bugün wiki təsadüfi son
sözaltı sözlük
məsləhət postlar mesaj Profil

cornelius fudge


1,330   4   1   0

Düşünmek taraf olmaktır!


blok başlıqlarını gizlət
sol tandanslı teknokratım. Arada liboşluk yapmayı severim




Notice: Undefined variable: thisuser in /var/www/soz6/profilson.php on line 166
amerika birləşmiş ştatları

Yaxın günlərdə konqresində Azərbaycanın güc və məhkəmə strukturlarından olan şəxslərə qarşı sanksiya tətbiqinə qərar verilməsi ehtimal olunan ölkə. alex Raufoğlunun məlumatına görə, başda quru qoşunlarının komandanı hikmət Mirzəyev, dövlət təhlükəsizliyi xidmətinin rəisi əli nağıyev, dövlət sərhəd xidmətinin rəisi elçin Quliyev hərbi polis idarəsinin sədri Elgün Əliyev kimi şəxslər olmaqla, ümumilikdə 41 nəfərlik siyahı bir qrup konqresmen tərəfindən təqdim ediləcək. Sanksiya tələbinin əsasən Qarabağ əməliyyatlarının, erməni əsirlərin, habelə son aylarda davam edən kütləvi həbslərin fonunda formalaşdığı qeydə alınıb.



Bu arada, Sanksiya tələbi ilə çıxış edən konqresmenlərə rəhbərlik edən demokrat dina titus erməni diasporu anca-ya sadiq hökumət üzvlərindən biridir, diasporun qiymətləndirməsindən yüksək nəticə ilə keçdiyi özləri tərəfindən paylaşılıb link .

qazax

Ermənistanla aparılan delimitasiya müzakirəsinin uğurlu keçən ilkin mərhələsi nəticəsində Qazaxın yuxarıdakı entry-lərdə adıçəkilən 4 kəndinin Azərbaycana qaytarılması barədə razılığa gəlinib link . imzalanmış protokolda növbəti mərhələnin anklav-ekslav məsələsi üzərində razılaşmaların əldə olunacağı, beləcə qazaxın digər üç kəndi olan yuxarı əskipara, sofulu bərxudarlının Azərbaycana qaytarılması bildirilir.

qarabağ

Günün xəbəri: kreml sülhməramlıların Qarabağdan çıxarılmasını təsdiqlədi link

Bu gün sonuncu yadelliləri də özündən uzaqlaşdıraraq tamamilə Azərbaycan respublikasının ərazi vahidinə çevrilən və neçə-neçə nəsilin keçmişinə, bu gününə və gələcəyinə bərpaolunmaz izlər buraxan bölgə. Bu torpaqların görüb-görə biləcəyi tək winner şəxs olan cənab sərkərdəmizlə xalqımızın arasında heç bir uçurum qalmadı, lakin bu dəfə xalqın uca şəxsiyyətə çata bilmə ehtimalı sıfıra düşdü. çoxları müharibə gözləyib səksəkədə qalarkən adam geydirmə müxalifətin də sonuncu kozrını qəhqəhə çəkə-çəkə əllərindən aldı, daha nə deyəsən.

project 2025

2022-ci ildə sağmeyilli think-tank olan the heritage foundation tərəfindən əsası qoyulan layihə. Plan 5 noyabr ABŞ prezident seçkilərində respublikaçıların qələbə qazanması ssenarisində prezidentin andiçməsi ilə birgə ağ evdə və bütün federativ qurumlarda fundamental dəyişikliklərin edilməsini, mühafizəkar liberal xəttin əsas götürülüb hökumətin sosial siyasətinin dayandırmasını ehtiva edir. Hərəkat ilk gündən spesifik bir namizədə üstünlük vermədiyini, əsas məsələnin seçilmiş prezidentin aparacağı siyasətin əhəmiyyətini vurğulasa da, layihə müəllifinin Trump administrasiyasında aktiv fəaliyyət göstərən paul dans olması başdan bəri arzulanan şəxsin kim olduğu barəsində fikir verir.

