momoko

2,499 2 0 0

3. nəsil #sözaltı media & moderator

Entry: 2,499

blok başlıqlarını gizlət

tissot prx

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

həyatın nə qədər cındır olduğunun anlaşıldığı anlar

+55 əjdaha

bir müddətdir ki, işdə problem var idi. müdürümüz ehtiyac olmadığı halda qız işə götürmürşdü. halbu ki, biz maaşımızın artmasını gözlüyürdük. qız mənimlə eyni maaşı almasına baxmayaraq əlini ağdan-qaraya vurmurdu, müdürümüz isə buna göz yumurdu. pandemiya dövründə biz evdən işlədik, qız isə heç nə etmədi. qıza görə maaşları gec və hissə-hissə aldıq. qızdan şikayət etdik. müdür "iki oğlan qızı sıxışdırmayın, öyrənəcək" filan dedi. iki iş yoldaş həm əməkhaqqının az olmasından həm də bu qız bağlı ədalətsizliyə görə işdən çıxdıq. müdürümüz üzünü çevirib problemin nə olduğunu soruşmadı. "maaşınızı artırım, qalın" belə demədi.
bir neçə dəqiqə əvvəl gördüm. facebookda elan verib iki işçi axtarır. mənim aldığım maaşın iki qatı maaşla... mənim və iş yoldaşımın hələ may və iyun ayında olan maaşını vermiyib...
bəzi insanlar cındır sözünə belə layiq deyillər.

44 əjdaha! 01.07.2020 20:56, momoko

#298916 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

2020-ci ilin ən yadda qalan hadisələri

+48 əjdaha

ilin ilk entry-sinə keçən ili xatırlamaqla başlayaq
wuhan koronavirus
avstraliyada meşə yanğınları
3 yanvar qasım süleymaninin öldürülməsi
8 yanvar 2020 iranda təyyarə qəzası
8 yanvar 2020 iranın amerikanın hərbi bazalarını vurması
26 yanvar kobe bryant-ın ölümü
31 yanvar 2020 birləşmiş krallığın ai-dən çıxması
27 fevral 2020 idlib hücumu
29 fevral luksemburqun ictimai nəqliyyatı pulsuz edən ilk ölkə olması
29 fevral 2020 taliban və abş arasında sülh müqaviləsi
29 aprel pentaqonun ufo videolarını təsdiqləməsi
may 2020 kür çayının səviyyəsinin kəskin azalması
21 may bakıda liftdə 48 dəfə bıçaqlanıb öldürülən qadın
25 may george floyd-un qətlə yetirilməsi
31 may 2020 abş etiraz aksiyaları
5 iyun evlənmək istəməyən günel nağdıyevanın intahar etməsi
7 iyun 2020 yasamal sakinlərinin zibil atmaqla polisə etirazı
25 iyun 2020 yasamalda polislərə eyvandan gül atılması
wayfair skandalı
4 iyul 2020 sobsan boya fabrikində yanğın
6 iyul 2020 bakıda xoşagəlməz iyin yayılması
12 iyul 2020 tovuz döyüşləri
14 iyul 2020 birlik yürüşü
19 iyul birləşmiş ərəb əmrliklərinin marsa roket göndərməsi
22 iyul 2020 prezidentin media nümayəndələrini təltif etməsi
23 iyul 2020 rusiyanın ermənistanla hərbi təlimə başlaması
24 iyul aya sofiyanın ibadətə açılması
25 iyul 2020 ukraynada ermənilərin azərbaycanlı tələbələri güllələməsi
4 avqust 2020 beyrutda partlayış
22 avqust ramiz mehdiyevin kürəkəninin həbs olunması
28 avqust aktyor Chadwick Boseman-nın xərçəngdən vəfat etməsi
14 sentyabr nvidia-nın arm holdings-i satın alması
21 sentyabr xbox-ın zenimax media-nı satın alması
27 sentyabr 2020 şəbəkələrin bloklanması
27 sentyabr 2020 azərbaycan torpaqlarının bir hissəsinin işğaldan azad edilməsi
3 oktyabr 2020 madagizin azad edilməsi
4 oktyabr 2020 cəbrayılın azad edilməsi
9 oktyabr 2020 hadrut qəsəbəsinin işğaldan azad edilməsi
9 oktyabr 2020 rusiyada baş tutmuş azərbaycan-ermənistan görüşü
10 oktyabr 2020 azərbaycan - ermənistan arasında atəşkəsin bərpa olunması
11 oktyabr 2020 Ermənistanın gəncəni bombalaması
17 oktyabr 2020 füzulinin işğaldan azad olunması
17 oktyabr 2020 ermənistanın gəncəni bombalaması
20 oktyabr 2020 zəngilanın işğaldan azad edilməsi
21 oktyabr 2020 22 kəndin işğaldan azad edilməsi
22 oktyabr 2020 azərbaycan ordusunun cənub dəhlizini azad etməsi
24 oktyabr 2020 abş səfirliyinin vətəndaşlarına terror xəbərdarlığı
25 oktyabr 2020 qubadlının erməni işğalından azad olunması
25 oktyabr 2020 iranın azərbaycanla sərhəddə hərbi texnika yığması
25 oktyabr 2020 estoniyada azərbaycan və türkiyə səfirliklərinin qarşısına donuz başı atılması
26 oktyabr nasa-nın ayda su tapması
27 oktyabr 2020 ermənistanın bərdəyə raket hücumu
28 oktyabr 2020 ermənistanın bərdəyə raket hücumu
29 oktyabr 2020 nice şəhərində terror hadisəsi
30 oktyabr 2020 azərbaycan və ermənistan xin cenevrə görüşü
30 oktyabr 2020 izmirdə baş vermiş zəlzələ
1 noyabr 2020 araik arutunyanın öldürülməsi iddiası
3 noyabr 2020 ABŞ prezident seçkiləri
8 noyabr 2020 livana meteoritin düşməsi
8 noyabr 2020 şuşanın işğaldan azad olunması
9 noyabr 2020 işğaldan azad olunan ərazilər
9 noyabr 2020 rus helikopterinin vurulması
10 noyabr 2020 azərbaycanın ıı qarabağ savaşında qalib gəlməsi
10 noyabr 2020 atəşkəs bəyanatı
12 noyabr 2020 internet məhdudiyyətinin aradan qaldırılması
15 noyabr 2020 kəlbəcərin işğaldan azad edilməsi
25 noyabr diego armando maradona-nın vəfat etməsi
26 noyabr 2020 azərbaycanda plastik paketlərin qadağan olunması
26 noyabr 2020 bdu-dan tələbə qovulması
28 noyabr 2020 fransada etirazçıların mərkəzi bankı yandırması
ekşi sözlükdə 10 noyabr zəfər günü tarixinin dəyişdirilməsi təklifi
1 dekabr çinin 24 yaşlı alimin rəhbərliyi ilə aya 3-cü peykini endirməsi
5 dekabr jaxa-nın ryugu asteroidinə göndərdiyi Hayabusa 2 peykinin yerə qayıtması
10 dekabr 2020 azadlıq meydanında qələbə paradı
12 dekabr 2020 azərbaycanda hərbi vəziyyətin ləğv olunması
12 dekabr 2020 atəşkəsin pozulması
17 dekabr 2020 fhn modul tipli xəstəxanasında qəza
27 dekabr 2020 erməni diversantların qarabağda təxribatlar törətməsi

