3-cü dalan ev17


168   66   1   0
3-cü dalan ev17 7.nəsil yazar
reytinq xalı: 738
karma xalı:13752
entry sayı:168
izləyənlər:0
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

şuşa Tanklar girib artıq! Zəfərə doğru! Tarixi ana şahidlik edirik. Sabah deyəsən xarici işlər nazirlərinin görüşü olacaq yenə. Əgər elədisə, görüşdən əvvəl Prezidentin çıxışı olar. Bununla da masaya qalib tərəf kimi oturacağıq və məcbur təslim olacaqlar.
Füzuli demişkən: Vətənimdir, vətənimdir, vətənimdir, vətənim!!!
arzu qeybullayeva Keçən il forum 2000-də (praqada keçirilən illik debat yığını deyək) ilk dəfə adını eşitmişdim. Nəysə, o müddətdən sonra izləməyə başladım Twitter-də. Amma, əsl üzünü müharibə dönəmində göstərdi. Fikirləşirdim müxalif fikirli jurnalistdir, nəsə demokratik söz çıxar ağızdan, bu isə bizim haqlı olduğumuz məsələdə erməni dəyirmanına su tökür. Nə qazanırsan? Elif şafak misalı kimi bu da cəmiyyətin ziddinə getsə, nələrsə əldə edəcəyini düşünür. Həm, deyilənə görə əri ermənidir. Ona görə də birtərəfli mövqe tutub. Əvvəldə də deyildiyi kimi, dövlətə qarşı ola bilərsən, sistemj bəyənməyə də bilərsən, tam haqqın, necə ki çoxumuz eleyik, daha bu məsələdə yox da. Qaldı ki, Suriyalı, pakistanlı, nəbilim f-16 və digər əlavə yardımlar məsələsinə, bir kəlmə söz deyəcəm. Bu müharibə bizim torpaqlarımızda, bizim haqlı tərəfdə olduğumuz məsələ üçün gedir. istəyərik düşmənin üzərinə yaba, odun, daşla gedərik, ya da f-16 ilə. Şikayəti varsa, ya bəyənmirsə, dursun rədd olsun, çıxsın ərazilərimizdən! Onlara olar, bizə yox? Onlar sivil əhaliyə qarşı terror aktı edə bilər, biz isə öz torpağımızı azad edə bilmərik? Həm, biz ancaq hərbi obyektləri vururuq.
Not: #308324 entry-ə cavab olaraq: sikməklə, dombaldıb sikmək arasında fərq var. Heç mi doggy denemedin, evlat?
ikinci qarabağ müharibəsi Sabaha, bəlkə də birsügünə Laçın və Xankəndi açıqlaması gözlənilir. Bir neçə mənbəyə baxmışam. Onların dedikləri yalan çıxmır. Əsas Laçın söhbətidir. Bu həftə müharibənin son fazasıdır. Qələbəyə doğru addımbaaaddım gedirik. Bu müddət eyni zamanda mülki əhali üçün çətin olacaq, çünki ermənilər xislətinə uyğun kardaşyansayağı qisas almaq istəyəcəklər. Ona görə Bomba səsləri çox eşidiləcək (arzu olunan bir şey deyil, əlbəttə, amma qaçınılmazdır). Hazır olmaq lazımdır.
O ki qaldı niyə dünya susur? Dünya təkcə bizə susmur; Cənubi Sudan, myanmar, Uyğur türkləri, kosova faciəsi, fələstin, iraq, suriya və siyahı uzanır ki uzanır.. səbəb sadədir: islam dini. Biz dövlət və cəmiyyət baxımından nə qədər sekulyar olsaq da, adət və ənənələrimiz dinə bağlıdır. (Gələnəksəl islam). Ona görə, dünya nəinki bizə yuxarıda sadalanan bütün hadisələrə qarşı üç meymunu oynayır. Geriyə yol yoxdur, ancaq irəli!!! Elmdə, texnologiya, hər sahədə cəmiyyəti, dövləti ayağa qaldıra biləcək hər şeydə ancaq inkişaf! Fərq etmir, bənnasan, həkimsən, alimsən, şagirdsən, təkcə fərd olaraq öz adına yox, cəmiyyətə, millətə faydan dəyə biləcək şəkildə nələrsə elə. Simurq quşu kimi külümüzdən doğmalıyıq. Ölkə olaraq ətrafımız düşmən dolu: iran, Rusiya, Ermənistan. Üç əsrdi bizi parçalayırlar. Bezdik də day! Hara kimi? Nə istəyirsiniz?