Yuxarıda vurğuladığım dəyişikliklər əsas etibarilə joe biden administrasiyasının atdığı bütün qlobalist sol və liberal-sol agendaların əleyhinə fəaliyyətin göstərilməsi, habelə ilk termdə yürüdülən anti-miqrasiya siyasətinin gücləndirilməsi, təhsilin bütün pillələrində ed-nin təsirinin azaldılaraq fərdlərin istəklərinə üstünlük verilməsi, qadınların, lgbt və qaradərili icmalarına biden və əvvəlki demokrat iqtidarında verilən haqların əllərindən alınması kimi addımların atılmasından ibarətdir. Hərəkatın fəaliyyət planı 920 səhifəlik mandate for lidership kitabında öz əksini tapıb, bu link link vasitəsilə həm kitabı, həm də mündəricatdan kitabın istənilən hissəsini endirmək və oxumaq mümkündür.

noland arbaugh

elon muskın təsisçisi olduğu, neyrotexnologiya sahəsində fəaliyyət göstərən neuralink şirkətinin zehin-texnika interfeysi üzrə ilk dəfə tətbiq etdiyi çip implantını qəbul edən şəxs. Əməliyyat yanvar ayında baş tutmuş, musk bunun barəsində ictimaiyyəti məlumatlandırmışdı:


Noland 2016-cı ildə keçirdiyi avtoqəza nəticəsində çiyindən aşağı bütün hərəkət funksiyalarını itirən keçmiş idmançı olub. Neuralinkin təcrübəsinə könüllü olaraq müraciət edən nolandın əməliyyatdan təxminən iki ay sonra çip vasitəsilə şahmat oynadığı görüntüsü şirkətin x şəbəkəsindəki hesabından birbaşa yayımlanıb:

Çip ilkin mərhələdə beyin neyronlarından qəbul etdiyi siqnalları yuxarıda adıçəkilən interfeys ilə kompüterin başa düşəcəyi koda çevirir və bununla da mobil cihazları, siçan kursorunu hərəkətə gətirməyə şərait yaradır. Şirkətin hədəfi çipin təkmilləşdirilməsi ilə insanın bütün əzələləri və sinirlərini aktiv hala gətirib hərəkət qabiliyyətinin yenidən qazanılmasına nail olmaqdır.

bakı

Piyadalaşdırma addımlarına baş plan və cop29 çərçivəsində başlanılan şəhər. Əvvəl Keçmiş molokan, indiki Xəqani bağında avtomobil mobilizasiyasının qarşısının alınmasının ardınca sabahdan 28 may metrostansiyasının çıxışındakı parkinq və minik avtomobillərinin hərəkəti qadağan ediləcək link .

azərbaycanda magistr təhsili almaq

universitetinin course syllabusuna baxdıqda təhsilini almaq bir qırağa qalsın, qapısından içəri belə keçməyin əbəs olduğu bir təhsil pilləsi. Sadə bir müqayisə etmək üçün:
Türkiyənin ən böyük dövlət universitetlərindən olan odtü-nün european studies üzrə tələbələrinə təqdim etdiyi dərslər (universitetin texniki yönümlü olduğunu bilirsiz):

Bu da feysbuk qruplarından gördüyüm qədəri ilə Azərbaycanın ən böyük dövlət universiteti olan Bakı Dövlət universitetinin avropa və amerika tarixi adı altında verdiyi dərslər:


Azərbaycan tarixində heydər Əliyev şəxsiyyəti ilə bayden administrasiyasının siyasi xəttini təhlil etmək hamıya nəsib olmaz-*

13 fevral 2024 ailə cinayəti

oğlanın ana tərəfdən olan qohumlarının gijdillağ kimi hərəkət etdikləri qətliam. dünən elgizin verilişinə qoşulan xalası millətə hədə-qorxu gəlib, pis söz yazan hamını məhkəməyə verəcəyini deyib. Dayısının da hadisə günü verdiyi reportajda düz-əməlli adam olmadığını bilmək olur.