(bax: 2019-cu ilin ən yadda qalan hadisələri)

edit: şuşanı yazmışam o biri rayonlar yaddan çıxıb. burdan qubadlıya qədər gedən adama təşəkkürlər xatırlatdığı üçün

40 əjdaha! 01.01.2021 00:00, momoko

#315461 şikayət

ən yaxşı filmlər xəritəsi

+39 əjdaha

fransız film kritiki David Honnorat tərəfindən hazırlanan iki xəritədir.
1) (baxma: Best Movies of All Time Map)
250 filmdən ibarət metropoliten xəritəsini xatırladan xəritədi. hər xətt ayrı bir janrı bildirir. bir ucadan başlııyıb izləyə-izləyə gedə bilirsiz.
şəkilə tam ölçüdə baxmaq üçün link link

2) (baxma: the great map of movieland)
ikincisi daha çılğındı. coğrafi xəritəyə bənzəyir. janrlar xəttlər üzrə yox bölgələr üzrə ayrılıb. sea of tears - "ağlamalı" filmlər, western desert - western filmlər və s. 1800-dən çox film var siyahıda. izlə-izlə bitməz.
şəkilə tam ölçüdə baxmaq üçün link link

22 əjdaha! 24.07.2021 17:44, momoko

#332761 şikayət

pakistan

+42 əjdaha

(bax: pox çuxuru)
azərbaycanı dəstəkləyən sayılı ölkələrdən biri olduğuna görə adını eşidən kimi çoxlarının ağzı qulağına çatır. amma pakistan sadəcə pox çuxurudu. pox çuxurundan belə iyrəncdi. ürəyimi bulandırır. hindistanın müsəlman, iranın isə sünni versiyasıdı. bəlkə də ikisindən də daha bərbad vəziyyətdədi.
terrorun yuvalarından biridi. bu özü belə yetərli ola bilər amma ürəyinizi bulandıracaq daha dəhşətli şeylər deyim. pakistan dünyadakı ən böyük dilənçi mafiyalarından birinə sahibdi. hər il minlərlə uşaq bu mafiya tərəfindən oğurlanır və zorla diləndirilir. bəzi uşaqlar "daha yazıq" görünsünlər deyə əlləri kəsilir link

.
bundan da bərbadını deyim. uşağı olmayan cütlüklərin getdikləri türbələr var. adət belədi ki, türbəyə gedəndən sonra uşağın olsa ilk uşağı türbəyə verirsən. türbəyə verilən uşaqların başlarına dəmir alətlər keçirilərək onların başlarının böyüməsi əngəllənir link

. beləliklə dilənmək üçün süni şəkildə əqli cəhətdən zəif uşaqlar yaradırlar. mafia belə inanc yaradıb ki, bu uşaqlara pul verməsəniz sizin də uşaqlarınız xəstə doğulacaq. ona görə hər kəs dilənçilərə pul verir, dilənçilər pul aldıqca da bu biznes böyüyür.
təcavüzlə bağlı hər gün azı 10 şikayət olunur. ancaq bunlardan çox azı araşdırılır və cəzalandırılır. pakistanın qanunları şəriət qanunlarına əsaslandığından və qəbilələr arasında olan münasibətlər önəmli rol oynadığından bir çox fakt göz ardı edilir. ən dəhşəti də odur ki, pakistanda qurbanların 70-80%-i ata, qardaş, baba, əmi kimi yaxın qohumlar tərəfindən təcavüzə məruz qalırlar. təbii ki, bunlar ailə arasında "unudulur gedir". öz qızına, bacısına təcavüz edən insanlardılar bunlar. düşünən də belə adamın mədəsi ağzına gəlir.
pakistanın ən böyük müttəfiqi çindi. israilin fələstinə qarşı siyasətini tənqid edən, israilə qarşı terror qruplarını maliyyələşdirən pakistan məsələ uyğurlar olanda soxur içinə. çünki çin var arada.
pakistanlıların çoxu özlərinə qardaş ölkə kimi çini görür və çoxunun türkiyə sevgisi ərdoğan və diriliş ertuğrul sevgisidi. ərdoğanı next xəlifə, ərtuğrulu da dünyanın ən yaxşı serialı sanırlar. azərbaycan haqqında bilgiləri də belə görürəm facebookdan oxuduqları qədərdi.

