7. ilk baxışdan xoş səslənsə də əslində siyasi anlamda, özü də Qarabağ problemində bizim birbaşa ziyanımıza işləyən şüardır. Nədənsə, düşünmədən harda gəldi elə iki dövlət, bir millət, o ananın bir övladı, bu ananın bir övladı, Azərbaycan Türkiyə və bu qəbildən olan cümlələri səsləndiririk. indi isə gələk bu şüarın niyə ziyanımıza, hətta Qarabağın itirilməsinə rəvac verə bilməsindən danışaq. Cümlədə bir millətin, yəni türklərin iki dövlət yaratmasından söhbət gedir. Bu məntiqlə, ermənilər də bir millət olaraq iki dövlət, yəni Ermənistan və dağlıq Qarabağa sahib ola bilərlər. Ona görə, ermənilər gecə-gündüz etnik azlıqların öz müqəddəratını həll etmək hüququndan (self-determination right) möhkəm yapışıblar. Dəfələrlə eyni şeyi deyirlər. Biz də cavabında deyirik ki, ermənilər artıq bir dəfə öz müqəddəratını həll edib, ermənistan adlı dövlət yaradıblar və icazə vermərik ki, Azərbaycan torpaqlarında ikinci erməni dövləti olsun. Xub, gözəl fikirdi. Amma bu fikir bizim "bir millət, iki dövlət" devizi ilə daban dabana ziddi axı. Ya onu secməlisən, bundan imtina etməlisən, ya da sonuncuya əsaslanıb ermənilərə də o şansi verməlisən.
Digər bir məqam məhşur hər bir insanın milli mənsubiyyəti onun qürur mənbəyidir cümləsi... Bir zamanlar telefonların zəngi olmuş çıxış. Cümlə nə qədər qulağa xoş gəlsə də şovinizmin təbliğatıdır birbaşa. Heç kim, rəngini, irqini, cinsini, valideynlərini, doğulduğu yeri seçmək imkanına malik deyil. Hə, yaşayarkən, yetkinlik yaşına çatandan sonra ixtiyarınız var ki, bu yuxarıda sadalananlardan imtina edəsiniz. Bizim seçmək imkanına malik olmadığımız şeylər, bizim qürur mənbəyimiz ola bilməz. Heç kim, mən erkəyəm/qadınam, qarayam/ağam, varlıyam/kasíbam, amerikanliyam deyə sinəsinə doyməməlidir. Qürur duyduğumuz şeylər yalnız və yalnız həyatda bilik və bacarıqlarımizin hesabına əldə etdiklərimiz olmalıdır.
Və son söz yerinə Azərbaycan adlı bu coğrafi, geosiyasi məkan təkcə türklərə məxsus deyil. Onlardan (Səlcuqlar), bu ərazidə albanlar, udinlər, və saysız-hesabsız xırda xalqlar yaşayıblar. Üstəgəl, onların əksəriyyəti xristian və ya digər dinlərə mənsub olublar ki, ən bariz nümunəsi gürcüstanla sərhəddəki alban kilsəsi, dağlıq Qarabağın bir zamanlat xristian əhalisi. Məlikliklər həmçinin. Ona görə də ermənilər o əraziləri dini nöqteyi nəzərdən öz tarixi kimi qələmə verirlər. Biz müsəlman olmamışdan və turkləşməmisdən qabaq, yerli xalqların mədəniyyətinə Sahib olmuşuq. Sadəcə zamanla əriyib qarışıb vahid bir şey əmələ gəlib.
Bunları bilmək çox vacibdir, özü də belə bir həssas zamanda. Yoxsa, hər kəs ağlına gələni yazır sosial şəbəkələrdə. Deyəndəki, dağlıq Qarabağ zamanında xristian dininə mənsub olub, bizim ərazilərdə başqa xalqlar da yaşayıb, yaşayır və s. Deyir, təxribat törətmə, şübhəli aparırsan özünü. Nəbilim, bu hansı səviyyə kütbeynlikdir.