Allah bu müqəddəs yolda millətimizə, ordumuza kömək olsun!!! Tezliklə sevinəcəyik!
Edit: bir videoyaya baxdım twitter-dən Qubadlı və Laçını almışıq deyə mahnı oxuyurdular. Şuşa və Xankəndində də inanılmaz döyüşlər gedir. Son həlqəyə çatmışıq. Səhər elə geydirmə Prezidentləri dedi ki, çatıblar 5 km qalıb Şuşaya. Bu həftə bitər, əgər həqiqətən yan müdaxilə olmasa. Bu gecə yatmaq olmaz daha.
bərdə Fikrimcə, bir günlük matəm elan olunar. Dəhşətdir. Geriyə dönüşü olmayan hərəkət edir Ermənistan, sonunu gətirib. Hesabını çox ağır ödəyəcək.
ağdam Ağdamın Ətyeməzli kəndi var və işğal altındadır. Azad olunan gün prezident siyahını açıqlayanda qayıdıb deyəcək ki, "Ağdamın Ətyeməzli kəndi! Bu kəndə yeni ad verirəm, adını dəyişib veqanlı kəndi qoyuram! Yeni adı mübarəkdir!!!" Troll da olsa, səviyyəli bir şeydir. Onsuz da aranı açıb, özünü yaxın hiss edir, dodaq dişləmək , göz qırpmaq zad, bunu da eləsə, kral hərəkət.
(bax: nasip olur mu bee)
azər qərib Yenə ilk fürsətdə prezidentə girməyə çalışıb. Rəiyyətin üzərindən şahından ənam uman bir saray təlxəyi. Elədiyi analizə bax, guya biz bunları demişik və səhv imiş;
- gedib danışıqlarda nöqtə vergül söhbəti edirlər;
Adama deyərlər ki, xiyar, nöqtə-vergül söhbətini biz eləmirdik ki, dövlət edirdi. 94-də atəşkəs bağlanıb və o gündən son zamana kimi hakimiyyət idi də elə söhbəti aparan. Elə belə idisə, ilk bir-iki ildə də danışıqları kəsə bilərdi.
- camaat acından ölür, bunlar kosmosa peyk çıxarırlar.
Burda deyirlər ki, bu söhbətin qulunca nə dəxli? Camaat məgər acından ölmür? Kimsə demədi ki, kosmosa peyk çıxartma. Amma onun mənə gündəlik faydası var? internet şəbəkəsi hələ də zəifdir. Hələ də azercell/bakcell/nar camaatın cibinə girir. Hələ də ölkədə normal danışıq paketləri, mobil xidmət yoxdur. Bundan danış. Yoxsa ikisi bir birinə uzlaşmayan arqumentləri üz-üzə qoymaqla tribunaya oynamaqla nəsə olmur.
- qoşulmama hərəkatına niyə üzv olmuşuq?
Bu da səhv arqumentdi. Hər kəs, çox gözəl bilir ki, qoşulmama hərəkatı elə də təsirli bir şeyə malik deyil. Ordakı məqsəd çarəsiz qalan və xarici siyasətdə passiv olan ölkələrin bir yerə gəlməyidir. Normal gücə sahib olan bir ölkə neynir qoşulmama hərəkatını?
- demokratik təşkilatlar niyə yoxdur bizdə?
Nədən əcəba, azər məllim?
Gəldiyi nəticə: hər addım düz imiş
Linki qoyuram bura, kim istəsə tam statusa girib baxar.
[ Link qoydum açmadı, sonuncu statusu o barədədir] Hələ, beyni olmayanın da biri də yazıb ki, gördüm ki, indiyə kimi bütün pullar silah sursata xərclənib. Gerisini də halal edirəm. (London offshore-larının gözü yaşlı). Xuy, bu ölkəyə demokratiya gələr.