34 əjdaha! 04.08.2021 23:37, momoko

#333498 şikayət

praktik məsləhətlər

+43 əjdaha

email isitfadəsi ilə bağlı məsləhətlər.
yazacaqlarım sirli, gizli məlumatlar deyil. amma faydalı olduğunu düşünürəm.
1. fərqli məqsədlər üçün fərqli email işlədin. şəxsi emailiniz ilə iş, universitet emailiniz ayrı olsun. netflix, steam filan kimi şeylər şəxsidə olsun həmişə. istifadə edib-etməyəcəyinizdən əmin olmadığınız saytlar üçün fake email servislərindən istifadə edin. (baxma: 10minutemail). artıq istifadə etmədiyiniz saytlardan maillər alırsınızsa mailə girib "unsubscribe" edin.
2. iş, uni emailiniz ciddi olsun. z.farid666mail.com kimi şeylər işlətməyin. adsoyadmail.com kimisi yaxşıdı.
3. imza (signature) işlədin. belə olanda hər dəfə "hörmətlə, filankəs" zad yazmağa məcbur olmursuz. imzanın altına linkedin adresinizi filan yapışdıra bilərsiniz. mən köhnə iş yerimdə düzəltmişdim. hər kəsin emaili belə görünürdü. (ikonlara klikləyəndə şirkətin sosial profilləri açılırdı)

amma çox "abartmayın" bu hissəni. çünki email servisi sizi spam kimi qəbul edə bilər
4. işiniz bitən emailləri arxivləyin. inboksda ancaq yarım saxladığınız işlərlə bağlı, cavablamalı olduğunuz emaillər qalsın. çalışın email silməyin. ancaq işdən çıxandan sonra filan silin. onsuz da mail servisləri xeyli yer verir sizə. atın qalsın arxivdə.
5. ofisin içində bir-birinizə fayl göndərmək üçün emaildən istifadə eləməyin. emailin yaddaşı çoxdu deyə də doldurmayın içini -* bundan daha sürətli üsullar var.
(bax: google drive) (baxma: snapdrop.net)
6. arxivlər üçün label-lardan istifadə edin. "müştərilər", "satıcılar", "bank", "xarici müştəri" və s. kimi. emailləri kateqoriyalara ayırsanız sonradan axtarıb tapmaq istəyəndə rahat olar.
7. çoxlu fayl göndərəndə zip-ə çevirib göndərmək kimi bir imkanınız olduğunu unutmayın. həm ölçü kiçilir, həm də hər iki tərəf üçün yükləmək rahat olur.
8. əvvəl emaili yazın, ən sonda göndərəcəyiniz şəxsin email adresini yazın. belə olan halda səhvən mail göndərmək şansınız xeyli azalır.
9. normal başlıq yazın. başlıqsız mail göndərməyin. həmin an çox məna ifadə eləməsə də sonradan qayıdıb axtaranda faydası olur.
10. email istifadəsinə öyrəşin. emailiniz həmişə telefonda, pc-də açıq olsun. kimsə email göndərib yarım saat sonra zəng vurmasın ki, sizə mail göndərmişik, baxın ona.
11. ok, twk kimi yazışma eləməyin. azərbaycan hərfləri ilə, düzgün və qısa cümlələr şəklində yazın.
12. mail yazmaq istəyəndə hansısa köhnə maili açıb ona "reply" eləməyin.
13. çox şəxsi şeylər paylaşmayın. mail servislərinin də təhlükəsizliyi mükəmməl deyil + servislər göndərdiyiniz mesajları oxuyur.
14. özünüzü təqdim edin, hansı şirkəti təmsil etdiyiniz yazın. emaildə və imza hissəsində adınız var deyə o demək deyil sizi avtomatik tanıyacaqlar.

27 əjdaha! 27.02.2021 21:12, momoko

#320968 şikayət

əsgərlik xatirələri

+39 əjdaha

ad günüm bazar gününə düşdüyünə görə şəhərə buraxlış vermişdilər. normalda pulla filan çıxırdı hamı. mən normal yollarla çıxmışdım. sabahı gün əsgər yoldaşım sənanla tibb məntəqəsinin qabağında dolaşırdıq. aramızda belə dialoq keçdi:
sənan: necədi çöl, adam gedəndə qayıtmaq istəmir hə?
mən: nə bilim. hə.
- nə fikirləşirsən, çıxa biləcəyik burdan?
- (gülərək) o nə deməkdi? əlbəttə gedəciyik, həbsdə zadda deyilik ki? 4 ayımız gedib 8-i qalıb.
- nə bilime. mənə elə gəlir ki, çıxıb gedə bilməyəcəm burdan. burda qalacam əbədi.
- blə belə danışma. göz yumub açacaqsan ki, vaxt bitib. gedirik artıq.

bu söhbətin üstündən sadəcə bir neçə gün keçdi. 17 oktyabr axşamı sənanın halı pisləşdi. qızdırma, halsızlıq, baş ağrısı tutdu. göndərdilər tibb məntəqəsinə. 18-i qızdırması düşmür deyə hospitala yönləndirdilər. hospitala gedəndə tibb məntəqəsində olan bir əsgər yoldaşımızla zarafatlaşıblar. bir-birinin yatağını dağıdıblar. sənan deyib ki, bu dəfə sən yığışdır qayıdanda mən yığışdıraram. bu sənanın bizə dediyi son şey oldu. 19 oktyabr 2018-ci il, gecə saat 02:30-da "yayılmış vaskulit" diaqnozu ilə vəfat elədi.
gecə saat 05:00-da xidmətə getmək üçün bizi oyatdılar. kazarmaya baxanda nəyinsə yerində olmadığını anlamışdım. içəri zabit-gizir qaynıyırdı. taqım komandirimiz bizi düzdü və dedi ki, sənan ölüb. "rəhmətə gedib", "vəfat edib" yox birbaşa "ölüb". bunu deyəndə bir qulağımda taqım komandirimin "sənan ölüb" sözləri, o biri qulağımda da sənanın "mənə elə gəlir ki, çıxıb gedə bilməyəcəm burdan. burda qalacam əbədi." sözləri səsləndi. gecə 5-də ağlamağa başlyan mən bir də axşam xidmətdən sonra dayanmışdım. normalda siqaret həvəskarı olmadığım halda həmin gecə 4 ya 5 siqaret çəkmişdim. elə ömrümdə ilk siqaretdi də sənanla çəkmişdim.
demişdilər ki, anası hospitala gəlib bölük komandirinin üstünə qışqırıb ki, balama neynəmisiz? nə bilim əşi. çəkiləsi dərd deyil. theoden demiş heç bir valideyn övladını dəfn eləməməlidi.