Digər tərəfdən, bir ata-ananın necə öz əcəllərini gətirən yola daş döşədiklərini, yaşadığımız bu dırnaqarası dövlətin çürümüş strukturlarının bütün hər kəsin həyatına necə qəsd etdiyini düşünəndə bir az da iyrənirəm. Hələ report.az-ın prokurorluğa aid olası videoları heç tükü də tərpənmədən ictimaiyyətə car çəkməsi bu xarabanın nə qədər dibə düşdüyünü göstərir.

əxlaq anlayışını sekslə həmrəng edən kütlənin axırı da bu olmalıdır.

7 fevral 2024 növbədənkənar prezident seçkiləri

Hazırda davam edən seçkifason tədbirdir.
Hər şeyə rəğmən, saat 5-dən sonra hazırkı prezidentin lehinə adımdan səs atılmasın deyə komediyaya qoşuldum* glş

Hazırda isə sırf marağa yaşadığım şəhərin dairələri üzrə videokamera quraşdırılmış məntəqələrdəki vəziyyəti müşahidə edirəm. Kim bilir, bəlkə də günün sonunda əldə yığılıb qalan topa bülleten videolarından birində mənim də əməyim olar* glş

izləmək üçün link link

aşpa

Səməd Seyidovun başçılıq etdiyi, erkin Qədirlinin də üzvü olduğu nümayəndə heyəti tərəfindən iştirakının qeyri-müəyyən müddətə dayandırıldığı bəyan edilən link qurum.

Böhranın ucu alman sosial demokrat partiyasından olan millət vəkili frank schwabe tərəfindən qoyulub. Belə ki, vəkil assambleyanın qış sessiyasının açılışında assambleyanın monitorinq komitəsinə bizim heyətin etimadnaməsini təsdiqləməməyə çağırıb və twitter-da da qeyd etdiyi aşağıdakı fikirləri səsləndirib:



Bunun ardınca iki gündür, həm hökumət nümayəndələri tərəfindən açıq şəkildə, həm də hökumətin media qanadındakı məqalələrlə Azərbaycanın artıq avropa şurasına və onun yanındakı aşpa-ya ehtiyacı olmadığı dərc olunurdu.

Nəticədə, komissiya ölkədəki qanunsuzluqları, ermənilərin Qarabağdan çıxarılması və rəsmi Bakı tərəfindən aşpa nümayəndələrinin 7 fevral 2024 növbədənkənar prezident seçkiləri-nə buraxılmamasını əsas gətirərək etimadnaməni təsdiqləməyib. Bundan sonra isə girişdə də qeyd etdiyim kimi Azərbaycan heyəti öz fəaliyyətini dondurub.

7 fevral 2024 növbədənkənar prezident seçkiləri

əliyev mətbuata verdiyi

(youtube: )
açıqlamada prezident seçkilərinin növbədənkənar keçirilmə səbəbini Qarabağdakı ilk olaraq məhz prezident seçkilərinin keçirilməsinin əhəmiyyəti ilə əsaslandırıb və əlavə edib ki, bu qərar olmasaydı, bu il bələdiyyə seçkiləri keçiriləcəkdi.
Konstitusiyaya uyğun olaraq, bələdiyyə seçkiləri bu ilin dekabrında olacaq, lakin həmin konstitusiya ondan qabaq parlament seçkilərinin keçirilməsini də tələb edir. Belə ki, sonuncu parlament seçkiləri növbədənkənar keçirildiyindən gözlənilən seçkilər milli məclisin sonuncu çağırışının beşinci ilində, noyabr ayında olmalıdır. Parlamentin beşinci ilə isə fevralın 10-da başlayacağı üçün, normalda bələdiyyə seçkilərindən qabaq parlament seçkiləri haqqında danışılmalıydı.
Burdan görünür ki, hökumət parlament seçkilərini gözlənilən referendumdan (əsas dəyişikliyin parlamentdə proporsional sistemə keçid, deputat mandatlarının sayının artırılması kimi məsələlərin əhatə edəcəyi) sonraya saxlamağı düşünür.
Bununla yanaşı, prezidentin çıxışından sonra paylaşılan xəbərlərdə hökumətyönümlü media orqanları bələdiyyə ilə bağlı hissəni kontekstdən çıxarıb.