ən yaxşı doğum günü hədiyyəsi 23-cü ad günüm olacaqdı. Uşaqlarla danışmışdıq, səhər görüşüb restorana gedəcəkdik. Təbii ki, səbəbkar mən olduğumdan, hesab da mənlik idi. Nəysə, axşam köhnə sevgilim yazdı ki, bəs sabaha hazırsan? Dedim, hə, üzümü qırxmışam, bəs səhər də hazırlaşıb çıxacam. Evdə oturmuşdum, komputerdə qurdalanırdım ki, tık-tık səs gəldi. Əvvəl elə bildim, qonşudu, yəqin divara vurur ki, bəs musiqinin səsini al. Səsi azaltdım, gördüm yox bəs yenə tık-tık səsi gəlir. Mən də evdə tək olduğumdan rahat gecə paltarında idim, sadəcə pijamanın şalvarı var əynimdə köynək də yox. Pəncərəyə yaxınlaşanda, gördüm ki, 3 qız dayanıb əllərində hədiyyələr. Biri köhnə sevgilim, biri qız tanışım, digəri də bacısı. Qız tanışım sıradan biri deyil, harvardla Oxfordu elə dəyişir ki, elə bil Sumqayıt Dövlətlə bdu ilə transfer edir. Apple-da işləyir. indi bunlar qalıblar pəncərənin qabağında mən də şok yarı çılpaq baxıram. Evə də buraxmıram ki, oğlan evi, nə olacaq, Aləm dəyib bir-birinə. Hava da da soyuq, götləri donub çöldə. Dirəşmişəm ki, yoxe 10 dəq gözləyin heç olmasa ortalığı yığışdırım, sonra girərsiniz. Nəysə, girdilər oturdular. Tortu kəsdim, hədiyyə gətirmişdilər. Ex gf bir dənə plakat düzəltmişdi bütün arzularını rəngli qələmlərlə yazmışdı içinə ortada da "happy birthday" alt sağ küncdə adını, tarix. Xx.01.2016. və qəşəng köynək, səhər onu geyindim uşaqlarla görüşəndə. Dedik, güldük, biraz da məzələndim onlarla. Sonra qızlar getdi, amma ex qaldı. (Kinonun ən maraqlı yerində reklam girir həmişə). səhər də durduq getdik restorana təzdən uşaqlarla.
Ayrılandan sonra da o plakatı saxlamışdım, çünki ordakı arzuların hamsını həyata keçirtmək üçün gərək 80 il ömür yaşayım ən azı. Arzularından biri " 80 yaşında futbol oynamaq" idi. Hə, bilirdi, futbol xəstəsiyəm. Bir nəçəsi reallaşıb o zamandan bəri. Amma görüləsi çox şey var.
Sizə məsləhətim, sevdiklərinizlə yaşadığınız zamanı həmişə əbədiləşdirin. (Video, şəkil, audio). Sonra onlar həyatımızda olmayanda, ya biz, geriyə o xoş günlərdən bir xatirə olaraq nəsə qalsın. Bəzən rastıma çıxanda oturub bir-bir baxıram qovluqlara...

(youtube: )
bayraq qiymətlərinin artması Hər şeydə olduğu kimi müqəddəs dediyimiz şeylərin də (vətən, bayraq) bir maddi dəyərə sahib olduğunun göstəricisidir. Və bu dəyər bazara uyğun olaraq klassik iqtisadiyyatın ən təməl prinsipi üzərindən (tələb=təklif) dəyişir. Bugün bayrağa tələb var, baha satılır, sabah vətənə tələb olacaq, gözüm üstə, qiymətdə razılaşarıq, əsas sən istə, gözəlim. Həm bunlar nə vaxt satılmayıb ki?!
26 oktyabr 2020 ilham əliyevin xalqa müraciəti Söhbəti tam izlədim. Əlbəttə ki, sıradan biri üçün maraqlı olan Prezidentin paşinyanı peysər çıxartmağıdır. Hə, o sözü eşitmək istəyrisinizsə, onu da dedi, " bəs şuşada parlament təşkil eləmişdin? Hanı parlament? Dodağını dişlədi "sikdirdi demək istədi" cəhənnəmə getdi!" Bu burda qalsın. Keçək siyasi hərbi analizə. istər dünənki hərbi çıxışı və bugünki xalqa hesabatını cəmləsək deyə bilərik ki, Azərbaycan artıq kiçik dövlət modelindən çıxıb. Regionun siyasi gücünə çevrilib, israil modeli. ilk dəfə bugün, Rusiyaya açıq aşkar bu qədər yükləndi. Adını çəksəydi ondan yaxşı idi. " Hardandı bu silahlar? Biz çox yaxşı bilirik kim verir. Kimdir onların havadarları. Ağıllarını başlarına yığsınlar" əslində çox söz dedi, sadəcə sitat olaraq bunları qısa yazıram. Görünən odur ki, Rusiyanın siyasi orbitindən/təsirindən çıxmışıq. Hara gedirik o zaman? Türkiyənin yanındayıq. O məlum. Avropa birliyi bizi qəbul edən deyil, bəs geriyə nə qalır? Dünən də yazdığım kimi müharibədən sonra nato sistemi olacaq, ən azından Türkiyə ilə müttəfiqik. F-16-lar elə belə qalmayıb bizdə. Bizə hər hansı müdaxilə olsa, ağızlarının payını verməyə.