29 əjdaha! 16.08.2021 22:58, momoko

#334311 şikayət

enerji içkiləri

+39 əjdaha

azərbaycanda səhər yuxudan oyanan kimi, günorta dönər yanında içilən içkilərdir. halbu ki, enerji içkiləri axşam saat 6 və 10 aralığında, insanın işdən ayrıldığı və enerjiyə ehtyiacı olduğu vaxtlarda içilməlidi. tərkiblərində 1000-2000 milliqram taurin olur. insanın günlük maksimum 3000 milliqram taurin istifadə etməsi məsləhət görülür. ümumilikdə isə həftədə ən çox iki dəfə içməyiniz məsləhətdir.

azərbaycana gəlmiş ilk enerji içkisi redbull-dur. redbull gələndə baha satılmağa başlandı və onda elit içki imici yarandı. buna marketinqdə bazarın qaymağını yığmaq deyilir. az satılır ancaq baha satılır. redbull almaq önəmli bir şey idi sanki. qaqana ordan bi dənə redbull ver görüm kimi şeylər olurdu. sonra royce gəldi. lakin düzgün marketinq fəaliyyəti olmadığından tutmadı. ardından isə hell gəldi. hell azərbaycanda iki önəmli fəaliyyət həyata keçirdi:
1. logistika: azərbaycanda hər yerdə hell tapmaq mümkündü demək olar. digər marakaların hamısı üçün keçərli deyil.
2. dempinq: hell qiymətləri aşağı çəkdi. buna bazarın dibinə enmək də deyilir. ucuz satırsınız ancaq çox satırsınız. belə olduqda enerji içkiləri elit olmaqdan çıxdı. dönər yanında içilən bir şey oldu.
ucuz olmasına görə bəzi insanlarda hellin redbulldan keyfiyyətsiz olduğu barədə fikirlər filan yarandı. sonradan isə öyrəşməyə başladılar. bu vaxtlarda redbull yanlış qərar verərək qiymətləri biraz aşağı saldı. bu da onun elit içki imicinə az da olsa xələl yetirdi. hazırda elit qaqaşlara görə redbull viskiyə qatılaraq içilən səviyyə içkidir.
indilərdə taurinsiz buffalo içkisi çıxıb, hər yerdə satıldığı deyilir amma mən heç yerdə görə bilmirəm. bir də 9mm var. konsertlərə filan sponsor olub özlərini tutmaq istiyillər amma biraz çətin.

36 əjdaha! 07.04.2017 16:45, momoko

#250369 şikayət

graviton

+31 əjdaha

heç kim haqqında entry yazmayacam deyirəm amma olmur.
vaxtı ilə trolluq eliyib, camaatı şeyinə doladığı üçün moderatorluqdan uzaqlaşdırılmış, "kiminlə" isə yaxınlığı var deyə nikaltısına yazılan entry-ləri sildirən 3-cü nəsil yazar. hər dəfə "bir yeri" dara düşəndə nikaltısını sildirib, özü yazdığı entryləri də silib çıxıb gedib. 2-3 ay sonra heç nə olmamış kimi geri qayıdıb. qayıdan kimi də sildiyi entry-ləri postlarda filan paylaşmaqla "baxın bunları kefim duranda silmişdim, amma mənimdi. biləsüz yəni" deməklə məşğuldu.
nikaltısını dəfələrlə sildirdiyi üçün yeni nəsil yazarlar haqqında yazılan heçnəyi oxuya bilmir. arada bir "keçmişdə bugün ən çox bəyənilənlər" funksiyası ilə nikaltından sildirdiyi entry-ləri tapa bilərsiz. görərsiz ki, bu adam ətrafında həmişə eyni söhbətlər dönüb. həmişə camaatı şeyinə sarımaqla, onu-bunu sözlükdən soyutmaqla məşğuldu. sonuncu nəsil yazarlar sincaba elədiklərini xatırlayıb ondan nümunə götürə bilərlər.
burdan bəyimizi kor-koranə dəstəkləyən, sözlükdən gedən kimi "ağlaşma" quran yazarlara soruşmaq istərdim ki, gravtion bəy hansınızdan artıqdı ki, nikaltısını sildirə bilir?
əgər graviton bu qədər düzgün insandısa niyə nikaltısında 4-5 entry var? bu qədər hünərli insandısa niyə tənqid olunan kimi quyruğunu qısıb qaçır? ümumiyyətlə niyə graviton kimi istəsə tənqid edə bilir amma siz gravitonu tənqid edəndə "siz bir pox da bilmirsiz" tərzində cavab alırsız? (nümunələr çoxdu, çoxusunu da silib)
mən haqqımda yazılan heç bir entry-ni sildirməmişəm. haqqımda belə entry-lər yazılıb: #175446 (bundan pisi var. yazar özü silib) girib nikaltımdan oxuya bilərsiz.
indi gələr buna da link atar, psixoanaliz zad basar. yenə "siz pox qanmırsız Haha" tərzində cavab verər.

edit: mənə mesaj yazaraq trolluq eləmədiyini. hadisələrin açıqlandığını iddia edir. mən belə entry oxumamışam. nikaltısına yazılanları da sildirdiyi üçün bunları təsbit edə bilmərəm. amma moderatorluqdan trolluq səbəbi ilə uzaqlaşdırılması barədə ubermensch tərəfindən yazılan entry-ni oxumuşum. entry-mi də ona uyğun yazmışam.