həyatın nə qədər cındır olduğunun anlaşıldığı anlar

axır vaxtlar yerli seqmentdə adəm və camal adlı iki uşağın bir-biri ilə müqayisəsinin aparılması və buna həsr olunan kontentlərə gələn şərhləri oxuyanda kəlləmi vuran hiss. Nəm, az qala uşaqlara, həmçinin onların üstündən yaşam tərzinə, təhsilə, şəxsiyyətə göstərilən neqativ yanaşma, adəminin atasının pul uğruna öz uşaqlarının bu gününü və gələcəyini baltalaması, bunu müdafiə etməsi, "camal kimilər məmur olub qanınızı içəndə Adəm kimilər şəhid olacaq" deməsi, hamısı bu həyatın cındırlığına dəlalət edir. Cəmi-cümlətanı 10 milyonluq ölkədi, içindən adam arasına çıxarılası bir ovuc nümayəndəsi yoxdu. Olanları da qapazlamağı adət halına gətiriblər.

Oğraş zəmanədi.

yazarların linçə səbəb olacaq fikirləri

20 yanvarın üstündə o natəmizlikdə peraşki, qutab zad yeyənlərin asiyalıların küçə yeməyi bişirmələrinə necə münasibət göstərdikləri maraqlıdı. o qədər tozun, tüstünün içində bişən, hələ utanmaz-utanmaz pəncərənin qabağında satılan yeməkləri ayaqüstə durub yeyənləri hər görəndə ürəyim ağzıma gəlir. Hələ mən yanından keçmirəm, avtobusun pəncərəsindən bu hissi keçirirəm.

bunu "camaatın çörək pulu qazanması" arqumenti ilə müdafiə etmək normal yaşantının gətirdiyi bütün qazancların fundamentinə bomba qoymağa gətirib çıxarır. Necə ki, eyni keysi parkovşiklərə də şamil etmək olar, səkini tutub özü üçün mal satan satıcıya da, ağacları kəsib, parkları tutub obyekt tikənlərə də.

Əlqərəz, Bu ölkədə inkişaf və sivilləşmə xalqla yox, xalqa rəğmən getməlidir. Yoxsa günbəgün bazarlaşma, bayağılaşma bütün ətrafımızı bürüyəcək.

son olaraq, konu nerelere geldi amk

yaşadığı ölkənin qurucusunu sevməyən insan

Yaşadığı torpaqların üstündə qurulan üç respublikanın üçünün də dövrün tələblərinə uyğun qurulmasını xatırlayan və bundan dolayı da nifrət və ya sevgi bəsləmək yerinə edilənləri təqdir edib / etməmək arasında seçim edən şəxsdir. Nə Atatürkləşdirməyə çalışılan rəsulzadə və yoldaşları, nə də sovetin qurulması - dağılması ilə ortaya çıxan respublikalarının katibləri və prezidentləri ölkə üçün ən doğru olanı ediblər.