Sonra diplomatik danışıqlar. " Bir artıq bir əksik, nə mənası var? 28 ildi eyni şeydi" yəni daha səmərəli şey tələb edirik. Bu arada, dedi ki, hər an hərbi danışıqları saxlamağa hazırıq. Bu o deməkdir ki, həm meydanda həm masada nəyi var tam üstün əl bizik. Yaşasın Azərbaycan ordusu!!! Müharibədən sonra çox şey dəyişəcək, hər mənada. Bircə mənə sual kimi hələ də qalan siyasi quruluşdu. ilham bu tarixi şansı heç vaxt əldən verməz, özünü xalqa bagislatdirib, istədiyini elətdirəcək. istər hakimiyyəti ötürmək mənasında, istər uzatmaq.
Sonda yumruğu qaldırıb dəyəndəki xalq və dövlət kimi birik, bu yumruq kimi, o cümlə çox təsir elədi. Çünki biz əvvəldən belə olmalı idik, təkcə bu çətin gündə yox. Hər bir vətəndaşın ən böyük istəyi və tələbi arxasında güclü dövləti görməkdir.
O ki, qaldı emosional çıxışa, bu tamamilə normaldır. Həssas məqamdır, nə desə kövlərəcək haldayıq. Hə, bir də son iki on illikdə dünyada iki şey hakimdir: populizm və demokratiyaların çöküşü. Artıq hər şey gücə əsaslanır. Bunu bugün də özü dedi: "dünya beşdən böyükdür.( Ərdoğanın məhşur sözü. Sitatı verəndə də adını çəkdi). Biz göstərdik ki, biz kimik. Hüquqa əsaslanırdıq, amma bundan sonra belə deyil"
Qarabağ erməniləri haqqında da bir neçə söz. Onlarla birgə yaşam təminatı da verdi. Bu da eyni zamanda tam hüququ bir şeydir. Mən yaşayarammı? Hə, niyə də yox. Qarabağ və ya bakı erməniləri ilə bizim heç bir zaman problemimiz olmayıb. Bəlkə də tam yeni nəsil bilməz, amma böyüklərimizdən həmişə eşitmişik ki, ermənilər sənətkar olublar. Əl işi ilə məşhur olublar istər Bakıda, istər Qarabağda. Ona görə indidən tolerant olmağa öyrəşsək pis olmaz.
25 oktyabr 2020 qubadlının erməni işğalından azad olunması orduda mərkəzdən qaçma qüvvələr var. heç kimə sirr deyil. bugünkü söhbətdə də ona işarə elədi prezident. ləngimənin səbəbi də bəlkə də həmin qüvvələrin planı gec yerinə yetirməsidir. çox şey ola bilər, biz bilmirik, sadəcə ələ nə informasiya gəlirsə ona uyğun nəticə çıxarmağa çalışırıq. qaldı ki, videonun öncədən paylaşılması hansı məqsədlə edilib dəqiq demək çətindir. ağla batan iki variant var: ya deyildiyi kimi, kim(lər)sə əmrə tabe deyil, inadına tərs gedir və istəyir ki, hər şey yarımçıq bitsin, ona görə hərbi sirri özündə ehtiva edən videonu prezidentə məruzə etməmişdən qabaq birbaşa ictimaiyyətə buraxırlar. prezident də məcbur qalıb tələm-tələsik tvit atır. ya da bilirdilər ki, sabaha humanitar atəşkəs var, ona görə belə tələsik tərpəndilər.
amma bayaqkı çıxışda dedi ki əməliyyatları sürətləndirmək lazımdır, ləngimə var. bir tərəfdən də humanitar atəşkəs. sözsüz pozulacaq, çox çəkən deyil, amma yenə də. rusiyanin humanitar atəşkəsinə ciddi yanaşmadıq, o ki qala amerika.