20 əjdaha! 28.07.2021 21:59, momoko

#333118 şikayət

xoşladığın qızdan bir anda soyudan şeylər

+35 əjdaha

universitetin 4-cü kursunda oxuyanda iki qız, iki oğlan qrup yoldaş, qızlardan birinin atasının işlədiyi şirkətdə praktikaya gedirdik. mən də bu qız üçün ölürəm. onsuzda qızla vaxt keçirməyə şans axatarıram. bu praktika da göydəndüşmə olub.
iki oğlan hər gün metro ilə gəlib, şirkətə hər kəsin daxil olduğu girişdən daxil oluruq. girəndə və çıxanda mühafizəçilər hər kəs kimi bizim də üst-başımızı, çantalarımızı yoxlayırlar. qızlar isə qızın atasının maşını ilə gəlib-gedirlər deyə onları yoxlayan yoxdu. (qızın atası da şirkətdə önəmli vəzifədədi). nəysə. bir gün elə oldu ki, bu kişi işdən tez çıxmalı oldu. biz də 4 nəfər əsas girişdən çıxıb gedəsi olduq (ilk dəfədi belə olur). üçümüz girişdən keçdik, üstümüzü yoxladılar. növbə bu qıza çatanda qız çantasını vermək istəmədi və dedi ki, mən filankəs müəllimin qızıyam. mühafizəçi xanım bir an dondu, bizə və o biri mühafizəçilərə baxdı. sonra yavaşca qızın çantasını alıb yoxlamağa başladı. "kimin qızı olmağınızın fərqi yoxdu, bizə tapşırılan işi görürük" dedi. qız gülərək çantasını aldı və çıxdı. yola davam elədik. amma mənim tüklərim biz-biz olmuşdu. çox ortaq cəhətimizin olduğunu düşündüyüm, intellektual və sadəlöv saydığım qız bir anda "mənim atam biisəəən kimdi?" kimi söhbət eləmişdi. daha da cringe olanı qız yol boyu heç nə olmamış kimi davranmışdı. sanki elədiyi şey normal idi. yaxşı tanıdığını düşündüyün, xoşuna gələn insanın belə bir anına şahid olmaq çox qəribə hissdi.

31 əjdaha! 03.04.2021 12:04, momoko

#323465 şikayət

öyrənildiyində nə qədər cahil olduğunu göstərən sadə məlumatlar

+34 əjdaha

voleybolda topa əllə vurma məcburiyyəti yoxdu. topa bədənin istənilən nahiyəsi ilə, hətta ayaqla belə vurmaq olar. sadəcə oyun elə qurulub ki, ən effektiv üsul əllə vurmaqdı.

29 əjdaha! 01.09.2021 10:41, momoko

#335295 şikayət

ən nifrət edilən insan tipi

+31 əjdaha

teatr, kinoteatr mədəniyyəti olmayan insanlar. kinoteatrda evində imiş kimi rahat davarananlar.
suyu, popkornu əvvəldən alıb zala vaxtında gəlmək bu qədər çətin olmamalıdı. otuz dəfə qalxıb oturacaqlar. işıqlar sönəndən sonra girəcəklər içəri telefonun işığını gözünə sala-sala yer axtaracaqlar. oturanda telefonu səssizə almayacaqlar, bunların bildiriş, zəng səsindən danışılanı anlamayacaqsan. kino boyunca da danışıb proqnoz verəcəklər. dünən qızın biri, filmin sonunda poxu-poxa qatacağı bəlli olan obrazı göstərib deyir ki, mən bu oğlanı tuturam. elə əsəb gəldi ki, istədim deyim o qaqaş öləcək axırda. onu anlamırsansa da nə deyim sənə.

keçən dəfə dune filmində iki qız sikdilər ömrümü. zendayanı görən kimi əllərini filan qaldırırlar, timote və zendaya öpüşəcək kimi olur, bunlar "avvvvv" filan səslər çıxardıllar. o boyda kino, effektlər, musiqi. bu xiyarlar zendaya ilə qaqaşın öpüşməyinə həyəcanlanırlar. biri malın öndə gedənidi, heç nə anlamır. o biri də kitabı oxuyub ya nədisə hər şeyi yanındakına izah edir. ala soxun içinzə qutarandan sonra hər şeyi izah edərsiz də. gərək elə kino içində danışasız bunu.

29 əjdaha! 05.12.2021 18:04, momoko

#341040 şikayət

gənclər və idman nazirliyi

+32 əjdaha

bu gün yeni loqosunu təqdim edən nazirlik.

loqonu ramil cabbarov seçib. ramil cabbarov kimdi? əvvəl iqtisad universitetinin prorektoru idi. indi gənclər və idman nazirliyində işləyir. tam olaraq şöbə nədi bilmirəm amma marketinqlə əlaqəlidi. yeni nazir fərid qayıbovla da nəsə yaxınlıqları var. nazir dəyişən kimi universiteti tərk edib getdi ora. loqo müsabiqəsini o elan eləmişdi.

mənə universitetdə marketinq dərsi keçəndə də üstünə basa-basa loqoların minimalist olmalı olduğunu deyirdi. loqoların nəsə məna ifadə eləməsi dövrü çoxdan keçibmiş dediyinə görə. bir neçə nəfər bu fikrə görə müəllimlə yüngülvari mübahisə etmişdik. bizim yekun fikrimiz bu idi ki, minimalizm məcburiyyət deyil bir axımdı. gəlib keçə bilər. müəllimsə dirəmişdi ki, loqolar minimalist olmalıdı vəssalam. nəticəsi göz qabağındadı. 100-ə yaxın loqo arasından bu seçilib. (bu arada nazirliyin əvvəlki loqosu da düzəməlli deyildi.)
ramil müəllimin minimalizm deyəndə nəzərdə tutuduğu dümdüz, heçnə ifadə etməyən, rəngin üstünə yazılmış textdi. yəni ifrat minimalizm. (ramil müəllim çox yaxşı və savadlı müəllimdi o ayrı məsələ)

minimalizm heç nə ifadə etməmək deyil. nəyin, nə qədərin yetərli olduğunu anlamaqdı. (#333186, #344695)
müqayisə üçün fransa hərbi donanmasının minimalist loqosu: fransa bayrağının rəngləri, nəhəng gəmi və dənizin dalğaları. nəhəng gəmi özü də qüdrətli ordunu təmsil edir. dizayner olmayan mən belə bu üç rəngli loqonu rahat anlaya bilirəmsə deməli uğurlu minimalizmdi. (baxma: i'm Gonna Be Honest, i'm Kind of Retarded)

