8. gecənin 3-də nəhayət ki, bitirə bildiyim serial. açıqcası, emmy mükafatına layiq görülən haluk bilginer bundan da artığına layiqdir,yenə də adına qürur duyulası adamdır. mümkün qədər qısa spoileri də vermək istəyirəm:

--spoiler--

serial 12 bölümlük olsa da, deyərdim ki, ilk 2-3 bölümü bir az sıxıcı gedir, amma qətiyyən həvəs ölməməlidir buna görə. hadisələrin qızışdığı yer isə ufuk-un özünü asmasından sonra başlayır (mənə görə təbii ki). bütün düyün sonda açılsa da, əvvəlcədən deməkdə fayda var, hadisə kambura adlı yerdə yaşayan 14 yaşlı reyhanın təcavüzlərə məruz qalması və bunun nəticəsində intihar etməsi fonunda baş verir. sabiq məhkəmə məmuru olan agah beyoğlu alzehimer başlanğıcında olduğunu öyrənər və yaddaşı silinmədən reyhanın intiharı ilə bağlı hazırladığı və illərlə cəsarət edib həyata keçirə bilmədiyi silsilə cinayətləri etməyə başlayar. bununla paraleldə isə cinayət büro rəisliyindəki tək qadın polis olan nevra ona edilən təzyiqdən dolayı istefaya getmək istəyəndə bu cinayətlərdə verilən mesajda adı keçdiyi üçün qərarından əl çəkər və silsilə qətllətin izinə düşər. düyünlər açılanda isə bütün kambura camaatının qəhbəliyini ağzınız açıq izləyəcəksiniz.
serial başlanğıcda qismən də olsa, gizli nələrinsə baş verdiyini ifadə edir sanki, amma son 4 bölüm xüsusən diqqətlə izlənilməlidir.

buna baxmayaraq, serialda anlamadığım məqamlar oldu. məsələn, fezanın ölümündən sonrası aydınlaşdırılmadı, heç olmasa epizodik bir səhnə kimi göstərəydilər. daha sonra nevranın psixologiyası o halda olarkən bir il ərzində necə biriylə tanış oldu, necə uşaq doğmaq fikrinə düşdü şaşırdım türklər demiş. yəqin gecədir deyə məntiqli düşünə bilmirəm, bunu oxuyan yazarlardan məni aydınlatmalarını xahiş edirəm.
ha bir də. sefa, adamın dibisən. ibrahim selimin aktyorluğunun bu qədər üstdə olacağını təxmin edə bilməzdim.

ekşidən: "sen zannediyor musun ki bir tek alzheimer olan sensin? herkes hasta, hepsi hasta. yarın bugün bir milli maç olur, herkes her şeyi unutur. bu millet neleri unuttu, seni mi unutmayacak, sen kimsin ki, alt tarafı bir katil, alt tarafı bir cinayet haberi."

--spoiler--
hər kəs mütləq bunu izləməlidir. türklər bu tərz işlərin haqqından artıqlaması ilə gəlirlər.