rusiyanın silah göndərməyi tamamilə normaldı(ktqt müqaviləsi), göndərməsə tərəf tutmuş olar. onsuz da maksimum neytral qalmağa çalışır. amerikanın çox da bizi sıxmağına baxmayın, ayın 4-ü seçkilərdi publikaya oynamaq lazımdır "peacemaker" kimi, yoxsa millətdən səs qoparmaq olmaz.
qaldı ki, türkiyə məsələsinə. insafən, daha nə etsinlər? adamlar hətta dili ilə deyir ki, lazım gəlsə, canlı müdaxilə edə bilərik. keçən səfər bir türk hərb analizçinin tvitinə baxıram. bütün yaxın şərqdə baş verən müharibələrin taktiki gedişlərini analiz edib, əsasən də oxşar cəhətlərini: qarabağ, libya, suriya/iraq. hamsında eyni: türkiyə savaşır, türkiyə taktikası, dron, XTQ/istihbarat əməliyyatı, heç bir hava hücumunda təyyarədən istifadə olunmayıb. sözümün canı, adamlar taktika da verirlər, daha nə olsun? ləngimənin əsas səbəbi bizik. köhnə silah-sursat, nizamsız və təcrübəsiz ordu quruculuğu. söhbət milli ordudan gedir. salyarka satan, quru payoka göz dikən gizir, zabit heyəti hardan bilə bilər vətən nədir?! vətən sevən gəlib bir vaqon qubadlı vağzalına.
25 oktyabr 2020 ilham əliyevin çıxışı oturdum bütün çıxışı izlədim. gəldiyim nəticələr bunlardır: müharibə tam sona kimi olacaq! ilahi bir hadisə olmasa, hadisələr tam sona kimi gedəcək və bu yaxın 50 bəlkə də 100 illikdə sonuncu qarabağ müharibəsidir. hər şey tam nəzarətdədir. amma narazı olduğumuz, yəni prezident elə dedi, məqamlar da var. 1-cisi, silahların bəziləri yararsızdır, modern savaş tələblərinə cavab vermir. atam balası, bunu bilmək üçün gərək illah ki, bu müharibə olardı? mənim öz kalaşnikov silahım məndən 10 yaş böyük idi. hansı normal ölkə kalaşnikovdan istifadə edər ki? demirəm pis avtomat silahdır. amma ondan da güclüləri var.
digər məqam diplomatik uğur olub. paralel olaraq bmt-nin təhlükəsizlik şurası bizə qarşı qərar qəbul edib, hansı ki birbaşa 93-cü ilin ərazi bütövlüyü qətnaməsi ilə dabandabana ziddir. qoşulmama təşkilatının təsiri ilə qərar keçərli olmayıb. " ermənistana təzyiq etmək əvəzinə, tam tərsinə bizə təsir və təzyiqlər var. amma biz buna da cavab veririk və biz öz torpaqlarımızı əsgərin qanı bahasına azad edirik".
son olaraq deyim ki, çox içdən, çox xalqa yaxın danışır.elə bil ki, ailəndən biridir, oturub söhbət edirsən. sırf bu məsələdə belədir, ya bundan sonra da belə olacaq bilmirəm.
şəxsən nə qədər anti sistem biri olsam da, sırf bu məsələdə dövlətdən yanayam. ölkə üçün həyat memat məsələsidir. bayraq, ərazi bütövlüyü olmadan bir xalq olaraq mövcud ola bilmərik.
güman ki, ikinci qarabağ müharibəsindən sonra nato sisteminə tam keçəcəyik. rusdan da silah almaq azalacaq.
hə bir də füzuli, hadrut, zəngilan, kəlbəcər, qubadlının da xəbərlərini verdi. bacardığım qədər qısa icmal elədim. daha ətraflı başqa vaxt yazaram, amma son olaraq deyim ki, müharibə başlayan gündən demişəm və daim da bu fikri müdafiə edəcəm: bayraq günü şuşada azərbaycan bayrağı dalğalanacaq!
laz ziya Benim rahat edemediğim dünyada, kimse istirahat edemezzzz, kılıççç!!!
uğurlu biznes təklifləri aka Tabocco tabrizi. Bir şirkət açırsan, adını qoyursan " tabocco tabrizi ltd" Təbrizdən Bakıya tütün məmulatları vurursan. Yeni brend " tebrizi" yaranır.