29 əjdaha! 18.03.2022 20:35, momoko

#347608 şikayət

ayaqqabı ipi paradoksu

+26 əjdaha

ingiliscəsi bootstrap paradox olan paradoksur. bu paradoks da baba paradoksu kimi zamanda səyahətin mümkün olmayacağı iddiasını irəli sürən paradoksur. paradoksun ayaqqabı ipi adlanması isə ayyaqqabı ipinizdən tutaraq özünüzü havaya qaldıra bilməyəcənizə əsaslanır. mövzu isə belədir:

bir qadın 40-cı doğum günü üçün zaman maşını kəşf etməyi arzulayır. bu zaman gələcəkdən onun 60 yaşlı halı gəlir və bildirir ki, o gələcəkdə zaman maşını hazırlayıb. yaşlı qadın zaman maşının eskizlərini cavan qadına verir. cavan qadın illərlə işləyərək nəhayət 60 yaşında zaman maşınını tamamlayır və keçmişə 40-cı ad gününə qayıdaraq zaman maşının eskizlərini özünə hədiyyə edir. beləliklə zaman maşının kim tərəfindən kəşf olunduğu naməlum olduğu üçün paradoks yaranır.

ayaqqabı ipindən tutub özümüzü qaldıra bilməyəcimiz kimi burda da zaman maşının kim tərəfindən kəşf olunduğunu anlaya bilmərik.
(bax: paradoks)

25 əjdaha! 07.04.2015 20:01, momoko

#156868 şikayət

moderasiyadan sözlüyə bəyanlar

+24 əjdaha

sözlük qaydalarından biri də azərbaycan şriftləri ilə, düzgün formada yazmaqdı. sözlük idarə heyətindən heç kim cəfər xəndan olmadığından sizdən mükəmməl yazı tələb edə bilmərik. * bunu indidən yazıram ki, entry-də 30 dənə səhv tutub üstümə gəlməyin asfdasd ancaq bəzi sadə qaydalar var ki, onlara əməl etməyiniz həm asan həm də vacibdi. məsələn: azərbaycan şriftləri ilə yazmaq, nöqtə-vergüldən düzgün istifadə etmək və onlardan sonra boşluq buraxmaq, "da", "də" ədat və bağlayıcılarını ayrı yazmaq, "ağıllı bax", "bax" və "gbax" funksiyalarından düzgün istifadə etmək və s. qeyd olunan qaydalara əməl etmək sadəcə biz belə istəyirik deyə deyil. bu qaydalar yazdığınız entry-lərin rahat oxunması üçün önəmlidi.
sözlük çox məsələdə rahatdı. istədiyimiz mövzuda istədiyimiz formada yazmaq üçün şərait yaradılıb. ancaq qaydalar "flex"di deyə də suyunu çıxartmaq lazım deyil. qaydalara əməl etməyən yazarlara xəbərdarlıq olunur. səhv yazılan entry-lər birbaşa silinmək əvəzinə onlara düzəliş olunur. ancaq bir neçə dəfə xəbərdarlıq edilən, düzəlişlərə məhəl qoymayan yazarlara artıq tolerans göstərilmir. entry-lər birbaşa silnir. davam etdiyi təqdirdə yazar umbay edilir. shukrav nikli yazar bu səbəbdən umbay edilib.

yuxarıda yazdıqlarım da daxil olmaqla sözlükdə yazarların ən çox yol verdiyi yanlışlar:
1) sözlüyə daxil ola biləcəyiniz bütün platformalarda azərbaycan şriftlərini dəstəkləyən klaviaturalar mövcud olduğundan şriftlər barədə heç kimin problemi olmamalıdı. (soyuducudan daxil olsanız belə: #313045). yazdığınız entry nə qədər maraqlı və ciddi olur olsun azərbaycan şriftlərindən istifadə etməməyiniz keyfiyyəti aşağı salır.
nümunə entry: #332153

2) nöqtə və vergülün istifadə yerləri, onlardan sonra boşluq buraxmaq barədə orta məktəbdə öyrənirik. "dağdərəgöl" yazmağınızla "dağ,dərə,göl" yazmağınız arasında elə böyük fərq yoxdu. ikisi də bərbad görünür. həmçinin "dağ ,dərə ,göl" kimi də yazılış yoxdu.
nöqtə və vergüldən sonra boşluq buraxmadığınız zaman sayt yazdığınız mətni "justified" kimi qəbul edir. sözlər arasında əlavə boşluqlar yaranır. bu da oxuyanların gözlərindən qan gəlməsinə səbəb olur.
boşluqlardan düzgün istifadə edilməmiş nümunə entry: #129999
(bax: nöqtədən sonra boşluq qoymaq)

3) "1.ci", "1.", "1ci", "youtube'da" kimi yazılışlar yoxdu. "1-ci" və ya "birinci" yazılır. ""youtube"da" yaxud "yutubda" yazılır.

4) "da", "də" ədat və bağlayıcılarını ayrı yazmaq barədə: #326502, #219566

5) sözlükdə smaylik, emoji istifadə etmək olmaz.

6) "flooding"ə yol vermək olmaz. bir başlığa ard-arda 2-3 entry yazmağa ehtiyac yoxdu. nəsə əlavə eləmək istəyirsinizə əvvəlki entry-yə düzəliş edə bilərisniz. (istisna hallar təbii ki, mövcuddur). bu sadəcə sol çərçivəni kirlədir. kənardan baxanda başlığa çoxlu entry yazıılmış kimi görünür. amma daxil olanda görürsən ki, hamısı eyni yazar tərəfindən yazılıb.
nümunə:
başlıq: donald trump
saat 16:54. başıxarab siyasətçi. neçə ildə elədiyi bir şey yoxdu...
saat 17:00. həmçinin paris iqlim sazişindən çəkilmək kimi axmaq bir qərar vermişdir.
saat: 17:03 yuxarıda yazılanları təsdiqləyən link

7) mənasız, çoxu "bax"lardan ibarət, qısa entrylər yazan profillər zibil profil sayılır.

