Derek hər şeyi düz yazıb, troll şəxslərə qarşı ən ideal variant onları ignore etməkdir. O vaxtı gecənin bir yarısı hövsan taksisini gözləyəndə oturub uzun-uzun söhbət etmişdik. orda da bu tip bir sıra mövzulara yaxşı yanaşma etmişdi, indi də həyatımda tətbiq edirəm. Amma sosial mühitdə söyüşü normal qəbul etmək ən absurd şeydir. Neçə ildir sözlükdə açılır bu tema və biri çıxıb demir ki, a bala niyə heç nə olmamış kimi davam etməliyəm? Söyülən insana "boş ver" məntiqi ilə yanaşmaq yerinə, söyən, ağzına gələni danışan adamı qınasaq, onu diskriminasiya etsək, söyülən adama söyüşləri qəbul etdirməyə çabaladığımız qədər o söyüşü söyənin üstünə düşsək, bu problemlər olmaz. Söyülən adama bunu tınlamamasını demək hansısa tində dayanıb sənin bacın keçəndə söz atan qaqaşın payın (hüquqi və ya qeyri-hüquqi) vermək yerinə gəlib bacıva "ordan keçmə, bu biri yolla get" deməyə bənzəyir. Və bu məntiqlə heç bir məsələni yoluna qoymaq olmayacaq. O söyüşü söyən bundan daha da cəsarətlənib başqasına söyəcək, yuxarıdakı misaldakı qaqaş sənin yox, növbəti dəfə başqasının bacısına sataşacaq və s və ilaxır heç nə də yoluna qoyulmayacaq. Bunları etmək yerinə, gəlin kiminsə haqqında ağzına gələni danışanı, söyüş söyəni qınayaq, ona heç bir səbəb yoxkən durduq yerdə etdiyi bu hərəkətinin səhv olduğunu yeritməyə çalışaq. Ətağa, onda hər şey daha yaxşı olacaq.
mesaj @100754 6 ♥
19:41
mesaj @100754 6 ♥
19:41