həyatın ən gözəl illərini bərbad keçirmək bir azərbaycanlı gənci üçün itirdikləri daim qazandıqlarından çox olur. söhbət mənim kimi aşağı təbəqəyə məxsus ailənin övladından gedir. yox, fikrim burda duyğu ədəbiyyatı yaratmaq deyil. sadəcə gerçəkliklər üzərindən danışacam. bakalavrda oxuyanda, hələ o zaman aşağı yuxarı bilirdik ki, biz bitirəndən sonra bir iş tapmaq çox çətindir. siyasi elmlər, bizim dildə politologiya sahəsində çörək yoxdur. yəni hər sahədə işləyə bilərsən, heç bir yerdə də işləyə bilməzsən. məlum təhsil sahəsindəki problemlər bu sahəyə də təsirsiz ötüşməyib. köhnə ədəbiyyat, qoca müəllimlər, dəxlisiz və plansız kadr yetişdirmək. adicə praktika nədir ki, biz onu eləmədik. yalandan adımızı yazdılar, milli məclisə, mərkəzi seçki komitəsinə, lakin biz kafedranın qabağındakı otaqda mafiya oynayırdıq. beləliklə 4 il yola verdik. insafən, mən o dönəm, elə birinci kursdan ictimai fəal idim, yazılmadığım təşkilat, döymədiyim qapı qalmamışdı. aegee filan. "irəli" var idi bir zamanlar, indi də deyəsən var, sədri ceyhun osmanlı idi, köhnə deputat və fetöcü. onun 2010 parlament kampaniyasında yasamal seçki dairəsində müşahidəçi idim. yəni fərdi şəkildə nə elədin elədin. sonra əsgərlik, itirilən dəxlisiz bir il. hərbi xidmətdən sonra birbaşa xaricə oxumağa gəldim. və anladım ki, bu illər ərzində əslində heçnə qazanmamışam. çünki burdakı təhsil sistemi tamam başqadır, artıq Cv-də bəlli səviyyədə nələrsə əldə edirsən. və bir də bunun üstünə gələn maddi məhrumiyyətlər. yəni xaricdə fürsətlər var, amma bu fürsətlərdən yararlanmaq üçün maddi təminat əsasdır. təbii ki, ailədən yardım gəlmədiyi üçün, məcbur işləməli olursan. zaman keçir yaş artır, amma sən sadəcə günü qurtarmaq üçün nələrsə edirsən. bəzən kirayəni, təməl xərcləri ödəmək üçün iki yan işdə çalışdığım olub. bir işdən gəlib digərinə getmişəm.
zamanı dəyərli keçirmək ilk öncə maddi, yəni finansal durumunuzdan asılıdır. finansal olaraq nə qədər azadsınız? daimi bir gəliriniz varmı? bu dövlət işi də ola bilər, tələbə ikən stipendiya və s.
maddi dayaq olandan sonra həyatımızı şəkilləndirməyə başlaya bilərik. master oxuyanda qarşıma praktika yerləri çıxırdı. baxırsan ki, iki aylıq praktikadır verdiyi pul 300 avro. manata çevirəndə qulağa xoş gələ bilər, 600 manat (bugünün məzənnəsi ilə). amma qalan heçnəyi üzərinə götürmür. və sən özün hər şeyi bu 300 avronun içinə sığdırmalı olursan. kirayə, yemək, sığorta və s. gərək ya evdən, ya da qıraqdan kimsə sənə maddi dəstək olsun ki, həyatda bəlli bir yerə qədər istədiyin hər şeyi edə bilərsən.
yəni son olaraq demək istədiyim şey həyatımızın ən gözəl illərinin bərbad keçməsinin ən təməl səbəbi maddi asılılıqdır. maddi təminat olmadan arzuladığımız həyatı yaşaya bilmərik. yəni bir döngü yaranır, pul qazanmaq üçün çalışmalıyıq. və bu çalışdığımız iş ya xüsusi bilik və bacarıq tələb etmir, ya da birbaşa bizim təhsilimizlə əlaqəsi yoxdur. ona görə, öz sahəmizdə irəliləyə bilmirik. öz sahəmizdə irəliləmək üçün isə gərək praktiki təcrübə toplayaq, o da çox zaman az maaşlı yerlərdə stajör kimi işə başlamalı olursan. bu zaman da yaş və zaman/enerji indeksi ortaya çıxır. neçə yaşın var və bu işi görməyə yetəri qədər zamanın/enerjin varmı? həvəs demirəm. həvəs hər zaman ola bilər. 70 yaşında belə seksə həvəsiniz ola bilər, amma əldə olan imkanlar uyğundurmu?
ortalama bir azərbaycan gənci üçün 20-li yaşlar istər-istəməz ağır keçir. gərək nələrisə qurban verəsən ki, həyatını yoluna qoymaq üçün, o da həmişə happy end-lə bitmir.