8) sadəcə bir sözdən, söz birləşməsindən və "gbax"dan ibarət entry yazmaq olmaz. (istisna hallar ola bilər) "bax"lar cümlə içində istifadə olunmur. onlar ən sonda, bəzən də entry daxilində entry ilə əlaqəli mövzulara keçid üçün verilir. entry içində olan şeyə yenidən entry sonunda "bax" verməyə ehtiyac yoxdu. bu sadəcə mətni kirlədir.
yanlış nümunə entry: #332075. burda tək düzgün "bax" "azərbaycan şairləri"di.
bir neçə "bax" olarsa onlar alt-alta, siyahı şəklində yazılır. nümunə: #36142
(bax: bax və gbaxlardan istifadə qaydaları)

9) əgər nəsə səhv eləmisinizsə (xüsusən də link və şəkil paylaşdığınız zaman) panikaya qapılıb entry-ni silməyin. səhv elədiyinizə görə kimsə sizə gülmür. onlayn olan mod və yazarlardan kömək istəyə bilərsiniz. ya da sadəcə olduğu kimi qoyun. modlar düzəldərlər.

10) moderatorlardan nəsə soruşmaq, xahiş eləmək, nəsə tələb eləmək hər kəsin təbii haqqıdı. ancaq bənzər şəkildə də moderatorların sizin tələbinizi, xahişinizi yerinə yetirməməmək kimi seçimi var. tələb elədiyiniz şeylərin əsası olmalıdı. sadəcə sizə özəl bir şeydirsə, digər yazarlarla ayrı-seçkilik olmasın deyə edilməyə bilər.
nümunə: filan entry-ni, filan başlığı silin, mənim nikaltımı bağlayın və s. dediyim kimi tələb edə bilərsiniz amma əsası olmalıdı.

sizə faydalı ola biləcək bəzi başlıqlar:
(bax: sözlük təlimatı)
(bax: başlıq açarkən diqqət ediləcək məqamlar)
(bax: sözlükdə link paylaşmaq)
(bax: sözlükdə şəkil paylaşmaq)
(bax: sözlükdə youtube-dan video paylaşmaq)

20 əjdaha! 17.07.2021 13:26, momoko

#332294 şikayət

ən yaxşı doğum günü hədiyyəsi

+24 əjdaha

bir az uzun bir şeydi amma nəticəsi əladı.
deməli uşağınız doğulanda onun adına email açırsız. tez-tez şəkillər çəkib bu emailə göndərirsiz. amma elə olmalıdı ki, bu şəkillər telefonunuzda zadda qalmasın, başda uşaq olmaqla heç kim görməsin. xüsusi olaraq yalnız həmin emaildə olsun. uşaq 18 yaşına çatanda email və şifrəni ona verirsiz və hazırdı. 18 ildə çəkilmiş, heç vaxt ortaya çıxmamış yüzlərlə bəlkə də minlərlə dəyərli şəkil.
o vaxta qədər unutmasam etməyi planlaşdırıdığım bir şeydi.

20 əjdaha! 11.05.2015 15:23, momoko

#162807 şikayət

ikinci qarabağ müharibəsi

+23 əjdaha

dünyanın qozuna da deyilik. sizin də dünya qozunuza olmasın
bir-iki saat bundan əvvəl redditdə belə bir şərh oxudum: müharibə bitəndən sonra heç kim azərbaycanı ya da ermənistanı xatırlamayacaq.
hazırda müharibə gedir deyə hər yerdə videolar, xəbərlər var. adama elə gəlir ki, bütün dünya bu xəbərləri oxuyub canla-başla ermənistanı dəstəkləyir. amma belə deyil.
(ümumiyyətlə facebook kimi yerlərdə paylaşılan xəbərləri çox az sayda insan açıb oxuyur. şərhləri filan oxuyanda başa düşürsünüz bunları.)
90-cı illərdə the new york times, the guardian, the independent, the sunday times kimi qəzetlər xocalı soyqırımını ön səhiflərində yazmışdılar. (şəkillər aşağıda) yazılı və görüntülü sübutlar olmasına baxmayaraq ermənilər hələ də xocalı soyqırımını təkzib eləməyə davam edirlər. 90-cı illərdə bu xəbərləri oxuyanlar çoxdan unudublar. xəbərləri yazanlar da bəlkə indi ermənistanın xeyrinə olan şeylər yazıllar.
bbc, guardian kimi saytlar nə qədər azərbaycan əleyhinə şeylər yazır yazsın heç nə olan deyil. son nəticədə qərb ölkələri ticarəti bizimlə apardıqları üçün unudacaqlar bunları. biraz uyğunsuz nümunə olacaq bəlkə də amma qərb ölkələri almaniya ilə münasibətləri pozmamaq üçün holocaust-a göz yummuşdular. hadisələr özlərinə sıçrayana qədər də belə davam etmişdi. hazırda da biraz atılıb düşürlər. müharibədən sonra neftin iyinə gələcəklər.
qərb ölkələrinin müharibəyə bu qədər burun soxmasının tək səbəbi türkiyədi. yəni yenə biz və ermənilər qozlarına deyilik. sadəcə türkiyənin harasa barmaq eləməsini istəmirlər. bir-iki aya yenə bizi və erməniləri unudacaqlar. amma yəqin ki, türkiyə əleyhinə yazmağa davam edəcəklər.
sözlüyə nə vaxt girsəm ekşidə azərbaycan əleyhinə propaqanda aparılıdığını oxuyuram. halbuki ekşiyə girəndə həmin başlıqlarda azərbaycan əleyhinə bir-iki entry görürəm. qalan hamısı erməniləri söyməklə, ekşidə necə erməni-kürd lobbisinin formalaşmasından filan danışırlar. hər halda mən çatana qədə silinmir həmin propaqanda entryləri. sözümün canı odur ki, bbc, ekşi, reddit filan belə şeyləri çox qozlamayın. hamısı unudulub gedəcək. çox adamın bu müharibə barədə xatırlayacağı şey dron videoları olacaq vəssalam.