Ona görə də aralarında müqayisə aparmağa dəyməz. Hansısa rəhbəri ilahlaşdırmaq üçün onun buna dəyər bir fəaliyyəti olmalıdır, hazırkı prezident daxil heç biri buna layiq deyil.

oppenheimer

Əslində, nümayişə çıxarılan filmlərə ortalıq sakitləşəndən (hype-ı öləndən) sonra getməyi / izləməyi vərdiş edən biri kimi bioqrafik filmə bu tezliklə getməyi özümə yaraşdırmadım, amma əldən nə gələr, momoko link -nun #339101 nömrəli entry-də bəhs etdiyi məsələni öyrənəndən sonra gözləməyin mənasız olduğuna qərar verib dünən etibarilə izləmiş oldum. Məsələ dediyimiz söhbət isə universalın nolanın təklifini qəbul edərək filmin onlayn platformalardakı nümayişini 100 gün gecikdirməsindən ibarətdir link . Əlqərəz, filmə leqal yolla və ya torrentdən baxmaq istəyənlər ən tezi noyabr ayını gözləməli olacaqlar.

indi isə filmlə bağlı bəzi nüanslara toxunmaq istəyərdim. Əvvəla, son xəbərlərə görə, oppenheimer-in Yaponiyada nümayiş edilib edilməyəcəyi sual altındadır. Belə ki, Universal-ın mətbuat katibi ötən ay verdiyi məlumatda filmin yayım planlarının bütün ölkələr üçün tamamlanmadığını demişdi. Premyeranın bütün ölkələrdə dünən baş tutmasına baxmayaraq, yaponiya filmi nümayiş etdirməyən yeganə ölkə oldu. Hökumət tərəfindən rəsmi qadağa qoyulmamasına rəğmən, filmin mövzusuna görə yapon bazarında az maraq göstərilməsi ehtimalına görə nə zaman yayımlanacağı sual altındadır link .
Digər tərəfdən, barbenheimer dalğasını yaradan Barbie-nin hesabına pr üçün çox pul xərcləmədən xilas olmasının yekunda mənfəətə nə qədər təsir edəcəyi mənə maraqlı gəlir. Xərclərə nəzər salanda görürük ki, oppenheimer-ın büdcəsi 100 milyon dollar, Barbie-nin isə 140 milyon dollar təşkil edib (Barbie-yə çəkilən marketinq xərci daxil olmaqla, hansı ki, bu xərcin 100 milyon olduğu bildirilir). Təxminlərə görə, şimali Amerika regionu üçün həftəsonu daxil 3 günlük nümayişdə barbie 100 milyondan çox, oppenheimer isə 50 milyondan çox gəlir hədəfləyir link . Xəbərdə də deyildiyi kimi, Barbie-nin iki saat, oppenheimer-in isə 3 saat olması gün ərzində təqdim ediləcək seans sayına və dolayısı ilə gəlirə təsir göstərəcək, lakin nolan-ın filmi imax-ın 70 millimetrlik formatına uyğun lentə alması izləyiciləri daha yaxşı nəticə alması üçün nisbətən bahalı imax zallarına yönləndirir. Burada bir əmma var ki, bakıdakı, eləcə də dünyadakı mövcud imax zallarının mütləq əksəriyyəti sözügedən formata tam uyğun deyil; dünyada filmi çəkildiyi formatda nümayiş etdirə biləcək sadəcə 30 kinozal mövcuddur:

Sözsüz ki, Nolanın verdiyi iki qərar post-pandemiya dövründə özünə gələ bilməyən kinoteatrlar üçün qənimət hesab oluna bilər, lakin bu filmin gəlirliliyinə necə təsir edəcək, o müəmmalıdır.

madər musayev

1990-cı ildən bəridir əvvəlcə sovet ittifaqı kommunist partiyasının tərkibində, sonra isə bitərəf şəkildə 33 il binəqədinin deputatı kimi parlament kreslosunda oturan, Azərbaycandan ilk dəfə həcc ziyarətinə gedənlərdən (1990) olan və bu gün 75 yaşında dünyasını dəyişən şəxs.

/ 20 »
Notice: Undefined variable: user_id in /var/www/soz6/sds-themes/vengeful-light/profile.php on line 1336


blok -   başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343