24 oktyabr 2020 abş səfirliyinin vətəndaşlarına terror xəbərdarlığı Bu tip hadisələrdə nədənsə abş səfirliyi hər şeydən əvvəl bilir. Müharibəni də 2-3 gün qabaqcadan bilmişdi, pəzəvənklər. Əslində siyasi olayları bilmələri normaldı, müharibə və s. çünki dövlət özü qabaqcadan xəbərdarlıq edir ki, bunu edəcəyik, arxayın və rahat olun. Amma day terror aktını hardan bilirsən? Terrorist özü gəlib sənə " abi, akşama bi binayı havaya uçurucaz da, tatsızlık yaşanmasın, gözünü seveyim. Çoçukları uzak tutun da, ara yerde göte gelmesinler" demir ki.
call of duty Bizdə game developer var ya yox, dəqiq bilmirəm. Amma Qarabağ üçün call of duty:karabakh çıxartmaq olar. Dövlətin yerinə olsam, nəyi var, bu işə pul buraxardım. Təbliğatın zirvəsidir. Diasporanın indiyə kimi elədiyi işlərə peşkəş çəkər. Guya, yalandan muğam, şəkərbura, dolmadan başqa nə bilirlər ki? Həm dizayn baxımdan, həm də yeni modern silahlar baxımından super bir iş çıxar. Missiyaları da bol. Əjdaha bir şey bir sözlə. Heyf ki, əlimdə elə bir imkan yoxdu, yoxsa, düşünmədən maddi dəstək olardım. Hər şey, neft, moskvada pomidor alveri deyil. Dünyada hər sahədə tanınmaq lazımdı.
xədicə ismayılın bild qəzetinə vermiş olduğu cavab Xədicənin mövqeyi tam yerində bir mövqedir. Bild jurnalını heç bəlkə öz işçiləri oxumur. Kimə və nəyə lazımdı? Əllərində də bəhanə var, bir şey olan kimi sizdə rüşvət, insan hüquqları filan. Xiyar, o intervyunu Prezident versəydi, məgər sadaladığın problemlər həll olunacaqdı? Gördülər, ciddiyə alan yoxdu, başladılar klassik bəhanələrə.
iti qovan Müdafiə nazirliyi götürüb yerli istehsal etdiyi PUA/haropların üstünə "iti qovan" yazıb. Gijdillax necə olur, əyani nümunəsi. Lap "axund-millət" məsələsinə oxşadı. Dövlət qurumunun elədiyi hərəkətə bax. Prezident dedi, dedi də sizə nolub? Soruşsan deyəcəklər, biz o mənada yazmamışıq ki. iti, yəni sürətli qovmaq mənasında. Onda elədirsə, düşük sözünü də yazın düşmək sözündən, onsuz da pua/harop/bayraktar düşmənin başına düşür də, felən də uyğundur.
ilham əliyev Bugünkü çıxışı əvvəlkilərinə nisbətdə açıq-aşkar üstün idi. Bir neçə analiz çıxarmaq olar: müharibə fövqəladə bir şey olmasa, dayanmayacaq. Çünki bu qədər əmin danışır. insan öz qazanılmış reputasiyasını bu qədər risk eləməz. Sülhdən danışdı, amma ilk dəfə fərqli olaraq, ya mən elə eşitdim, mərhələli çıxışdan danışmadı. Ona görə, tam əminliklə demək olar ki, razılaşdırılmış (böyük qüvvələrlə: Türkiyə, rusiya, amerika) müharibə olsa, belə bizim istədiyimiz nəticə olacaq.
Digər məsələ, paşinyan üzərindən xalqla arasını açmasıdır. Xalqa daha yaxın dildən danışır, hətta söyüşləri belə: " düşük", " ağlı başında yoxdur" və s. Yəni istədiyimizi deyir. Daha doğrusu deyir deyəndə promt-dan oxuyur. Yazan gözəl yazıb.
Hərbi nöqteyi nəzərdən açıqlama verəndə məlum oldu ki, 4 ədəd s-300 raketi vurmuşuq. Dəhşət göstəricidir. Rusiya silah sənayesi artıq modern silahlarla mübarizə apara bilmir. inanmıram, kimsə bundan sonra Rusiyadan silah alsın. Tanklar məsələsinə gəlməyəcəm, vəziyyət ortadadır.