ny times-ın xocalı barədə arxivləşdirdiyi xəbər link

(mənbə

)

(mənbə

)

(mənbə

)

22 əjdaha! 03.11.2020 22:54, momoko

#309172 şikayət

praktik məsləhətlər

+22 əjdaha

deməli bəzi saytlar yayımladıqları məqalələri tam oxumağa icazə vermirlər. məqalənin 1/3-nə filan çatanda ekrana bildiriş çıxır və sizdən qeydiyyat tələb edir. sadəcə bir xəbər üçün qeydiyyatdan keçmək biraz mənasızdı. davamlı istifadə edəcəyiniz saytdısa da bu qeydiyyat çox işə yaramır. çünki qeydiyyatdan keçsəniz belə sizə pulsuz limitli sayda xəbər oxumağa icazə verirlər. (məs: ayda 5 ədəd)
bunun əvəzinə xəbəri kompüterdə açırsız. (test üçün xəbər link

). ctrl+s edib səhifəni yaddaşa verirsiz. interneti söndürüsüz. yaddaşa verdiyiniz faylı açırsız. xəbərdəki şəkillər, videolar açılmasa da xəbər mətni tam açılır. rahatlıqla oxuya bilirsiz.

düzəliş: bundan başqa xəbəri archive.org, archive.is kimi saytlarda arxivləşdirib sonra ordan oxuya bilərsiniz. belə olduğu halda şəkillər də açılacaq. yuxarıda paylaşdığım xəbərin arxiv versiyası link

15 əjdaha! 09.07.2021 23:46, momoko

#331770 şikayət

porno izləməyi dayandırmaq

+31 əjdaha

silinmiş entry.

28 əjdaha! 07.05.2015 01:00, sistem robotu

#161673 şikayət

archive.org

+21 əjdaha

sözlük yazarlarına məsləhət görərdim ki, paylaşacaqları linkləri əvvəlcə archive.org-da arxivləyib elə paylaşsınlar. köhnə entry-lərə baxıram. bir çox entry-də paylaşılan xəbərlər ya sayt tərəfindən silinib, ya da sayt özü bağlanıb. oxumaq olmur. archive.org vasitəsilə bunun qarşısını almaq olar.

bilməyənlər üçün izah edim.
bu linkə link

daxil olub arxivləşdirmək istədiyiniz saytın linkini yapıştırın. sizə yeni linki təqdim edəcək.
daha qısa yol olaraq firefox link

və ya chrome link

uzantılarını yükləyib bir kliklə linkləri arxivəyə bilərsiniz.

16 əjdaha! 11.06.2020 20:43, momoko

#297187 şikayət

sumuer

+24 əjdaha

qızdı bu? peraşki ilə duşes içərkən lana del rey zad oxudum, keçinirdim az qalsın. anam belimdən vurdu ki, hamısı sənin, hamısı sənin. * dssdgsgSDGdgS

düzəliş: egonu siksinlər link

24 əjdaha! 23.11.2015 00:59, momoko

#188307 şikayət

universitet qrup uşaqlarının whatsapp qrupu

+27 əjdaha

qrup uşaqlarından birinin səhvən yarıçılpaq qız şəklini atması ilə çox fərqli hadisələrin baş verdiyi məkan
şəkildən sonra
ismayıl: jdkskdlkg
--leyla qrupu tərk etdi--
--arzu qrupu tərk etdi--
həmid sizi bu qrupdan çıxartdı.

26 əjdaha! 16.03.2016 22:34, momoko

#204016 şikayət

qəribə təsadüflər

+19 əjdaha

aşağıdakı entrylərin ancaq timidus və rumpeltelskin tərəfindən yazılması.
#1018, #2018, #3018, #4018, #5018, #6018, #7018, #8018.
bir də #1234 və #12345 var
(baxma: illümemati)

16 əjdaha! 22.07.2021 15:01, momoko

#332576 şikayət

nişanlısına evlənmə təklifi edən insan

+18 əjdaha

"ayol bizim neyimiz eksik" kafası ilə yaşanlıan saxta romantizim nümunəsi. instagramda "sevgilim var" demək üçün bəhanə. bu gün gördüm, sinif yoldaşım nişanlısına evlənmə təklifi edib. niyə? siz onsuz da nişanlı deyilsiz? yəni bunun nəticəsi onsuz da evlilik deyil? mən qızın yerində olsam gülmək tutardı məni. amma qız da oğlanla eyni kafada olduğu, türk seriallarından xəyalını qurduğu evlənmə təklfini aldığı üçün o da şəkil paylaşıb qaqaşı filan tag edib. cem yılmazın "siz onu sıçmıyor mu biliyordunuz?" söhbətinə oxşayır lap.

15 əjdaha! 19.09.2020 19:28, momoko

#304839 şikayət

sözlükdə erməni olması ehtimalı

+21 əjdaha

Sözlüyə Azərbaycanlılar zorla gəlir mk qalmışdı ermənilər.

20 əjdaha! 13.07.2020 13:50, momoko

#300027 şikayət

əsa teatrı

+21 əjdaha

Bu gün rus dram teatrında of mice and men (siçanlar və adamlar) povestini səhnələşdirmişdilər. aralarında daun sindromu olan, Qarabağ müharibəsi veteranı, gözdən əlil aktyorlar var. hamısı rollarının öhdəsindən çox yaxşı gəldilər, Bol-bol güldürdülər. Sonda dəqiqələrcə alqışlandılar. Getməmiş olanlara məsləhət görərdim ki, səhifələrini izləsinlər növbəti dəfələrdə getsinlər. Mən Axırıncı dəfə illər əvvəl getmişdim teatra. Dərman kimi gəldi. Bütün ayın stresini atmış kimi hiss elədim.

21 əjdaha! 20.04.2022 22:25, momoko

#348918 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

momoko

son bəyənilənlər:

oxuyucuların bəyəndikləri: