir, sonra da o yumruğu çırpır təpəmizə.
Kimsə termin əzbərləməli deyil, amma digərlərinin azadlıqlarına hörmət etməlidir. inküzivləşmədən bir sik də əldə edə bilməyəcəksiniz. Ya düzəlməyə, ya da cəmiyyət olaraq məhv olmağa məhkumsunuz. Tək problemimiz LGBTiQA lardırmı? Yox. Bəs bu ciddi bir problemdirmi? Hə. Bu siyasidirmi? Hə. Bu çuxurda onsuz etdiyimiz hər şey siyasidir.
Daha çox mübarizələri radikallaşdırmayaq, yoxsa axırımız (baxma: size feminizm çok, sizin ağzınıza sıçmak lazım) söhbətinə dönəcək. Bu isə heç kim üçün yaxşı deyil. Həqiqi sözümdür, mən bir gün bakıda trans terroru kimi şeylər görmək istəmirəm - insanların intiqam atəşində alovlanmasını istəmirəm. Bu isə reallıqdır ki, qazan bir gün partlayacaq. Gəlin onu elə formalaşdıraq ki, partlayış inkişafımıza doğru olsun.
Başlıq tərifi: azərbaycanda lgbtiqa olmaq iqtisadi cəhətdən də poxda olduğun üçün mübarizə belə apara bilmədən başını götürüb qaçmaqdır.
Cis-het kişi iqtidarının yetirmələrinə və şüvənliklərinə rəğmən sözlükdə ən qəhbə, petux, peysər, liboş, üzdəniraq başlıqları doldurmağa davam edəcək yazar. Heterofobluğu yoxdur, amma dəqiq radikal anti-homofobdur, bu sizi qıcıqlandırır və 3 başlıq doldurmağa sövq edirsə, xoşdur. Amı da dağıtsanız, götü də dağıtsanız, lap özünüzü də cırsanız sözlük qaydalarını pozmadığı müddətcə yazmağa davam edəcək bu yazar. Gözləyin hələ o gün küçədə baş-ayaq oturduğu qaqaşla arası düzəlsin və bloqu hazır olsun təbliğatın ənkəsini edəcək. -*
Başlığı görəndə metroda formalı qazilərin başıma çıxması yadıma düşdü. Maskasız rahatca gedirdilər, hansı ki, başqa adam çıxaranda polis şüvənliyinə salır, eskalatorun qarşısında eyni anda 10-15 nəfər gözləyirdi, gəlib məni itələyir ki, "görmürsən? Yol ver də". Uje "qaziyəm" də deyilmir, formanı geyinib pramoy çıxır başına. Ala, uzağı 30 saniyəyə çıxacaqsan da lol, eskalator dayanası deyil ki. Nə də sən qaçası deyilsən eskalatorda, xiyarsan?
Bugün həm də 28 oktyabr 1995-ci il Bakı metrosu yanğınının üstündən 25 il keçir.
Ulduz və Nərimanov stansiyaları arasındakı tuneldə qatar alışmış, 289 nəfər (126 qadın,28 uşaq,3 xilasedici) yanaraq ölmüş, 270 nəfər isə yaralanmışdır.
Yanğının səbəbi elektrik nasazlığını hesab olunur, ancaq sabotaj ehtimalı da var.
Qatarı tərk edənlərin çoxu sağ qalsa da, yanğın tarixin ən ölümcül qatar fəlakəti hesab olunur. Sərnişinlərdən biri olan Çingiz Babayev digər sərnişinləri xilas etdiyinə görə Azərbaycanın Milli Qəhrəmanı fəxri adına layiq görülmüşdür.
Dünya ölkələrindəki heç bir metropolitendə indiyədək bu qədər geniş miqyaslı itki ilə nəticələnən qəza olmadığına görə, Bakı metrosundakı 28 oktyabr qəzası "Ginnesin rekordlar kitabı"na düşmüşdür.
bu sifarişi verən: lucifermorningstar Bir ara ard-arda mənfi reaksiya aldığım zamanlar özümə aid etdiyim düşüncə. Sonra qərar verdim ki, elə də kiminsə qozuna deyiləm. Başını buraxın bu söhbətin, dosilər. Qayda pozmadığınız müddətcə hamınız zorsunuz -*
Dünən sözlükdə fobikliyin zirvədə olmasına görə sözlük yazarları ilə moderlərə etdiyimiz təklifdən sonra rəngləri dəyişdirilən başlıqdır. Qürur ayınız mübarək! -*
Azərbaycanda şəhid olmuş birinin şəklinə LGBT fərdi olduğu üçün "silin bu şəkli, düşmənlər görüb bizi lağa qoyacaq." qədər alçalıb bəzilərimiz. Vaxtı ilə şəkilləri səhifələrdə "petuxdu tanıyın" başlığı ilə paylaşılan insan sizin üçün canını qurban verir, amma belə şərəfsizlər əllərinə telefon alaraq axmaqlıq etməkdən başqa bir pox yeməyi bacarmırlar. Ruhun şad olsun!
Yazılan entrylərdən və qulaqdan dolma söhbətlərə görə qafqazlı kişinin (?) "Qeyrət" anlayışına zidd, iqtidarına təhdid olaraq hansısa "nito" hərəkət edə biləcək şəxsləri alçaltmaq üçün istifadə olunan jarqon.
#30187 nömrəli entryə görə "verən", "gəzən", "paylayan" növ qızların qardaşı, atası, dayıoğlusu, əmioğlusudur. Yəni konkret bu bir şəxsin peysər olması üçün nəsil-əcabətindəki qadınları obyektləşdirməliyik və bu əşyalaşmış qadınlara rollar yükləyib sərhədləməli, daha sonra atmalıyıq duduşu olduğu üçün kişi olaraq təyin olunan hansısa bir qohuma. Bu səfsəfəni başdan-ayağa qəbul etmirəm. Kimsə yuxarıda sadalanan "qeyri-ənənəvi", yazılmamış qanunlarda olan "illeqal"lığı edirsə bundan başqa biri cavabdeh deyil. Cavabdehliyi qoy qırağa, zor edir. (baxma: vulva/göt/penis/bədən və s. Mənimdir, kimə istəsəm verərəm)
#305134 nömrəli enterydə isə görünür ki, bu "peysər" stiqmasında cəlb edici nəsə var və insanlar qeyri-mədəni aktları bu sözə yükləyib "ağırlığını" artdırmağa çalışırlar.
Ənənəvi olarana qayıtsaq, "peysər" bütün bu seks stereotiplərini, seksuallığın əxlaqsızlıq, hansısa tabu və s. Olduğu anlayışlarını inkar edən bir termindir. Məncə, peysər olmaq bir dəyərdir. Hələ azərbaycan kimi ölkələrdə peysərlərin əzminə xüsusi heyranam - patriarxalın istənilən hegemoniyasına qarşı hələ də burada olmağı bacarırlar. Ümid edirəm, peysər icması formalaşar və görünürlük qazanar. inqilab peysərlikdən keçir.
insanların cinsi orientasiyasını damğa kimi istifadə etmək qəbuledilməzdir! Kiminsə romantik və ya seksual həyatının onun siyasi kimliyinə adiyyatı yoxdur. "Bu Şəhərdə" düşük və yersiz zarafatlarını da götürüb meydanı tərk etsin, zəhmət olsa da, olmasa da. LGBTi icmasından üzr istəməlidirlər! Bu torpaqlar üçün canından keçən və keçməyə hazır olan bütün LGBTi 'lərdən üzr istəməlidirlər! Heç nə demirəm, Şaiqin ruhundan utanın!
Nizami kino-teatrının düz qarşısında olan kiçik bir mağaza. işçilərin gülər üzlüyü, içərinin xoş ab-havası insanı oradan çıxmağa qoymur. Məhsullar əsasən veqan olan istənilən məhsuldan ibarət deyil, əsasən tapılmayan qidalar satılır. Çeşidlilik isə get-gedə artır. Kolbasa-sosislər, tortlar, ağartı məhsulları və s. tapa bilərsiniz. Getsəniz onu da nəzərə alın ki, özünüzlə çanta aparmalı olacaqsınız, çünki plastik istifadəsini azaltmaq üçün plastik selofan verilmir (baxma: bring your own)
Ət yeyən insanlarla öpüşməyən, hansısa seksual yaxınlıq və s. Qurmayan şəxsdir. Veqan sözlükdə oxuduğum qədəri ilə, "insanın yediyi nədirsə, odur" prinsipi ilə yanaşırlar məsələyə.