Azad olunan ərazilərə gəldikdə isə, ( boğazımı artlayım biraz hmxxx) gözlərim doldu. Var olsun, Vətən!!! Sərhədyanı ərazilərin azad olunması bizə böyük imkanlar açır. Həm iran, həm də erməninstan sərhədini nəzarətə götürə bilirik.
O ki qaldı, Prezidentin reputasiyasına everestə çatıb, bardaş qurub. Qısa zamanda düşməz. Əgər davamını daxili siyasətdə gətirməsə, istər-istəməz köpük kimi dağılacaq. Həmişə demişəm, yenə də deyim, yaxşı Xin olardı, onda o bacarıq var. (Açığı xarici məsələlərə də özü nəzarət edir, nə də olmasa adam diktator)
Son olaraq dq-də hərbi irəliləyiş barədə: Zəngilan-qubadlı xətti ilə Laçına doğru hərəkət edirik. Laçın tutulmaqla Şuşaya/dq-yə gedən yol bizə keçəcək. Bununla da dq-nin ermənistanla birbaşa əlaqəsi kəsiləcək. füzuli- xocavənd xətti ilə də xankəndi istiqamətinə irəliləyiş var. Yuxarıdan isə murovdan Kəlbəcərə çıxış üçün çalışılır. Kəlbəcərdə də ikinci (yeni) koridor yolu var. Yuxarıdan yenə Ağdərə istiqamətində Şuşaya hücum xətti var. Füzuli və Ağdərə xəttləri xankəndində birləşir. Ağdam mühasirəyə düşür, avtomatik ya təslim olacaqlar, ya da ölümünə susayacaqlar. Ona görə Ağdama bu dəq elə də hücum olmur, olursa da zəifdir.
cənubi azərbaycanlılar bizi bizdən çox istəyən soydaşlarımız. indiyə kimi çox şansım olub, təbrizli, ərdəbilli həmşərilərlə danışmağa. bir sözlə tərif eləməli olsam, sadəcə onu deyə bilərəm ki, güzgü. necə ki, güzgüdə özünü görürsən, eynilə biz onlara baxanda özümüzü görürük. bu qədər basqılara, məhrumiyyətlərə baxmayaraq, onlar bizim keçmişimizə, dilimizə, mədəniyyətimizə sahib çıxırlar. sahib çıxırlar fikrini deməyə səbəb var, əsaslandaracam. srağagün iki təbrizli ilə çox şirin söhbətimiz oldu. mən onsuz da təbriz, ərdəbil adı eşidəndə ruh yüksəkliyi yaşayan biriyəm, bir də bunlara söhbət braingasm konkret. söhbətin ortasında bir də fərqinə vardım ki, təbriz ağzı ilə danışıram bunlarla. biixtiyar olan bir şeydi. bunlar böyüyəndə bizim klassik dediyimiz kinolarlarımızda (məşədi ibad, arşın mal alan), mahnılarımızla (rübabə muradova, rəşid behbudov). rübabənin həm də cənubi azərbaycan keçmişi var. söhbət süfrə arxasında olduğundan yemək əsnasında da görürsən ki, sanki öz ailəndən biri ilə oturub yemək yeyirsən. dostum fasulye şorbası sifariş eləmək istədi, mən də məzələndim ki, bunu yemək olar, ala? səhərə kimi yatmazsan da. normal bir sup de başlanğıc olaraq. təbrizli qayıtdı ki, hə də bəs lobyalı supları biz qonağa vermərik, ayıbdı, hörmətsizlik olar. sonra soruşdu ki, bəs siz də sup deyirsiniz? dedim, hə. o tərəfdəki siyasi sosial həyatdan danışdıq. qısa kəsəcəm, hər iki ölkədə, eyni vəziyyətdi. bizdə sekulyar avtoritarizm, onlarda dini. nə vaxtsa, birləşmə ehtimalı istisna deyil. amma biz tətikləyici olmayacağıq bu məsələdə. katalizator rolunu oynaya bilərik. təşəbbüs onlardan gələr, azad olandan sonra bizə referendumla qoşularlar. böyük dövlətlərin marağına uyğun gələndə cənubi azərbaycan kartı da aktiv ediləcək. necə ki, bugün qarabağ məsələsinin həlli böyük qüvvələrə sərf edir.
1 2 3 4 5 6 7 8 9 10 11 12 13 14 15 16 17 18 19 20