Bu gün bir panel çıxışında belə ifadə işlədildi: "Azərbaycan elə yerdir ki, xarici təşkilatların da qozuna deyil. Arada avropadan pul atırlar ki, baş aldatma olsun. Səfirliklər başqa ölkələrdə LGBTQlərlə bağlı maarifləndirici proyektlər keçirəndə bizdəkilər ildə 1 dəfə əski kimi LGBtq bayrağı asırlar. Heç səfirliklər də qərar verə bilmir ki, onlara insan hüquqları maraqlıdır, yoxsa azərbaycanın nefti"
Bu qısa izahdan da aydındır ki, heç özünə insanlara yardımı hədəf qoyan (bilmirəm nə qədər səmimidirlər) xarici qurumlar belə bu ölkəni saymır. Deməli Azərbayan da elə geridə qalmış bataqlıqdır.
Bu tip başlıqların olması və qadınlara cəsarət verməsi möhtəşəmdir! Mənim də yaxın bir qadın dostumun başına bir hadisə gəlmişdi, istəyərdim onu bölüşüm (öz icazəsi ilə)
"1ci kursda oxuyurdum, yuxarı kurs bir oğlanla dost olmuşduq (qısaca A deyəcəm). Mart vaxtı A mənə bir dostunun (B deyəcəm) məndən xoşu gəldiyini dedi. Çox xaiş etdikdən sonra 1 dəfə danışmağı qəbul etdim. Unidə görüşdük, dərs saatı olduğu üçün həyət bomboş idi. Əvvəl biraz danışdıq, sonra B mənə yersiz yaxınlaşmağa başladı. Əl atırdı, artıq sözlər işlədirdi. Mən uzaqlaşdırca o yaxınlaşırdı, sonra isə mənə əxlaqsız bir dillə əlaqədə olmağı təklif etdi. Mən qəbul etməyəndə isə qolumnan tutub özünə çəkdi, əlləməyə, öpməyə çalışdı, taciz etdi. Ağzımı tutduğu üçün səsimi çıxara bilmirdim, həyət də bomboş idi. Axırda əlini dişləyib çıxdım, qaçdım. O vaxt qorxduğum üçün heçkəsə anlatmamışdım. Amma zaman keçdikcə ətrafımdakı insanlar məndən uzaqlaşmağa başladı. Grupumdan səs çoxluğu ilə məni çıxardılar, bütün dostlarım məndən aralaşırdı. Həmin yay isə eşitdim ki B haqqımda unidə şayiə yayıb, ki o qızın əxlaqsız videoları var, pula çıxır və s. Və bunu təklifini qəbul etmədiyim üçün etmişdi, bütün patok, məni tanıyan tanımayan çox adam bilirdi. 2ci kursa başlayanda yeni grupda idim. Orda bir oğlanla flörtləşirdik. 1 ay keçməmiş bu mövzuları eşitdiyi üçün məni heç bir səbəbsiz tərk etmişdi. O ilin sonuna qədər yeni grupumda da incidildim, dışlandım. 2 dəfə intihar cəhdi etdim. 2cisi də uğursuz olanda artıq hərşeyin başını buraxdım. Heçkəsi vecimə almadım. Və ondan sonra zamanla unuduldu, ya da elə olduğunu sanıram. Amma o il yarımın travması hələ də mənə təsir edir. Kimləsə yaxınlıq qurmağa çəkinirəm, heçkəsə güvənə bilmirəm. ilişkim olan insanlarla belə daim arama məsafə qoyuram, hər xırda şeydə hərşey edə bilər düşüncəsi ilə az qala panik atak yaşayıram. Və bu hadisələr baş verəndə ailəmə də anlatdım. Mənə yardım etsinlər deyə. Amma anama anlatdığımda ilk reaksiyası "nə eləmisən ki haqqında belə danışırlar? Qəhbə çıxmısan başıma?" oldu. Və sonra uzun müddət doğru dürüst danışmadıq, evdə daim ağır sözlərə məruz qalırdım."
Doğurdan da həyat çox iyrəncdir, valideynlərin belə bu gün uşaqlarına qəddar reaksiyalar verməsi dəhşətlidir. Hər gün onlarla qadın zorakılığa məruz qalır və onlar bir çox hallarda susdurulur. Hər zaman yanındayıq, sən əsla susma!
